.jpeg)
ورده وسط شوك الفصل الثاني بقلم ريتاج محمد
الفصل الثاني
التاني
براء بتوتر :لا عادي ولا يهمك بس بس
عدي باستغراب:بس اي
براء وهي بتفرك في ايدها باحراج:احم يعني هو انا كدة حعمل الانتر فيو ولا لا
عدي :امم مش عارف بس انتي جيتي متأخر لان الإعلان الي نزل في ناس كتير جت وقدمت واتقبلت وكمل وهو بيهرش في شعرو من ورا باحراج مش عارف صراحة في مكان ليكي ولا لا بس ...امم هاتي كدة السي في بتاعك
مدتلة ايدها بالسي في
اخدو منها وبص في بانبهار من موهلاتها
العالية وقال :انتي معاكي ٧ لغات
براء بخجل :امم معايا ألماني وفرنساوي وايطالي واسباني وصيني وروسي وتركي
عدي بجدية :هايل جدا
بصي انتي مؤهلاتك عالية جدا وانا هيبقى ليا الشرف ان انتي تشتغلي معانا
براء بابتسامة رقيقة وخجل:شكرا جدا حضرتك متعرفش انا كنت محتاجة الشغل دا ازاي
وفجاءة عينها دمعت
قعدت ترمش كذا مرة عشان الدموع تروح
وهو عمل نفسة مش واخد باله عشان ميحرجهاش
وحب يغير الموضوع
:احمم تمام اتفضلي معايا علشان تمضي العقود ومن بكرة تيجي الشغل والمرتب انشاء اللة هيبقى ٧٥٠٠ عشان لسة مبتداة وكدة وان شاء اللة
كل ما مدة عملك تكتر كل ما المرتب بيكبر
وسعات الشغل هتبقى ١٠ساعات في اليوم والشغل هيبقى من تسعة الصبح لسبعة المغرب
عندك مشكلة في المرتب أو أي حاجة
براء مضت العقود معاة وروحت مشي وهي بتدعي
من كل قلبها يحنن قلب أبوها عليها هي وامها
وبتقول في سرها (لو بس كنت خدتني معاك يامراد انا وماما مكنتش هشوف كل دة ولا ولا هي ) (مراد دا يبقى ابن خالتها واخوها في الرضاعة لان امة ماتت وهي بتولدة وفنفس الوقت كانت بردو امها حامل في اخت ليها كانت اكبر منها وولدت مامتها في نفس الوقت الي ولدت في اختها بس يشاء القدر ان البنت دي تموت بعد ولادتها باسبوع فاخدت مراد وربتة وبعديها بتلت سنين ولدت براء فربتهم هما الاتنين مع بعض عشان يبقوا سند لبعض )ومن غير متحس دموعها نزلت
مسحتها بسرعة وراحت على البيت دخلت
واول لما دخلت لقت قلم على وشها
اتكلمت بدموع:هو هو انا عملت اي
الاب واسمة سليم :هوششششش مسمعش صوت امك الي يارب تموت واخلص منها
واتكلم وهو بيلف الحزام على ايدو:قوليلي بقى اتقبلتي في الشغل ولا لا
مرات أبوها واسمها حميدة بغل :اكيد لا يعني
براء بخوف:ات قببلت
الاب بقسوة:امم اتقبلتي واتخرتي لية بقى على كدة
براء.برعشة :كك كنت وخداها مشي
الاب بقسوة: وخداها مشي اةة بس الكلام دة مش عليا ياروح امك ونزل فيها ضرب من غير سبب
وهي خلاص كانت تكة وهيغمي عليها
سابها وهو خارج وتف عليها وقال:ياريتك كنتي موتي قبل متيجي عالدنيا كتك الارف انتي ومك اهو هخلص منها عبال مخلص منك يارب
وخرج وهي حاولت تقوم بكل قوتها
ودخلت أخدت شور وجابت تلج تحطة عالتوريم الي على وشها عشان تعرف تروح الشغل
وصلت الي عليها وعملت أكل ونامت
وصحيت تاني يوم على جردل ماية متلجة
هي بخضة :هييي اي في اي
حميدة بقسوة :قومي يختي عشان تروحي الشغل الساعة بقت ستة
ولا هو اكل ومرعى وقلة صنعة واتلكمت بكيد:بس ونبي قبل متروحي الشغل لا تروقي الشقة وتغسلي الطبقين الي في الحوض اكمن بقى انا حامل والحركة غلط عليا
منتي عارفة بقى هاجبلة الولد الي امك ماجبتوش
قامت وهيا تعبانة وروقت ودمعتها نازلة عشان عارفة اي الي هيحصل كالعادة
خلصت ودخلت خدت
شاور ولبست عشان تروح الشغل
ونزلت
..........
في البيت عند حميدة سليم صحي بعد منزلت بنص ساعة وخرج ولقى حميدة بتعمل فطار :امال ست هانم فين ومين الي روق الشقة
حميدة بخبث تعابين ومسكنة:.....
