رواية ظلام قلبي الفصل التاسع والعشرون 29 بقلم زينب احمد
البارت (29)
أميره بهدوء: حفيدك رامي
زهدى بصدمه: اي... لا يمكن
سليم بحده: لا يمكن رامي يعمل كده
أميره ببرود : شغل الاب ياياسر
ياسر: حااضر
بعد ان راوا فيديو اتفاق بينه وبين غفير المخزن
ثم تقوم أميره بتشغيل تسجيل لاعتراف فرد امن الشركه
أميره وهي تنظر لرامي: تؤ تؤ... صدمه مش كده... مكنتش متوقع ان هاعرف انك وراها مهو ازاى الوجه البرئ ده يعمل كده بس الي انت متعرفوش ان الوش ده جدك واخوك يصدقوه انما انا لا
سليم وهو يهز رامي: الكلام ده صحيح... انطق؟
زهدى يقف ويجذب رامي باتجاهه: انت تعمل كده... ليه انا قصرت معاك في اي هااا... ده حتي وهي بتتكلم فكرت ان يمكن سليم اتهور لكن انت عمرى مافكرت انك تعمل كده
أميره بهدوء: سليم واضح حتي في كرهه راح قدم في الشركه بلاغ ومعروف ان هو الي قدمه لكن رامي بيمثل الوجه البرئ وبيضرب من تحت ومتاكد انو مش هايتقفش ولا اي يا يمستر رامي
رامي بزعيق وهو ينظر لزهدى وسليم : كنتوا عاوزني اعمل اي وهي السبب في النار الي قايده في بيتنا وكل يوم خناق بسببها كان لازم تدوق من نفس النار
أميره بسخريه: تؤ تؤ.. قلبي مش قادره استحمل
هاتلي منديل ياياسر هاعيط.... ثم تكمل بحده: يعني مش عشان تعرف تتجوز ميرال ولا حااجه اوعي تكون ياعيل انت فاكر اني غبيه ولا عبيطه ده انا جايباها من تحت... هو انا مش عارفه انك عملت كده عشان تروح لصديق وتقوله شوفت انا عملت اي عشانك وانا كمان بكره أميره زيك يقوم مسقفلك ويجوزك بنته
رامي: كدب لا
تفتح أميره هاتفها وتضغط بضعه ازرار لياتيها رد محمود
أميره: بقولك يامحمود انت كنت بتقولي اي النهارده بخصوص رامي زهدى اصل مكنتش عارفه اسمعك من الدوشه الي حواليا كرر تاني الي قولته ثم تضع الهاتف علي الاسبيكر
محمود: كنت بقولك ان حاول يتصل ب بابا كذا مره وكان بابا ناسي موبايله في البيت وانا رديت عليه وكان بيقول عاوزه في حاجه مهمه بس مقالش اي هي
أميره تلتقط أميره الهاتف: طيب مع السلامه الوقتي يامحمود وتغلق الخط
أميره تبتسم بانتصار: هااا
سليم يمسك رامي من ياقه قميصه: انت ازاى تعمل كده بتحرقلها المخازن ليه اذيتك في اي للدرجه دى مهوس بميرال
رامي يبعد يديه ثم يشير علي أميره : زى مانت مهوس بيها من ساعه ماشوفتها انت مش شايف بتعاملني ازاى مش شايف غيرها بتعاملني بعصبيه ونرفزه وانا المفروض استحمل بس لامتا هاا
أميره بسخريه: عرفت تربي يازهدى بيه واحد يقدم في الشركه بلاغ والتاني يحرقلي المخازن
يجلس زهدى بصدمه
رامي يذهب باتجاه أميره ولكن يوقفه احد البودى جاردات
رامي بزعيق : انتي مش هاتفلتي من ايدى
أميره ببرود: ايوه كده اشتال القناع واظهر الوش الحقيقي
ثم تنظر لزهدى: ها يااستاذ زهدى اى رايك
زهدى بخزى : انا مش عارف اقولك اي
أميره بجدين : انا مش عاوزاك تقولي حاجه انا الي هاقول
سليم: ايوه هاتي من الاخر انتي عاوزه اي
