رواية ظلام قلبي الفصل الثالث 3 بقلم زينب احمد
"أنا أعرف جيداً كيف أبتسم وسط البُكاء، وكيف أقول لك تصبح على خير ولا أنام، أعرف جيداً كيف أُخبئ ألمي وأنت لا تعلم سِوى أنني بخير."
ع مائده كبيره يجلس عمر وبجانبه زوجته نيره وامامه ابنه وليد وبنته سلمي ويتراس المائده الحاج مصطفي كبير العائله
عمر: هي ميرا لسه مصحتش ولا اي
سلمي بفرحه: هي ميرا هنا
نيره بضيق: جت باليل
مصطفي: مشت بادرى.. قالت هاتفطر في الشركه وعندها شغل كتير
وليد: هاتعمل علينا مهمه ولا اي
عمر: اتكلم عليها كويس دى اكبر منك
وليد: انا شبعت هاقوم اروح اشوف شغلي
مصطفي: وانا كمان هاقوم اشوف ورايا اي
عمر: بابا استني عاوزك
مصطفي: خير
عمر: تعالي نتكلم في المكتب
مصطفي: يلا... نبويه هاتي الشاى والقهوه ع المكتب
نبويه: حاضر يابيه
...............................................
في الشركه
أميره: ياسر متصلش
لمياء: لا متصلش
أميره: بيعمل اي كل ده في فرع اسكندريه
لمياء: في حاجه حضرتك اقدر اعملها
أميره: لا مفيش بس يجي عشان يشتال معاكي الشغل شويه ع العموم انا هاكلمه روحي انتي
لمياء: تمام يافندم
أميره: اه صح كلمي استاذ مراد خليه يجي
لمياء: تمام.. عن اذنك
تقوم برفع الفون وبعد رن
ياسر: ايوه يامس أميره
أميره: اي كل ده ده انت لو بتحل مشكله الامم المتحده كان زمانها اتحلت
ياسر: الحسابات هنا متلغبطه اووى
أميره: المحاسبين الي عندك بيعملوا اي
ياسر: هو انا مكنتش عاوزه اقول لحضرتك بس انا شايف ان تيجي افضل
أميره: تمام هاحاول... سلام
.........................................
خبط ع الباب
أميره: ادخل
مراد: طلبتيني
أميره: ايوه عاوزه محاسب شاطر ويكون خبره
مراد: فرع اسكندريه صح
أميره: اها
مراد: عاوزاه امتا
اميره: الوقتي
مراد بصدمه: انا مش ساحر ع فكره
أميره: هههه لا انت ساحر وهاتجبهولي الوقتي
مراد: بعد تفكير تقصدى واحد خبره من المحاسبين هنا يروح فرع اسكندريه
أميره: حمد الله ع السلامه اخيرا وصلت
مراد: لا انا ذكى ع فكره
أميره بسخريه: مهوا واضح ثم اكملت بجديه بس انت الي هاتختاره ومستوى شغله مسئوليتك
مراد: الله وانا مالي يالمبي
أميره بجديه: مراااد الوضع لا يحتمل تجربه احنا عاوزين حد ينقذ مش يغرقنا
مراد: فاهم.. متقلقيش... هاروح اكمل شغل
أميره: مراد
مراد: ايوه
أميره: الاسم ومستوى شغله يكون عندى بعد ساعتين
مراد: حااضر وكاد ان يغادر
أميره: مراد
مراد: خير يارب ونظر اليها
أميره: نظرت للناحيه الاخرى عاوزه محامي
مراد ذهب ناحيه المكتب وجلس ع الكرسي ليتاكد مما يسمعه ثم قال بتساؤل محامي ليه
أميره: هاتعرف بعدين
مراد: ايوه بس افهم هو مستر محمد قصر في حااجه ده صديق جدك وشايل الشركه من زمان
أميره: لا مقصرش وانا مش عاوزه المحامي عشان الشركه
مراد: انا كده توهت اكتر
أميره: وانا لو قولت حاجه تانيه هاتفضل تسال ومش هانخلص هاتعرف تجيبه ولا اشوف حد تاني
مراد بنفاذ صبر: هاجبلك محامي
أميره: ومحدش يعرف طلبي ده ولا اي حد بما فيهم جدى فاهمني طبعا
مراد: انا حاسس ان في تلميح لحاجه تانيه
أميره ببرود: انت فاهم قصدى
مراد بتبرير: والله هو بس بيطمن عليكي وانا بطمنه ومش بقوله كل حاجه طبعا
أميره: وهي تنظر للاب.. روح شوف الي طلبته منك
مراد: حاضر عن اذنك
...............................................................
