رواية ظلام قلبي الفصل السادس 6 بقلم زينب احمد
أميره: مراااد.. مراد رد عليا ولكن لا استجابه منه
تقوم وهي لاتعلم كيف قدميها يتحركان
تفتح باب المكتب وتنادى بزعيق لمياء.. يااسر
يجرون بسرعه ناحيه المكتب
ياسر يجد مراد فاقد الوعي ع الارض
ياسر: برفان يالمياء بسرعه
لمياء: حااضر
يضع البرفان ولكن لا استجابه
أميره بحده: احنا مستنيين اي نادى حد يشتاله معاك وهاته ع العربيه بسرعه يلا
يااسر: حااضر حااضر
يحملون مراد ويضعونه في عربيه أميره
أميره: خد المفاتيح ياياسر سوق انت وانا هاقعد معاه ورا
ياسر: حااضر
يتهامسون الموظفين
من كتر ماتعاملها وحش وقاسيه معاه اهو وقع منها ربنا يستر
ليقاطعه اخر مايمكن هو الي تعبان
ليرد اخر لا بسببها ده كتر خيره مستحمل اسلوبها هي دى في حد يستحملها
ليسمعون زعيق مستر محمد: كل واحد علي شغله يلا
........................
في المستشفي.. يجلس ياسر امام غرفه الكشف
وتذهب اميره رايح جاى امام الغرفه في توتر وقلق
أميره: كل ده بيعملوا اي
ياسر: متقلقيش هايبقي كويس ان شاء الله
أميره: ايوه ان شاء الله هايبقي كويس
ليخرج الطبيب
أميره: ها ياادكتور
الدكتور: متقلقيش هو كويس... هو ضغطه وطى اووى بس وباين عليه الارهاق وقله النوم
أميره: يعني مفيش حااجه خطر
الدكتور: لا مفيش متقلقيش انا هاكتبله حاجه للضغط ومتعلقله دلوقتي جهاز اول مايخلص هاخلي الممرضه تقيس الضغط لو مظبوط يقدر يروح النهارده
أميره: بعد ان هدات قليلا. طيب الحمد لله
الدكتور: استاذن انا
أميره: اتفضل
ياسر: الحمد لله ان كويس
أميره: روح هات وصل بحساب المستشفي واستخدم حساب الشركه وادفع بيه وتعالي هنا هاتلي ايصال بالدفع
ياسر: حاضر.. طب وحضرتك هاترجعي الشركه
أميره: لا هاقعد جنبه هنا هاستناه يصحي واطمن عليه.. يلا روح شوف الي قولتلك عليه
ياسر: حااضر
.....................................
في الشركه
في مكتب الشئون القانونيه
يقوم مستر محمد بطلب احد ع الموبايل
محمد: الو
مصطفي: ايوا يامحمد في حاجه ولا اي
محمد: ايوه مراد تعب وراح المستشفي
مصطفي: اي الي حصل
محمد: معرفش بس لسه لحد الان محدش وصل لا اميره ولا ياسر لانهم معاه
واتصلت ع ميرا مردتش عليا
مصطفي: طيب انا هابعتلها عمر لان مش هاعرف امشي دلوقتي وعشان ميرا متبقاش لوحدها هما في مستشفي اي
محمد: مستشفي ******
مصطفي: طيب لو عرفت حاجه هاطمنك
محمد: ماشي متنساش
مصطفي: ماشي مع السلامه
.....................................
