.jpeg)
رواية احببت شخصيتها الفصل السابع 7 بقلم رحمه محمد
البارت السابع من #احببت_شخصيتها
اخيرا فوقتي ده انا قلبي وجعني عليكي اوي ي عيوني
اول ما افتكرت عائشه اللي حصل قالت لي مالك بدموع
مالك طلقني
اتكلم مالك بانفعال
اي يعني اي اطلقك ديه اسكتي ي عائشه
اتكلمت عائشه بترجي وخوف
لو سمحت ي مالك صدقتني ده لمصلحتك عمي مش هيسيبك
وانا مش هستحمل يحصلك حاجه ف عشان كده طلقني وسيبني
مسك مالك ايديها وقال
وانا استحاله اسيبك ده انتي ملكتي روحي في حد يسيب روحه وانا مستعد اواجه عمك واقف في وشه
بس ي مالك ا
هشش نامي دلوقتي انتي لسه خارجه من العمليات ومحتاجه راحه
طب انا عاوزه اشوف ماما
حاضر هخرج وهناديها
...................
في مكان اخر عند عاصم
انت ازاييي تسيبه كده ي بابا
اهدي ي علي انا اكيد مش هسيبه وهق، تله بس انا مستغرب انت ليه ملهوف كده علي عائشه انت مش كنت رافضها
اتكلم علي بخبث وقال
الاول كانت مسترجله ومفيش كلب يقدر يبوص في خلقتها
دلوقتي اتحولت خالص مع ان جمالها عادي بس عيونها الزتوني دوبوني
وعجبتني وانا اللي بيعجبني مش بسيبه
وبعدين انا اولا بيها من الغريب ولا انت اي رايك
ضحك عاصم بخبث وقال
طبعا ي ابني انت اولا
الواد اللي اسمه مالك ده احنا لازم نربيه
سيبهولي بس فتره كده وهجيبه تحت رجلك
نرجع بقا عند مالك (حبيبي ده الصراحه 😌)
الو ي مالك عامل اي ي ابني في قضيه والمفروض كنت انت اللي هتمسكها وانت مش موجود خالص بقالك فتره مختفي فينك ي صحبي
مش كويس خالص ي سليم
اتكلم سليم بخوف علي صاحب عمره
ليه مالك فيك اي اجيلك انت فين
اتكلم مالك بحزن باين في نبره صوته
انا في المستشفي مع مراتي ا
قاطعه سليم بسخريه وضحك
ههههههه ي راجل اتنيل مرات مين ديه
ولا انت شوفت واحده وبتعاكسها وخلاص اعتبرتها مراتك ههههههه
اتكلم مالك بانفعال وغضب
بسسسس انت عبيط ولا اي بقولك مراتي انا اتجوزت
سليم بعدم تصديق وهزار
انت بتتكلم جد ي مالك
عملتها ي ندل واتجوزت من غير ما ابقي موجود فعلا الضربه مبتجيش غير من اقرب الناس ليك اتفوخص علي الصحاب
الصحاب في اجازه فعلا
اغلق مالك الخط في وجهه سليم فهو يتالم وبشده علي حبيبه قلبه وصديقه يمرح ويضحك
وبعتله رساله بيقوله فيها انه يقابله في المكان"""""""" وهو هيفهمه كل حاجه وهدده انو لو شافه بيضحك هيد، فنه مكانه
دخل مالك عند عائشه وكان موجود معاها في الاوضه امها وامه واخته وكانت دنيا بتحكي لعائشه مواقف مضحكه عشان تحاول تنسيها اللي حصل
وعائشه كانت بتضحك بس من جواها الم كبير اوي
قال مالك لعائشه ولكل اللي موجودين انه وراه مشوار هيروحه وهيجي تاني
عائشه قالتله
متتأخرش وخلي بالك من نفسك
ابتسم مالك وخرج
وصل عند صحبه وقعدوا وحكاله كل حاجه من اول ما شافها لحد ما اتجوزها وحصل اللي حصل
كل ده يحصل ومتقوليش
ما انت لو كنت باقي علي العشره كنت قولتلي
سليم بالله عليك انا مش ناقص
خلاص ي صحبي
طب هتعمل اي في عمها وابن******علي
اتكلم مالك بخبث
عائشه تبقي كويسه بس وهقلبها مجزره
