رواية ظلام قلبي الفصل الثالث عشر 13 بقلم زينب احمد
مصطفي: طيب اعطيني فرصه اعرض عليها الموضوع وارد عليك
زهدى: زين مااخترت ياسليم.. يارب توافق
مصطفي: ان شاء الله... عن اذنكوا
زهدى: اتفضلوا هاستني مكالمه تفرحني يامصطفي واهو نبقي اصحاب ونسايب كمان
مصطفي: ان شاء الله هابلغكوا وتيحوا في يوم تنورونا عندنا وتتقدموا رسمي
..........................
رامي: انت استعجلت ياسليم
سليم: استعجلت ازاى
رامي: اولا مسالتهاش شخصيا عن رايها وكمان عندها ظروف عزا وكمان هما في بيتنا يعني المفروض تروح هناك تطلبها
سليم: مالو وافقت هانروح هناك نخطبها
رامي: ده لو وافقت بقا
سليم بحزن: ليه بتقول كده
رامي: لان العلاقه بين أميره وابوها مقطوعه وعلاقتها مع جدها متوتره الفتره دى برجوع ابوها
انت اخترت الشخصين الغلط تكلمهم
سليم: هاكلم مين يعني ماهما المسئولين عنها
رامي: والله ده راى
سليم: حاول تفهمني يارامي انا اول مره اقعد افكر في حد بالساعات كده.. اول مره يبقي نفسي اشوف حد اووى كده اول مره ابقي مشدود كده حتي خطيبتي الي فاتت محسيتش الاحساس ده معاها.. خفت حد ياخدها مني.. وخاصه ان حواليها رجاله كتير.. وهي قافله كل الطرق ليها طب اكلم مين وانت عارف اني صريح ومبجبش اللف والدوران
رامي يربت علي كتفه: ان شاء الله توافق
..................................
تجلس في الجنينه ع كنبه مرجيحه وبجانبها جيكوب يضع راسه ع رجلها وتقوم بوضع يدها عليه
ينزل محمود الجنينه يجدها جالسه يذهب ويجلس علي الكرسي بجانبها
محمود: جيكوب عامل اي الوقتي
أميره ببرود: كويس
محمود: أميره كنت عاوز اتكلم معاكي شويه.
أميره ببرود دون انت تنظر اليه: امال انت بتعمل اي الوقتي
محمود: احم يعني اقصد اتكلم في الي حصل
أميره. وهي تنظر اليه: مفيش حاجه نتكلم فيها
محمود: لا في عاوزك تعرفي ان انا وميرال ملناش ذنب في الي حصل فيكو انتي وهاميس
أميره: عارفه
محمود: طالما عارفه بتعاملينا وحش ليه
أميره بهدوء: انا مش بعاملكوا وحش انا بس معرفكوش
محمود: طب ماتعطي فرصه لنفسك تعرفينا جايز تحبينا ونكون اخوات بجد.. حتي ميرال هي طيبه ع فكره متاخديش ع تصرفاتها
أميره: لا رد
محمود: جربي ولو منفعش ياستي ارجعي عاملينا وحش مش هاتخسرى حاجه
أميره: هافكر
محمود بمزاح: لا دى هاعتبرها موافقه خلاص ادخلي برجلك اليمين ياشابه
أميره تبتسم ولا ترد
..................................
علي الجانب الاخر في غرفه هاميس
ميرال تقف علي الباب
ميرال: ممكن ادخل؟
هاميس: ماانتى دخلتي
ميرال: لو مش حاجه وجودى امشي
هاميس: ادخلي.. عاوزه اى... لسه في اهانه عاوزه تكمليها
ميرال: لا انا جايه اعتذرلك
هاميس: تعتذريلي!!!