أميره: ماما يااماما... انتي فين... جايالك بخبر حلو اووى... شوفتي انا جبت الدرجه النهائيه في الرياضيات وخدت جايزه وسقفولي كمان
أميره بفرحه: يااماما انتي فين
تذهب ناحيه غرفه والديها لتجد امها ملقاه ع الارض
تنصدم وتقف مكانها تقع الشهاده من يديها ع الارض
وتذهب ناحيتها بهدوء
وتقول ماما
تجلس بجانبها وتقول بصراخ ماما ردى عليا
ولكن لا استجابه
تبحث ع الموبايل وتضغط بضعه ازرار
لياتيها الرد وتقول بلهفه جدو الحقني يااجدو دخلت ع ماما واقعه علي الارض ومبتردش عليا
مصطفي: طيب اهدى هابعتلك عربيه اسعاف ع طول وروحي معاهم وانا هاحصلك علي المستشفي
أميره: حاضر حاضر
تضع الموبايل ثم تقوم باحتضان والدتها وتقول متسبنيش ياماما ماليش غيرك عشان خاطرى
ومش هازعلك مني وهاقولك ع كل حاجه حااضر بس متمشيش
ماما يااماما ردى عليا
مس أميره مس أميره
أميره: ها
ياسر: انا بنده عليكي بقالي فتره انتي كويسه
أميره وهي تتعدل في جلستها: اه كويسه في حاجه حصلت ثم تذكرت شي مراد كويس
ياسر: اه كويس متقلقيش وده ايصال دفع المستشفي اهو
أميره: اه طيب ارجع انت علي الشركه
ياسر: مش هاينفع اسيب حضرتك لوحدك هنا
أميره ببرود: هايجرالي اي يعني ياياسر روح الشركه ولما مراد يفوق هاخده ونمشي
ياسر: طيب حاضر.. موبايل حضرتك رن كتير ممكن تشوفيه
أميره: طيب روح انت يلا واقفل المكتب بتاعي بالمفتاح وخلي المفتاح معاك لبكرا
ياسر: حاضر... طب لو احتجتي حاجه كلميني
أميره وهي تقوم تقف لتدخل الغرفه لمراد: طيب.. يلا انا هادخل لمراد اشوفه يلا سلام
.............................
تجلس ع كرسي بجانب السرير الذى ينام عليه مراد
وهي تنظر اليه تنتظر ان يفيق.. عادت الي الماضي
أميره: جدو هي ماما مالها
مصطفي: تعالي بس نطلع بره الاوضه ونسيبها ترتاح
تعالي اقعدى جنبي هنا
أميره: حاضر
مصطفي: بصي ياميرا ماما قلبها تعبان شويه عشان كده متجهدهاش ومتخليهاش تعمل حاجه
أميره: حاضر مش هاخليها تعمل حاجه ومش هازعلها
مصطفي: شاطره وانا هاشوف حد يقعد معاكوا يطبخ وينضف
أميره: طيب
أميره: جدو هو بابا فين
مصطفي بتوتر : بابا اه بابا في دبي في شغل هناك وهايجي قريب انا معاكي اهو متقلقيش
أميره: انا بحبك اوى ياجدو
مصطفي وهو يقوم باحتضانها وانا كمان ياقلب جدو
............
ترجع من المدرسه حامله شنطه مدرستها
أميره: ماما انا جيت
لتقف مكانها اي ده بابا انت جيت
لتذهب ناحيته
لتجده يشرب سجاير بشراهه
أميره: بابا
صديق دون ان ينظر اليها: اي
أميره: ممكن تطفي السيجاره.. ماما تعبانه ودخان السجاير غلط عليها
صديق نظر اليها واقترب منها خطوه
أميره شعرت بالخوف لكن ظلت مكانها لما تتحرك
أميره: في اي يابابا
صديق مسك كف يدها باحكام
وقربه اليه
صديق: بس مفيش طفايه هنا انا اقولك اطفيها فين
اطفيها هنا مثلا... وقام بطفيها في راحه يد أميره
أميره بصراخ: اااااه
يقوم صديق بزقها لتقع علي الارض
صديق.: خايفه علي امك اوى اديكي بتصرخي بدالها.امشي من وشي عشان مش طايق اشوفك
أميره وهي تقوم وهي ممسكه بيدها والدموع في عينيها: حااضر
صديق من ورائها: قرف انا عايش في قرف امتي اخلص منكوا بقا
أميره أميره
أميره: ها في اي مراد كويس
عمر: انا خضتك ياحبيبتي معلش.. انتي كويسه
لتنظر اليه لتجده عمها