أميره بهدوء وهي تنظر لزهدى: الخساره لحد دلوقتي بقيمه خمسه وعشرين مليون... انا عاوزه شيك ب ثلاثين مليون جنيه مهوا التصليح تاني هايكلف وعشان اجيب بضاعه بدل الي اتحرقت هاحتاج مبلغ اكتر ولا اي
رامي: اي الهبل ده متوافقش ياجدى
زهدى بحده : انت تخرس خالص
أميره ببرود : مفيش مجال يوافق او يرفض الشركه كلها عايمه في البنزين ولو مفيش شيك ب ثلاثين مليون شركه بقيمه ثمانين مليون هاتبقي رماد مهوا النار بالنار ولا اي
سليم: اكيد لا
أميره باستفزاز : تحب تجرب
سليم: لا رد
ثم تنظر لزهدى وتقول ببرود: واه صح حتي لو ولعت في الشركه وبقت رماد هاخد الادله الي معايا واروح بيها للشرطه وساعتها هاخد تعويض برده بس وانت خسران الشركه كمان
زهدى بضيق: انا مش معايا سيوله تكفي المبلغ ده كله
أميره: اوك اكتب اتنين شيك كل واحد بقيمه خمسه عشر مليون واحد اصرفه بكرا والتاني بعد يومين تكون حطيت في الحساب الي يكفي الشيك
زهدى : حااضر
رامي: حاضر اي لا طبعا
سليم: لا ياجدى
زهدى بحده : اخرسوا انتو الاتنين
لتنظر لهم أميره وبسمه الانتصار تعلو شفتيها
...............................................
تدخل هاميس غرفتها وهي تدندن لتصدم بميرال عندما تفتح النور
هاميس بخضه: بسم الله الرحمن الرحيم.. انتي اي مقعدك في الضلمه كده وقاعده في اوضتي ليه
ميرال بحزن: كنت مستنياكي كنت محتاجه اتكلم مع حد
هاميس وتقترب منها وتجلس بجانبها: مالك في اي
ميرال: لا شكلك مزاجك حلو بلاش ادايقك
هاميس: اه كنت خارجه مع وليد واتفسحنا.. بس مش مهم المهم انتي مالك كده اي الي حصل ووشك احمر ليه
ميرال تحتضن هاميس وتبكي بحرقه
هاميس بقلق: مالك في اي قلقتيني
قصت لها ميرال كل ماحدث
هاميس بحده: ازاى يضربك هو اتجنن ولا اي.. طب ومحمود رايه اي في الي حصل
ميرال: قالي اقعدى معاه وحاولي تطفشيه لان ابوكي طالما مصمم محدش هايقدر يمنعه فكرهيه فيكي وهو الي يرفض يتجوزك
هاميس: طب افرضي مكرهكيش تبقي لبستي في واحد اد ابوكي
ميرال بحزن: انا مش عارفه اعمل اي
هاميس: وهو ازاى عاوز يجوزك حد كبير كده لازم ليه مصلحه
ميرال: مش عارفه هو مقالش اي حاجه غير الي قولتهولك
هاميس: ومش هايقول
تمر دقيقتين والصمت يعم المكان
هاميس بتفكير : بصي هي مالهاش الا حل واحد
ميرال: اي هو الحقيني بيه
هاميس: أميره
ميرال: نعم استحاله اروحلها او اطلب مساعدتها
هاميس: ليه بس صدقيني دى الحل الوحيد هي الي هاتقدر تقف قصاد صديق وتمنع الجوازه دى
ميرال: طيب ماتقوليلها انتي الحكايه كلها
هاميس: هههه انتي عارفه هاتقولي اي هاتقول وانتي مالك صاحبه الموضوع هي الي تيجي تتكلم معايا انا حافظاها وحافظه ردودها
ميرال: طيب تفتكرى لو قولتلها هاتساعدني
هاميس: افتكر جداا وبالاخص ان جدى موصيها عليكي
ميرال: طيب تعالي معايا وانا بكلمها
هاميس: ولا اعرفك... انا جايه تعبانه وعاوزه انام
ميرال تقوم لتغادر
هاميس: اه وافضل وقت تكلميها لما ترجع لان بتكون الصبح مستعجله
ميرال بضيق: طيب
...................................................