ميرال: ايوه انا مكنتش اعرف بوجودك ولا كنت اعرف بوفاه والدتك البقاء لله
هاميس: الدوام لله تعالي اقعدى
ميرال بعد ان جلست: سامحتيني
هاميس: ايوه محصلش حاجه انت مكنتيش تعرفيني
ميرال: انتي طيبه اووى ياهاميس
بس تفتكرى أميره هاتسامحني
هاميس: ايوه طبعا طالما انا سامحتك خلاص
ميرال بتوتر وتفرك بيدها: لا مقصدش ع الموضوع ده
هاميس بترقب: انتي عملتي حاجه تانيه
ميرال بتوتر: عورت الكلب بتاعها بس مكنتش اقصد وهي من ساعتها متبصش في وشي حتي
هاميس بمزاح : ده كويس انك مازلتي
علي قيد الحياه
ميرال: ها
هاميس: اصل جيكوب ده روح أميره كده وجزء منها هو صحيح عجوز وعيان بس متقدرش تفرط فيه ولا تستغني عنه
ميرال: ايوا يعني اعمل اي
هاميس: ولا حااجه سيبيها شويه تهدى من نحيتك
ميرال: انا اصلا بخاف منها
هاميس: ههههههه أميره مش بعبع ثم تكمل بجديه هي بس شافت كتير وعانت كتير اكتر مني بكتير انا مهما حصل معايا مجيش جنبها حااجه عشان كده بس تلاقي تعاملها صعب احيانا
ميرال: ده مش احيانا ده ع طول
هاميس: هههههههههه هاتحبيها صدقيني
................................
في الفيلا وبالتحديد في المكتب
يجلس كل من مصطفي وصديق وعمر
مصطفي: ناديلي أميره ياعمر
عمر: هاتقولها الوقتي يابابا
مصطفي: ايوه
عمر : ماتستني شويه تكون فاقت من كل الاحداث الي جايه ورا بعض ده
مصطفي بتصميم: لاالوقتي يلا ناديها
.........................
في جنينه الفيلا
مازالوا يجلسون ويتحدثون عن بعض الامور
عمر: أميره انتي هنا. ازيك يامحمود
محمود: الحمد لله
أميره: وجيكوب لا يعني
عمر: ازيك ياعم جيكوب حلو كده هو عامل اي الوقتي
أميره: أحسن..... الجرح لم بس في دوخه كده بتروح وبترجعله عاوزه ابقا اخده العياده البيطريه بكرا
محمود: تمام وانا هاجي معاكي
أميره: هو عشان جيكوب حبك بقا هاتاخد عليها
ولا اي
محمود: ايوه خلاص ادبستي فيا طالما جيكوب حبني
عمر: اه صح كنت هانسي
أميره: اي
عمر: جدك عاوزك
أميره: خير في اي
عمر: لما تروحي هاتعرفي
أميره: طيب جايه معاك اهو يلا جيكوب
محمود: خلي جيكوب معايا وشويه وهاندخل
أميره: طيب ماتتاخرش عشان مياخدش برد
............................................
في المكتب
مصطفي: لما أميره تيجي سيبنا واطلع ياصديق
صديق: عاوزني ابقي قريب ليها ازاى وانا محضرش موقف مهم زى ده ولا انت ناسي شرطك
فلاش بالك
مصطفي: بس بشرط
صديق: اي هو
مصطفي: تقرب من أميره وتعوضها السنين الي فاتت الي سيبتها فيها لوحدها وتحببها فيك
صديق: مااشي
مصطفي: ولو مقدرتش تعمل ده هارجعها تاني لمكانها في الشركه ومحمود مش هايكون ليه مكان فيها فاهمني طبعا
صديق بضيق: فاهم
باك
صديق: لازم اكون حاضر موقف زى ده عشان تحس ان ابوها موجود وليه دور في حياتها
مصطفي: طيب بس لو النقاش بقا حاد تسيبنا وتخرج
صديق: تمام
خبط ع الباب ثم تدخل هي وعمر
أميره: طلبتني ياجدى
مصطفي: ايوا ياميرا أقعدى
