رواية وجعي الفصل الثاني 2 بقلم سندس محمد
عدي الاسبوع بسرعه وجه اليوم اللي هروح فيه للدكتوره كنت متردده اروح ولا لا بس في الاخر قولت اروح هخسر ايه يعني لبست ونزلت وصلت العياده قبل الميعاد بخمس دقايق دخلت العياده ونا حاسه بتوتر بس مش زي اول مره لقيت الممرضه بتقولي اتفضلي الدكتوره مستنيكي وزي المره اللي فاتت دخلت قاعدت
_ عامله ايه
_ الحمدلله
_ نبدأ
_اه
_وصلنا لفين المره اللي فاتت
_ لحد مامر شهرين
وانا مش فاهمه هو بيعمل ليه كده انا اذيته في ايه عشان يعمل فيا كده وفضلت على الحال ده كان بيدخلي الاكل ويخرج وبليل يخش يكمل ضرب فيا وفي يوم قررت اني مش هستسلم انا تعبت خلاص بصيت في الاوضه لقيت فيها فازه مسكتها وانا عنيا مدمعه وجه الليل وزي كل يوم لقيته داخل عليا وعلامات الشر باينه علي وشه وقرب عليا وقبل ميبدأ ضرب خدته علي غفله وضربته بالفازه علي دماغه وقع علطول بصتله وانا منهاره بس خلاص ديه اخر فرصه ليا دورت في هدومه لقيت فلوس اخدتها وخدت مفاتيح العربيه وطلعت من الشقه بسرعه نزلت منغير محد يحس بيا من سكان العماره ركبت العربيه بسرعه ومشيت مكنتش عارفه هروح فين بس كل اللي فدماغي اني اهرب وبعد مامشيت كتير وقفت العربيه ونا بحاول ارتب أفكاري افتكرت رقيه صحبتي هي عايشه لوحدها واكتر حد امان
وصلت تحت العماره بتاعتها خبطت علي الباب فتحتلي وعلامات الصدمه علي وشها اول ماشوفتها اغم عليا
(فلاش باك)
_اه يادماغي
_ليلي حبيبتي اخيرا فوقتي
_بصتلها ودموعي نزلت خديني في حضنك يا رقيه خدتني في حضنها وانا منهاره من العياط
_اهدي ياليلي اهدي عشان نعرف نتكلم
وبعد شويه كنت هديت شويه عشان اعرف اتكلم معاها
_احكيلي بقي ايه اللي وصلك لكده واختفيتي فين الايام اللي فاتت
حكتلها علي كل حاجه وبعد ماخلصت لقيتها بصتلي بدموع وخدتني في حضنها
_ ازاي ياليلي ازاي استحملتي كل ده
_ انا مكنش قدامي حل غيره يارقيه كنت هموت والله
_اهدي ياحبيبتي
_انا كمان مش عارفه مات ولا لا
_انا عندي حل ايه رأيك تسافري
_اازاي
_انا اعرف حد يعملك جواز سفر من غير حد ميعرف وتسافري بره
بصتلها بخوف وقولتلها ماشي
عدي أسبوعين وعرفت من رقيه انه مامتش الحمدلله بس دخل في غيبوبه الحمدلله وكل حاجه قربت تخلص واسافر واخلص من كل القرف ده عدى 3 اسابيع وكل حاجه خلصت وخلاص فاضل يوم واسافر جهزت حجاتي ونمت صحتني رقيه تاني يوم وبتقولي يلا عشان متتأخريش علي الطياره قومت لبست وخلصت لقيت رقيه بتقولي خدي الفلوس ديه خليها معاكي بصتلها بدموع
_انا مش عارفه من غيرك كنت هعمل ايه
_بس يا هبله انتي اختي وانا مليش غيرك ويلا عشان متتأخريش علي الطياره
نزلنا وركبنا عربيتها وصلنا المطار ونا حاسه بقبضه في قلبي بس تجهلتها دخلنا ودعت رقيه وجايه امشي لقيت.........
