رواية موضوع عائلي الفصل التاسع والعشرون 29 بقلم رحاب القاضي

 رواية موضوع عائلي الفصل التاسع والعشرون 29 بقلم رحاب القاضي

موضوع عائلي

الحلقه التاسع والعشرون

ــــــــــــــــــــــــــــــــــــــــ 

_ماذا ستفعل الماء في تلك الارض التي مات اهلها، وكذلك القلوب إن كُسرتْ لن تعود ابداً كما كانت.. فأياكم وكسر القلوب 💔

صبري

جاي ليه؟ 

يونس

جاي اطمن علي مراتي اختك لسه مراتي وهتفضل كده، وجاي برضو اتكلم معاك شويه بالعقل

صبري بسخريه

كان فين العقل ده لما كسرت فرحتها، كان فين العقل ده وانت بتقول لمراتك تنزل ابنك وتموته، انت اخر واحد يتكلم عن العقل

يونس بضيق

يعني هو انت كنت ملاك برئ معاها، ده انا اول مره شوفتها كانت متبهدله منك فمتجيش تعمل فيها شهم وجدع علي قفايا

صبري بحده 

لا عندك انت مهما عملت عمرك ما هتوصل لـ اللي بيني وبين اختي ولا حد في الدنيا هيحب اختي وهيخااف عليها قدي انا انت فاهم ولا لا.. 

اتنهد يونس بضيق وقاله

طيب ممكن اشوفها واتكلم معاها ده حقي.. 

صبري

مالكش حقوق عندي ومدام ما عرفتش قيمتها في الاول ودوست علي كرامتها وقلبها يبقي تنسي اني اخليك تشوفها ولا اديلك اي حق فيها تاني.. 

يونس بحده 

هو انا عشان ساكتلك هتنسي انت بتكلم مين انا يووونس الصاوي اللي انت ومنطقتك كلها بتعمله الف حساب.. 

صبري بغضب

هتعمل ايه يعني هتاخدها غصب عني، لو راجل وريني هتعمل كده ازاي.. 

يونس بعصبيه

لا انا راجل غصب عنك وعن اللي يتشددلك وما اتخلقش اللي هيمنعني عن مراتي.. 

_جه يونس يدخل جوه بس صبري مسك فيه وكانو هيتخانقو بس طلعت شهد بسرعه وقالت بدموع.. 

شهد 

امشي يا يونس.. امشي يا يونس انا مش عايزه اسمعك ولا اشوفك اصلا

يونس ساب صبري وقالها بحزن

لو لاخر مره بس اسمعيني انا والله العظيم بحبك ومش هقدر اعيش من غيرك.. 

شهد اتكلمت من غير ما تبصله

بس انا هقدر اعيش من غيرك ومش هقدر اعيش معاك، حل مشكلتك دي بقي بعيد عني ده اذا كنت بتتكلم جد اصلا

يونس 

يعني ده اخر كلام عندك؟.. 

شهد بصتله بجمود وقالت

ايوه واياااك تكلم اخويا بالطريقه دي تاني انا ما جيتش اشتكيتلك منه قبل كده عشان تدخل في اللي بيني وبينه واللي هو هيقوله انا هنفذه من غير ما افكر حتي لو كان علي حساب مين.. 

صبري بغضب 

اطلع بره وما تجيش هنا تاني والا هكلملك الشرطه.. 

‌_قربت بطه من يونس اللي كانت عيونه علي شهد وقالت بحزن علي حالته.. 

بطه 

تعالي نمشي يا يونس مش وقت اي كلام دلوقتي، يلا عشان خاطري.. 

يونس بجمود

اعملي اللي تعمليه يا شهد انتي واخوكي بس طلاق مش هطلق، هترجعي بيتك اهلا وسهلا مش هترجعي يبقي خليكي قاعده عنده براحتك شالله حتي تخللي بس برضو مش هطلقك وهتفضلي علي ذمتي

_ قال كلامه ومشي وراحت ورااه بطه، وشهد دخلت بسرعه اوضتها وهي بتعيط، وقربت زهره من جوزها وقالتله.... 

زهره

نفسي مره تفكر قبل ما تتعصب.. 

صبري

قصدك ايه انتي كمان ان انا ما بفكرش

زهره

ايوه ودبش ومتسرع، الراجل جه لحد البيت واعتذر لاختك بدل المره اتنين يبقي نلم الموضوع ولا نكبره.. 

صبري بغيظ

انتي عايزه ايه، عايزاني اقوله ايوه صح خدها وطلع عين ابوها معاك ولما تزهق هاتها، انتي اتجننتي يا وليه

زهره

يا اخويا حاسبه بس بالهداوه مش كده  ، وبعدين اختك بتحبه وهتسامحه بلاش انت تكبر الموضوع.. 

ابتسم صبري وقال

المهم شوفتي وهي بتيجي في صفي، لا انا عرفت اربي البت كبرت في نظري اوووي.. 

