رواية عهدي الفصل الرابع 4 بقلم نشوه عادل
- بالفعل دخلوا على غرفة الكاميرات لكنهم اتصدموا لما لقوا الكابل مقطوع قاسم بجنون: انا كنت عارف ان ده هيحصل وواثق ان فيه حد ساعد البت دى ومتأكد انها الولية اللى جوة مش هسيبها هقت.لها
فتحى بغضب وهو بيمسكه من دراعه: انت اتجننت اكيد قولتلك مليون مرة لازم تهدى اعصابك عشان نعرف نتصرف لكن تهورك وغباءك ده هيودينا ف داهية
قاسم: خلاص نبلغ البوليس وهو يلاقيها ويرجعها
فتحى:ولما تروح تبلغ ان شاء الله هتقول ايه اتخطفت من البيت ولا هربت مننا بلاش غباء قولتلك
قاسم: خلاص احنا ناخد الست اللى جوة دى نروقها لحد ما تعترف البت راحت فين
فتحى: مفيش فايدة كأنى بكلم حم.ار
قاسم: خلاص لقيتها هى متعرفش حد الا صاحبتها اللى اسمها شروق دى اكيد عندها
فتحى: ليه انت مفكر انها غبية زيك اكيد عارفة ان اول مكان هندور فيه هو عند شروق
قاسم بنفاذ صبر: اووووف بقا امال هنعمل ايه هنوصلها ازاى ولا هتكون راحت فين داهية؟!
فتحى: الصبر يا ابن نرجس لان اللى هيوصلنا ليها ي شروق ي سوسن واحدة فيهم
قاسم بسرعة: ازاى؟
فتحى: اولا هنراقب كل تحركاتهم وكمان موبايلاتهم لان اكيد البت دى هتحاول تتواصل معاهم فأى رقم هيكلمهم نحدد موقعه ونروح عليه
قاسم: تمام اعتبره حصل
فتحى: بس خلى بالك بلاش تهور وغباء وخصوصاً مع شروق دى لان خطيبها نقيب واخوها رائد انت فاهم
قاسم: فاهم فاهم
فتحى: روح اعمل اللى قولتلك عليه واوعى تعمل اى حاجة من دماغك الا لما ترجعلى بدل ما تودينا ف داهية
عند عهد اللى كانت قاعدة سرحانة ف اوضتها فى معاملة ابراهيم واهله الطيبة وفى نفس الوقت كلام انس كان بيدور فى دماغها وخايفة من رد فعل عمها وابنه وفى وسط تفكيرها قاطعها صوت أية: احم الجميل سرحان ف ايه؟
عهد: ابدا بفكر فى اللى انا فيه يا أية بقولك ايه انا لازم امشى من هنا
آية: تمشى من هنا تروحى ع فين بس هو انتى تعرفى حد عشان تروحيله!
عهد: مش مهم اروح لحد هعتمد ع نفسى انا مش صغيرة واكيد ربنا مش هينسانى
آية: انتى زعلانة من كلام ابيه انس مش كده؟!
