.jpeg)
ملكت النادر الفصل السابع بقلم حياة الكيوت
الفصل السابع
بلسم : كوثر!!!!!
كوثر : عيب عليك كوثر حاف كده ده حتى انا امك
بلسم : انتي ولا امي ولا حاجه انتي واحدة ابويا دخلها لحياتنا وطلعك منها الحمدلله
كوثر : ده اللي يسمعك يقول امك الحنينة المسكينة ده انتي بنت الرقا"صة نادين اللي قت" لها جوزها لما شافها بتخونه مع صاحب عمره
بلسم ببرود : انتي عايزة ايه دلوقتي بعدين انتي مش كان محكوم عليكي مؤبد ايه اللي جابك اوعي تكوني هربتي تاني
كوثر : ايوة
بلسم : ايييييه حتصل أبلغ الشرطة وبتمسك تلفونها
مليكة بتيجي من وراها وبتخبطها في دماغها
مليكة : هنعمل ايه دلوقتي
كوثر ببرود: في ايه
مليكة بصدمة من برودها : في البنت دي اللي حتفضحنا
كوثر بابتسامه : بالعكس هتساعدنا لما تعرف.....................
مليكة بصدمة من شر المراة اللي معاها : ده انتي دماغك س"م
كوثر ومليكة بيضحكوا ضحكة شريرة بصوت عالي
نادر بيروح محل مجوهرات وبيشتري خاتم وهو حاطط في دماغه انه خلاص بكرة هيصارحها وبيرجع البيت
نادر وهو بيتقلب في السرير مش عارف ينام من تفكيره فيها : اااااه يا بلسم عملتي فيا ايه بس هانت بكرة وبيغمض عيونه بفرحة
في الصباح
نادر بجدية وخوف وحماس بسرعة وهو بيبص الناحية التانية :ماما انا قررت اتجوز والمرة دي متأكد من اختياري واني بحبها بجد وانتوا كلكم تعرفوا ابوها ومش متأكد إذا تعرفو..
ابو مليكة بمقاطعة : ربنا يعوضك كل الخير يا عمي احنا كنا حاسين بس خلاص اتاكدنا دلوقتي لما اتكلمت وانت تستاهل واحدة كويسة وانا شايف انها كويسة " ابو مليكة وأمها وأخواتها بقوا عايشين مع نادر عشان خايفين من رجالة ظافر وابوه يعملوا فيهم حاجه بعد ما ظافر اتسجن "
نادر بخجل : ايه مفضوح اوي كده يا عمي
ابومليكة بضحك : اوي اوي مفضوحين انتوا الاتنين
نادر باستغراب من وين بيعرفوا بلسم بس مركزش اوي وقال بحماس وفرحة : يعني هي برضو بتحبني
ابو مليكة : اه
وبيطلع الخاتم اللي جابه من جيبه عشان يوريه لأمه وبيمسك الخاتم بيوديه ناحية أمه وبينزل على الأرض قدام أمه عشان مفيش مكان يقعد فيه
ام نادر بتحط ايديها على كتف ولاء اللي قاعدة. جنبها بمرح : ايه بس الاول نشوف رأي العروسة وبتخبطها في كتفها
ولاء اخت مليكة بتنزل وشها بكسوف : موافقة
نادر باستغراب : موافقة على ايه؟؟!
ولاء بكسوف وحماس : اتجوزك وبتمد ايديها عشان يلبسها الخاتم
ام نادر : يلا يا نادر لبسها مش وقت كسوفك
نادر بصدمة : اييييييييييييييييييييه بس
