رواية حكايات سنفورة الفصل السادس 6 بقلم روان الحاكم
انت!
_انتِ تاني انا مش قولت مش عايز اشوف وشك هنا تاني؟
_ليييث صوتك ميعلاش وانا موجوده وبعدين تعرفها منين وبتكلمها بالشكل دا ليه
_هو حضرتك ياحاج تعرفه
_دا ليث ابني
_ايييه دا ابنك انت
_ايوه
_حقيقي مش عارفه اقولك اى يبقى حد زي حضرتك كدا ودا ابنك
_متتكملي عدل يابت انتي متخلنيش اتصعب عليكي
_كلمه كمان ياليث وهنسى انك ابني
وعايز افهم حالا تعرفها منين وبتتكلم معاها كدا ليه
_مفيش ياوالدي كانت واحده مقدمه على وظيفه واترفضت
_ورفضتها ليه
سكت هو ومردش وقبل ما يتكلم اتكملت انا
_مكنتش مناسبه للشغلانه وعن اذنكم بقى عشان همشي
لقيت ليث بصلي ب استغراب وهو مصدوم اني مستغلتش الموقف وحكيت اللي حصل
اتكلم والده
_استني مش هتمشي تعالي معايا الشركه يلا وانا هحكم اذا كنتِ مناسبه او لا
_بس حضرتك..
_انا مبحبش اعيد كلامي قدامي يلا
لقيت ليث بيبصلي بغضب ونظراته كأنه بيتوعدلي لو وافقت
عديت من قدامه بكل هدوء ودخلت الشركه
لو النظرات كانت بتحرق كنت اتحرقت
_كليتك اى؟
_حاسبات ومعلومات
_وريني ال CF بتاعك
_اتفضل
مسكه مني وقراه فضل شويه وبعدين اتكلم
_ماشاء الله ممتازه وباين عليكي شاطره كمان
واسمك حور كمان اسمى على مسمى فعلا
_شكرا جزاك الله خيرا
_من النهارده انتِ اتقبلتي
بصتله بدموع وانا مش مصدقه
_انا كنت واثقه اني ربنا مش هيضيعني
وحتى لو مكنتش قبلت كنت واثقه انه هيعوضني غيره
شكرا جدا لحضرتك
_ربنا يبارك فيكي يبنتي
_شكرا كدا انا هكون تبع قسم الاستقبال ولا الحسابات
_لا دا ولا دا هتكوني السكرتيره الشخصيه ليا
وبما اني مش باجي كتير وليث هو اللي ماسك الشركه ف هتكوني انتي مساعده ليه
_انا اسفه لحضرتك بس مش موافقه
اتكلم ليث بهدوء بعد ما كان واقف ساكت
_انا اسف ليك يابابا بس المفروض السكرتريه بتاعتي انا اللي اختارها وتكون مناسبه ليا ودي متنفعش خالص
_دي اكتر واحده تنفع انت ناسي طردت اللي قبلها ليه؟
عشان مكنتش امينه ومش هتلاقي واحده امينه اكتر من حور
_وحضرتك تعرفها عشان تثق فيها ولا هي عشان لابسه البتاع اللي على وشها دا تبقى امينه
_انا نظرتي متخبيش فى حد ابدا وانت عارف كدا
_اعمل اللي حضرتك تشوفه مناسب
عن اذنك هروح اكمل شغلي
_حقك عليا يابنتي متزعليش
_لا طبعا حضرتك ملكش ذنب بس انا فعلا مش عايزه الشغلانه دي مش هينفع ودي هتخليني اختلط بالرجال كتير وانا مش حابه
_اى شغل يبنتي هتخطلتي فيه برجاله
بس دا بقى هيرجع لتعاملك انتي لازم تخلي فيه حدود والكلام بالصرورى فقط
_منا عارفه دا بس احنا كلنا بشر وبنغلط وانا عايزه ابعد نفسي عن اى فتن
_يبقى متشتغليش خالص واقعدي فى البيت
_غصب عني محتاجه الشغل جداا ياريت كان ينفع
_بصي ياحور انتي زي بنتي
لو الشغل دا وحش ليكي مكنتش هخليكي تقدمي فيه وبخصوص التعامل ف انتي اى شغل هتلاقي فيه تعامل احفظي انتي نفسك واتعاملي بحدود واللي يذود معاكي اديله على دماغه حتى لو ليث ابني
اما بقى بخصوص ليث ف هو مش وحش زي ما انتي شايفاه وع فكره انا عارف انه مقبلكيش عشان النقاب
بس هو فيه سبب خلاه يعمل كدا هتعرفيه بعدين
كل اللي اقدر اقوهولك حافظي على نفسك وخليكي طول عمرك عفيفه كدا
ومن النهارده هتبدأي شغل
_____
_اى القر'ف اللي انتِ لابساه دا؟
_ماله لبسي؟
_من امتى وانتِ بتلبسي لبس الفلاحين دا
