حب يعذب ويلذذ الفصل الاول بقلم اية محمد البدري
الفصل الاول
اي ده اي ده في اي اي الجنان ده
مين ؟
نعم في اي يا حازم هو اي الي مين ؟
الي شاغلك و بترفضيني علشانه
برفضك اي يا بني انت مجنون انا معرفش اصلا انك معجب بيا
لا والهي تصدقي مصدقتش يا نغم
عنك ما صدقت بعدين الي قلة الادب دي انت ازاي تمسكني كده و تتجرأ تتكلم معايا كده
اصلي جبت اخري يا انسه احنا في رابعه و انا من تانيه بحاول اتعرف عليكي
استغفر الله ارحمني يا رب بص يا بابا انا مش بتاعت صحوبيه و نتعرف نتكلم و شغل الهطل ده
كادت تمشي لكنه دفعها امامه علي الجدار مره اخري
صرخت بتألم و لكنه لم يهتم ليكمل في غضبه : بالظبط و انا صدقت علي طلامك و اتقدمتلك بدل المره تلاته و اخرهم امبارح
اي الهبل ده انا معرفش اصلا ان في عرسان بتجيلي اكيد بابا بيرفضك من بره بره
لانت ملامحه و لهجته : يعني انتي موافقه
ايدك يالا انت هتخيب ولا اي ؛ انا بس بقول اني معرفش انت بتتكلم عن اي لكن مش موافقه يعني بعدين اكيد لو بيرفضوك هما اكيد ليهم اسباب لده
زي اي يعني منشبهش نناسب المهندسين
تخيل مثلا اكيد شايفينك عيل و معايا في الجامعه و جاي تستظرف
محدش بيستظرف تلت مرات علي مرور سنه يا نغم هما شكلهم حجزينك لحد
بص انا معرفش عن اي بتتكلم انت بس انا كده كده مش حاطه الجواز في دماغي غير بعد الجامعه احسن انهم رفضوا و بعدين سنه و متقدم تلت مرات اما ولا مره كلمتني و لا لمحتلي بده
اه علشان تاكليني قلم تاني في نص المحاضره
انت الي كنت وقح و قولت كلام وحش و كنت بتعاكسني اصلا
بالله ما معاكسه كان غزل بس انتي الي حماره مش بتفهمي فضحتيني في الكليه و عملتيلي مشكله مع الدكتور رأفت منك لله خلتيه يسقطني سنتها و كنت هعيد بسببك
اديك معدتش يا حازم ؛ بعد اذنك بقي انا اتأخرت علي الاتوبيس
هتروحي معايا
طلعت روحك ليه كنت خطيبتك ولا مراتك اوعي من خلقتي انت نرفزتني اصلا
اومال لو مكناش جيران
يا نهار ابيض كمان طلعنا جيران
طبعاً مانتي نايمه في العسل و انا الي دورت علي بيتك و الي بالصدفه علي بعد تلت شوارع من بيتي
يا سلام انا ولا مره شوفتك في منطقتي
حوش البت بتنزل اوي كتك وكسه ده الواحد كان بيبات تحت بيتك علشان يشوفك صدفه في الاجازه
كادت تبتسم لكنها تمالكت شفتيها سرعا
اضحكي اوي مهو ناس بتتعذب في الحب و ناس تانيه بتتلذذ
رن هاتفها
انتي فين الاتوبيس مشي و انتي لسه مجتيش
اقفلي يا وعد انا هخادها مواصلات
نظرت له و هي تضع هاتفها داخل حقيبتها و ذهبت
--------------
في اليوم التالي
--------------
لا انت اتجننت بجد يكون في علمك يا حازم انا لو سكتلك مره مش هسكت كل مره و لو اتعادت هتلاقي القلم بيرن علي وشك تاني فاهم
كلمتي ابوكي
اه و قالي محدش جالي
و النعمه كداب وجهيني بيه الراجل الكداب ده
كداب في عينك ما تلم نفسك يا حازم ده ابويا
ماشي يا ستي ؛ بس علي فكره هو
..خلاص متبصيش كده ؛ طب اجي النهارده اتقدم
هو اي ده انت مفكر اي مفكر اني كلمت ابويا علشان موافقه ولا اكون موافقه حوش يا واد عيونك الزرقا ولا شعرك الاصفر الي هيوقعني واقفه عليك