اميره بعد تنهيده و هي تنظر امامها : اي الي جابك.. لحقت الاخبار توصل
عمر: ازاى جدك يعرف ويسيبك لوحدك ده كان عاوز يجي معايا بس قال اجي انا اسرع واطمنه
أميره: طيب طمنه مراد كويس وانا كويسه
عمر: مش باين ياميرا انا وانا داخل لقيت دمعه نازله من عينيك.. في اي احكيلي
أميره بهدوء: مفيش... قوم روح عشان مشاغلك
عمر: انا مش هاسيبك لوحدك ياميرا وتنحرق مشاغلي
أميره بخنقه : لا سيبوني لوحدى انا عاوزاكوا تسبوني لوحدى انا استحق ان اكون لوحدى مبعملش حاجه غير ان باذى الي حواليا ثم قامت بالاشاره ع مراد شاايف مراد نايم ع سرير في مستشفي بسببي مشفش مني غير قسوه واستحملني
عمر بحنيه: ياحبيبتي دى تعب بسيط واي حد ممكن يتعرضله ويقوم بوضع يده ع يدها ويقول انتي ملكيش ذنب
أميره وهي تنفض يدها من يده: لا ليا ذنب.. ذنبي قسوتي ثم تكمل بخنقه.. قسوتي الي منعتني اشوف تعبه الي كان باين ع وشه قسوتي الي منعتني اسال عن حاله وهو بيعتبرني كل أهله
عمر: ياحبيبتي
تقوم أميره بمقاطعه وتقول وهي تنظر اليه: هو أنا ليه كده
عمر بعدم فهم: ازاى مش فاهم
أميره: ليه قاسيه كده ليه باذى الي حواليا وبيحبوني
كان عمر سيرد عليها
لكن قاطعه مراد
مراد بتعب: مين المجنون الي قال كده ده مفيش حد حنين زيك وبيراعي الي حواليه ثم اكمل بمرح بس انتي مدكنه ومش قايله
لتقوم أميره من مكانها سريعا وتذهب اليه
أميره بقلق: انت كويس حااسس بايه. اطلب الدكتور
مراد: براحه حاجه حاجه طيب
عمر: اي ياعم مراد عجبك جو المستشفي ولا اي
مراد: هو في حد يعجبه جو المستشفي برده
عمر: والله لو معاه دلع يبقي هايعجبه ولا اي
أميره بهدوء: انت هاتعملنا فيها تعبان قوم يلا
عمر: ايوا ده انا حتي متغدتش وجعان
أميره: طب يلا انا عزماكوا
عمر: عيب عليكي يبقي معاكي اتنين رجاله وانتي الي تحاسبي ولا اي يامراد
مراد: عندك حق
أميره: اتلهي انت وهو... قال يعني انا ماشيه بالمبدا ده ولا بعمل بيه وبعدين هي مره ابقوا قابلوني لو كررتها
عمر: بنت عيب انا عمك
أميره: ياعم روح ده الي يشوفك يقول اخويا الصغير
عمر: ثبتيني يابنت الايه
مراد: يعني نطلب كل ماتبغيه بطوننا
أميره وهي تتجاهل النظر الي مراد : مااشي يلا قوم ساعده ياعمو
مراد: انا كويس هاقوم لوحدى
عمر: طيب انا هاسبقكوا ع العربيه حصلوني
مراد: مااشي
تمشي بجانب مراد ولا تعرف ماذا تقول او كيف تتحدث
أميره: مراد انت كويس بجد
مراد: ايوه كويس
لتسكت قليلا
ثم تقول: مراد انا عارفه ان كنت قاسيه معاك متزعلش مني انت عارف ان مقصدش
مراد: مفيش حاجه ياأميره انتى عارفه ان عمرى ماافهمك غلط
أميره وهي تحاول تدارك الموضوع
بس انت بقالك مده متغير في حاجه حصلت
مراد: مياده زعلانه عند اهلها وطالبه الطلاق
أميره تقف عن المشي ليقف هو بالمثل
وتنظر اليه
أميره: انت بتقول اي... اي الي حصل لكل ده
مراد: خناقات جت ورا بعض ولقيتها فجاه اخدت محمد وراحت عند اهلها وطالبه الطلاق
أميره بتساول: ايوه اي السبب لكل ده
مراد وهو يحاول عدم النظر اليها: شغلي معاكي
أميره وهي تحاول ان تستوعب ماقاله ثم فهمت مايقصده
أميره بمزاح: طيب يلا نمشي لان لو عمي متغداش احتمال ياكولنا احنا
مراد: ههههههههه طب يلا
.......................................
