رواية حين يعشق الفهد الفصل الخامس 5 بقلم نادية محمود
#5
يا دبلة الخطوبة عقبالكوا كلكوا... لبست تونة المجنونة وشبكت الواد بـ هبلها
_جرا اي يـ قطة والا عشان سكتناله دخل بحماره
ميساء بضحك... الله دا أنا هخربها بعد بكرا
_انتي عرفتي ازاي موضوع ليث يـ ميساء
ميساء... بقا تونة صحبتي واختي تخبي عني حبها الكبير ده كله لا وفي اليوم اللي قررتي تعترفي له سكتي وضحيتي بيه عشان سعادته وعشاني
_يعني أنتي مش مضايقه يعني إن ليث...
"قاطعتها ميساء وقالت بتصحيح"
ميساء... لي فكرتي إني عشان قولتلي ووفقت يبقا بحبه تبقي هبله أنا وفقت لما قولتيلي انه بيحبني وأنا قولت لي ارفض هو شخصية محترمه وكويسه وكمان قريبك وقمر😂
_اتلمي يـ بت احسنلك
ميساء بضحك... بتغيري يـ بطه.. يختي كميله
"فتون زقلتها بالمخده في وشها وميساء خبطتها هي كمان وقامت حرب المخدات بينهم وميساء استسلمت وهي تضحك والاتنين فضلوا يضحكوا وبعدين ناموا"
______________
تاني يوم في محل المجوهرات
_الله... الفضه حلوه اوي
ليث... ياماما إحنا جايين نجيب دهبنا عشان الخطوبة يعني دهب مش فضه
_بس أنا عاجبني الفضه
ليث... وأنا قولت دهب
_هزعلك ياااض
ليث بغرور... وريني لو جدعه😏
_مترجعش تعيط
ليث... أنا برضوا اللي بعيط.. هااا
_تعال بقا أنت اللي جبته لنفسك
"هي مسكت ايده عضته وهي مسكها من شعرها وكل واحد يقول لـ التاني سيب وأنا أسيب"
محمد بزهق... بااااس اياك اسمع صوتكوا يـ شوية كلاب
هنجيب دهب
"ليث بصلها كدا وضحك اللي هو انتصر عليها وكمل محمد كلام"
محمد... وهنجيب سلسة فضه
_شالله يخليك للغلابة يارب
«طويل العمر يطول عمره ويزهزه عصره وينصره على من يعاديه هاى هيه»..
ميساء... هاي هيه
"الكل فضل يضحك وليث وفتون أختاروا الدهب وليث أخد الأذن عشان يخرجوا وجاسر طلب من ميساء يقعدوا سوا علي النيل وهي وافقت"
_____________
عند جاسر وميساء
جاسر... بقولك
ميساء... اتفضل
جاسر بتراجع... خلاص مكنتش حاجه مهمه
ميساء... يـ واد.. بس أنا عايزه اعرف برضوا
جاسر بتوتر... كنت عايز اقولك يعني بصراحه بقا إني بحبك وبحبك من زمان اوي كمان
ميساء بخجل... احم احم
جاسر... أنا عارف إن دا مش وقته وإنك لسه طالعه من علاقة فـ أكيد خايفه عشان مش أعمل زي م ليث عمل بس اللي متعرفيهوش اني بحبك لا بعشقك من وانتي 11سنة يعني عشر سنين بحبك ومخبي جوا قلبي لحد م يجي الوقت المناسب بس لما لقيتك مبسوطة لما ليث خطبك رجعت في قراري بس قلبي فضل يحبك
أنا مش عايزك تحبيني زي م بحبك بس اديني فرصه اقرب منك اديني فرصه عشان مش تضيعي المرداي مني
ميساء بخجل... وأنا موافقة
"جاسر من فرحته حضنها وقام مره واحده"
جاسر بإسراع... طب يلا نروح بسرعه عشان نلحق بليل
ميساء بإستغراب... تلحق اي بليل
جاسر... اجيلكوا عشان اخطبك
"ميساء ضحكت علي جنانه ومشيوا وجاسر عرف الكل وراحوا عند ميساء وحددوا الفرح مع ليث وفتون ونزلوا تاني يوم اختاروا الدهب وتمت خطوبة ليث وجاسر مع بعض والايام عدت والبنات سوا وكل حاجه بيجبوها سوا"
____________
_تعالوا ندخل الاتيلية دا
الموظفة بهيام علي الشباب... تأمروا بـ اي
ليث... محتاجين تصاميم شيك لفساتين زفاف
الموظفة... المحل كله تحت أمرك
_لا ونبي.... عاجبك اوي كده
الموظفة بدون وعي... اوي اوي
_طب تعالي يـ حيلة امك
ميساء... وقعتي ومحدش سمى عليكي.. لا إله إلا الله راحت بدري بدري
"بعد م خرجوا من الاتيليه"
ليث... حرام عليكي
_حرمت عليك عشتك يـ بعيد
"وبعد لف كتير لفت انتباههم فستانين حلوين اوي... فتون اختارت فستان ضيق من الصدر ونازل بنفشه حلوه اوي وميساء اختارت فستان صك لحد الركبه ونازل بعدها بنفشه"
____________
اليوم المنتظر
يوم زفاف ليث و جاسر
"أبو ليث وأمه وأخته رنا ايجوا من لندن علي الفندق اللي حجزوا للفرح والبنات كان عندهم الميكب أرتست والعرسان جهزوا ونزلوا القاعة ينتظروهم ومحمد طلعت لـ فتون وباسها من مقدمة رأسها وأخدها عشان يسلمها لعريسها وأبو ميساء كذلك وكان ليث واقف علي أخر السلم من جهة اليمين وجاسر من جهة اليسار"
"ليث استلم فتون من محمد وأخدها بالحضن وباس راسها و جاسر استلم ميساء وباس ايدها وراسها... واشتغلت الموسيقي"
جاسر... يا أنا يا مفيش أصلي معنديش في الحب هزار
يا أنا يا بلاش ومتحسبهاش مفيهاش أعذار
ليث... أنا اللي أقول فين وامتى وأنا اللي أختار
لو حد نداك اعمل مش سامع برضاك
أنا قولت كلامي ودا نظامي ومش باقي كلام
ميساء... أجمل إحساس في الكون إنك تعشق بجنون وده حالي معاك
خلتني أعيش أيام مليانة بشوق وغرام دوبني هواك
فتون... يا ويلي يا ناري قل لي إزاي أداري
شوقي ولهفة قلبي في قربك حتى وإحنا سوا
بتنور سنيني وبيكبر حنيني
قرب مني تعالى في حضني وإملى حياتي هوى
"كل واحد شال عروسته ولف بيها تحت إبتسامة وخجل البنات"
ياسر... ألف مبروك يـ ليث ألف مبروك يـ فتون
ألف مبروك يـ جاسر
ياسر... بما إنك يعني أخدت عروستي فـ الله يخليك لو تعرف القمر دي ممكن تكلملي باباها..(كان بيشاور علي رنا)
ليث بضحك... شكلك مش ناوي تجبها لبر
جاسر بضحك... شكله حالف ميطلع برا عيلتنا😂
"الكل ضحك عليه"
_يلا ناخد سلفيييييي
"محمد وأبو ليث وامه قعدوا علي الكرسي ووقف فوق محمد فتون وليث وجمبه جاسر وميساء وجمبها ابوها وجمب فتون من الناحية التانية رنا وجمبها ياسر ووو كله يقول بطييييخ"
يتبع....
#حين_يعشق_الفهد
#نادية_محمود