بعد ساعه تدخل الغرفه بتعب
تقلع الشوز وترمي الشنطه علي السرير
وتقلع البليزر الاسود لتظهر بتيشرت اسود نص كم
ويظهر الحرق في يدها
تذهب لمطبخها الصغير لتعد شئ لتاكله فهي لم تاكل شئ طوال اليوم
يقطع عملها طرقات علي الباب
تذهب لتفتح فهي عاده تغلق عليها بالمفتاح في الليل فهي لا تشعر بالامان في وجود صديق
لتجد ميرال تقف وتفرك يدها
أميره تنظر لها بمعني نعم
ميرال بتوتر: ممكن ادخل اتكلم معاكي شويه
أميره: الوقتي انتي عارفه الساعه كام
ميرال: معلش انتي الصبح بتكوني مستعجله ومبلحقش اشوفك
أميره ببرود؛: ادخلي واقفلي الباب وراكي
تذهب أميره لتكمل ماكانت تفعله
ميرال: شكلك مشغوله
أميره: بعمل حاجه بسيطه اكلها.. اعملك معايا؟
ميرال: لا شكرا
خمس دقايق ويعم الصمت
ميرال: احم هو اي سبب الحرق الي في ايدك ده شكله قديم
أميره ببرود: ابقي اسالي ابوكى عليه
يعم الصمت مره اخرى
تاخذ أميره الاكل وتضعه علي الطاوله وتجلس لتاكل
أميره دون ان تنظر لها: تعالي اقعدى وقوليلي في اي
ميرال: هو انتي عارفه
أميره: انا معرفش حاجه بس في حاجه عاوزه تقوليها ومهمه عشان كده جايه الوقتي مش كده برده؟؟؟
ميرال: ايوه
أميره: طيب قولي
ميرال تصمت مره اخرى
أميره ببرود: قدامك وقت لحد ماخلص اكل ولو مقولتيش هاترجعي اوضتك عشان انا انام
ميرال: لا خلاص هاقول
قصت ميرال علي أميره كل ماحدث
لم تتفاجا أميره او تظهر رده الفعل مما جعل ميرال تشك انها تسمعها في الاساس
انهت أميره اكلها ثم نظرت لميرال
أميره: وانتي عاوزه اي الوقتي
ميرال: مش عاوزه اتجوزه اكيد
أميره: طيب هاسالك سؤال وتجاوبي عليه بصراحه
تاخذ أميره الاطباق وترجعها للمطبخ وتغسلها
تذهب ميرال خلفها
ميرال: اي هو
أميره: بتثقي فيا
ميرال: اممم بصراحه قبل كده لا دلوقتي مش عارفه
أميره بهدوء : يا أه او لا
ميرال: أه
أميره: طيب يبقي هاتنفذى الي اقولك عليه بدون نقاش
ميرال: الي هو اي
أميره: هاتقابلي العريس وتقعدى معاه
ميرال بصدمه: اي
......................................................
في فيلا يونس
سامر: شكلك نسيت الي انت جاي عشانه
يونس: لا منستش
سامر: امال اي ملهي مع أميره ومعملتش خطوه جديده مع صديق
يونس: هاعمل قريب والي هاتجيب من الاخر
سامر: طب وأميره
يونس: مالها
سامر: هاتطلقهاوتسافر دبي
يونس: لا طبعا
سامر: ماانت في الاول والاخر هاتسافر دبي وتسيب مصر
يونس : هاخدها معايا
سامر: مش هاترضي تسيب اخواتها وتيجي معاك وانت بتقول جدها موصيها عليهم
يونس بضيق : هافكر في حل ياسامر
سامر: اه صح كان في بنت كده في البيت في المنصوره تبقي قريبتهم؟؟؟
يونس: اي هي الصناره غمزت ولا اي
سامر: مش عارف.. بس معرفش اسمها هي كانت لابسه اسود كده
يونس: انت هاتشلني كلهم كانوا لابسين اسود
سامر: يووه بقاا انا رايح اشوف ورايا اي
ليضحك يونس عليه ويقول في قراره نفسه هاتدوق الي انا فيه ياسامر
.......................................