في مكان آخر بالتحديد في شقه زهدى
سليم: انت عارف اكتر حاجه مدايقاني البت الي اسمها أميره دى
رامي: أميره مين
سليم: رامي ركز معايا... نائب رئيس مجلس الاداره دى شايفه نفسها.. طب شايف عدى وقت اد اي من بعد الاجتماع ومحاولتش تصلح ولا اي حاجه انا عندى حق مش فارق معاها الشغل معانا
رامي: الحاجه الوحيده الي ماخدتهاش من جدك انك متحكمش ع حد متعرفوش
سليم: يعني انت تعرفها عشان تدافع عنها
رامي: لا انا ولا انت تعرفها يبقي منحكمش عليها
سكت قليلا ثم اكمل كلامه وبعدين تعالي هنا خليك صريح مع نفسك انت الي مدايقك ان لاول مره يقابلك حد ميعطكش اهتمام ولا يعظمك ويتجاهلك وده الي مدايقك
سليم: تصدق انا غلطان ان بتكلم معاك... انا رايح اشوف جدى فين
..............
سليم: جدى كنت بتتكلم مع مين كده
زهدى: مع جدك مصطفي
سليم: اه بخصوص الشغل برده
زهدى: اه كنت عاوزه اشوف الدنيا هاتوصل لفين علشان منعطلش شغلنا
سليم: وبعدين
زهدى: مفيش كلم أميره وكانت مسافره وقالت لما ترجع ولما رجعت مراد دخل المستشفي وكانت معاه
سليم: عايز تفهمني ان يوم الاجتماع مكنتش في الشركه
زهدى: اه كانت مسافره.ثم اكمل.. صعبانه عليا اوى بطلع من حاجه تدخل في حاجه وشايله مسئوليات كتير
سليم: ايوه يعني واحنا مالنا الشغل مابيستناش حد
زهدى: بس دى ظروف غصب عنها.. استني لاخر الاسبوع لو مفيش جديد شوف حد تاني.. راضي كده
سليم: ايوه... انا رايح انام تصبح علي خير
.....................
في طريقهم للبيت في العربيه
عمر: ايوه يابابا
مصطفي: ............
عمر: مراد كويس متقلقش
مصطفي:......................
عمر: كنت عاوز ارجع النهارده
بس ميرا قالتلي خليها لبكرا نرجع سوا
مصطفي:...................
عمر: كويسه متقلقش
مصطفي: ..............
عمر: ماشي مع السلامه
ليغلق المكالمه
عمر: جدك كان بيطمن عليكي
أميره: لا رد
عمر: هاميس عامله اي
أميره: دون ان تنظر له.. بتسال ليه
عمر: مفيش بطمن عليها
أميره تتجاهل الرد وتقوم بركن العربيه
يلا وصلنا
عمر: ياه مجتش الفيلا من زمان... جيكوب عامل اي
أميره: هاتشوفه الوقتي
تدخل الفيلا وتنادى: رحيمه
رحيمه: ايوا ياهانم
خدى شنطه عمر بيه لاوضته وعرفيه مكانها
رحيمه: حاضر
عمر: لا انا هاشتال الشنطه عرفيني بس الاوضه فين
رحيمه: حاضر
أميره: جيكوب عامل اي
رحيمه: طول مانتي مش هنا قاعد في اوضتك فوق
أميره تقوم بتصفير بطريقه معينه
لينزل مسرعا ع ادارج السلم... كلب بحجم ضخم
يهجم علي أميره ويقوم باحتضانها
أميره: اه وحشتني ياجيكوب
ههههههه براحه طيب
عمر: انتي بتهزرى صح ده جيكوب
أميره تهز راسها بمعني أه
عمر: وده بتتعاملي معاه ازاى
أميره: ههههه انت واقف بعيد ليه.. قرب متخافش مش هاياكلك
عمر: انا مش خايف انا جاي اهو بس امسكيه كويس
أميره: طيب هات ايدك بس كده وتضع يد عمر ع جيكوب
اي ده هو بيلحسنى ليه
أميره: حبك يااسيدى