اه اه و حوش عربيتك المرسيدس و حوش فلوسك الي بتنقط ما انتوا وقت الجد بتظهروا علي حقيقتكم و مش بتفكروا في الاصل
و اي الاصل
الشهامه الرجوله
و دول عندك يا حازم ده انت زانقني وسط الشجر شبه الصيع
زنقك هو انا كنت بتلزق فيكي دلوقت دنا بتكلم معاكي
يا ريت متتكلمش تاني علشان مرنكش علقه تحلف بيها الي بقالك في الجامعه مشي دنيتك بقي
استني استني
يا خير
هو مش البتاع ده شفاف حبه
و انت مالك يا انسان يا بارد بتبصلي ليه أصلا
طب و النعمه شفاف حتي الي تحته ازرق
كانت نظراته وقحه ففي النهايه رجل هو و هي مبتغاه
اندهشت هي و صفعته بخفه و هربت من امامه بينما هو ظل يراقف طيفها و هو يتفحص وجهه بعد صفعتها بضيق
... داخل القاعه خرجت وعد بعدما بعثت لها نغم رساله
وعد امام باب حمامات الكليه : بتعملي اي يا نغم هنا
زفرت نغم بضيق : هعمل اي يعني في الحمام بقولك بوصي كده البتاع ده شفاف
نظرتها وعد بقوه : اه الي يدقق و يبص كويس يشوف لابسه تحته ازرق
جعدت نغم ملامحها بخنقه و ضيق : اه يا ختي ازرق طب بقولك شوفيلي جاكت مع اي واحده
وعد بتلقائيه : حاضر بس يلا علشان المحاضره
نغم برفض : لا مش خارجه
رفعت وعد حاجها بغرابه : هتباتي في الحمام
نغم بضيق : اه يا وعد اطلعي بقي
--------------
لحظات و انتهي المحاضره التانيه لتجد باب الحمام يدق فتفتحه
--------------
نغم بصدمه : هو انت
مد حازم يده لها بجاكيت جنس : امسكي
نظرت للجاكيت بأستحقار : و ده اي
حازم بهدوء : جاكيت اصل اكيد صحابك مش جدعين شبه صحابي و هيضحوا بجمالهم و لبسهم علشانك
نغم بعناد و تكبر : يا سلام ؛ تسلم يا اخ انا خليت وعد تشوفلي جاكيت
حازم بغضب : يا بنتي انتي العناد ده كنتي بترضعيه امسكي الجاكيت صحابك اتجدعنوا و جابولك جاكيت سبيلي ده في الحمام و ابقي اخدوا مجبوش ابقي البسيه و ابقي اخدوا برضوا
وضعت نغم يدها عند صدرها : برضوا لأ مش واخده حاجه منك
نظر لها حازم من اسفل لأعلي : يعني هتمشي بالمنظر ده
كانت مغيره طريقة حجابها ليسدل علي جسدها مغطي علي شعرها بأكمله الذي ظهر لونه اسفل هذا الرداء الشفاف
نغم بحقن : مالك
حازم بنفاذ صبر : مليش بس اكيد مش هتمشي بشفاف ولا ب خمار امي الي عملاه بالطرحه ده ... الجاكيت عندك و انتي حره هتأخر على المحاضره كتك مصيبه يا بعيده
--------------
تركها و ذهب لتأتي صديقتها
--------------
وعد بأستغراب : كان بيعمل اي ده
نغم بضيق : فين الجاكيت
وعد و قد لاحظت الجاكيت معلق علي الباب : محدش معاه و الي معاها لابسه تحته عريان هيروحوا عري علشان خاطرك يعني. بعدين اي الي ع الباب ده مهو جاكيت اهو يا نغم
نغم بعند : لا ده ...
قاطعتها وعد بضجر : بتاعه يا ستي البسيه اكيد مش هتمشي بحجاب امي لما بتنزل الفرن الصبح ده
امسكت نغم بطرف الطرحه : وحش ده زي الخمار
وعد : خمار اي اتهببي ده انتي شعرك باين حتي لفاه بتوكه زرقا هو انتي لابسه كله ازرق حوش يا بت درجاتك النهائيه الي هنحسدك عليها.
