رواية سر زوجتي الفصل الرابع 4 بقلم مصطفي الصعيدي
اندهشت من كلام سناء وسالتها انزل الفجر ليه يعني هو انا مش جوزك ولا ايه؟ ليه عايزاني انزل دلوقت؟
بصتلي سناء وهي متعصبة يا عمر افهمني احنا مش اتفقنا انك تيجي بالليل يبقا اكيد لازم تمشي قبل النهار ما يطلع وبعد كدة قربت مني بدلال ولفت ايديها حوالين رقبتي وقالتلي هنشبع من بعض طول الليل يا حبيبي مش مكفيك ثم طبعت علي شفتي قبلة طويلة لم املك بعدها سوي ان ارضخ لرغبتها رغم عدم اقتناعي باسبابها احنا متجوزين ومحدش له حاجة عندنا لكن علشان مش قادر ابعد عنها كان لازم اقبل
نزلت بعد ما صليت الفجر وفطرت و فضلت ماشي لحد ما جه ميعاد شغلي فضلت طول النهار في حيرة من امري ايه العريس اللي مطرود يوم صباحيته ده المهم روحت الشغل استغربواافتكروا اني كنت باضحك عليهم في موضوع جوازي ولما حكيت لاقرب اصحابي احمد عن الحكاية قاللي بص يا عمر الموضوع ده فيه سر لازم تسال جيرانها عنها وعن عيلتها انت اتسرعت وجريت ورا قلبك علشان اصلا كنت مصدوم وبتدور علي طوق نجاة لكن مش معني ده انك ترمي نفسك وخلاص في اي حضن يقابلك من غير ما تفهم وتعرف
فضل كلام احمد يرن في دماغي وبعد الشغل عديت علي اهلي وامي هزقتني اني نازل يوم صباحيتي وقالتلي تسيب بيتك ليه في النهار ونزلت متنكد وقررت اعرف ايه سر سناء؟
وانا داخل شارعنا المظلم كان الوقت لسة 9 قولت اسال اي حد في الشارع ده عن سناء وعيلتها الغريب ان اغلب المباني فلل قديمة وفيلا سناء اخر واحدة وبعدها ارض خراب كلها كراكيب وعربيات قديمة لقيت فيلا مكتوب عليها فيلا دكتور زكي التهامي وفيها نور يبقا فيها سكان رنيت جرس الباب الخارجي لقيت واحد طلع من بلكونة الفيلا بيسال مين؟ قولتله انا جارك في اخر الشارع عايز منك خدمة بصلي باستغراب وقاللي دقيقة ونازلك
نزل وفتحلي لقيته راجل كبير في الستينات شبه العالم المجنون في فيلم العودة للمستقبل اللي قام بدوره كريستوفر لويد
سالته انا اسف لازعاجك بس كنت عايز اسال حضرتك عن الفيلا اللي في اخر الشارع بتاعةرالانسة سناء بدر الدين الالفي؟
قاللي مالها؟ قولتله انا جوزها وكنت عايز اسالك تعرف ايه عنها وعن والدها ووالدتها؟
بص ليا باستهجان انت جاي تهزر يا بني ؟
رديت بدهشة لا طبعا هاهزر ليه يعني
قاللي علشان سناء اللي بتقول عليها دي ميتة من 15 سنة بعد ما حرقت الفيلا وقتلت ابوها وامها وشنقت نفسها في الشجرة اللي في جنينة فيلتهم
بصيت للدكتور زكي ده وفتحت بقي من الدهشة من كلامه
لكن قولتله انت حضرتك بتقول ايه انا متجوزها امبارح ووريته التليفون والصور قاللي هي سناء
او حاجة واخدة شكل سناء
خلي بالك من نفسك لو رايح علي هناك الشارع كله اتهجر بعد الحادثة دي ما عدا انا وكام واحد بيعيشوا اخر ايامهم ومش فارق معاهم اموات من احياء او حتي عفاريت
انا نفسي يابني ساعات باشوف مراتي نازلة سلالم الفيلا عندي
ومشيت من عند الدكتور واتجهت ناحية فيلا سناء ومش عارف انا رايح لايه بالظبط!
