رواية محكمة الاسرة الفصل الخامس 5 بقلم رقيه محمد
البارت الخامس 💙
#محكمه_الاسره
_ قوم اغسل سنانك يلا وصلي ويلا نرتب الشقه
" طيب ما اشمعني هما ميرتبوش !
_ احنا يوم وهما يوم
" طيب ، هو بابا مسألش عليا ؟
بصيت عليه بحزن : سأل ، وانا طمنته عليك.
" ماشي ، هنروح لدكتور عادل النهارده
_بقيت بتحب تروحله يعني اهو
" ايوه بيحبني اوي ، كمان بيجبلي حاجات حلوه كتير ، وبيفضل يقولي إني اسمع كلامك وأننا احبك ، بس انا اصلا بحبك.
_ دكتور عادل قالك كل ده ؟
" امم ، انا هقوم اصلي
_ طيب يا حبيبي بسرعه .
مشي خطوتين وبعد كده رجع لف وشه ليا
وقرب خطوتين الي رجعهم
باس ايدي وراسي وجري بسرعه
اتنفست براحه اني قدرت اصلحله حاجات مقدرتش أصلحها لنفسي ، كنت متضايقه إن الذكري دي مش هتتشاال من دماغه ، حتي ولو ملينا دماغه بذكريات افضل ، حتي لو !
خلصت الجامعه بسرعه وخدت احمد من الحضانه وروحت بسرعه علي العياده
دخلت بتوتر
_ بعتذر يا دكتور عادل علي التأخير ، كان عندي محاضره النهارده طويله
اتكلم وهو باصص علي احمد بسعاده : ولا يهمك ، اهلا اهلا يا بطل تعالي يا حبيبي .
" جبتلي الشوكولاته الي قولتليي عليها ؟؟
بصله بضحك: مش بتنسي انت ابدا اي حاجه
" عشان مسك قالتلي اي حد عملي حاجه حلوه منسهاش أبدا ، واي حد آذاني أو عملي حاجه وحشه منسهاش برضو أبدا ، والي عملي حاجه حلوه هيجي فـ يوم واردهاله احسن ، والي عملي حاجه وحشه هيجي في يوم برضو بس مش انا الي هأذيه ربنا هو الي هياخدلي حقي منه بأضعاف الاذي الي اذاهولي
بصله بذهول وانا واقفه في منتهي الحرج وعايزه اروح اديله قلمين بسبب أنه فتان
حاول يستوعب الكلام وابتسم بعدها وراح عند التلاجه الصغيره الي في ركن بعيد من اوضه الكشف وطلع منها كذا نوع شيكولاته واداهمله بحب
_ متشكره جداً يا دكتور ، يلا يا احمد
" بس انا عايز اقعد مع عادل
بصيتله بعصبيه : تعالي يا احمد ، اي عادل دي ، اسمه دكتور عادل ، نراعي احترامنا
: بس انا الي قلتله يقولي يا عادل بدون القاب
بصيتله بيأس : دكتور ، انا مش عايزاه يتعود أنه يقول لاي حد كبير بأسمه كده بدون ألقاب
_ بس انا مش حد ، انا صاحبه ، صح يا احمد
جري احمد من جمبي : صح يا عادل
بصتله بتبريقه وانا بقوله : طيب يلا كفايه كده تعالي معايا
" اجي فين ؟ انا هقعد هنا
_ يلا يا احمد ورانا شغل كتير تعالى
: سيبيه يا مسك ، هيقعد معايا هنا بهدوء متقلقيش
بصيت بيأس وخرجت
بدأت ادخل اول مريض
خبطت بهدوء : دكتور ادخل اول مـ.... ، اي ده ؟؟
بصيت بصدمه لما لقيت عادل قاعد علي الارض بيلعب مع أحمد وصوت ضحكهم بيعلي
قام بحرج اول ما سمع صوتي : كنت بلعب معااه
بصيت بعدم تصديق : اا اول اول مريض هدخله
وهو بيعدل هدومه : تمام اتفضلي
عدي تقريباً ساعتين وانا بشتغل لحد ما لقيت راجل شكله غريب وشه نصه مش*وه ، حط أيده في جيبه وخرج سك*ينه وجه عليا
بصيت بخضه و..
بقلمي رقــيــ ـه مــحـمـ ـد 💙
#محكمه_الاسره