أميره: قعدت في اي
مصطفي: جايلك عريس
أميره: هههههه انت جايبني تهزر معايا ياجدى
مصطفي: انا مبهزرش
أميره: لا بتهزر لانك عارف راى كويس في الموضوع ده
مصطفي: وانتي مش هاتترهبني
أميره: انا حره انا الي اقرر اتجوز او لا
صديق،: طب ماتشوفيه الاول جايز تغيرى رايك
أميره: انت مين اصلا وبتتكلم ليه
صديق: ابوكي لو ناسيه
أميره: ابويا مات مع امي فاكرها ولا نسيتها
صديق بزعيق: انتي قليله الادب بتموتيني وانا عايش قدامك
مصطفي بزعيق: بس بقاا... سيبنا لوحدنا ياصديق
صديق: بس
مصطفي: سيبنا لوحدنا وانت كمان معاه ياعمر
عمر: مااشي... تصبحوا ع خير
بعد ان خرجوا
مصطفي: ممكن نتكلم بهدوء
أميره: اتفضل
مصطفي: هو لو مش شخص كويس ويستحق نديله فرصه مكنتش قولتلك
أميره: مين؟
مصطفي: سليم حفيد زهدى بيه
أميره ببرود: وطبعا طلبني من صديق باشا ع اساس ان ابويا وكده
مصطفي: لا طلبك مني.. قولتي اي
أميره: مش موافقه واسباب رفضي مش في سليم انا معرفوش عن قريب جايز يكون شخص كويس
اسباب الرفض عندى انا انا مينفعش اتجوز وانت عارف ليه مفيش داعي كل شويه تحط ع جروحي ملح ده لو انا فارقه معاك
مصطفي: وهو يقوم ويجلس بجانبها... انتي اكتر واحده فارقه معايا في الدنيا دى بس زى ماانتي شايفه خلاص عجزت وممكن اودع في اى وقت مش عاوز اسيبك لوحدك
أميره وهي تنظر له: بعد الشر عليك لو جرالك حااجه هاموت من بعدك انت جدى وابويا واخويا وصحبي ولا اي ياصفصف
مصطفي وهو يحتضنها: احلي دلع ياناس فين جدتك أميره كانت تيجي تسمعك.. الله يرحمها
أميره: الله يرحمها... كنت بتحبها ياجدى
مصطفي: الا بحبها ده الحب اتعمل عشانها
ده بقعد كل ليله قبل ماانام افكر في ذكرياتنا سوا واحسها حواليا
أميره: الله.. احكيلي عنها كمان
مصطفي: بصي ياستي كانت...............
........................................
بعد مرور اسبوعين لا جديد فيهم سوى تقرب ميرال وهاميس وخوف ميرال من أميره وتقرب محمود من جيكوب وتقرب محمود من هاميس ولكن أميره مازلت لم تتقرب منهم كفايه .. ووصول رفض أميره لسليم لزهدى الذى ثار من اجل حفيده وكيف لها ان ترفضه
وعاود كل من مصطفي وعمر المزرعه
ووليد كان قد سبقهم من قبل
في صباح يوم جديد
تنزل علي الدرج لتجدهم يجلسون ويتناولون الفطار
صديق ومحمود وهاميس
هاميس: انتي راحه الشركه
أميره: اها
صديق: طب استني نروح سوا
أميره: تتجاهل الرد ع صديق يلا سلام ياهاميس
صديق: شايفين بتعاملني ازاى ولا كاني عدوها
محمود: معلش يابابا استحملها
صديق: هو انا بعمل اي غير ان استحملها واحاول التقرب منها ماهي في الاخر بنتي برده
صديق: يلا انا رايح الشركه خلص وتعالي ورايا يامحمود
محمود: بابا انا مش عاوز اجي الشركه انت عارف نفسي افتح مكتب محاماه
صديق: تفكيرك محدود حد يبقي عنده شركه طويله عريضه ويروح يفتح مكتب صغير... يلا تعالي معايا عشان تاخد ع جو الشغل
..........................
