رواية ابيض واسود الفصل الثالث 3 بقلم ندي عبد العزيز
البارت التالت
#ابيض واسود
#كتابات
عدا شهر الأمتحانات وجه اخر يوم مراجعه لأخر امتحان
جميله : درسك امتى يا رهف
رهف : هلبس وانزل اهو يا جوجو
جميله : ماشي يا حبيبتي ربنا يوفقك انتش وكل اللي زيك
رهف : يارب ي حبيبتي
لبست رهف وراحت السنتر وخدت الحصه ومستر مالك دخل يودعهم
مالك : هتوحشوني والله يا شباب
الطلاب : وانت كمان والله يا مستر مالك
مالك : عايز أقول لكوا ان انتوا عملتوا اللي عليكوا واجتهدتوا وذاكرتوا وتعبتوا وربنا مش هيضيع تعبكوا ده خلصوا الأمتحان وانسوا كل حاجه اخرجوا والعبوا واعملوا اللي نفسكوا فيه ومتفكروش في النتيجه انت تعبت هتلاقي تعبك واخر حاجه مش عايزكوا تنسوا السنتر ولا تنسوني ابقوا تعالوا كل فتره سلموا علينا هنا هتوحشوني
عدا اخر يوم امتحان وعدا بعديه أسبوع
جميله : ها ي رهف نقول للعريس يجي احنا مأجلين بقالنا كتير
رهف بتنهيدة : ماشي يا جميله خليه يجي مع اني مش عايزه اتجوز
جميله : ياحبيبتي دي سُنة الحياه وانا عايزه افرح بيكي
رهف : اهم حاجه هو عارف اني عندي بهاق
جميله بتوتر : ااااا
رهف : يبقى مش عارف طلاما مردتيش ، امال قولتي انه عارف ليه
جميله : بصراحه انا عشان عارفه انك هترفضي قولت كده بس بالله عليكِ ما تزعلي قابليه بس مش يمكن كويس
رهف : ماشي
جه العريس وأهله
محمود : نورتوا يا جماعه
الأم : البيت منور بوجودكوا
الأم : امال فين عروستنا
محمود : نادي ل رهف يا جميله
جميله : حاضر
دخلت نادت رهف وطلعت رهف بالعصير وأول ما دخلت العريس والأم اتصدموا
الأم : أي ده انتوا مقولتوش ليه انها مبقعه كده أي القرف اللي في وشها ده وكملت ل رهف
وانتِ يا حبيبتي مداريتيش القرف اللي في وشك ده بالميكب ليه
رهف بثبات : اولاً ده مش قرف ثانياً سوري يعني بس هو مال حضرتك اداريه بميكب ولا مداريهوش (افتكرت كلام مالك وهو بيقول انها بسبب البهاق ده مميزه ومختلفه عن باقي الناس ) وبعدين ياطنط اللي في وشي ده مخليني مميزه ومختلفه عن الكل ومش حاجه عيب او حرام ان يكون عندي بهاق واحب أقول ل حضرتك انك تفكيرك رجعي
محمود : من فضلكوا اطلعوا بره معندناش بنات للجواز
الأم : لا واحنا هنموت عليها اوي خليهالكوا يلا يابني
العريس : يلا يا ماما (ابن امه اوي )
جميله بدموع : حقك عيا يا نور عيني انا السبب انا اللي مقولتلهومش من الأول بس انا مكنتش متوقعه ان في حد لسه بالتفكير الرجعي والمتخلف ده
رهف وهي بتحضنها : ياحبيبتي متقوليش كده انتِ مش السبب ولا حاجه هما اللي مبيفكروش اصلاً
محمود : احنا مش هنجوزك انا لسه مشبعتش منك انتِ تخليكِ قاعده معانا
رهف بضحك : ايوه هو ده الكلام ولا بلاش ، ها ي جميلتي عامله اكل أي انا جعانه اوي
جميله : عامله لك سيدة قلبك يختي
رهف بفرح : متقوليش عامله مكرونه بالبشاميل
جميله بضحك : لا وخدي الكبيرة بقا بالفراخ
رهف بفرح : تعيش جميلتي تعيش ، اهو هو ده الكلام مش تقوليلي جواز بلا جواز بلا بتاع
محمود بضحك : طب يلا ناكل عشان انا كمان واقع من الجوع
جميله ورهف : يلا
عدا أسبوعين كمان مابين مناقرة جميله ورهف ومحمود لبعض ورهف عملت بكلام مالك ومحطتش النتيجه في دماغها
رهف بقلق : النتيجه هتبان بكره انا قلقانه اوي
جميله : اهدي يا حبيبتي انتِ عملتي اللي عليكِ سيبي الباقي على ربنا
بعد شويه لقت رهف رساله مبعةتها ليها على صراحه
(يجب ان يكون إحساسك ايجابياً مهما كانت الظروف ، ومهما كانت التحديات ،ومهما كان المؤثر الخارجي .....اتفائلي بالخير تجديه يا قطتي )
رهف بحيره : ياترى مين ده
عدا اليوم والنتيجه طلعت
رهف بصراخ : جميلهه ، محموود ي مامااااا
جم جميله ومحمود بسرعه
جميله : في أي يا رهف حصل أي
رهف بفرحه : 95 % يا جميلتي هتبقوا ام واب الدكتوره
جميله زغرطت ورهف سجدت ومحمود حضنها بفرحه
محمود : مُبارك يا رهفتي مُبارك يا حبيبي
رهف : الله يبارك فيك يا حبيبي
بعد شويه رهف نزلت بوست على الفيسبوك وكتبت انها نجحت وفي نفس الوقت اللي نزلت فيه البوست لقت رساله من صراحه
(مُبارك يا قطتي ، كنت عارف انك قدها وانك هتبقى احلى واجمل دكتورة )
رهف بحيره : عارف ؟؟؟ يعني ده ولد
كده البارت خلص يارب يكون عجبكوا وتوقعاتكوا بقا للأحداث اللي جايه وياترى كده دور مالك خلص ولا لسه ومين اللي بيبعت ل رهف على صراحه ؟؟؟
#NADA ABD ELAZIZ