طول عمرك لبسك شيك وجميل ومن اشيك بنات الجامعه
اتكلمت سهير صاحبتنا
_فعلا ياروان اى عبايه ستك اللي لبساها دي
شكلك وحش اوي ولبسك الاول كان جميل
_ايوه بس لبسي كان ضيق وانا حابه ابدا التزم
_يبنتي فين لبسك اللي ضيق دا
روحي شوفي باقى البنات بتلبس اى دلوقتي احنا احسن من غيرهم كتير وكمان لابسين حجاب
احنا ماشيين وسط لا لبسنا وحش اوي ولا حلو اوي
عايزه تلبسي جلاليب زي بتاعه ستي وستك؟
وتسيبي لبسك كله عادي
_حسيتها معاها حق فى كلامها بس مش هضعف بسهوله
رديت عليها وانا بحاول اتناقش براحه
_علياء انا بحاول احسن من لبسي عارفه اني مش شيخه
بس لبسي دا بيجبلي ذنوب كتير
_لا بقى دا باين كدا ابن عمك دا طفح عليكي
ولا يكونش بتعملي كدا عشان تعجبيه ويبصلك
مهو اكيد مش هيبصلك بلبس القديم
_عليياااااء احترمي نفسك وانا غلطانه اني جيت اتكلمت معاكم اساسا
مشيت وسبتهم بعد ما سهير فضلت تنادي عليا كتير
ودخلت المحاضره قعدت على جنب لوحدي وكنت حزينه
كنت منتظره منهم يقولولي إن شكلي حلو
اتقفلت من اللبس اللي انا لابساه وهاين عليا اروح اغير دلوقتي
بس انا صح مش هسمح لحد يحبطني من الاول كدا
_اى دا روان؟
_عمرو؟ خير فيه حاجه
_لا انا بس استغربت اللبس اللي انتي لابساه
_وماله لبسي هو كمان؟
_يعني مش شايفه ماله انا كنت معجب بشياكتك جدا
_وانت ما
كنت لسه هكمل كلامي واخانق فيه لقيت زين دخل
سكت
كان داخل باصص فى الارض اول ما رفع عيونه جات علينا
بص لعمرو جامد
قومت انا من مكاني ورحت قعدت بعيد قبل ما يعمل مشاكل
_السلام عليكم ورحمة الله وبركاته
هنكمل ان شاء الله المحاضره النهارده
كان بيتكلم وكل شويه يبصلي
كنت مستغربه لان زين بطبعه غاضض بصره
حتى فى الشرح مخلي الولاد قدامه عشان عيونه متترفعش على بنت بالغلط
كان كل ما عيونه تقع عليا يتوتر وهو بيشرح
لحد ما الضهر اذن
اتنفس براحه وقال هنصلي الضهر ونرجع نكمل
خرج وهو متعصب وبيضغط على ايده
دخل المسجد واتوضى وصلي ركعتين تحيه المسجد
فضل قاعد لحد الاقامه وهو بيستغفر
غلط
وغلط غلطه كبيره كمان
زين اللي طول عمره غاضض بصره ومش بيرفع عيونه على بنت
اتكلم وهو بيحاول يتحكم فى دموعه
_انت اسف يارب انا عارف اني غلطان انا ضعفت
يارب اغفرلي ذنوبي يارب يارب توب عليا وارحمني
يارب ريح قلبي واعصمني من الفتن
اللهم باعد بيني وبين خطايا كما باعدت بين المشرق والمغرب ونقني من خطايا كما ينقى الثوب الابيض مم الدنس واغسل خطايا بالماء والثلج والبرد
__________
طلعت عشان اصلى الضهر
روحت المسجد هو دا المكان اللي هرتاح فيه
لما دخلت دورت على حور ملقتهاش
لقيت ياسمين دخلت بعد ما دخلت على طول
_روان كويس كنت لسه هرن عليكي
_سبقتك يستي مشوفتش حور
_لا حور راحت تقدم فى شغل النهارده
_بجد ربنا يوفقها
_هنبقى نروح نشوفها لما ترجع ونطمن عليها
_ياريت عشان وحشتني وعايزه اشوفها
_طب يلا نصلي عشان نلحق الدرس
خلصنا صلاه وقعدنا دايره حولين بعض
وكان فيه بنوته هي اللي هتدينا
بدأت تتكلم
_السلام عليكم ورحمة الله وبركاته
ازيكم ياحلوين انا اختكم فى الله خديجه وهديكم الدرس النهارده بدل حور عشان هي مش موجوده
وهنبدا درس النهارده وهنتكلم عن حاجه مهمه جداا وكتير من البنات بيقع فيها وخصوصا الملتزمين
والموضوع عن متابعه الرجال على مواقع التواصل الاجتماعي
" مُتابعة الرجال تلزم الصمت، تلزم الأدب، تلزم التريُّث.
