رواية جحيمي الابدي الفصل الثاني بقلم نور رافت

 

جحيمى الابدى الفصل الثاني بقلم نور رافت

الفصل الثاني

بااااااك 

 فى صباح يوم جديد استيقظت منه واخدت شاور وادت فرضها .

 ‏منه ..صباح الخير يا احلى بابا فى الدنيا وقبلت يداه .

 ‏الاب .صباح الخير يا بنتى.

 ‏محمد .وانا مفيش صباح الخير يا منونتى .

 ‏

 ‏منه.طبعا صباح الخير يا احلى اخ فى الدنيا .

 ‏الام..منه يا بنتى تعالى خدى الفطار يلا حطيه على السفره .

 ‏

 ‏منه ..حاضر يا ماما جايه اهو .وذهبت منه وساعدت والدتها .وتناولت أفطارها ثم غادرت إلى. كليتها .كانت فى ذالك الوقت فى السنه الثالثه من كليه الطب تخصص جراحه .

 ‏ذهبت منه إلى. جامعتها وكانت منه من أكثر الطلاب تفوقا وكانت تحصل على المرتبه الاولى دائما فى جامعه الطب فى محافظه اسيوط .

وفى يوم من الايام .كانت منه فى الجامعه حين رن هاتفها. 

منه .الوو يا بابا .

الاب بحزن .منه مامتك عملت حادث واحنا دلوقتى فى مستشفى .....

منه .بصدمه ازاى انا جايه بسرعه .

ذهبت منه ووجدت والدها خارج حجره العمليات واخاها الصغير .

منه بدموع .ازاى حصل كدا ازاى يا بابا 

الاب. يا بنتى هى خرجت تشترى من السوق وفجاه وهى بتقطع الطريق فى عربيه خبتطها .

منه .. لا ماما اكيد هتبقى كويسه مش هيجرالها حاجه انا متاكده .

وبعد فتره خرج الطبيب.

البقاء لله .

وقع الخبر على منه كالصاعقة ولم ترى حوالها وفجاه سقطت على الأرض .

بعد عدت ساعات استيقظت منه فى حجره فى المستشفى وتذكرت وفاه امها وظلت تصرخ وتبكي .

الاب بانكسار..اهدى يا منه ادعيلها بالرحمه يا بنتى .

منه ..يا بابا مش مستوعبه أنها سابتنى يا بابا .

محمد ..بحزن وانا كمان يا منه مش قادره استحمل بس ماما اكيد فى الجنه دلوقتى .

الاب. صح مامتك كانت انسانه طيبه وربنا يرحمها يلا علشان نحضر لمراسم الدفن يا بنتى ..

منه بكسره وحزن .حاضر يا بابا .

خرج كل من الاب ومنه ومحمد .وقاموا بإجراء مراسم الدفن لوالدتهم .

وعادوا إلى المنزل. 

دخلت منه الى غرفتها تبكى بحرقه امسكت صورت والدتها. 

ليه حصل كدا يا ماما ليه سبتينى انا مش عارفه هعيش ازاى من غيرك يا ماما انتى كنتى صحبتى وسندى ليه كدا يا ربى 😭 وظلت تبكى وقامت توضئت ودعت لوالدتها .

عند الاب . يا ام. محمد سبتينى ومشيتى ليه مقدرش من غيرك .كنت اتمنى يبقى يومى قبل يومك .بس القدر .واوعدك أن ههتم باولادنا وهربيهم احسن تربيه .ربنا يرحمك ويغفر لك .

عند محمد .ليه يا امى سبتينى هتوحشينى قوى وانتى بتضربينى وتهزرى معايا .هدعيلك دايما واوعدك انى ههتم ياختى وبابا .ربنا يرحمك 

بعد مرور عده اشهر قرر الأب أن ينتقل إلى القاهره هو وأبنائه .لعدم مقدرته على العيش هكذا بدون زوجته وزكرياتها فى المنزل .وانتقلت منه إلى جامعه القاهره .

انتقلت العائله إلى. منزل بسيط فى أحد العمارات .

وبدأوا من جديد وانتقل محمد إلى كليته أيضا كليه هندسه فى السنه الاولى له ومنه فى السنه الرابعه فى كليه الطب .