يلا روح نام بقاا عشان تصحي بادرى
عمر: اصحي بادرى ليه انا موارييش حاجه بكرا
أميره: لا ماانت هاتيجي معايا الشركه بكرا
عمر: اجي اعمل اي
أميره: يارب صبرني.. هو انت مش عضو من اعضاء مجلس الاداره والمفروض تيجي تشوف الشغل ماشي ازاى
عمر: لا انا واثق فيكي
أميره وهي تنظر اليه بتمعن: عمي
عمر: نعم
أميره: انا مبتثبتش و هاتيجي معايا بكرا مفيش نقاش
عمر بتصميم: لا... انا مبفهمش حاجه في شغلكوا ده ياستي
أميره بعد تنهيده: هافهمك
عمر: ميرا هو انتي اديتي مراد اجازه 3 ايام وهاتشغليني بداله ولا اي... لا ولا اعرفك انا بكرا اجازه ادلع نفسي قبل ماارجع لهده الشغل في المزرعه
أميره وهي تصعد لغرفتها وبجانبها جيكوب
ادخل نام عشان هاصحيك الساعه 7
عمر: في نفسه هو انا بكلم نفسي... ثم اكمل طالعه لجدها الي يقوله لازم يتنفذ.. ثم اكمل بنبره باكيه يعني اسيبه هناك تطلعلي هي هنا ياربي... انا واقف اكلم في نفسي ليه اطلع انام. احسن
.......................
في صباح يوم جديد
لتنزل علي الدرج بهمه ونشاط تلم شعرها علي هيئه كحكه وتضع كحل اسود في عينيها الواسعه وروج بدرجه أحمر غامق.. ترتدى بليزر أحمر ع توب ابيض وبنطلون جينز أبيض وكوتشي أبيض وشنطه يد حمراء
تجد عمها يجلس ويفطر
أميره: كويس انك صحيت لوحدك
عمر: كنت فاكر ان هاصحي متاخر بس الدماغ اتعودت خلاص بقا
أميره تجلس معه علي المائده
عمر: يلا افطرى
أميره: فطرت قبل ماانزل
عمر: انتي لسه فاصله نفسك عن بقيت البيت برده
أميره: كده أحسن فاصله الدور التالت عن بقيت البيت وده الافضل وبالذات الفتره الجايه
عمر وهو يشرب الشاى: اه عشان صديق لما يجي يعني
أميره وهي تنظر في الهاتف: اها
عمر: بس لو جدك هنا مش هايرضي بالوضع ده
أميره: اعتقد خلصت فطارك يلا عشان اتاخرنا
عمر: ماشي يلا
........................................
في مكان آخر خارج البلاد
صديق: ها خلصت كل حاجه
محمود: اه صفينا كل الشغل بس لسه في جزء فلوس علينا واعتقد بيع البيت ده مش هايغطي كل حاجه
صديق: ماتقلقش اول مانوصل مصر هاتصرف واسدهم
محمود: اما نشوف.. طيب يعني منبعش البيت ده
صديق: لا سيبه ولو معرفتش اتصرف نبقي نبيعه
محمود: ماشي الي تشوفه
صديق: اختك جهزت ورقها وحاجاتها
محمود: اه بس لسه زعلانه ومش راضيه عن نزولها مصر
صديق: يعني نعمل اي يعني ده الحل الي قدامنا وانت شايف
محمود: بس ميرال كل حياتها كانت هنا فعشان كده خايفه من انها متعرفش تتاقلم
صديق: مع الوقت هاتتعود
محمود: صح انت قولت لينا أخت في مصر
صديق: اها
محمود: هاتستقبلنا في المطار
صديق: معرفش بس هي الي ماسكه شركه جدك ومعتقدش تبقي فاضيه تقابلنا ... متشغلش بالك انت
محمود: انا هاروح اشوف ميرال واكد عليها تكون جهزت
صديق في نفسه ( ياترى لسه بتكرهيني ياأميره ولا نسيتي زمان ونفسك تشوفيني زى ماانا نفسي اشوفك)
........................................