زهره بغيظ

انا قايمه اشوف اللي ورايا عشان انام شويه قبل السحور ده انت دماغك فضيت اووي يهو صبري

 

_في المستشفي عند خالة نسرين.. 

كانت قااعده جنبيها واحمد قاعد علي الكنبه قصادهم، ونسرين قالتلها.. 

نسرين

اتكلمي يا خالتو ما تسكتيش خالص.. 

احمد 

حرام عليكي خالتك تعباانه.. 

بسمه بتعب

لا سيبها انا عارفه اني وحشاها وهي خايفه ارجع تاني للغيبوبه.. 

نسرين

لا لا بعد. الشر ده انا كنت هتجنن عليكي يا بوس بوس اوعي تعمليها تاني مفهوم.. 

ابتسمت بسمه وقالت

مفهوم يا قلب بوس بوس.. 

وقف احمد وقال

طيب الف سلامه عليكي مره تانيه يا بوس بوس، انا همشي بقي ولو احتاجتي حاجه يا نسرين كلميني.. 

_قال كلامه وطلع ونسرين فضلت بصاله، ابتسمت بسمه بخيث وقالت.. 

بسمه

احمم هو ايه حصل يا بت انتي وانا في البريك بتاعي؟.. 

ضحكت نسرين وقالت

هقولك كل حاجه بس دقيقه واحده وجايه.. 

_ وطلعت بسرعه ورا احمد ولحقته قبل ما يركب عربيته وقالت وهي بتاخد نفسها بصعوبه.. 

نسرين 

استني يا دكتور احمد لو سمحت.. 

احمد

في ايه خالتك كويسه.. 

نسرين

ايوه كويسه بس انا كنت حابه اعتذرلك عن كلامي السخيف معاك من شويه واحنا بنفطر

احمد بجمود

بالعكس معاكي حق يا نسرين، انا هرجع لمراتي واديها فرصه... 

انقبض قلبها بحزن بس ابتسمت غصب عنها وقالت

بجد طيب كويس جدا، علي فكره دي حاجه فرحتني اووي، هي ضحت عشانك بحاجات كتير برضو وا.. 

_قبل ما تخلص كلامها كانت هناك في رصاصه دخلت في جسمها من مكان مجهول خلت جسمها كله يتنفض بألم، قرب منها احمد بسرعه وخوف ومسكها قبل ما تقع علي الارض وكان بيبص حواليه بخوف وصدمه ان مين اللي عمل كده.. 

احمد بدموع

نسرين خليكي مفتحه عينيكي يا حبيبتي.. 

وزعق في اللي واقفين وقال

انتو وااقفين تتفرجو وسعو الطريق.... 

_ شالها احمد وقميص بدلته الابيض اتملي د*م ودخل بيها المستشفي وكانت هي فقدت الوعي وبسرعه جه دكتور وقال.. 

الدكتور

لازم ندخل العمليات بسرعه... 

احمد بقلق

ما فيش خطر صح؟. 

الدكتور 

الرصاصه في صدرها ناحية الشمال ربنا يستر وما تكونش في القلب... 

_قال الدكتور كلامه ومشي واحمد وقف مكانه مصدوم ومش مصدق ولا مستوعب اللي حصل، كانت من دقيقه واقل بتتكلم معاه وهي مبتسمه ومبسوطه لخالتها... 

_تاني يوم الصبح.. 

قامت نور من علي السرير وعيونها حمرا ومليانه دموع، وقفت قدام المرايا وقالت لنفسها بحزن.. 

نور

انا مش وحشه بس انا مش هسمح لحد يزلني وياخد مني حاجه ببلاش، احمد وامه هما اللي خلوني اعمل كده فيها انا ما اعرفهاش بس هما اللي كرهوني فيها انا مش السبب خالص.. 

_ومسحت دموعها وراحت غيرت هدومها وحطت ميكآب بسيط بشكل حلو وفردت شعرها وكانت مميزه وجميله جدا بالفستان الزيتي الطويل لتحت الركبه بأكمام خفيفه، واخدت شنطتها ونزلت تحت كانت ثريا قااعده بتقلب في موبيلها ولما شافتها قالت.. 

ثريا

كويس انك جيتي، عرفتي اللي حصل لحبيبة احمد.. 

نور بجمود

ما يهمنيش ولا ابنك نفسه يهمني قريب اووي هيبقي بالنسبالي كارت محروق، وابقي اشبعي بيه وقتها.. 

ثريا بهدوء

براحتك يا نور، امشي روحي شوفي هتعملي ايه.. 

_لبست نور النضاره الشمسيه بتاعتها وطلعت تحت نظرات الخبث من ثريا، واخدت نور عربيتها وراحت للمعرض بتاع يونس وطلعت موبيلها وكلمته وهو رد عليها بعد شويه وقال.. 

يونس

ايوه مين؟.. 

نور

وحشتني... 

يونس

مين برضو؟  

نور 

معقول هتنسي صوت نور يا يونس..  