امسكت نغم الجاكيت منها بغضب : حاتي الجاكيت يا وعد و غوري من خلقتي
خرجوا من ممر الحمامات ليتلاقوا به و هو يدخل هو و صديقه القاعه
وكز رامز صديقه : بس الجاكيت حلو عليها
رمقه حازم بنظره مخيفه بطرف عينه : رامز خف تعوم متتكلمش كتير و استعوض ربنا فيه
رامز بوقاحه : يا عم حلال عليها الجاكيت و صاحب الجاكيت
امسكه حازم من ملابسه بعنف و قربه له : نعم يا خويا
ارتدع رامز من هيئته : قصدي صاحب صاحب الجاكيت يا بني متفهمنيش صح
تركه حازم و هو يدفعه بخفه : ادخل يا رامز و عدي يومك
--------------
بعد المحاضره
--------------
خرج الجميع ليسمعوا الفتيات تتحاكي عن _ سامح الصاوي _
نغم بأستغراب : وعد مين ده
شهقة وعد بدهشه : متعرفيهوش ده الالفا في كليه فنون قسم الفاشون التلت سنين و بقي بيشتغل في شركه ملابس و ماركه الدهشاني و من سنه باين و هيعمل اول عرض ليه قريب و عاوز وشوش جديده يعني علشان التكلفه و علشان الوجوه الجديده و كده
نظرت نغم له بأستحقار : اممم استغلال يعني
وعد ببلا مبالاه : بقولك هروح اجيب مايه
--------------
اقترب لمنها سامح و اعطي لها ورقة ترشيح
نظرت نغم للبطاقه بأستحقار : لا مش عاوزه
سامح ببرود : براحتك بس خلي الورقه تقدري متجيش
امسكت نغم بالورقه : اشمعنا يعني طلاما مش عاوزه بتدهالي ليه
سامح بهدوء : ببساطه انا المفروض اوزع ورق الترشيح علي عدد معين العدد جه مجاش الاختبار ده قراره بس انا بختار الي يصلح للعرض .
نغم بتقزز بسبب الصوره الخاطئه التي رسمتها مسبقاً في مخيلتها : اه و الي تصلح دي بقي مواصفاتها اي
ابتسم سامح بتلقائية علي تلميحها : يا انسه انا المواصفات الي بختار علي اساسها مطلوبه من الشركه مش علي مزاجي يعني
نغم بأبتسامه مزيفه : برضوا اعتذر انا مش هخلع الحجاب
سامح بتعجب من كمية هجومها : اساسا الماركه الي تابع ليها ماركه للمحجبات يعني مش محتاجه تخلعي حجابك و انا مختارتش ولا بنت غير محجبه او حتي حاطه مكياج عن اذنك بقي علشان اوزع باقي البطايق
تركها و تقدم خطوتين للأمام ليسمع
... استاذ سامح استاذ سامح
استدار سامح نحو الصوت : ايوا اتفضلي
ابتسمت قائله بغرور : انا مرام السباعي ؛ ممكن بطاقه انا حلمي اكون عارضه ازياء
نظر لشعرها الذي يتطاير حولها و اردف بأسف علي حالها : اسف دي ماركه للمحجبات بس
كاد يمشي حتي اوقفته مره اخري : انا ممكن البس حجاب
سامح بأدب : حضرتك اسمك اي
مرام ببصيص امل : مرام مرام السباعي
سامح بهدوء : انسه مرام اظنك لازم تراجي علاقتك بنفسك قبل ربنا انتي كده مش بتضحكي علينا ولا بتضحكي علي ربنا بس لأ كمان علي نفسك ربنا يهدي عن اذنك
مرام بقرف : هو اي اصله ده في داهيه
--------------
علي بعد خطوات
--------------
وعد : اي ده هو اختارك
نغم بعدم اهتمام : اه خديها مش عاوزاها
وعد : لا ياختي انا مش محجبه ما انتي عارفه
القتها نغم بعدم اهتمام و اكملت طريقها مع صديقتها
نغم : انا زهقت تعالي نخرج قبل ما نروح
وعد : يا نهاري انتي انحرفتي امتي يا نغم
انحرفت يالي تتشكي اخلصي هتيجي نخرج و نرجع مواصلات ولا نكمل محاضرات و نرجع اتوبيس
وعد بتراجع : لا المواصلات حلوه يلا
--------------
بعد يومين
--------------
وعد : شوفتي الواد وحيد المسيري
نغم : مين ده
وعد : ده ابن المسيري عيلة المحامين
نغم بتهكم : اه اي عنده قضيه
وعد : هه خفه عيد ميلاده بكره بيقول انه هيعملها في قاعه و عازم اغلب الجامعه
نغم : اغلب الجامعه طب قولي كليته بس
وعد : لأ والهي عازم من الجامعه هو و اكيد مش كله هيجي
نغم بأستغراب : طب يعني بقالنا كتير في الجامعه اي عيد ميلاده الي مسمعناش عنه قبل كده
وعد : اصله هيعلن خطوبته ببنت الحلال
نغم : اوو ايوا اي الفكره برضوا
وعد : هو عاوز يعملها دخله يا ستي و يا بخت من في ايده يعمل لحبيبته من التراب الماس
نغم :ربنا يهني سعيد بسعيده
--------------
في كلية حقوق
--------------
في اي يا زين خضتني
وحشتيني
اتلم يا زين ؛ احنا في المدرج
بقولك يا مريم انا اهلي سافروا و ...
