رواية وجعي ( كامله جميع الفصول ) بقلم سندس محمد
دخلت العياده وانا متوتره مكنتش متخيله اني هروح لدكتور نفسي بس الحياه اجبرتني علي كده سمعت اسمي خدت نفس عميق وخبطت سمعت الاذن بالدخول دخلت لقيت اوضه الوانها مريحه اوي ودكتوره وشها بشوش
_اقعدي ياقمر
_قعدت ونا بصه في الارض وبفرك في ايدي اوي
_اهدي ومتتوتريش كده خدي نفس واهدي خالص
_عملت اللي قالتلي عليه حسيت نفسي هديت شويه
_اسمك ايه
_ليلي
_تعالي معايا قعدتني علي كرسي مريح بصيت وجابت دفتر وقلم
_ احكي يلا ونا سمعاكي
_ بدات احكي وعنيا دمعت انا اسمي ليلي ماما وبابا انفصلوا ونا عندي خمس سنين روحت عيشت عند تيته ام ماما عشان بابا وماما رافضوا ياخدوني كل واحد راح اتجوز ونسيوني نسيوا ان عندهم بنت محتجاهم كنت بشوف صحابي معاهم اهلهم ونا لا لحد ما بقي عندي ٢٠ سنه
وتيته اتوفت مكنش معايا حد الجيران كتر خيرهم دفنوها حسيت بوجع سندي في الحياه مامت هي كانت محور حياتي عدت الايام وصاحب الشقه اللي كنا عايشين فيها طلب الشقه حسيت دماغي وقفت هعمل ايه فكرت اروح لبابا وفعلا لميت هدومي وروحت عند بابا ومراته اتعملت اكني خدامه مش في بيت ابويا كانوا بيعملوني وحش اوي بس مكنش قدامي حل غيره
كملت بدموع منعوني من الجامعه ومرت الشهور
وفي يوم صحتني مرات ابويا علي خبر وحش اوى بتقولي قومي النهارده كتب كتابك اتصدمت قولتلها ازاي قالتلي ايه يعني الغريب في كده ده واحد هيعيشك في نعيم صرخت في وشها ازاي منغير معرف جبتني من شعري وقالتلي انتي تسمعي اللي نقولك عليه عشان مرمكيش في الشارع مكنش قدامي حل غير اني اسمع كلامها عدي الوقت ولقيت بابا داخل بيقولي يلا عشان تمضي قولته حرام عليك انا بنتك ليه تعمل فيا كده ههه بصلي وقالي انتي غلطه اصلا انا مش بحبك ولا معترف انك بنتي اصلا انا مقعدك عندي من باب الشفقه بس خلاص هخلص منك بصتله بصدمه ودموعي مغرقه وشي محستش بنفسي واغم عليا صحيت لقيت نفسي في اوضه غريبه قعدت افتكر ايه اللي حصل وللاسف افتكرت لقيت راجل كبير داخل عليا بيقولي
_صحيتي ياحلوه
_انت مين وعايز مني ايه
_انا جحيمك
جاب خرطوم ونزل عليا ضرب ونا بصوت بكل قوتي من الوجع مسبنيش غير ونا جسمي بيجيب دم وفضلت على الحال ده شهرين ونا مش فاهمه هو بيعمل كده ليه كل اللي فهمته انه مجنون رسمي
_بس كده نكمل المره اللي جايه
_انا حاسه اني ارتحت شويه لما طلعت شويه من اللي جوايا
_كده هتيجي تاني الاسبوع الجاي عشان نكمل الجلسه
_خرجت من العياده ونا حاسه بشويه راحه اني اتكلمت مع حد
ركبت العربيه وروحت علي البيت