في الشركه
عمر: احنا صحيح هانسافر امتا... سلمي كل شويه تتصل عليا
أميره: سلمي برده ولا أم سلمي
عمر: سلمي ياختي انا وام سلمي متخانقين
أميره: بكرا تتصالحوا هي بتحبك ومتقدرش تزعلك
عمر: اما نشوف..... مردتيش عليا
أميره: هانخلص اجتماع شركه زهدى وبعدين نمشي
بقولك صحيح
عمر: ايوا
أميره: معاك رقم زهدى بيه
عمر: اه ليه
أميره: مفيش بفكر في حاجه كده...
ابعتهولي
عمر: بعته
أميره ترفع الهاتف ع اذنها وبعد دقائق ياتي الرد
أميره: الو زهدى بيه معايا
زهدى: ايوا مين
أميره: انا أميره نائب رئيس مجلس اداره المصطفي
زهدى: اهلا ياميرا عامله اي
أميره: انا بخير طالما سمعت صوت حضرتك
زهدى: يابكاشه
أميره: اكبر دليل بكلم حضرتك عشان اشوف حضرتك موجود في الشركه ولا اي عشان اشوفك
زهدى: اي ده انت جايه الشركه...؟
أميره: ايوا اخدت معاد النهارده الساعه 3
بس كنت بتمني اشوف حضرتك
زهدى: انت عارفه حكم السن الصحه بقت ع الاد بس ع العموم هاحاول
أميره: لا متقولش كده ده انت لسه شباب
زهدى: مش بقولك بكاشه
أميره: اشوفك في الاجتماع بقا
زهدى: ان شاء الله... مع السلامه
لتغلق المكالمه وتنظر لعمر وع وجهها ابتسامه انتصار
عمر: يابنت الايه...
أميره: ايه
عمر: ايه انتي... لا برافوا... بس انتي اي ضمنك انو هايجي
أميره وهي تنظر للاب: هايجي... مش معقول هايسيب حفيده يبوظ صفقه هو عاوز يتممها
عمر: طب ليه بتقولي سليم يبوظها.. مايمكن يمشيها
أميره: اهو ياسيدى عند وعشان يرد الي حصل في الاجتماع الي فات
عمر: لا انتي مش ساهله
أميره: قعدتي ع الكرسي ده علمتني مكنش سهله واسبق الي قدامي بخطوه
عمر: بقولك
أميره وهي تكتب علي الاب ولا تنظر له: ايوه
عمر: انا هاحضر الاجتماع ده
أميره: بالكجوال الي انت فيه ده
عمر: وماله ماانا كويس اهو ولا لازم بدله وكرافته
أميره باستفزاز: اه لازم والا يبقي شكلك نشاااااز
عمر: نشاز... بقولك اي انا عضو في مجلس الاداره والبس الي انا عاوزه
أميره: مقتنعتش بس مااشي احضر اهو تتفرج
عمر وهو يغمز لها: يافاهمني انت ايوه اتفرج علي الي هايحصل ده هايبقي فيه ضرب نار من تحت لتحت
أميره: ههههههه هاتتكيف متقلقش
.....................
في شركه زهدى
تدخل بهيبه ووقار بجانبها عمر من جهه وياسر من جه اخرى وبجانبه جاسر المحامي
تقابلها عبير سكرتيره سليم
عبير: مس أميره أهلا بحضرتك انا عبير سكرتيره مستر سليم اتفضلي معايا
تقوم بهز راسها بمعني اهلا.. ثم تنظر لعمر بمعني مش قولتلك
عمر: مستر سليم مش موجود؟
عبير: لا موجود اتفضلوا معايا علي غرفه الاجتماع
ليقاطعها في منتصف الطريق
رامي: عبير اعطي الورق ده لمستر سليم
عبير: حاضر
رامي: احنا عندنا ضيوف النهارده
عبير تقوم بتقديمهم: مس أميره نائب اداره شركه المصطفي ومستر عمر عضو مجلس اداره شركه المصطفي واستاذ ياسر سكرتير مس أميره وأستاذ جاسر المحامي
رامي بترحيب: اهلا اهلا بحضرتك... انا رامي زهدى
اتفضلوا معايا... عبير بلغي مستر سليم واستاذ سامح المحامي يجوا علي غرفه الاجتماع
اتفضلوا معايا ادى اي انا كنت متشوق اشوف حضرتك يامس أميره
أتفضلوا اتفضلوا
......................