و اي يا زين
ما نتجوز يا بنت الحلال بدل شغل التشويق الي احنا فيه ده
اه و اي تاني منا سمعت الكلام ده كتير
سلمي قولت بدل المره مليون انا مش هعرف اجي اشبك حد دلوقت
و انا مش طالبه حاجه اصلا يا زين ده هي دبله دبله و كلمه مع ابويا صعبه
مين يوافق بدبله دلوقت يا مريم
اهلي انا هقف لبابا و هوافق بس انت تعالي و ماما عارفه و هتقف جنبي
اه و الدبله مين هيجبها اه حتي الدبله مش هعرف ادبر فلوسها
مش مشكلتي بقالنا سنتين علي الحال ده بسببك مش بسببي
تعالي هنا رايحه فين
خلصت محضارتي و مروحه
في محاضرتين
مش هحضرهم
طب فكري تاني احنا هنتجوز عند مأذون يعني شرعي انا مش طالبك في الحرام
منغير علم اهلي يبقي حرام و علي الله تتكلم معايا تاني في القصه دي و اقولك بقي كانت ساعه هباب ساعة ما اعترفتلك ان انا كمان بحبك و من النهارده تنسي خالص انك تكلمني سامع
انتي كده بتيجي عليا اوي يا سلمي ؛ و انتي عارفه غرضي كويس و الله عاوزك في الحلال بس فكره خطوبه و اني اكلم ابوكي مش هتنفع دلوقت خالص
يبقي انساني يا ابن الحلال و متعذبنيش معاك اكتر من كده
دخلت مريم لمحاضرتها و هي تجفف دموعها
همست مريم لنفسها : استغفر الله العظيم انا اي الي دخلني دلوقت مش كنت هروح منك لله يا زين مخلتش فيا عقل
تهامست احداهم عن مريم في المدرج جوارها : مالها مريم بتعيط ليه سلمي
سلمي ببلا مبالاه : يعني هيبقي ليه اكيد بسبب زين
اي ده هو فيه حاجه بينهم
و مين ميعرفش ان في حاجه بينهم يا بنتي ده هي السبب انه يدخل حقوق اصلا
ليه يعني
هو اي الي ليه ده جايب ٩٧% يعني كان يلحق طب بس علشان هي ملحقتش غير حقوق حول علشانها شوفتي الحب
مايسه : طب اتكتمي علشان الحب وصل
نظرت سلمي بترقب لهذا الوسيم الذي دخل الي القاعه بملابس رسميه و خطوات ثابته و استشعرت هذه الرائحه العطره الذي رافقة دخوله
سلمي : زيد مس ناوي تحس بيا يا أبن الهواري
________________
تعريف الابطال حسب الظهور
--------------
نغم فتحي الانصاري + كلية أداب قسم علم نفس + 21
من عائلة متوسطة الحال من المنصوره
--------------
حازم السراجي + كلية أداب قسم علم نفس +21
من عائله ذات حاله اجتماعيه جيده من المنصوره
--------------
وعد ناصر الله الطحاوي + كلية أداب قسم علم نفس+21
من عائلة متوسطة الحال من المنصوره جارة نغم
--------------
رامز فوزي الصاوي +كلية أدا قسم علم نفس +21
سامح شوقي الصاوي +كلية فنون تطبيقيه قسم فاشون +23
من عائله متوسطة الحال انهم اخوه سنعلم مع الاحداث
--------------
مرام علي السباعي +كليه أداب قسم تاريخ + 21
من عائلة متوسطة الحال من الزقازيق تمكث في منزل للمغتربات
--------------
زين سعد رسلان + كلية حقوق +22
من عائلة متوسطة الحال من الفيوم يمكث في منزل من منازل عمه في المنصوره
--------------
مريم عيسي الزيات + كليه حقوق + 21
من عائله متوسطه الحال من المنصوره
--------------
سلمي كامل الدسوقي + كلية حقوق +22
من عائلة متوسطة الحال كان موطنها هو المنصوره و لكن رحل والديها الي بورسعيد بعد ان لحقت بجامعه المنصوره
--------------
مايسه عماد الجندي + كلية حقوق + 24
من عائلة ذات حاله اجتماعيه جيده تأجر منزل والديها كسكن للمغتربات
--------------
دكتور رأفت الهلالي + كلية أداب + في عقده الرابع
لكي يصلك البارت فور نزوله اكتب في بحث جوجل رواية حب يعذب ويلذذ عشاق الرويات وستصلك الرواية كاملة
لمتابعة باقي الرواية زوروا قناتنا على التليجرام من هنا
جاري كتابه الفصل الجديد للروايه حصريا لعالم عشاق الرويات اترك تعليق ليصلك كل جديد أو عاود زيارتنا الليله