.......

فى فيلا خالد الألفى يترأس المائده الاب خالد وبجانبه الام والابن احمد والابنه منى .

الاب ..اخبارك يا احمد فى الكليه يابنى.

احمد ..الحمد لله يا بابا .

الام .تعرف يا خالد انو طلع المركز الأول على الجامعه كلها .كليه الطب .

خالد. مبروك يا ابنى دايما كدا علشان تدير بعدى المستشفيات تبع عيله الألفى .

احمد .باذن الله يا بابا 

خالد.وانتى يا منى عامله اى يا بنتى .

منى. الحمد لله يا بابا قبلت فى كليه الهندسه وباذن الله لما الدراسه تبدا .

الام ..يارب دايما متفوقين كدا يا اولادى يارب .

خالد. امين .انا خارج رايح المستشفى. .

بعد مرور بضعت اشهر بدأت الدراسه وسجلت منه فى جامعه الطب فى القاهره وكذلك محمد فى هندسه .

فى صباح يوم جديد .استيقظت منه وادت فرضها وارتدت ملابسها المكونه من ديريس. وحجاب ومن ثم ذهبت لتناول الإفطار 

منه صباح الخير يا بابا .

الاب صباح الخير يا بنتى يلا تعالى جهزت الفطار افطرى وامشى على الجامعه بس الاول روحى صحى محمد نايم جوا زى الميت .

منه..ههه حاضر ثم ذهبت لتيقظ محمد .

منه ...ياااااااالااا يا محمممممااااد 

محمد ..اعوز بالله اى فى اى مين مات .

وقد انهارت منه فى الضحك .قوم يا فقرى مين مات قال طب اتبشر بالخير .بومه .

محمد ..يا بت انتى هتجاطينى حد يصحى حد كدا روحى مش وشى .

منه ...طب قوم افطر علشان منتاخرش على اول يوم ليك .

محمد ..حاضر اهو قائم .ثم استيقظت وادى فرضه وارتدا ملابسه ونزل .

محمد ..صباح الخير يا بابا

الاب .صباح الخير يابنى ساعه علشان نصحيك يا كسول انت .

محمد..ههه معلش يا بابا بقاا 

منه ..طب يا جماعه انا خلصت فطار. ونازله الجامعه .

الاب ..خدى يا بنتى الفلوس دى .

منه . شكرا يا بابا ثم قبلت يديه وغادرت وكذلك محمد .

ذهبت منه إلى الجامعه ولكنها كانت متوتره فهى لا تعلم شئ عن هذه الجامعه واول مره تدخل جامعه القاهره ولكن امتلكت الشجاعه وسمت الله ودخلت. 

وفجاه منه وهى داخله الجامعه تتفاجأ بعربيه احدث موديل مرت من جمبها ومنه وقعت .وفجاه نزل من السياره شاب وبنت

احمد ..انتى هبله ازاى تطلعى قدامى جايه تموتى تحت عربيتى .انتى متعرفيش انا مين 

هند .. خلاص يا بيبى متزعلش نفسك جاهله سيبها بقا ويلا ندخل المحاضره .

احمد ..يلا يا بيبى فعلا جاهله .

منه... استنى حضرتك .اولا انا مش جاهله .ثانيه انت مين ولا مين انا وانت زى بعض سواسيه كاسنان المشط بس الفرق التقوى وانا شايفه نفسى احسن منك بكتير .

.ثالثا ملكش الحق انك تغلط فيا وانا مش هردلك الشتيمه دى لأن الجاهل فعلا هو ال بيشتم زى حضرتك ويعمل على غيرو انو سيدو ربنا يهديك انت والبيبى بتعتك .ثم غادرت بكل ثقه وقوه .

احمد بصدمه ..ازاى دى تتكلم معايا كدا ازاى بس البت قويه واول مره بت تتحدانى كدا وتقف فى وشى بس انا هوريها انا مين كويس .

هند ..سيبك بس منها وانا هعلمها ازاى تتكلم مع الأعلى منها كويس هى شكلها جديده هنا ومتعرفش مين انت يلا يا مودى ندخل المحاضره .