سكت شويه وقال

نعم؟ 

نور

انا تحت المعرض بتاعك وعايزه اشوفك ضروري.. 

يونس

تعالي جوه مستنيكي.. 

_قال كلامه وقفل في وشها وهي اتنهدت بضيق ودخلت المعرض بتاعه وانبهرت بيه وانه من جوه احلي كتير من بره وفي عربيات اول مره تشوفها في مصر غير انه كبير جدا وفيه زباين اكتر، قرب منها يوسف وقال.. 

يوسف

ازيك يا نور عامله ايه؟.. 

نور بجمود

اهلا... يونس فين؟ 

يوسف بخبث

يا بنتي معقوله كده يعني بقيتي من الطبقه الغنيه فحت ولسه مش عارفه تنضفي السواد اللي جواكي ده.. 

نور بغيظ

يونس فين لو سمحت؟.. 

كتم ضحكته وقالها

جوه مستنيكي يا نور اا... نور هانم هههههههههه

_ سابته وراحت لمكتب يونس ودخلت من غير ما تخبط  علي طول.. 

نور

سوري لو كنت هعطلك.. 

يونس بجمود

خير ان شاء الله؟ 

 نور قعدت قدامه وقالت

وحشتني يا يونس وحشتني اووي.. 

يونس بسخريه

انتي شاربه حاجه يا بت انتي.. 

ابتسمت نور وقالتله

وبرضو وحشتني كلمة بت دي منك، انا عارفه اني غلطت وحصلت حاجات كتير بس هو كده ما فيش علاقه بتكون ديما ماشيه مظبوط لازم تعدي بمطبات.. 

يونس

امم كملي وبعدين.. 

قامت وقربت منه وهو قاعد علي مكتبه وقالت

انا لسه بحبك يا يونس والله العظيم عمري ما حبيت احمد بس هو كان فرصه اوصل وابقي في مكانه احسن، انما ولا يوم نسيتك ولا نسيت حبنا.. 

يونس بجمود

بس انا نسيت مين نور اصلا.. 

نور بدموع

انت بتقول كده عشان لسه شايل مني انما انا متأكده انك لسه بتحبني، اللي بينا ما كانش سنه ولا اتنين ده عمر كامل.. 

وقف يونس وبعد عنها وقال

وفي لحظه خلتيني العن ميتين ام العمر ده اللي ضاع  مع واحده زيك، قوليلي هو سابك صح امه اللي قالتله ولا من نفسه.. 

نور بتوتر

لا انا اللي هسيبه عشان خلاص انا عايزاك انت.. 

يونس بجمود 

عيب تبقي متجوزه وتقولي كده لواحد غريب.. 

نور بثبات

لا مش عيب انا مش بحبه هوو، انت اللي حبيبي وخلاص اهو ربنا كرمك يبقي نعيش الحياه اللي حلمنا بيها زمان.. 

يونس بسخريه

حلمك بقي كابوس يا نور وبعدين ايه البجاحه دي، جايه تقوليلي عشان بقيت غني فهسيب جوزي وابقي معاك، طيب واطيه وبعتيني وبعتي اهلك وعرفناها وطماعه عشان عملتي كل ده عشان الفلوس والمنظر المقرف اللي بقيتي فيه ده عرفناها برضو، انما رخيصه دي جديده عليا.. 

نور بدموع

يعني ده اخر كلام عندك، انا رجعتلك يا يونس لو بتحبني بجد ك.. 

قاطعها وزعق فيها وقال

انتي لو كنتي اتحملتي معايا شويه ما كناش وصلنا لهنا، انتي اللي اتخليتي وبعتي الاول وانا رميتك ورميت كل ذكريااتك تحت جزمتي لما بدأت اشوفك علي حقيقتك وقابلت اللي اجدع واحسن منك مليون مره.. 

نور بدموع

انت ما بتحبهاااش انا شوفت نظرتك ليها مش زي اللي كانت ليا انت مش بتحبها ولا عمرها هتكون زي نور عندك.. 

يونس

ابقي البسي نضاره عشان تشوفي كويس بعد كده... 

نور بحزن

ماشي يا يونس انا اسفه اني جيتلك.. 

_ اخدت شنطتها وطلعت من عنده وهو وقف عند الشباك وفضلت عيونه عليها وهي ماشيه، ودخل عنده يوسف وقال.. 

يوسف

مالها كانت عايزه منك ايه؟.. 

يونس بجمود

عايزانا نرجع لبعض تاني.. 

يوسف بسخريه

ما لازم تيجي تقولك كده ما استغربتش واحده زيها تعمل كده واكتر من كده.. 

يونس بحده 

يوسف خلصنا.. 

يوسف

والله لسه بتزعل عليها، والله ليها الحق شهد ما ترجعلكش وانت لسه قلبك مع غيرها.. 

_قال كلامه وسابه وطلع، ويونس قعد علي مكتبه وغمض عيونه بحزن...

_وفي بيت الاستاذ حمدي.. 

كانت هاجر واقفه في المطبخ وهي شايله ابنها وبتلاعبه ودخل عدي عندها وقال.. 