في شقه زهدى
زهدى بزعيق: بقا انت تعمل فيا كده هااا
سليم: عايش وسطنا مجرم واحنا مش عارفين
رامي: انت هاتعمل نفسك برئ ماانت كمان روحت بلغت فيهم
سليم: اه روحت بلغت وكنت علي حق لانهم الي قصروا لكن سيدتك روحت حرقت والنتيجه اي جدك دفع ثلاثين مليون جنيه
زهدى: انتو الاتنين انيل من بعض اسكتوا خلوني اعرف افكر هاجيب بقيه المبلغ منين انا مش معايا سيوله في الوقت الحالي
رامي: متدفعش وخلاص ونشوف حد يسرق الشيك منها
سليم: اه جو الاجرام هايطلع... ثم يكمل وهو يوجه انظاره علي زهدى: وانت وافقت ليه
زهدى: كنتوا عاوزني ارفض وتروح تبلغ عن اخوك ولا تولع في الشركه ماانت كنت موجود وبعد مامشيت اكتشفنا فعلا انها مغرقه الشركه بنزين
يعني مابتهزرش
رامي: وانت فكرك انها هاتاخد الفلوس وهاتسكت
زهدى: لو كانت عاوزه حاجه تانيه كانت قالتها من الاول ولو كانت هاتعمل حاجه مكنتش قعده معانا اصلا
سليم: طب وبعدين
زهدى: احنا هانبيع عربيتين ونسيب عربيه واحده لينا كلنا وفي حته ارض هابعيها واشوفها هاتجيب كام
سليم: للدرجه دى
زهدى: اه للدرجه دى أميره مبتهزرش ومش هاتستني ولا هاتعمل حساب لحد كويس انها جت علي اد الفلوس
.................................
يمر يومين ولا جديد سوى استيلام أميره للمبلغ وتحويله لفرع اسكندريه والمخازن وفرع الشركه عاد كما كان من قبل وافضل وموافقه محمود علي العمل في الشركه وميرال بعد تخرجها ستعمل في الشركه
في يوم جديد مثل كل يوم
في شركه الميرا
في مكتب أميره
مراد: طب والعمل اي دلوقتي هاتديرى شركتين منافسين لبعض ازاى
أميره بهدوء : سهله يبقى في شراكه مابينهم
مراد: ازاى وفي مشاكل علي شركه المصطفي كده هاتوقع شركتنا
أميره: وليه ماتقولش هاترفع شركه المصطفي لفوق من تاني
مراد: فكرى في الموضوع تاني كويس
أميره: ده اكيد انا مبعملش اي خطوه الا لما اكون عامله حسابها
مراد: تمام
أميره: صحيح انت وياسر هاترجعوا معايا علي البيت النهارده
مراد: خير في اي
أميره: ياسيدى انا عازماك فيها حاجه
مراد: لو فيها محمر ومشمر انا موافق
أميره: همك علي بطنك
مراد: اكيد انا هفتان ومحتاج اتقوى
أميره: طيب عرف ياسر... اه وهات سلاحك معاك
مراد: لا انتي كده قلقتيني بجد
أميره بغموض : لا متقلقش بسيطه ان شاء الله
يلا روح اعمل الي قولت عليه
مراد: حااضر
ليتركها ويغادر
ترفع هاتفها وتتحدث مع احد
أميره: ها اي الاخبار
عنتر: كله تمام زى ماطلبتي بس مش هاقدر اسيطر علي الوضع كتير
أميره: ساعتين مش اكتر من كده ولو احتجت رجاله عرفني وانا ابعتلك
عنتر: لا مش محتاج رجاله
أميره: طيب ومتنساش هاكلمك وبعدين تبعت الامانه الي اتفقنا عليها
عنتر: تمام
.............................................
في المساء في فيلا المصطفي
صديق: يلا اجهزى شريف بيه علي وصول
ميرال بضيق: حااضر
صديق: وتعامليه كويس وتتضحكي في وشه
ميرال: حااضر
رحيمه: صديق بيه في ضيف تحت ومستني حضرتك
صديق: طيب روحي قدمي فاكهه وعصير وانا جاي اهو
رحيمه: حااضر
صديق: وانتي خمس دقايق وتيجي ورايا
ميرال بضيق: طيب
..................................