اوبااااا شكلك هترجع لايام الشقاوه تاني ي هولاكو انت
هههههه بالظبط
مر شهر وكلا من علي و مالك محدش عمل للتاني حاجه
وعائشه خرجت من المستشفي وبقت بصحه عال العال
انا هروح ي عائشه سلام بقا جوزي زمانه واقف تحت
سلام ي دنيا سلميلي علي طنط مرڤت اوي
من عنيا ي قلبي
نزلت دنيا وقابلت مالك علي السلم
راحه فين ي دنيا
هروح ي حبيبي عماد لسه رانن عليا وقال انو هيجي زمانه تحت
استني طيب هنزل معاكي لحد ما يجي نزلوا تحت وقال لها
وشكرا بجد انك بتيجي لعائشه كل يوم عشان تقعدي معاها وتسليها
عائشه بجد طيبه اوي وانا خلاص اعتبرتها اختي
ربنا يسعدكوا سوا ي رب
عماد جيه اهو
نزل عماد وسلم علي مالك وخد مراته ومشي
طلع مالك بيت حماته
ودخل عند عائشه بعد ما رحبت بيه جميله
ازيك ي عائشتي بقيتي عامله اي دلوقتي
اتكلمت عائشه بمرح
الحمدلله ي مالك بقيت زيي الفل ي حبيبي
يا اي؟! قولي تاني كده
لا خلاص هي بتطلع مره واحده
عشان خاطري عاوز اسمعها تاني
تؤتؤ نو نو خلاص
تأفأف مالك وقال لها
طب اعملي حسابك الفرح هيبقي يوم الجمعه اشطا
بالسرعه ديه
حضرتك احنا بقالنا شهر كاتبين كتب الكتاب عاوز اخدك معايا بيتنا الجديد بقا
اشطا
مالك هو انا قولتلك قبل كده اني بحبك
نعم قولتي اي عنيا
قولتلك الكلام بيطلع مره واحده
ي عائشتي بقا يعني ديه اهم كلمه قوليها تاني بقا بالله عليكي
بحبك خلاص اسكت بقا
مش بتقوليها بنفس
اتكلمت بجد بكل حب
بحبك ي مالك روحي
مسك ايديها وقال
وانا بعشقكك ي عائشتي
وانتهي اليوم علي كده
وعلي لسه مخططش لحاجه لمالك لانو كان مسافر بقاله فتره عشان بيتفق علي صفقه وحتي مخلاش عاصم ابوه يتحرك
لانو هو اللي عاوز يخطط لمالك بمزاج
المهم مرت الايام بسرعه البرق وجيه يوم الفرح وعملوا فراحهم قدام المنطقه كلها وعائشه كانت معروفه انها تبقي بنت اخت جميله وجميله اصلا معندهاش اخوات غير اخوها وده مات اصلا بس طبعا ديه كانت خطتهم زي ما احنا كنا عارفيين عشان يدفنوا عائش
اتفاجت عائشه انو مالك طلع شاري ليها بيت جديد في عماره ومكان بعيد عن بيتها
وفرحت اوي
انا فرحانه بجد اوي ي مالك كان امبارح يوم تحفه وشوفت اهل المنطقه كانوا فرحانيين ازايي
ههههه ايوه كانوا فرحانيين اوي
بس مقولتليش رايك في الرقص بتاعي بالعصايه زي الصعايده
كان هايل ي مالك روحي هايل
يخربيت اللقب الجامد ده بدوب كل ما بسمعه منك
طب كل ياله بسرعه
هخرجك بليل اي رايك
اشطا جوزي توب التوب
في المساء خرجوا واتعشوا ولقوا سليم جايي يرخم عليهم بعد ما عرف من مالك مكانهم وجيه يقعد معاهم علي البحر
(ديه البست فريند لما اتجوز)
وكان سليم قاعد معاهم
ومالك كان بيقول لي عائشه
انو خلاص هيروح يجبلها بوكيه ورد
لانها شافت بنوته ماسكه بوكيه ورد ف هتموت وتجيبه
ولسه مالك بيقوم عشان يروح يجبلها الورد لقا شباب كتير نازلين من العربيه وبيسحبوا مالك وسليم معاهم وبيمشوا
بتنادي عائشه عليه بصوت عالي وبتقول
ي مالك ي مالك استنا الورد مش هتجبلي بوكيه ورد
........ يتبع
وصلوا علي شفيعكم يوم القيامه
بقلمي: رحمه محمد