عدي

هو انتي هتفضلي قااعده في المطبخ كده يا هاجر اومال انا جايب اهلي وجاي ليه؟ 

هاجر 

ما انا كنت لازم ادخل اعمل لبن لحامد، طالعه اهو يا  عدي انت جاي هنا ليه؟.. 

عدي 

عايز اشرب مايه ممكن.. 

هاجر 

علي فكره في مايه بره.. 

عدي 

بتلكك يا ستي بلاش احراج بقي.. 

_ابتسمت هاجر بكسوف وراحت جابتله مايه وهو عيونه ما نزلتش من عليها، ورجعت اديتله المايه وفي الوقت ده حامد ابنها رمي نفسه عليه.. 

هاجر

ايه ده انت عملت ايه لابني ياعمم

ضحك عدي وهو بياخد منها حامد وقال

هههههههه دي حاجه خاصه بيني وبينه، تعالي بقي نقعد معاهم بره احسن ابوكي يدخل يرتكب فينا جريمه

_وطلعو هما الاتنين وقعدو بره وكانت هاجر مدايقه جدا علي عكس الكل اللي كانو مبسوطين.. 

_وفي المستشفي.. 

كان احمد واقف قدام شباك الاوضه اللي فيها نسرين بصلها بدموع وهو الدكتور واقف جنبيها  وهي لسه ما رجعتش لوعيها.. وطلع الدكتور وقال.. 

الدكتور

للاسف ما فيش اي تحسن في حالتها، بس ممكن الوقت الجاي مع الادويه يحصل جديد

احمد بجمود

ان شاء الله.. 

_مشي الدكتور واحمد فضل واقف زي ما هو وعيونه ما اتحركتش من عليها، وبعد شويه قربت منه ولاء هي وعلي وقالتله... 

ولاء بدموع

ايه اللي حصل ازاي يعني حد يضربها بالنار

احمد 

انتي مين؟ 

علي رد عليه

احنا صحاب نسرين هو ايه اللي حصل بالظبط؟.. 

احمد بجمود

مش عارف كويس انكم جيتو لو ينفع تخليكم جنبيها انا لازم امشي.. 

ولاء ببكاء

اكيد طبعا انا مش هسيبها غير لما تفوق وتتكلم 

احمد

كويس وخالتها كمان موجوده فوق ياريت تروحيلها وبلاش تبلغيها باللي حصل دلوقتي.. 

علي 

حاضر وشكرا جدا تعبنا حضرتك.. 

_ما ردش عليه احمد ومشي راح لسلطان بيته واول ما فتح سلطان البيت مسكه من هدومه وقالن بعصبيه... 

احمد

بقي توصل بيك انك تعمل كده يا حيوان، ليه عملت ايه هي عشان تقتلها.. 

زقه سلطان وقاله

انت اتجننت هو انا عشان مشكله بينا تافهه اقتلها.. 

احمد بحده

اومال هيكون مين ليه مصلحه يأذيني غيرك انت عشان فضلت يونس الصاوي عليك.... 

سلطان سكت بتوتر واحمد قاله

مين يا سلطان لو تعرف قولي مين اللي عمل كده.. 

سلطان بضيق

بص من الاخر كده الموضوع ده ما يطلعش بره امك، هي اللي كانت مخليه حد يراقبك وهي اكيد ما كانتش راضيه بقربك من نسرين وانك بعيد عن البيت ومراتك

احمد بصدمه

امي؟!... 

سلطان 

تعالي بس جوه واقفل الباب ده ونشوف حل... 

_ سابه احمد ومشي وراح بيت اهله وحصل؟... 

في عربية يونس.. 

كان بيسوق العربيه وهو متدايق وجنبيه يوسف اللي قاله.. 

يوسف

يعني هي كانت عايزه ايه من اللي اسمه عربي ده،وانت عرفت منين انها بتقابله وبتكلمه؟ 

يونس

مالكش دعوه عرفت منين، وادينا رايحيين ونشوف 

يوسف

والله انا بقولك نطلع من حوار نور ده كله، يا عم خليك في حياتك بقي

يونس بجمود

لازم اعرف هي كانت بتتواصل مع اللي اسمه عربي ده ليه، نور بتتواصل ليه مع مجرم زي ده يا يوسف.. 

يوسف

والله نور دي طلعت داهيه اصلا، وكانت تبان ملاك زمان بس سبحان الله عمري ما كنت بطيقها.. 

_وقف يونس بالعربيه بتاعته قدام بيت قديم وي الخرابه ونزل من العربيه هو ويوسف وراحو خبطو علي الباب وبعد شويه فتحلهم عربي اللي اول ما شاف يونس اتوتر وقال.. 

عربي

مم معلم يونس.. 

_دخل يونس ووراه يوسف اللي قفل الباب وبص يونس للبيت اللي كان مترتب حلو اووي من جوه وقال بسخريه.. 