يجلس ويضع رجل علي رجل وخلفه رجلان واقفين لحمايته
صديق: اهلا اهلا شريف بيه
شريف يسلم بتعالي وهو مازال جالس:
اهلا بيك...امال فين عروستي
هنا تدخل ميرال وهي ترتدى دريس اسود وتلم شعرها للخلف
شريف يقف ويمد يده: ماشاء الله تبارك الله
لم تسلم عليه ميرال وجلست علي كرسي بعيدا عنه
يشعر شريف بالاحراج ويجلس مره اخرى
صديق: معلش مكسوفه بقاا
شريف: مش مشكله مهوا لما بشترى فرسه جديده بتبقي متمرده عليا في الاول بس بروضها وبعلمها علي طباعي
صديق: هههههههه
شريف: مش هانقرى الفاتحه ونلبس دبل بقاا ولا اي
هنا تنتفض ميرال: دبل اي.. دى قاعده تعارف بس
شريف : انا اعرفك وشوفتك انتي ابقي اعرفيني طول شهر الخطوبه
ميرال بصدمه: شهر
صديق: وماله ياميرال ابقي اعرفيه في الخطوبه
هنا علمت ميرال انها بيعه وشروه وان الشارى مستعجل عشان ياخد بضاعته منعت دموعها من النزول
قطع شرودها دخول أميره وخلفها ياسر ومراد والبودى جاردات
تجلس أميره امام شريف وتضع رجل علي رجل
شريف بتوتر: أميره هانم
أميره ببرود: كويس انك عارفني هاتقصر عليا كتير
صديق: اي الي جابك ده موضوع ميخصكيش
أميره: طالما يخص ميرال يبقي يخصني
صديق: ليه مالهاش اب ولا انتي وصيه عليها
أميره باستفزاز: بالظبط انا وصيه عليها
ثم توجه انظارها لشريف: مش كان المفروض تستاذن وتطلب ايدها من الوصيه عليها
شريف ببرود: ابوها موجود وموافق وهي كمان موافقه
تقف ميرال وتذهب خلف أميره وتقول بتوتر
: انا مش موافقه
صديق بحده: فوقي واعرفي انتي بتقولي اي
ميرال: انا عارفه انا بقول اي.. سؤالي بقاا لحضرتك بعتني مقابل اي هاا
صديق: لا رد
أميره: انا هارد عليكي... شريف بيه تاجر سلاح اد الدنيا وعاوز يفتح شركه تدارى علي فلوسه لقي مين صديق باشا الي عاوز يفتح شركه جديده تنافس المصطفي بس ناقصه التمويل بس كان شريف بيه شافك وعجبتيه وعاوزك يقضي معاك يومين او شهرين مش هاتفرق وشرط عشان الاتفاق يتم جوازك منه
ميرال ببكاء: للدرجه دى انا رخيصه عندك يابابا
صديق: كدب الكلام ده مش صحيح
أميره: افتح الباب ياياسر زمان الامانه وصلت
ياسر: حااضر
لم يفهموا عن ماذا تتحدث
حتي رجع ياسر ومعه صندوق
اخذته أميره وفتحته واخرجت منه مسدس بشكل غريب
أميره: حلوه البضاعه ياشريف بيه ثم تكمل بتحدى: المخزن تحت سيطره رجالتي تحب تتمم الجوازه وتخسر بضاعه بقيمه ٣ مليون دولار برده!!
ليقف شريف ويرفع سلاحه ويرفع كلا من رجالته سلاحه وفي المقابل يرفع كلا من مراد وياسر والبودى جاردات سلاحهم
أميره وهي مازالت جالسه
أميره ببرود: عاوزها بحر دم... يلا وانا مش هاخد فيك يوم واحد في السجن اصل هايكون دفاع عن النفس وبرده هاتخسر البضاعه
شريف بعد تفكير: لرجالته نزلوا سلاحكم
شريف وهو ينظر لاميره: وانا مش عاوز اعاديكي ياأميره هانم
أميره: ولا انا انت متفرقش معايا في حاجه لا عدو ولا حبيب الي يفرق معايا اختي ميرال وانك متعملش شراكه مع صديق
شريف: اعتبريه حصل ياهانم
ترفع أميره الهاتف: خد الرجاله وامشي من عندك ومتاخدش حاجه من بضاعه شريف بيه
أميره تنظر لشريف : اظن كده تمام... مش عاوزه اشوف وشك مره تانيه
شريف بضيق: عن اذنك
صديق: اي ده استني ياشريف بيه مخلصناش كلامنا
رحيمه: العشا جاهز ياهانم
أميره: يلا يارجاله انتو تعبتوا النهارده
ياسر: لا انا هامشي انا
أميره: اقعد ياياسر بدل مااجرب السلاح الجديد عليك