مصطفي: عاوز تعرف اي ياعمر
عمر: ميرا مالها واتكلمتوا في اي امبارح
ده نايمه متاخر ده اذا كانت نامت اصلا ووشها متغير
مصطفي: متشغلش بالك مفيش حاجه
عمر: مفيش حاجه ازاى انت مكنتش شايفاها عامله ازاى
ياابابا انا خايف عليها وبحاول اقرب منها ع اد مااقدر بس انت عارفها مهما كانت درجه القرب بتحس انك بعيد ومتعرفش حاجه عنها وده قلقني عليها
مصطفي: متقلقش مفيش حاجه... انت عارف اخوك راجع قريب وانت عارف العلاقه بينهم بايظه ازاى ده يمكن موترها شويه
عمر: بعدم. اقتناع.. جايز.... انا رايح اشوف شغلي
مصطفي في نفسه ( امتي الماضى يتدفن بقاا ومحدش ينبش فيه)
..........................................
في الشركه
أميره بزعيق: انا عاوزه افهم انا بشغل معايا ناس بتفهم ولا مبتفهمش
لمياء: يافندم
أميره: يافندم اي وزفت اي
اجتماع حالا يلا
لمياء: حاضر حاضر
لمياء خرجت من المكتب وتقول في نفسها ( هو يوم باين من اوله
مراد: في اي يالمياء الكل بيجرى وصوت مس اميره عالي
لمياء: في اجتماع حالا يامراد بيه حضرتك ومستر محمد واستاذ جاسر واستاذ عادل ومدام مروه
مراد: طيب بلغيهم ويلا ع غرفه الاجتماع اما نشوف في اي
.............................
في غرفه الاجتماع
جاسر: متعرفش في اي ياامراد
مراد: زيكوا ولا اعرف حااجه.. دلوقتي نعرف في اي
مستر محمد: لمياء مس أميره فين
لمياء: معاها مكالمه فون وقالتلي اجيب الملفات دى هنا وهي جايه اهي
مدام مروه: طالما مشغوله جايبانا هنا وسيبانا ليه
صوت من وراها
روحي يالمياء ع مكتبك ولما احتاجك هاطلبك
لمياء: حاضر يامس أميره
مدام مروه بصدمه وهمس: مس اميره
ذهبت أميره لتجلس ع مقدمه الطربيزه
أميره: انا قدامي دلوقتي ورق خاص بشركه المسيرى في مشكلتين خاصين بيها نيجي لاول مشكله
مستر محمد واستاذ جاسر الجهه القانونيه اي رايكو في الورق ده
أستاذ جاسر: الورق سليم
أميره: متاكد!!
مستر محمد: في اي يامس اميره ماتوضحلنا
أميره ببرود وهدوء ماالمصيبه ان انتو مش عارفين
تمام الورق ده ياحضرات فيه حااجتين اول مغالطه استثمارتهم مزوره وكشف الماليه الخاص بيهم ملعوب فيه
مستر محمد: ازاى ده
أميره: هو صحيح استاذ جاسر معاه ماجستير في القانون بس لسه شباب ومفيش خبره اووى انما الي متفاجئه منه حضرتك يامستر محمد انت في الشركه من ايام مستر مصطفي يعني اقدم واحد في الشركه وخبرتك في القانون جباره ازاى يفوت عليك حاجه زى دى
استاذ جاسر : الورق مش سهل يتعرف ان ملعوب فيه وحتي لو بيواجهوا ازمه ده ميخصناش ولا يضرنا في حاجه
أميره ببرود: ولما حضرتك تدخل معاهم في شغل وميقدروش يسدوا هايبقي اي الي عمل هاتصرف ع شغلك وشغلهم كمان... ولا ترفع عليهم قضيه وتقعد سنين وشغلك يتعطل.. ثم اكملت بسخريه مش بقول لسه مفيش خبره
أستاذ جاسر بضيق: والمطلوب نعمل اي الوقتي
أميره: مستر محمد عاوزه البيانات الحقيقه تبقي عندى بكرا
استاذ جاسر جهزلي ورق مخالصه, فسخ عقد مع مخالصه
نيجي للدعايا والاعلان استاذ عادل ومدام مروه
مين بلغ حضرتكوا تبداو تشتغلوا ع الحمله الاعلانيه
والدعايا
مدام مروه: مستر مراد
أميره: هو مستر مراد عطاكي ورقه ممضيه مني بالموافقه
مدام مروه: لا
اميره بحده: امال بتشتغلوا من مزاجكوا
عادل: يامس أميره حضرتك اهم حاجه عندك السرعه واحنا اشتغلنا اننا نخلص بسرعه بعيدا عن الروتين