يونس

ده انت عملت للخرابه روح اهو وكمان بقيت مقيم فيها.. 

يوسف 

التلاجه دي فيها اكل يا عربي.. 

عربي بتوتر

اا ايوه اللي انتو عايزينه، خير يا معلم يونس.. 

يونس حط ايده علي كتف عربي وقاله

هو سؤال هقوله مره واحده لو الرد ما عجبنيش هدفنك هنا.. 

عربي بخوف

تحت امرك يا معلم يون... 

قبل ما يكمل كلامه يونس قال بجمود

نور بت فايز كانت عايزه منك ايه؟ 

عربي بخوف

كك كانت عايزه اا.. 

يوسف

بقولك ايه مش ناقصين لابخه في الكلام انطق بدل ما اسيبه عليك وده ما اترباش.. 

بصله يونس بحده وقال

اطلع بره يا يوسف.. 

يوسف

خلاص والله مش هتكلم تاني.. 

يونس 

انطق يااه كانت عايزه منك ايه؟ 

عربي بخوف

بعتتلي صورة واحده كده وطلبت مني ااا اقتلها  واديتني 100 الف جنيه ولما البت تموت هاخد زيهم.. 

يوسف بصدمه 

يا نهار اسود قتل هي وصلت لكده يا يونس نور بقيت شيطانه اقسم بالله.. 

يونس بجمود

طيب يلا بقي زي الشاطر تروح تقول اللي حصل ده للشرطه. 

عربي

ابوس ايدك يا معلم يونس انا مش هعمل كده تاني والله خلاص بس بلاش الشرطه... 

يونس

ما هو بص لو انت ما روحتش انا هاخدك غصب عنك وهثبتها عليك، فتروح بنفسك تعترف اهو يخففو عنك الحكم شويه.. 

يوسف 

اسمع كلامه عشان انا  سجلت كل كلمه انت قولتها، فمن مصلحتك تروح وتعترف.. 

_وافق عربي ويونس كان بيتابع كل حركه لعربي ونظراته جامده اووي، ويوسف قاله بقلق.. 

. يوسف

انت دماغك فيها ايه يا يونس؟ 

يونس

ولا حاجه بس بحمد ربنا ان حكايتي مع نور خلصت بسرعه، او ما فكرتش تعمل في شهد زي اللي عملته في نسرين.. 

يوسف

نسرين دي البنت اللي انت شغلتها عند احمد رياض، هي ال... 

يونس

ايوه هي كنت واخد بالي ان احمد رياض عينه منها من كام مره روحت فيهم الشركه بتاعته، بس ما توقعتش ان نور تعمل كده.. 

يوسف بضيق

والله انا ما صعبان عليا غير البت اللي راحت في الرجلين دي.. 

يونس بسخريه

اوقات لما بتحب حد بيكون حبك ده لعنه عليه.. 

يوسف بخبث

زي حبك لشهد كده،خربتلها حياتها وخليت يا عيني دمعتها ما نشفتش من علي وشها حسبي الله ونعم الوكيل فيك.. 

يونس بغيظ 

انزل يااه وحياة امك لتروح علي رجليك النهارده انا ستكتلك من الصبح.. 

يوسف بخوف

لا والله ما هتكلم تاني.. 

يونس بحده

قولت انزل والله ما هروحك.. 

يوسف 

طيب كنت خليني اجي بعربيتي ايه الذل ده يا يونس ده انا صاحبك يا جدع.. 

يونس 

جو الصعبنيات ده مش هياكل معايا انزل يا يوسف بدل ما انزلك بطريقتي.. 

يوسف بغيظ

ماشي والله حلال فيك اللي بتعمله شهد واخوها.. 

_ نزل يوسف ويةنس مشي بسرعه بعربيته، وبعدين بص يوسف وراه لقي في كلب لونه اسود 

يوسف بخوف

يا نهار اسود انت تعرف يا اسطا اني بخاف منك اكتر ما بخاف من مسلسل المداح.. 

_وفجأه الكلب جري عليه ويوسف فضل يجري في الشارع وهو بيصوت وبينده علي يونس اللي كان مستنيه علي اول الشارع وركب جنبيه بسرعه وقاله.. 

يوسف بخوف

اجري بسرعه ابوس ايدك انا اسف.. 

يونس بشماته 

صنف يخاف ما يختشيش.. 

_ وتاني يوم الصبح في بيت احمد رياض.. 

نزلت نور من فوق ولقيت احمد قااعد في الصاله بتاعت البيت وشكله مدايق جداً، قربت منه وقالت.. 

نور

اخيرا شرفت حضرتك، هترجعلها تاني امتي.. 

احمد بجمود

بلاش تعملي فيها مهتمه بطلت اصدق الشويتين بتوعك دول.. 

نور بسخريه

لا وانا مش هعملهم تاني كفايه اووي عليا شكلك وانت كده.. 

احمد 

من امتي بقي الوش ده، ما بقتيش عايزه تعيشي في العز ده وحنيتي للحاره وليونس الصاوي. ولا ايه.... 

