رواية وجعي الفصل الرابع 4 والاخير بقلم سندس محمد
روحت البيت وانا موجوعه اوي احساس الظلم وحش اوي وانا اتظلمت من ناس كتير في حياتي وكانوا اقرب الناس ليا غمضت عيوني وانا دموعي نازله علي خدي ياااارب دخلت غسلت وشي ومكنش ليا نفس اكُل دخلت نمت علطول صحيت تاني يوم فطرت وجهزت نفسي عشان ميعاد الدكتوره دخلت العياده وانا متحمسه عشان اكمل كلام خبطت
_ادخل
_ ازي حضرتك
_ الحمدلله وانتي عامله ايه احسن النهارده
_ الحمدلله
_تعالي
قعدتني علي كرسي مريح
_كده احسن يلا وصلنا فين المره اللي فاتت
_ لحد لما روحت مع الست وعيشت معاها سنتين حبيتها اوي وهي كمان حبتني كانت حنينه اوي
عيطت بس اتوفت هي كمان سبيتني لوحدي قعدت خمس شهور مش عارفه اتقبل فكره موتها وعرفت انها كتبتلي الشقه والفلوس اللي عندها وبعد مافوقت فكرت اعمل مشروع وفعلا عملته ونجحت عملت مطعم والحمدلله المطعم كبر اوي واتخطبت لراجل كويس اوي وحكتله كل حاجه واتقبل كل حاجه بس فكرت قبل ما ابدأ معاه حياه اتعالج من الجروح اللي جوايا ومش عارفه ادويها
_ بصي يا ليلي مع كل اللي حصلك ده انتي لسه قويه و ده هيساعدنا في العلاج وإن شاءلله العلاج مش هيطول
عدي شهرين وانا بروح للدكتوره بنظام وجه اليوم المنتظر اللي الدكتوره قالتلي انا خلاص اتعالجت وقدرت اتخطي كل حاجه والنهارده حاسه اني اتولدت من جديد حاسه كل الجروح اللي جوايا اه هي مراحتش كلها بس هقدر اتغلب عليها واعيش لازم نفضل دايما ثابتين عشان بعد الصبر جبر وانا شوفت الجبر كله خرجت من العياده وانا متحمسه هرن علي يوسف بقي
_الو السلام عليكم
_ وعليكم السلام ورحمة الله وبركاته عامله ايه
_ الحمدلله بخير وانت عامل ايه
_ بخير طول مانتي بخير
_ كنت قولتلي الفرح امتي بقي
_بدهشه بتهرزي صح
_ بضحك لا والله
_ بفرحه انا مش عارف اقولك ايه
_ قولي ميعاد الفرح امتي
_ الوقت اللي انتي تعوزيه
_ بحبك ♡
_وانا كمان بموت فيكي ♡
_________________________________________
انتهت قصتي كل اللي عايزه اقوله ان الصبر حلو حلو اوي وبعد الصبر جبر 🖤
وان اللي بيروح عند دكتور نفساني مش مجنون ده الدنيا جت عليه اوي وقرر يعالج نفسه عشان يقدر يكمل في الحياه 🖤🖤
تمت