احمد ..يلا يا قلبى.

دخل كل من هند وأحمد.المحاضره وجلسو ثم دخل الدكتور .ثم دخلت بعده منه .

الدكتوره ..انسه اتفضلى اطلعى محدش يدخل بعدى.

منه..اسفه يا دكتور حضرتك بس انا لسه جديده واتاخرت علشان كنت بعمل ورق يخص الجامعه .

الدكتور. ماشى بس اخر مره اتفضلى .اتجهت منه وجلست وبدأت المحاضره .

الدكتوره ..محاضرتنا انهاردة هتكون عن جراحه القلب.

اى تكوين القلب يا شباب .

منه..حضرتك القلب بيتكون من جزئين الاذين والبطين بينقسموا لاذين ايمن وأيسر وبطين ايمن ايسر .وبيقسمهم صمامات الصمام المترالى والصمام ذو الثلاث شرفات .وبيتصل بالقلب الشريان الاورطى ال بيوزع الدم لجميع اجزاء الجسم .

الدكتور .احسنتى يا اسمك اى.

منه ..منه يا دكتور .

الدكتور.احسنتى يا منه باين عليكى متفوقه .

منه..الحمد لله حاصله على المركز الأول على الجامعتى.

احمد.. ازاى الاول وانا المركز الأول .

منه .لم تعيره اى انتباه .حضرتك يا دكتور انا قلت انى جديده انا كنت بدرس فى جامعة أسيوط وطول التلت سنين الحمد لله كنت يحصل على المركز الأول .

الدكتور بإعجاب .ما شاء الله انا اعرف ان جامعه اسيوط بتخرج عضماء بجد برافو عليكى .

منه باحترام ..شكرا لحضرتك ثم جلست. 

وجلس احمد يأكله الغيط منها .

هند ..اهدا يا احمد مش دى ال تخليك تتغاظ كدا انا هوريها .

احمد بخبث .ايوه كدا يا قلبى .

انتهت المحاضره وذهب منه الى الكافتيريا .

.......

عند محمد ذهب إلى الجامعه وفى طريقه الدخول اصتدم بفتاه .

الفتاه .اى انت اهبل مش بتشوف .

محمد..انسه احترمى نفسك اى اهبل دى .

الفتاه ..وكمان قليل ذوق اوعى من وشى ثم تركته وغارت .

محمد.اى البت دى ربنا يهدى .

ثم دخل إلى المحاضره ويتفاجا بها معه فى القاعه .

وللاسف لم يجد مكان وذهب للجلوس بجانبها.

منى. اى الواد البارد دا جاى يتلزق فيا انا مش ناقصه .

محمد ..ربنا يعدى المحاضره على. خير بدل ما ارتكب جريمه.

منى ..جريمت اى يا بابا انت متعرفش انا مين انا منى الألفى يعنى فى ثانيه انسفك.

محمد.ههههه ضحكتبنى طب اتكلمى على قدك يا حلوه 

الدكتوره ..انت وهيا. اخرجوا لبرا.

محمد ..وربنا فقريه وخرج .

منى..من أولتها طرد منك لله يا اخى.

ثم خرجت وكذلك محمد..

محمد.يا ربى طلعتى منين البت دى .

منى .من وراه بت لما تبتك انا ليا اسم .اسمى منى الألفى .

محمد باستهزار. .الألفى ولا الشرس هههههههه 

منى بغيط رخم وتركته ومشت .

وذهبت إلى الكافتيريا وهو كذلك ..

اعرفوا بهند...خطيبت احمد من عيله غنيه طبعا متكبره جدا وبتحب الفلوس كتير والشياكه وطبعا بتحب احمد لفلوسو اتخطبت لاحمد لأنها بنت صاحب بباه .

منى ..اخت احمد بنت جميله جدا متحجبه عيونها خضراء وذات بشره بيضاء وجميله جدا .اخذت ملامحها من والدتها .

محمد ..اخو منه شاب جميل ذو جسم رياضى وطله ساحره يمتلك عيون عسليه مثل منه ذو بشره بيضاء أيضا وشعر كثيف واسود اللون .

الفصل الثالث من هنا

تعديل المقال