نور بدموع

ندم عمري اني سيبت حياتي كلها وجريت ورااك يا ابن ثريا.. 

_نزلت في الوقت ده من فوق ثريا ومعاها رياض جوزها اللي قرب من احمد وحضنه وقاله بلهفه.. 

رياض

انت فينك وليه مختفي كده ه حتي في الشركه ما بقتش اشوفك... 

احمد بص لامه بحزن وقال

ما بقتش حياتكم تلزمني.. 

ثريا 

ايه الكلام السخيف اللي انت بتقوله ده، حياتنا هي حياتك يا احمد.. 

احمد وقف قدامها وقال

لا مش هسمحلك تدخلي حياتي تاني، كفايه اللي دمرتيه مش هسمحلك تدمري الباقي فيها.. 

رياض بحده 

انت ازاي تكلم امك كده يا ولد.. 

ثريا

استني يا رياض كمل يا احمد، وايه كمان؟ 

احمد بحده 

بلاش بجد الطريقه دي وبصيلي كويس، انتي خلتيني اعيش اللي عدي كله علي مزاجك والنتيجه اني  واحد حياته كلها بايظه ده انا حتي في شغلي متردد في حياتي مع مراتي مش عارف امشي كلامي عليها بسببك، خلتيني ضعيف الشخصيه قدامها وقدام اي  حد باين ابن امي اللي ماليش كلمه.. 

نزلت دموعه وقال

ولما حبيت بجد وكان نفسي ابدأ من جديد حياه خاصه بيا بعتي حد يقتل البنت اللي حبيتها مش ده اللي حصل.. 

ابتسمت نور بشماته ورياض قال بصدمه

الكلام ده حصل بجد يا ثريا اناي بعتي حد يقال البنت اللي هو بيتكلم عنها دي.. 

ثريا بحده 

لا طبعا ما حصلش بالعكس ده انا كنت مستنيااه يجي ويعرفني عليها، بس شكلها بنت بتاعت مشاكل وياريت تبعد عنها.. 

احمد بحده 

انتي مالك ليه تقوليلي كده لو سمحتي بطلي تدخلي في حياتي تاني مالكيش دعوه بأي حاجه تخصني لانك مش خايفه عليا انتي بس عايزه كلامك هو اللي يمشي وبس.. 

رياض بضيق

وطي صوتك وانت بتتكلم، وامك مستحيل تعمل كده امك مش مجرمه يا دكتور احمد.. 

احمد 

طيب ليه مخليه حد يراقبني ليه فهمني... 

_ قبل ما يرد عليه الباب بتاع الفيلا خبط جامد ولما فتحت الشغاله دخلت الشرطه ورياض سألهم.. 

رياض

خير يا حضرة الظابط في ايه؟.. 

الظابط 

معانا امر بالقبض علي نور فايز.. 

نور بخوف 

انا ما عملتش حاجه احمد الحقني.. 

وقف احمد قدامها وقال

ممكن اعرف ليه انا جوزها واحنا مش فاهمين حاجه؟.. 

الظابط

في واحد اسمه عربي اعترف ان المدام هي اللي اجرته عشان يقتل نسرين عبد الرحيم البنت المصابه في المستشفي بتاعت حضرتك يا رياض بيه.. 

بص احمد بصدمه لنور اللي قالت

كدااب انا ما تملتش حاجه يا احمد الراجل اللي اعترف ده اكيد بيكدب.. 

الظابط 

الكلام ده تقوليه في النياابه هاتوها.. 

_اخدتها الشرطه وهي كانت بتعيط وبتنادي علي احمد اللي كان واقف ومش مصدق ان نور البنت البريئه اللي اتجوزها ممكن تعمل كده، قربت منه مامته وقالت.. 

ثريا

شوفت يا احمد انك ظلمتني وان البنت اللي انت جيبتها من الشارع دي هي السبب فانك تقولي كلام زي ده وكمان عايز تكرى الغلط تاني وتتجوز واحده من نفس مستواها.. 

احمد بصلها بدموع وقال

انتي السبب لو كنتي سبتيني اعيش مع مراتي براحتي نور ما كنتش بقيت كده، ذنبها وذنب البنت اللي بتموت عندك انتي... 

_قال  كلامه ومشي وثريا لاول مره دموعها تنزل بسبب قسوة ابنها عليها وقالت لرياض.. 

ثريا

شوفت ابنك بيقول ايه يا رياض دي اخرة اني خايفه عليه.. 

رياض بسخريه

سيبيه ياخد قرار لوحده من غير ما تدخلي فيه ابنك مش صغير عشان انتي اللي تمشيله حياته، بلاش تخسري ابنك اكتر من كده يا ثريا انا هكون معاه خليكي انتي بعيد الفتره دي

_وفي بيت الاستاذ حمدي

صحيت هاجر علي صوت موبيلها اللي بيرن، ردت من غير ما تشوف مين وقالت.. 