في الشركه
في مكتب أميره
تعمل ع الاب وتضع نظاره القراءه تتوقف عن العمل عندما يرن الهاتف
لتنظر لتجده وليد
تقلع النظاره وترد عليه
أميره: اي الاخبار عندك
وليد: في اخبار حلوه تحبي تسمعي
أميره: اكيد
وليد: في بنت عاجباني وهانروح بكرا نتقدملها
أميره: فعلا خبر حلو
وليد: بس لازم تكوني حاضره طبعا
أميره: وياترى انا بس الي مدعيه ولا حد تاني
وليد بتوتر: هو جدى هايكلم عمي صديق وكده تيجوا النهارده كلكوا
أميره: اها قول كده بقا
وليد: وجودك مهم بالنسبالي ياميرا لازم تيجي
أميره: طب اقفل جدى بيتصل
وليد: طيب بس هاتيجي
أميره: حاضر اقفل بقا
وليد: سلام
أميره: ايوه ياجدى وحشتك؟
مصطفي: اكيد طبعا هو انا اقدر استغني عنك
وعشان كده عاوزك تيجي النهارده
أميره: جدى مبتعرفش تثبتني قولي علي طول في اي.
مصطفي: عاوزين نخطب لوليد
أميره: مبروك عاوزني في اي بقا
مصطفي: عشان تشوفي العروسه وتقوليلي رايك
أميره: وانا مالي هو انا الي هاتجوز
مصطفي : عشان قلبي يطمن يااأميره وانتي عارفاني بثق في رايك
أميره: طيب هااجي
مصطفي : تعالي مع صديق ومحمود بقا
أميره: لا انا مش هاجي معاهم هاجي لوحدى
مصطفي: طب خلاص هاتي هاميس معاكي
أميره: غريبه يعني عاوز هاميس
مصطفي : هي مش. حفيدتي زيك ولا اي هي صحيح نعنوشه شويه بس يلا مش مشكله
أميره بفرحه: بجد ياجدى عاوزاها تيجي معايا
مصطفي: ايوه طبعا انا هاهزر معاكي ليه يعني هو انا اعرفك
أميره: ههههههه خلاص مااشي هاجيبها معايا سلام بقا عشان اكلمها تجهز عما اعدى عليها
مصطفي: مااشي تيجوا بالسلامه
...................
طرق علي الباب
أميره: ادخل
ياسر: سليم بيه بره وعاوز يقابلك
أميره: سليم مين
ياسر: سليم زهدى
أميره وهي تضغط ع بضعه ازرار: طيب دخله
هاميس: لحقت وحشتك
أميره وهي تشاور لسليم بالجلوس: اكيد طبعا هو انا اقدر استغني عنك
هاميس: بس المكالمه دى وراها حاجه
أميره بمزاح : أحبك وانت فاهمني.. جهزى نفسك هاخلص شغل واعدى عليكي انتي مطلوبه بالاسم
هاميس بخضه؛ مطلوبه بالاسم
أميره بمزاح وتمثيل الجديه: جدى طلبك ياترى عملتي اي
هاميس بضيق: انا معملتش حاجه طب هو مقلكيش حااجه
أميره: ههههههههه متقلقيش وحشتيه يااستي وعاوز يشوفك
هاميس بفرحه: بتتكلمي بجد
أميره: اه والله
هاميس: اخيرا قبلني وحبني
أميره: شوفتي بقاا.. يلا سلام عندى شغل... هاعدى عليكي كمان ساعتين تكوني جهزتي يااما هاسيبك وامشي
هاميس: لا هاتيجي تلاقيني واقفه قدام الباب
أميره: طب يلا سلام
سليم: جميله اووى وهي بتضحك امال ليه مكشره ع طول لا كويس انها مكشره عشان محدش يشوف الحلاوه دى غيرى
أميره: بشمهندس
سليم: ها معاكي اهو
أميره: لا واضح انك مش معايا خالص
ع العموم معلش اتاخرت عليك المكالمه طولت شويه
سليم: اه لا ولايهمك
أميره بجديه: خير كنت عاوزني في اي
سليم: احم انا جيت النهارده عشان احسم موضوع مهم بالنسبالي
أميره: اتفضل