عهد بدموع: ابدا هو عنده حق انا ممكن اتسبب ليكم فى مشاكل انتم ف غنى عنها
آية: مفيش مشاكل ولا حاجة يعلم ربنا احنا حبيناكى جدا مع اننا منعرفكيش الا امبارح بس بجد اعتبرناكى واحدة مننا اما بالنسبة لكلام ابيه انس متزعليش منه ع فكرة هو طيب اوى بس بيحلل الامور كتير باعتبار انه محامى وكده
عهد بابتسامة: ده ايه العقل ده كله اللى يشوف تصرفاتك امبارح يقول عليكى مجنونة
آية: احم يا بنتى انا جوايا عقل كبير مبيخرجش كتير عشان ميعقدكوش بس
لاحظت عهد الدبلة بايد أية فقالت: ايه ده انتى مخطوبة؟! آية :يوووه انتى لسه هتتفاجئى ايوة يا سيتى مخطوبة بقالى تلات شهور لهاشم ابن عمى
عهد بغمزة: ويا ترى بقا خطوبة اهالى ولا حب؟
آية: لا حب طبعا ده حب عمرى من طفولتى وانا بحبه واوى كمان بس كان دايما مصدر ليا الوش الخشب لحد ما اتفاجئت بيهم بيقولوا جايلك عريس ولازم تقابليه بينى وبينك قعدت اعيط وكنت ناوية اطفشه لحد ما شوفت هاشم وهو بيقولى انا كمان بحبك واكتر بكتير من حبك ليا بس كنت عاوز لما اقولها ليكى اقولها ف الحلال
عهد: ياربى ع الجمال ربنا يسعدكم يارب والفرح امتى بقا؟
آية: لما اتخرج ان شاء الله يعنى لسه سنة ونص قاعدة ع قلبك هنا
عهد: قصدك ف قلبى
رن هاتف أية وكان هاشم بيكلمها فيديو كول قامت اية بسرعة ولبست طرحة وفتحت
آية: ازيك يا اتش طمنى عليك وصلت بالسلامة
هاشم: اه ي حبيبى الحمدلله الجماعة عاملين ايه؟
آية بدموع: كلهم بخير
هاشم باستغراب: فى ايه عيونك مدمعة ليه انتى كويسة؟
آية: اه الحمدلله بس زعلانة عشان انت سافرت ومش هشوفك
هاشم بضحك: مش هتشوفينى ازاى ما انا بكلمك اهو ي بنتى فيديو يعنى هتزهقى منى
آية: ده انا ازهق من نفسى ولا ازهق منك يا روحى
عهد: احم احم نحن هنا يا حاجة راعى شعورى طيب
ضحكت أية وقالت: انتى لسه هنا هش يلا اتكلى ع الله شوفى حاجة اعمليها ولا اقولك اجرى تيتة بتنده عليكى
عهد: امممم بتطرقينى يعنى ماشى يا سيتى
آية:كلك نظر ي حب نردها ليكى فى الافراح ان شاء الله
خرجت عهد وقفلت الباب وراها ولقت ابراهيم واقف ومكنتش لابسة طرحة فبسرعة شدتها ولبستها لكن ابراهيم كان واقف متنح ع جمالها
عهد بخجل: خير يا دكتور فيه حاجة؟
ابراهيم باحراج: احم لا ده انا بس كنت جاى اطمن ع تيتة واشوفكم لو محتاجين حاجة
عهد: سلامتك ي دكتور
ابراهيم: ليه دكتور انا اسمى ابراهيم ع فكرة
عهد: ولو انه صعب يعنى بس ماشى يا ...
ابراهيم: يا ايه؟
عهد: يا ابراهيم
ابراهيم بابتسامة: جدعة استأذن انا بقا
عهد : باى
عدى اليوم بتفاصيله بسلام ...تانى يوم هيام: بت يا أية
آية: يادى النيلة عليا هو مفيش فى ام البيت ده الا أية نعم يا مامتى
هيام: اصطبحى وروحى نادى ع عهد وتيتة يلا عشان الفطار
آية: حاضر
نزلت اية وجدت جدتها بتصلى دخلت ع عهد قعدت تصحى فيها كتير لكن مش بترد حطت ايدها عليها لقيتها سخنة مولعة طلعت اية جرى لوالدتها: ماما الحقى عهد تعبانة اوى
هيام بخضة: ايه مالها يا بومة؟!
آية: مش عارفة بس سخنة اوى وعمالة ترتعش
نزلت هيام بسرعة ومعاها حسن ولما شافهم ابراهيم وهما نازلين جرى نزل وراهم وهو مش فاهم حاجة
ابراهيم: فى ايه يا بابا ؟!
حسن: اتصل ع الدكتور بسرعة عهد تعبانة أوى
ابراهيم بخوف: ايه مالها عهد ووووووو...................
