رواية سر زوجتي الفصل الثالث 3 بقلم مصطفي الصعيدي
انا اتفاجئت بكلام سناء فصارحتها بحبي ورغبتي اني ارتبط بيها بس ظروفي اللي منعاني اقوللها ابتسمت وهي بتمسح دموعها انا مش عايزة حاجة عندنا الفيلا وابويا سايبلي فلوس كتير غير مرتب شهري هيجيلي طب ايه السبب انهم سافروا وسابوكي؟ ردت وهي باصة لعينيه لاني صارحتهم اني باحبك
ساعتها قلبي سقط في رجلية وحسيت ان الزمن وقف بيا عند اللحظة دي وسالتها تقبلي تتجوزيني شاورت بوشها الابيض الجميل وعينيها بالموافقة قولتلها هاجيب اهلي بكرة والماذون ونكتب الكتاب وانتي هتبلغي اهلك ولا لا؟
قالتلي مادام بابا وماما رافضين محدش هيرضي يحضرلي فرح انا فرحتي بيك انت واننا نكون سوا
مكنتش مصدق وداني اني لقيت الانسانة الجميلة اللي تحبني بالشكل ده وكل حاجة متسهلة السكن والحياة والحب خرجتني سناء من افكاري وقالتلي ما تستغربش انا لقيت الحنان والحب في عينيك وده كل اللي انا محتاجاه يا عمر
بس ليا طلب بسيط ونتمم كل شي سالتها ايه طلبك؟
كان ردها غريب اوي قالت هنتجوز بس هتيجي بعد الليل ما يدخل علشان محدش يعرف من اهلي اننا ارتبطنا علشان ساعات اصحابي وقرايبي بيجولي انت فاهم انا حسيت بقلق من كلامها وما اقتنعتش بالسبب لكن انا حبي لها وخوفي اني اخسرها خلاني اوافق مؤقتا لحد ما نرتبط وبعد كدة نشوف الدنيا والسر في كلامها
بعد اسبوع اتجوزنا واهلي جم وشافوها بس امي ما استريحتش لها وقالتلي خلي بالك انا قلبي مش مطمن للجوازة دي ومشي الكل اهلي وحبايبنا. بعد فرح عائلي بسيط في فيلتها
كانت ليلة عمري ونمنا في حب وسعادة سوا وعند اذان الفجر لقيتها بتصحيني وبتقوللي ياللا علشان تلحق تروح شغلك قولتلها لسة بدري كان ردها اغرب معلش لازم تمشي دلوقت بصتلها باستغراب وسالتها هو فيه ايه يا سناء؟ ؟؟؟
