.jpeg)
أمل شيخ الصعيد الفصل الثالث بقلم لؤلؤة الصعيد
الفصل الثالث
بعد صلاة العشاء كانت اتجمعوا الرجال من العائلتين في بيت العمده وكبير البلد المجاوره وبعض الرجال الشهود على الإتفاق
عارف / أنا عارف كويس يا عمده إن أخوكم بنداري العلاقه مابينكم مقطوعه من فتره كبيره بعد موت بنته وعلشان ملكومش ذنب باللي عمله ابن أخوكم هناخد قرار محايد عشان منفتحش على نفسنا بحر د'م مش هيخلص
العمده / ايه هو القرار يا شيخ الصعيد
عارف / هيكون بينا نسب راجلين من عندينا هياخدوا بنتين من بناتكم وراجلين من عنديكم هياخدوا بنتين من بناتنا وتتركولنا أمر سرور ولد بنداري عشان تارنا مهنسيبوش
العمده بص لأخوه شيخ المسجد وبص لإبنه وابن أخوه وهما هزوله راسهم بمعنى موافقين / موافقين يا شيخ الصعيد
كبير قنا / يبقى اتفقنا يا جماعه عارف يتجوز بت العمده وراغب يتجوز بت الشيخ عبدالقادر وساجد ولد العمده يتجوز أخت الشيخ عارف وحامد ولد الشيخ عبدالقادر يتجوز أخت راغب والشيخ عارف حر التصرف في سرور ولد بنداري
الكل وافق على اللي اتقال وانفضت القاعده
راغب / روح انت يا عارف وأنا ورايا مشوار
عارف / ماشي بس متتأخرش
راغب / حاضر
ومشي راغب وعارف كمل طريقه لحد ما قاطعت طريقه واحده منتقبه ولابسه ملث اسود مش باين منها حاجه
الست / عاوزاك تنجدني يا شيخ الصعيد جوزي بيضيع وبيتي هيخرب
عارف / فيكي ايه يا ست اتكلمي بهدوء واللي ربنا عاوزه يكون
الست / بنت العمده ياشيخ الصعيد بتحوم حوالين جوزي وعاوزه تخرب بيتي وهددتني تقت'لني لو فتحت بؤي وقولت على اللي شوفته بعيوني أكمنها بنت العمده يعني تيجي على الغلبان
عارف / وانتي شوفتي ايه
الست / شوفتها وهي بتشتري س'م قبل مو'ت بنت عمها بيوم