هاجر

الو مين؟ 

محمد 

انا محمد يا هاجر انتي لسه نايمه لحد دلوقتي.. 

هاجر قامت قعدت وقالت

لا صحيت اهو في حاجه ولا ايه؟ 

محمد بضيق

لا ما فيش كنت بطمن عليكي وعلي حامد.. 

هاجر 

احنا كويسين الحمد لله.. 

محمد بنبره حزينه

امي بتقولي ان امبارح كانت قراية فاتحتك يا ااا يا ام حامد.. 

هاجر اتنهدت بضيق وقالت

نعم عايز ايه يعني اجي اخد الاذن منك.. 

محمد

انا عايز اعرف بس هو انتي عايزه تتجوزي ليه؟.. 

هاجر بتوتر

عادي هو انا نقعد كده طول عمري، هو انت ما كنتش هتتجوز.. 

محمد 

يعني انتي هتتجوزي عشان انا كنت هتجوز؟!.. 

هاجر 

لا طبعا عشان عدي شخص مويس ومحترم وابن ناس وبيحبني وبيحب ابني وو.. 

محمد بجمود. 

بصي يا هاجر عشان نكون متفقين حامد ابني انا انتي لو هتتجوزي فابني هيفضل مع امك مش هيتربي عند جوزك.. 

هاجر بقلق

يعني ايه الكلام اللي انت بتقوله ده؟.. 

محمد 

اللي سمعتيه مدام انتي هتتجوزي هتسقط عنك الحضانه وهتبقي لامك، ثانيا بقي وده الاهم بلاش المره دي تمشي ورا قرار مش انتي وخداه.. 

هاجر بغيظ

لا انا واخده قراري من نفسي علي فكره.. 

محمد 

كدابه عشان انا وانتي عارفين انك لسه بتحبيني انا وخايفه ترجعيلي فبتختاري الحاجه اللي اهلك عايزينها وبس، مش قادره تعدي وتسامحي ليه مش عارف.. 

هاجر بسخريه

خليني ارجع اثق فيك تاني واتاكد اني لو رجعتلك مش هتسيبني وقتها ممكن اسامحك، بس مش هرجعلك لان في غيرك دلوقتي هو اللي يستاهلني اكتر منك.. 

_قفلت هاجر معاه ورجعت نامت تاني وهي بتعيط، دخلت عندها امها وقالت.. 

فاطمه 

كويس انك صحيتي كنتي بتكلمي مين؟.. 

هاجر

كنت بكلم شهد يا ماما.. 

فاطمه 

ايوه صح هي وصلت لايه مع جوزها هتطلق ولا هيرجعها؟.. 

هاجر بضيق

مش عارفه يا ماما اللي فيه الخير يقدمهزربنا، المهم فين حامد.. 

فاطمه 

بيلعب بره في الصاله، ابوكي كلمني بيقولي انه هيعدي علي ولاء يطمن علي نسرين وهيرجع بدري عشان عدي جاي يفطر عندنا.. 

هاجر

جاي ليه عدي بقي مش كان عندنا امبارح.. 

فاطمه 

شوف البت من امتي البخل ده، وبعدين هو جاي بعتذر عن طريقة امه العصبيه امبارح مع اني شايفه ان الست ما غلطتش في حاجه.. 

هاجر

ازاي بقي الكلام ده، انا حره اعمل كتب كتابي بالطريقه اللي تعجبني.. 

فاطمه 

هو مازن اللي مات ده والله يرحمه يا ستي بس هو من باقي اهلك عشان تعملي كتب الكتاب سكيتي انتي نسيتي اللي عملو في اختك.. 

هاجر 

عم ابني يا امي وولاء نفسها وعلي ناوين مش هيعملو فرح.. 

فاطمه بغيظ 

بس اما ترجعلي بنت الناقصه التانيه، الا ما فيكم واحده ناويه تفرحني فيكم واتنيلي قوومي اطبخي انتي انا مش هعمل حاجه.. 

هاجر بغيظ 

اتلككي يا ماما انتي اصلا مش بتعملي حاجه.. 

_قلعت فاطمه الشبشب فقامت هاجر بسرعه وقالت وهي بتجري من قدامها.. 

هاجر

قومت والله اهو قووومت.. 

_ وفي بيت محمد.. 

كان واقف في البلكونه مدايق جدا والباب خبط، وراح فتح ولقااه ابوه.. 

محمد 

اهلا وسهلا يا حج حامد اتفضل.. 

دخل حامد وقال

ما اسميش حج حامد انا ابووك.. 

محمد بهدوء 

اتفضل يا ابويا نورت البيت كله.. 

حامد دخل وقاله

انت هتفضل قااعد في البيت كده من غير شغله ولا مشغله؟... 

محمد قعد قدامه وقال

لا يا بابا ان شاء الله قريب هبدا برنامج جديد علي قناه جديده اتفتحت من قريب.. 

حامد 

طيب كويس وابقي شوف القناه دي بتتعمل ازاي وافتحلك واحده، اصل انا ما بكرهش في حياتي غير ان اشتغل عند حد ما فيش احلي من ان الواحد يشتغل في ماله وملكه.. 

