رواية حكاية سارة الفصل الخامس 5 بقلم اروي اسماعيل
كنت في حيرة ازاي عم حسام ليه سلطة عليه اكتر من ابوه و ازاي هيرضى يساعدني و ينصفني على ابن اخوه بس قررت اني اروحله مع والدي حتى لو في اخر الدنيا عشان هوة الوحيد اللي ممكن ينقذ ابني منه.
علي: ايه ي سارة لسة مصممة تروحي لعم حسام متأكدة انه هيساعدك ي بنتي انا قلقان.
سارة: إن شاء الله ي بابا يساعدني انا معنديش حل تاني انت شايف عمايل حسام بنفسك و محدش قادر عليه.
بعد محاولات اني أقنع بابا اني اروح لعم حسام وافق و روحنا انا و هو كنت مترددة شوية من مقابلته و اني احكي ليه عن اللي حصل لحد ما بابا قال: بصي ي بنتي احنا قطعنا مشوار طويل عشان نوصل هنا مش هنرجع بإذن الله غير مجبورين الخاطر.
كنت محاول اتمالك اعصابي على قد ما اقدر لحد ما الباب اتفتح و لقينا شخص غريب حاسة اني عرفاه و اني شوفته قبل كدة سألته بفضول: مين حضرتك انا حاسة انه احنا اتقبلنا قبل كدة.
لقيت رد عليا و كأنه يعرفني من زمان و قال: ي بنتي انا ابو حسام الحاج خالد.
كنت في صدمة ازاي الاقيه هنا هوة مش ده المفروض اللي اتجوز البت الصغيرة و هرب ازاي هوة هنا لقيته قطع حبل افكاري و بيقول: انا عارف انه انتي مستغربة ازاي انا هنا و بعمل ايه بس قبل ما اقولك تعالي ادخلي الأول.
دخلت البيت و قعدت انا و والدي لقيته بيقوله: ي استاذ خالد ابنك مش متربي و ميعرفش حاجه عن الاصول معلش يعني.
الحاج خالد: معلش ليه حضرتك معاك حق انا اللي غلطان لما روحت اتجوزت واحدة قد عيالي و سبته مع امه و هو لقت كل تصرفاتي و امي عاملت امه ازاي انا عارف كل حاجه و عارف ي سارة انك اتظلمتي منه و عارف انك مستغربة ازاي عارف اسمك بس ي بنتي انا دايما كنت معاكوا خطوة بخطوة و اخويا عبدالرحمن جاي دلوقتي و هيساعدك متقلقيش.
كنت طايرة من الفرحة اول ما سمعت انه فعلا عمه هيساعدني و لقيت بابا بيقول: شوفتي ي بنتي مش قولتلك كل حاجه هتتحسن و قطع كلامنا عم حسام بيقول: ايه ي اخويا سارة جت
روحت رديت: ااه ي عمي لسة واصلة من شوية كنت محتاجة حضرتك تيجى معايا القاهرة و تتصرف مع حسام
عبدالرحمن: طبعا ي بنتي هاجي معندناش رجالة بتستقوا على حريمها يلا بينا انا جاهز.
بصيت لوالدي بإبتسامة و روحنا انا و هو و الحاج عبدالرحمن ل بيت حسام و لقيته في البيت الحمدلله مش في الشغل و اول ما شاف عمه لقيته بيقول: ايه المفاجأة الحلوة دي ي عمي وحشتني اوي مقولتش ليه انه انت جاي كنت عملتلك اكل و ظبطت البيت.
عبدالرحمن: ملوش لزوم ي حسام انا مش جاي أضايف انا جاي اعاتب.
حسام بذهول: تعاتب ليه بس ي عمي انا عملت ايه ضايقك مني ي حبيبي انت عارف انت غالي عندي قد ايه.
عبدالرحمن: لو كنت غالي عندك مكنتش خليت سمعتنا في الارض تهزأ مراتك و تجيب البوليس ل الاستاذ علي انت غبي ي حسام دي مش تربيتي ليكي.
حسام بعصبية: هوة انتي اللي جبتيه ي سارة بس برضوا مش هناولك اللي بالك هتنزلي الولد يعني هتنزليه.
عبدالرحمن: انا اللي بكلم ي استاذ حسام مش هيا مش عايز تتحمل المسؤلية طلقها لكن تنزيل طفل مش هيحصل فاهم طلقها و الا......