في غرفه المكتب
سليم: رامي اي دخله في الحوار بقت مهمته ان يقابل الناس ولا اي
عبير: معرفش يافندم هو قالي كده
سليم: طيب خدى الورق ده ع غرفه الاجتماع وبلغي مستر سامح زى ماقالك وانا هاحصلك
.........................
في غرفه الاجتماع
يجلسون جميعا في انتظار سليم.. وتدخل عبير لتضع الاوراق
أميره: لوسمحتي هو ال wc فين..؟
عبير: اتفضلي معايا يافندم
تذهب معاها أميره
وبعدها بدقائق يدخل سليم غرفه الاجتماعات
سليم: اهلا بيكوا نورتوا الشركه اعذروني
عمر وهو يصافحه.: ولا يهمك
سليم: معلش انا اول مره اشوف حضرتك
رامي: ده عمر بيه المصطفي
سليم: اه كنت اعتقد ان عمر بيه اكبر من كده مش جينز بقا وحركات
رامي: احم سليم
سليم: اي بقول الحقيقه مش باين السن خالص
عمر: شكرا يامستر سليم ده من ذوقك برده
جلس عمر
سليم دون ان يصافح الباقيين اهلا بيكوا جميعا
رامي: ده مستر جاسر المحامي
وده استاذ ياسر سكرتير مس أميره
سليم: اه اهلا.. علي ذكر مس أميره هي مجتش معاكوا ولا اي
رامي كان سيرد
لكن تدخل أميره بهيبه ووقار تختطف الانفاس
وتجلس علي المقعد بجانب عمر والناحيه الاخرى ياسر
رامي: مس أميره
ترفع نظارها
ليقوم بالاشاره ع سليم: ده مستر سليم
أميره ببرود: أه اهلا.
سليم بضيق من تجاهلها: اعذريني لو خليت عبير سكرتيرتي تقابلك مشاغلي كتير انتي عارفه
أميره ببرود: مستر سليم مش هانضيع وقت الشغل في مين استني مين علي الباب كفايه الوقت الي ضيعناه في السلامات وفي انتظارك.. ياريت ندخل في الشغل علي طول عشان عندى مواعيد تانيه بعد الاجتماع
سليم باحراج: اكيد.. ندخل في الشغل
أميره: مستر جاسر الورق بعد اذنك
جاسر: اتفضلي
أميره: أستاذ ياسر
ياسر: حاضر... ليقوم بفتح البوربوينت وشرح متطلبات المشروع
ويجلس بعد ان ينتهي
رامي: بس احنا عندنا مخطط تاني خالص وبالذات لاننا الي هانقوم بعمليه البنا
أميره ببرود: بس من شروط للاتفاق ان البنا هايتم وفق مخطط لينا احنا
سليم: بس الشروط دى احنا لسه متفقناش عليها
أميره: امال احنا جايين ليه النهارده يامستر سليم مهو عشان نتفق ونحط اسس نمشي عليها وكل واحد يبقي عارف حدوده فين
رامي: طيب ممكن نقدم حل وسط ان نقدم مخطط يلبي رغباتنا احنا الاتنين
أميره: سمعت المثل الي بيقول المركب الي ليها ريسين بتغرق
رامي: اه سمعته بس ده اي علاقته بالمشروع
أميره: بمعني ان احنا مفيش مخطط هانتفق عليه فمنضيعش وقت بعض والاحسن ان حد يبقي عليه التخطيط وحد التنفيذ
احنا هانخطط وانتوا هاتنفذوا
سليم بحده : انتي بتعطي اوردر كده لمين احنا شراكه.. مش شغالين عند حضرتك
أميره ببرود: شراكه بنسبه 40 ل 60
يعني النسبه الاكبر ليا يعني انا الي احدد
سليم بحده: مين الي وافق علي النسبه دى اصلا
رامي: مستر سليم يقصد ان النسبه دى لسه هانتفق عليها
سليم بحده: لا مس أميره شكلها جايه ونيتها انها متتفقش اصلا
ليدخل زهدى الغرفه
زهدى: سلييييم
........................... يتبع
ياترى زهدى هايعمل اي مع سليم؟
أميره عاوزه من عمر ومصطفي اي وهل ده له علاقه بصديق ولا لا؟