ياسر : لا وعلي اى
مراد: حد يقول للمحمر والمشمر لا
أميره: اسمع كلامه
احد البودى جاردات: هانستني بره حضرتك
أميره: اتعشوا الاول وبعدين استنوا بره
البودى جارد: مفيش اوامر بكده
أميره بحده : انت هنا عندى انا واوامرك تاخدها مني ولما اقول حاجه تقول حااضر وبس
البودى جارد: حااضر يافندم
غادر الجميع
وظلت ميرال واميره
أميره: خلاص بقا ياميرال بطلي عياط
ميرال: انا مش مصدقه بابا يعمل فيا كده
أميره بهدوء : لا صدقي كل شئ وارد
ميرال تحتضن أميره تصدم أميره في الاول ثم تقوم بمبادلتها الحضن وتربت علي ظهرها
أميره: خلاص بقاا
ميرال: انتي حنينه اووى حضنك حنين
تبعدها أميره عنها: خلاص يلا اطلعي غيرى هدومك وارتاحي
ميرال: مش عارفه اشكرك ازاى
أميره وهي تشدها من اذنها: مفيش شكر بين الاخوات غير انك وصيه جدى فمهما حصل انتي في حمايتي
تنزل هاميس
هاميس: اي عريس الغفله طفش
ميرال بفرحه : ايوه اميره طفشته بالتلاته
أميره ببرود: صحي النوم يااستاذه ده لو اتقتل قتيل مش هاتحسي بيه
هاميس: معلش جيت من الجيم هلكانه معرفش نمت ازاى... المهم احكولي الي حصل
أميره: ميرال تحكيلك انا طالعه ارتاح
........................................
بعد يومين
في الصباح الباكر
كانت تعد شنطه صغيره
تجد هاميس تفتح الباب وتدخل تجلس علي السرير
أميره: هو محدش علمك تخبطي علي الباب
هاميس باستفزاز : معلمتنيش ليه
أميره لا ترد عليها وتكمل ماتفعله فقد ياست منها ومن ان هناك عقل براسها
هاميس: راحه فين
أميره دون ان تنظر لها: راحه المزرعه هازور جدى وامي وحشوني
تقف هاميس وتقوم باحتضانها من الخلف
أميره تقاوم البكاء
هاميس بهدوء وجديه : هما يصدقوا انك بقيتي كويسه وقويه بس انا لا يمكن اصدق القناع الي انتي راسماه ده
تخرج أميره من حضنها وتضع قناع البرود
أميره وهي تكمل ماكانت تفعله: المره دى لازم ابقي قويه فعلا لان لو فضلت في دوامه مشاعرى هابقي لقمه سهله لناس كتير وانتوا معايا المره دى غير مره اما امي ماتت كان جدى موجود وسابني في دوامه الحزن لحد ماطلعت منها براحتي لكن المره دى مفيش حد يقولي هاسد مكانك او احزني براحتك من حقك... المره دى ماليش سند ياهاميس فهمتي؟
كادت هاميس ان تتحدث
أميره: يلا انا هامشي بقا عشان الطريق طويل يدوبك الحق... سلام
هاميس بحزن علي حال اختها:
خلي بالك من نفسك.. مع السلامه
...........................................
تمر الايام ولا جديد سوى اختفاء صديق
في فيلا المصطفي
محمود : مشوفتيش بابا ياميرال
ميرال: من ساعه العريس ده وانا اتلهيت في الكليه وامتحانات الميدتيرم ومعدتش بشوفه
محمود: هايكون مختفي فين بس
ميرال بلا مبالاه: هاتلاقيه بيعمل مصيبه جديده وهايظهر متقلقش انت اخر مره شوفته امتا
محمود: من يومين
ميرال: طيب هاتلاقيه بكرا ظهر
في مكان أخر
كان مربوط في كرسي ومقيد يده ورجليه
صديق بزعيق : انتو مين ياولاد ال**ب ومين مسلطكوا عليا
احد الرجال: هش متصدعناش
ليدخل أحد يرتدى بدله سوداء: عملتوا الي قولت عليه
أحد الرجال: ايوه ياابيه طفينا في ضهره علبه سجاير وضربناه بالحزام لما اتعدم العافيه
ليقترب من صديق
صديق يفتح عين ويقفلها كان عارى الصدر ويملئ ظهره الجروح
ليفتح عينه ويقول بصدمه: يونس الفهد!!
............................ يتبع
ظلام_قلبي
روايات_بقلم_زينب_أحمد
