.jpeg)
حوريتي الفصل الثالث والاخير بقلم إسراء درويش
الفصل الثالث والاخير
آسر:ملامحه اتغيرت وسألني بنبرة حزن
لسة بتحبيه
حور:مش بإيدي يا اسر احمد كان حب عمري ومش هقدر اتعافى منه بسهولة
فارجوك متدخلش في حبي ليه ومتخلنيش اخسرك كاصديق
آسر:انا اسف عن اذنك
حور:انا غبية انا ليه بجرحه كدا هو ده جزاءه هو ده اللى يستاهله مني؟!
حور:اسر
آسر:نعم
حور:انا اسفة
آسر:...........
حور:والله ما كان قصدي اضايقك
آسر:.......
حور:حقك عليا يا اسر والله انا آسفه بس والله غصب عني والله بحاول انساه حقك عليا
آسر:خلاص يا حور انا مش زعلان
حور :بجد
آسر:اه والله بجد
حور:آسر
آسر:يا عذاب قلبه
حور:احممم تعرف انا نفسي في ايه دلوقتي
آسر:اكيد مشبك
حور:انت عرفت منين اني عاوزاه
آسر:انا بفهمك من عيونك يا حور انا حافظك بتفاصيلك
حور:احمم طيب هاتلي بقا
آسر:من عيوني
حور:تسلملي عيونك
_____________________
آسر:حور متقفيش في الشرفة والدنيا بتمطر عشان هتتعبي
حور:لاء انا كويسة وسبني يا آسر عاوزة اتفرج اااتسي
آسر:شوفتي اديكي مرضتي ارتاحتي كدا انتي عنيدة اوي يا حور وديماً بتأذي نفسك وادي حرارتك ارتفعت رضيتي كدا
اخذني بلهفة وخوف ووضعني فوق السرير وفضل جنبي الليل كله يمرضني ويداويني لحد اما بقيت بخير
آسر:بقولك ايه تيجي اخدك البحر
حور:بجد يا آسر
آسر:اه طبعاً يلا حالاً
آسر:2 حمص شام لو سمحت وقلل الشطة
حور:ليه
آسر:عشان بتتعبك يا حور
حور:وانت عرفت منين
آسر:احمم لاء عادي عرفت من اكلك
اخذت الحمص فضلت اتمشى على البحر لحد اما رجلي تعبت من المشي وبعدت عنه فضلت استريح على الرملة وداهمتني الذكريات
فلاش باك
حور:ليه كدا يا أحمد انا عملتلك ايه
أحمد: تصفية حساب كان لازم تتصفى مع ابوكي
حور:طب وانا انا ذنبي ايه
احمد: ذنبك انك بنته وكان لازم يتقهر عليكي
حور:انا حبيتك
احمد: وانا مكرهتش قدك انتي وابوكي
فوقت من ذكرياتي على صوته اللى كله لهفة وخوف وانا المطرة مغرقاني ودموعي مستخبية وسط مطر
آسر:انتي كنتي فين يا حور قلقتيني عليكي
واتبليتي كدا ازاي
يلا بسرعة على العربية قبل ما تمرضي وهنتحاسب في البيت
وبعدها مسمعتش غير صوته وهو بيصرخ باسمي وصحيت في المستشفى
حور:آسر
آسر:احمم الحمد لله على سلامتك يا حور
حور:الله يسلمك
حور:ايه حصل
آسر:مفيش تعبتي شوية وان شاء الله هتكوني كويسة
حور:طي...
آسر:انا هخرج يا حور ولما تحتاجيني نادي عليا
حور:غريبة هو ليه آسر بيعاملني كدا
الممرضة: زوجك بيحبك اوي يا مدام فضل معاكي طول الليل وجنبك بس معلش انا آسفة هو مين أحمد ده اللى انتي مبطلتيش تقولي اسمه
حور:أحمد انا قولت أحمد
آه
حور:غبية بجد غبية
عشان كدا آسر زعلان حقك عليا يا اسر والله ما كنت اقصد اجرحك كدا
خرجت من المستشفى ومن يومها وآسر متغير مبقيتش بشوفه غير على النوم بقا باهت ولحيته طولت مبقاش بياكل معايا ولا بيتكلم معايا ولا حتى بشوفه
وحشني آسر صاحبي اللى كان مقاسمني الحياة آسر المرح البشوش انا مخسرتش آسر بس انا خسرت روحي معاه
____________________
آسر:حور
آسر:بلهفة نعم
آسر:البسي عشان رايحين فرح
حور:بجد طيب ثواني
لبست وجهزت وروحنا
احمد: حور..