سليم: انا هاكلمك بصراحه... انا بقالي اسبوعين مبنامش عاوز اعرف اي سبب الرفض واعتقد من حقي اعرف
أميره: رفض اي... اه فهمت
سليم: انا اسف اذا كنت بعطلك عن شغلك بس دى الطريقه الوحيده الي اعرف اقابلك بيها
أميره: متعتذرش انت زى ماقولت من حقك تعرف السبب بس احب اطمنك السبب مش فيك السبب عندى انا
سليم وهو ينتظر ان تكمل: الي هو
أميره: اعتقد ان دى حاجه تخصني
سليم بجراه: في حد في حياتك؟
أميره بحده: بشمهندس مسمحلكش
ثم تكمل بجديه اعتقد اخدت جوابك اتفضل عندى شغل
سليم: تمام هاتفضل بس قبل ماامشي عاوز اقولك
وقام بالتقريب من وجهها فاصبح امامها بالظبط
محدش هايتجوزك ولا هاتكوني لحد غيرى
أميره وهي تبعد وجهها وتديره للجهه الاخرى: مش بالعافيه وتشاور له بالخروج اتفضل
سليم: حطي كلامي ده في دماغك لان هافكرك بيه بعدين.. سلام
أميره في نفسها ( ده اتجنن ده ولا اي)
ثم تعاود ارتداء النظاره وتكمل عملها وبين حين واخر تاتي كلمات سليم ع ذهنها لتنفضها وتركز في عملها
............................
بالليل ع العشا في المزرعه
يجلس مصطفي وبجانبه ميرا وبجانبها صديق وبجانبه محمود وبجانبه ميرال وهاميس
وع الجهه الاخرى عمر ونيره ووليد وسلمي
مصطفي: من زمان متجمعناش التجميعه الحلوه دى
عمر: يارب دايما متجمعين في حسك يابابا
مصطفي: مبتاكليش ليه يااميرا
ميرا: مانت عارف ياجدى الي فيها.. سبقتكوا متقلقش
انا قاعده بس عشان خاطرك
مصطفي: حبيبتي.. ثم يوجه كلامه لهاميس كلي ياهاميس كويس... انتي اليومين الي فاتو مكنتيش بتاكلي كويس
هاميس بفرحه: حاضر ياجدى بااكل اهو
ميرال: وانا ياجدى اي مفيش اهتمام بيا خالص ده انا الصغيره والمفروض اتدلع
سلمي بضيق: لا انا اصغر واحده والدلع ليا
مصطفي: بس بس انتو الاتنين الصغيرين وانتو الاتنين هاتدلعوا... كلوا كويس.. حلو كده
صديق: صحيح يابابا عاوزين بعد العشا نتناقش في موضوع الحفله الي هانعملها اخر الاسبوع
عمر باستفهام: حفله اي
صديق: هي مش حفله اوى هي لقاء صحفي وبعدها حفله
عمر: ايوه ليه يعني
صديق: يعني نعزم رجال الاعمال ونعلن عن رجوعي وتنصيب محمود نائب رئيس مجلس اداره
لتقف أميره مكانها: اي الي انت بتقوله ده
صديق: وهو يضع المعلقه اي جدك وعمك مقالولكيش
أميره بحده: يقولوا لي اي
صديق: ان كفايه عليكي كده انتي تعبتي اووى المفروض ترتاحي بقا ومحمود يتعب بدالك
محمود: هو ليه مقولتليش حااجه عن الموضوع ده
أميره ببرود: عاوز تفهمني انك متعرفش
محمود: لا معرفش
أميره: عمي رد الكلام ده صح
عمر: انا معرفش ان جدك وافق ان فاكره رفض والكلام ده من مده اصلا
أميره بتوسل: جدى الكلام ده صحيح رد عليا.. بص انا مش هاصدق حد غيرك.. قولي انو فاهمين غلط وانك موافقتش
يقف الجميع من حولهم ويتركون الطاوله
أميره بزعيق: جدى رد عليا.. كلامهم صح؟
مصطفي بعد تنهيده: ايوا صح انا وافقت
أميره:..........................
................................ يتبع