أميره: ده مسموش روتين يااستاذ ده اسمه ترتيب لتنفيذ الشغل مينفعش حاجه قبل حاجه
ونسيت ان الاهم عندى من السرعه الدقه
مراد: يامس اميره لسه الاعلان متنشرش يعني ملحوقه غير في جزء كبير متصورش
أميره: وبالنسبه للفلوس الي اتصرفت ع الشغل ده
اي بالنسبالك عادى
مدام مروه احنا اشتغلنا ع الفكره وصورنا جزء بسيط
أميره: ده بناء ع اي انا لا شوفت فكره ولا بعتلك ورقه ممضيه بالموافقه
مروه: مستر مراد شافها ووافق عليها
أميره: ومين المسئول هنا
مروه: حضرتك
أميره يبقي اي الي دخل. مستر مراد...ولا هي تبريرات مالهاش لازمه
يسكتون جميعا وينظرون لبعضهم البعض
ثم يتحدث مراد: هي ماتقصدش كده
أميره: بالنسبه لاستاذ مراد مبلغتنيش ليه
مراد: حضرتك كنتي مشغوله في مشكله فرع اسكندريه وانا اديت الok بناءا ع انك مضيتي العقد معاهم
أميره بحده: مفيش حااجه اسمها كده.. مفيش حد هنا يتصرف من دماغه مهما ان كان منصبه
مراد بضيق: والمطلوب دلوقتي
أميره: خصم ليكوا انتوا ال 2 مدام مروه واستاذ عادل 4 ايام ومستر مراد مالوش حوافز الشهر ده
احتلت الصدمه ملامحهم لم يكن يخطر ببالهم ان تقوم بمعاقبه مراد الذي يعمل بجانبها وصديقها
أميره: لسه قاعدين ليه الاجتماع خلص.. اتفضلوا شوفوا شغلكوا
اتجه الجميع لباب ليغادر
أميره: مستر محمد عاوزاك لوسمحت
اخذوا ينظرون لبعض وينقلون انظارهم لمراد ثم ذهب كل منهم لمكان عمله
مستر محمد: خير يامس أميره
أميره: اي مس دى احنا لوحدنا ولا اقولك ياجدو عشان تناديني باسمي زى زمان
مستر محمد: لا افضل مس أميره المقامات محفوظه برده
أميره: اممم زعلان مني.. انت عارف بحكم المنصب الي انا فيه لازم اتصرف تصرفات قاسيه شويه وبالذات قدام الموظفين وبعدين ده انت يعتبر مربيني وفاهمني متزعلش بقاا
مستر محمد: خلاص مفيش حااجه بس انا مش مقصر في شغلي ولو حسيت ان تقدم سني هايقصر هاستقيل
أميره: انا عارفه انك مش مقصر وعارفه انك ماسك قسم الشئون القانونيه من حديد
وعارفه ان ده تزوير متكلف ومش اي حد يكشفه
مستر محمد: انا هاجبلك المعلومات الصحيحه عنهم باي طريقه عشان تطلعي بفسخ العقد باقل خسائر
أميره: مش بقولك فاهمني ومربيني
كنت عاوزه استشيرك في حاجه
مستر محمد بمزح: ايوا قولي كل ده عشان عاوزه حاجه
أميره: هههههه اوعي تفهمني صح
مستر محمد: اتفضلي
أميره بجديه : لو في واحده هي واخوها هي ماسكه الشركه واخوها عنده وظيفه تانيه ومش فارق معاه الشركه وهي كبرتها وبقا عندها فروع والفروع دى النسبه الاكبر باسمها والفلوس باسم حد تاني في حد تاني معاها شريك في الفروع بس.. تقدر تفصل الفروع عن الكيان الرئيسي الي اخوها ليه نسبه فيها ولا يبقي ليه نسبه في الفروع بما انها تابعه للشركه
مستر محمد: الموضوع ملخبط شويه بس هو كده مالوش في الفروع غير حق استخدامها الاسم لان اسم الشركه والفروع واحد فلو هاتفصل لازم تغير الاسم او تضيف اي رمز جنب الاسم بحيث ميرفعش عليها قضيه ولو الصندوق المالي للشركه والفروع واحد مش منفصلين لازم تاخد منه موافقه كتابيه بانه موافق بفصل الفروع عن الكياان الرئيسي عشان تبقي سليمه وفي الامان وميقدرش يعمل معاها حااجه
أميره: اها طب تمام شكرا يامستر محمد
مستر محمد: لا مفيش حااجه يلا انا رايح اشوف ورايا اي
أميره: اتفضل