آسر:احمد.....
بصيت على اسر لاقيت عيونه حمرا وجسمه بيتنفض
مسكت ايده وضغطت عليها واتلفيت......
حور:مدام حور آسر الشربيني يا أستاذ احمد
احمد: مدام؟!
انا كنت جاي اعتذرلك عن اللى عملته يا حور وعاوز نرجع
فجاة لاقيته واقع على الارض وبيتألم من لكمة آسر اللى وقعته على الارض
حور:آسر اهدى مش كدا ده ك لب ولا يسوى ميستاهلش تتعصب عشانه يلا نمشي يلا
آسر:اخذتيني ليه خوفتي عليه؟!
حور:اخاف على مين ما في ستين داهية تاخده انا خوفت عليك انت
آسر:طب...
نور: آسري ازيك
حور:ازيك يا حبيبتي معلش الباشمهندس آسر مبيسلمش على نساء ودي حاجة انتي عرفاه ولا ايه
نور: اه بس مش بيسلم بالايد بس..
حور:لا مبسش مبيسلمش خالص ولا باللمس ولا بالبوج
حور:آسي ايه ده ان شاء الله
بطل ضحك وقولي ألا مين العسل؟!
آسر:نور بنت خالتي
حور:حصلنا القرف قصدي الشرف ومالها داخلة بعشم كدا
آسر:عادي هي كانت بتسلم عادي
حور:هو ايه اللى عادي ده انت كمان
نور:مالك يا اسورة انت واقف بعيد ليه
آسر:اص.....
حور:اصله واقف مع مراته اللى هي انا يا نور
نور:طب تعالى يا آسر عشان ماما عوزاك
حور:يارب الصبر
خالته: اازيك يا اسر مالك يا حبيبي خاسس كدا ليه ايه مراتك بتأكلك ايه
آسر:ولا خاسس ولا حاجه يا خالتو وحور اكلها جميل ما شاء الله
نور:فعلاً مش باين
حور:وابينلك ازاي اجبلك حلة محشي في الشنطة وانا جاية ولا ايه
آسر:ههههه عسل عسل حور مراتي تم. وت في الهزار عن اذنك يا خالتو
آسر:انتي بتعاملي نور كدا ليه
حور:مبحبهاش يا اسر لله في لله وروحني بقا من هنا لهعمل جريمة
نور:آسري
حور:لاء مبدهاش بقا هي اللى جابته لنفسها
شبكت ايدي في ايده واتلفتلها
حور:جرا ايه يا حبيبتي انتي ماشية ورا جوزي كدا ليه ماقولتلك ما بيكلمش ستات غيري هي لازقة وبعدين آسرك ايه ده آسري انا وبس ده بتاعي انا وبس فاهمة وامشي من هنا بقا لاجيبك من شعرك
وانت بتضحك على ايه انت كمان انت عاجبك اللى بتعمله ده
انت صاحبي انا وبس و جوزي انا لوحدي يا آسر فاهم انت آسري انا وبس وملكي انا وبس وحبيبي انا وبس
خلصت كلامي وانا قلبي بيطلع وينزل وجسمي بيتنفض من العصبية
آسر:انتي قولتي ايه
حور:انت بتاعي وحبيبي يا آسر
آسر:يا هنا آسر وسعادة آسر وفرحة قلب آسر ومُنى قلب آسر اللى اتحقق
وانا بحبك يا حور بحبك من اول يوم شوفتك بيبي فيه وانتي دخلتي قلبي فضلت محاوط عليكي لحد لما كبرنا وبقا بينا حدود فضلت ادعي بيكي ليل نهار لحد اما قلبك اختار غيري وقتها قلبي وقف وروحي اتسحبت متخيلتش ان حد ممكن ياخدك مني بعد لما حبي ليكي كبر معاكي يوم بيوم فجأة لاقيتك لغيري ما فوقتش غير وهو بيطلقك وقتها مكنتش عارف انا فرحان ولا حزين فرحان ان بقا عندي امل تكوني ليا ولا حزين انك مكسورة ومصدقتش نفسي لما اتقدمتلك وعمي وافق كنت طاير من الفرحة انا اتحملت كتير واتحملت حبك ليه وانا راضي بوجودك جنبي تحت اي مسمى
آسر:انا بحبك يا حور ومحبتش غيرك
حور:وانا بحبك يا آسري بحبك يا بن العم
انتهت احداث الروايه نتمني أن تكون قد نالت اعجابكم شكرا لزيارتكم عالم عشاق الروايات