تابعي وكإنك لستِ موجودة، انتفعي دون فِتنة
وإن فُتنتي فالخير في تركِك للصفحة وحظرها.
التعليق الذي ليس له داعي لا يُكتَب، كِتابة التعليق تكون للضرورة فقط كـ سُؤال، استفسار، وإن كان لكِ بديل كإسلام ويب او الإسلام سؤال وجواب أو النساء الصالحات فاسأليه والتزمي الصمت في صفحة الأخ أو الشيخ.
ضعي لايك أزرق في المنشور النّافِع فقط ونيّتك أن ترفعي المنشور لينتفع به غيرك ، إيّاكِ والتفاعُل بـ ريأكت اللاف
في صفحة أيّ صفحة رَجُل.
لا دخل لنا بمناسباتهم الشخصيّة،
لا دخل لنا بحياتهم وأولادهم وصورهم،
لا دخل لنا بمزاحهم مع أصدقائهم.
تأدبن واصمتن.
"الوُرود والقرود ونفع اللّٰهﷻ بك يا شيخ وبجانبها قلب" تُنقِص مِن قدرِك أنتِ، وتُنقِص مِن وقارِك وقبل ذلك لا تُرضي اللّٰهﷻ.
الصفحات مُختلطة والخضوع بالقول يشمل الواقِع المواقِع.
مَن صمت نجا. "
_
لو قولت الكلام دا فى مكان تاني هتلاقي الاغلب شايف كلامي اوفر جدا واني مكبره الموضوع
والحقيقع ان دا بيكون باب لمدخل الشيطان وبدايه فتنه ليكِ وخصوصا البنات الصالحات اللي بتدور على شاب ملتزم
واغلب اللي بينصحوا حاليا شباب
ف انتي تشوفيه شاب كويس وعلى خلق وبينصح
ف تبداي تشوفيه ان هو دا الشخص اللي انا عايزه زيه
ويبدا قلبك الرهيف يتعلق بيه وتبني احلام ورديه فى دماغك لشخص ميعرفش اصلا انك عايشه لحد ما هوب تلاقيه خطب
ف تحزني وتكتئبي وليه اتعلق بيه من الاول
ارجوا من الله يابنات تحافظوا على قلوبكم من الفتنه
هننهي الحلقه ب إن هنختار المره الجايه بنت منكم تبدا تحكي اكتر قصه أثرت فيها او تحكي قصه لنبي من الانبياء عشان نفيد بعض
اقول قولي هذا واستغفر الله لي ولكم
خلصنا وقومت عشان ارجع اكمل محاضراتي
كنت لسه هدخل المدرج ولقيت علياء بتوقفني
_روان استني
_عايزه اى يا علياء
_انا اسفه مكنتش اقصد اقول ليكي كدا
_مش قابله اعتذارك انتي هنتيني جامد وانا مسمحش لحد انه يهيني بكلامه
_خلاص بقى ياروان متكبريش الموضوع
انتي عارفه اني عملت كدا عشان بحبك ويهمني مصلحتك وبعدين لو هتفكري بعقلك انا هيفيدني اى لبسك غير اني عايزاكي تكوني حلوه دايما وشيك
_خلاص ياعلياء حصل خير بس اتمني دا ميتكررش
_ايوه كدا وبالمناسبه بقى احنا عايزين نخرج
هنخرج نروح فين
بصيت بغموض وبإبتسامه شرت وحقد إترسمت على وشها وهي بتتكلم
_هقولك بعد المحاضره هنروح فين
_______
فهمت الشغل والمطلوب مني
ومش فاضل غير اني ادخل اديله الملف
اتنهدت بهدوء وانا بحاول اهدي من نفسي لاى كلام هقوله
انا محتاجه للشغل ومش هلاقي زيه
خبطت على الباب سمحلي بالدخول
دخلت وسبت الباب مقفول
_اقفلي الباب
_مش هينفع اقفله
_ودا ليه ان شاء الله
_عشان دي هتكون خلوه ومينفعش اكون انا وحضرتك فى مكان واحد والباب مقفول
_ههههه والشيطان تالتنا والجو دا
متخافيش مستحيل ابص لوحده زيك
_اتفضل الملف
_اقفلي الباب الاول
_قولت لحضرتك مش هقفله
_ماشي صبرك بقى على اللي هتشوفيه مني
ومتفتكريش عشان مقولتيش لبابا على سبب رفضي ليكي
هتعامل معاكي عادي لا انا فاهم كويس اووي انك عملتي كدا عشان تظهري نفسك ملاك
_بعد اذن حضرتك مش عايزه اتكلم فى اى حاجه بره الشغل
اتنفس بغضب وهو بيحاول يتحكم فى اعصابه
مش مديه فرصه ليه انه يتكلم فى اى حاجه
عايزها تتعصب عايزها تغضب وتزعق وتقوله انها مش كدا وعكس اللي قاله
خد منها الملف كل حاجه مظبوطه كان بيدور على اى غلطه ليها
_تمام كدا
بس خليكي عارفه إن الغلطه عندي بفوره والكل بيتحاسب
_وانا عارفه شغلي عن اذنك بقى عشان هروح
_انا سمحت ليكي تروحي؟
_بس دا ميعاد مرواحي
_انتي هنا السكرتريه بتاعتي يعني متمشيش الا لما انا امشي
_بس..
_مبحبش اعيد كلامي اتفضلي روحي كملي شغل لحد ما انا اسمحلك تروحي
_ماشي
سكت رغم اني مش من طبعي اني اسكت لو معايا الحق
هو هيصمم على رايه
وكلامنا هيكتر ودا مش هسمح بيه
روحت كملت باقى الملفات وهو بحاول انجز عشان مأخرش على بابا ميعاد الدوا بتاعه قرب
بعد ساعه ونص خلصته
خبطت على الباب ودخلت وسبته مفتوح
_السلام عليكم ورحمة الله وبركاتة
انا خلصت حضرتك
_بالسرعه دي
_ليك ان الشغل يكون خلص
_اما اشوف الاول
_اتفضل
_تمام كل حاجه مظبوطه
_اقدر امشي كدا
_هسيبك تمشي عشان بس تلحقي تروحي
الوقت اخر وانتي ممعكيش عربيه وهتتبهدي فى المواصلات والشباب بقى وانتي عارفه
بصلي وهو بيبتسم بخبث
_ولا تحبي اوصلك بعربيتي
بيحاول يهيني بكلامه كل مره بلعن الظروف اللي حطتني فى الموقف دا
_انا محدش يتجرأ يلمسني ولا حد يقدر ييجي جنبي ومش معني اني منتقبه ابقى ضعيفه لا انا اعرف اخلي بالي من نفسي كويس شكرك لحضرتك
خرجت ومدتش ليه فرصه انه يرد
مش عارفه افرح اني اخيرا لقيت شغل مناسب ولا ازعل بسبب الشغل اللي انا بقيت فيه
هستحمل اى حاجه عشان بابا هو تعب عشاني كتير وجه الوقت اللي اردله فيه الجميل
المغرب اذن عليا فى الطريق
حاولت ادور على اى مسجد اصلي فيه ملقتش
كان المفروض استني فى الشركه لما المغرب ياذن واصلي الاول
بعد ساعه كامله مواصلات روحت
كان الجو بدا يضلم اخرت على بابا وزمانه قلق عليا
كنت ماشيه خايفه ومتوتره وحاسه ان فيه شيء مش كويس هيحصل
حاولت اتستغفر واستعيذ بالله من الشيطان
تفائلوا بالخير تجدوه
واخيرا وصلت فتحت الباب وانا بتنهد براحه
دخلت واول ما شوفت المنظر صرخت
#يتبع
#روان_الحاكم
#االبارت_االسادس