ابتسم محمد وقاله

حاضر يا بابا ان شاء الله قريب هعمل قنااه بس المهم تدعيلي.. 

_طلعت هناء من اوضتها وهي بتحط طرحتها علي شعرها وبتقول من غير ما تاخد بالها من حامد.. 

هناء

مين عندك يا محمد.. 

وقفت مكانها تاني اول ما شافت حامد اللي قال

بقولك ايه يا محمد روح اعملي شاي وخليني اتكلم مع امك شويه.. 

محمد بقلق

حاضر بس لو سمحت بلاش تزعلها هي فيها اللي مكفيها.. 

حامد بجمود

قووم يلا... 

_ دخل محمد المطبخ وهناء راحت قعدت قدام حامد وقالت بهدوء.. 

هناء

خير يا حامد عايز تقول ايه؟.. 

حامد بدموع

انا اسف.. 

بصتله هناء بعدم فهم وهو كمل وقال

زمان كنت ماشيه في الدنيا باخد اللي عايزه منهة واللي مش عايزه بالعافيه، كنت فعلا وحش واتكره انا عارف بس ما عرفتش اخليكي تحبيني وده كان هيجنني واتجوزتك غصب عنك واللي حصى حصل، ويوم ما اطلقتي او خلعتيني زي ما عملتي انا دمرت حياة يونس وخليته للنهارده تعبان في حياته بسببي، وابني التاني ضااع وما عرفتش احميه ولا اشبع منه، انا السبب من البدايه... 

هناء مسحت دموعها وقالت

تصدق لو قولتلك اني مش بلومك علي اللي حصل لمازن، ما حدش السبب في اللي حصله غيري لاني كنت فاكره اني ام خارقه اقدر اربيهم لوحدي بس ما عرفتش ما عرفتش اضحي براحتي عشانهم... 

طلع محمد من المطبخ وقال

الشاي يا بابا وعملتلك انتي كمان يا امي.. 

قامت هناء وقالت

خد قعدتك مع ابوك براحتك انا قاعده جوه في اوضتي.. 

دخلت هناء جوه ومحمد قعد جنب ابوه وقال

منورنا والله يا بابا.. 

حامد مسك كوباية الشاي وقال

ابقي هاتلي ابنك عشان واحشني انا مش بحب اروح هناك بسبب الوليه مرات الاستاذ حمدي دي لسانها طويل وانا بتعفرت من الحريم دي.. 

محمد 

حاضر يا بابا من عينيا.. 

_وبعد الفطار في بيت صبري.. 

كانت بطه قاعده بتاكل كنااافه وصبري وزهره قااعدين قدامها.. 

بطه 

مالك يا ابو اسر قاعد بتزغرلي كده ليه اللقمه هتقف في زوري.. 

زهره 

لا يا حبيبتي ابداً ده انتي منورانا بالهنا والشفا، اجيبلك ام علي.. 

بطه 

لا لا كفايه الكناافه عشان الرجيم، ولا انت اين رئيك يا ابو اسر.. 

صبري بضيق 

وانتي جوز امك عارف انك عندنا.. 

بطه 

مين عمي حامد ايوه عارف ما انا ما بطلعش من البيت غير لما باااخد اذنه، وبعدين انا عايزه اروح مع شهد عند الدكتور عايزه اطمن عليها... 

صبري

طيب انا هروح معاكم.. 

بطه بسرعه قالت 

لاااااا ما ينفعش.. 

صبري 

ايوه ما ينفعش ليه؟.. 

بطه حطت طبق الكنافه علي الترابيزه 

ممم ما هو انا رايحه اكشف انا كمان يعني.. 

صبري 

وانتي هتكشفي علي ايه ان شاء الله.. 

زهره 

جرا ايه يا صبري كلك مفهوميه رايحين لدكتور نسا يعني ما تكسفهاش.. 

بطه عملت نفسها مكسوفه 

ايوه ما تكسفهاش اا اقصد ما تكسفنيش.. 

صبري 

طيب هبعت عربيه مخصوص معاكم.. 

بطه بحده 

بقولك ايه انت زهقتني بقي في ايه هو انا هخطفها ولا هخطها يعني، ما قولنا في سواق بعربيه معايا تحت اتبط بقي.. 

صبري بصدمه 

دي بتقولي اتبط يا زهره، المفعوصه دي بتعلي صوتها عليا.. 

ضحكت زهره وشهد طلعت من اوضتها وقالت

انا خلصت اهو يا بطه يلا بينا، بعد اذنك يا صبري مش هتأخر... 

قام صبري وطلعلها فلوس وقال

امسكي خلي دول معاكي.. 

وبص لبطه بغيظ وقال

وخلي بالك من نفسك تطلعي من عند الدكتور وتيجي علي طول علي البيت.. 

شهد 

حاضر ربنا يخليك يا صبري.. 

_ونزلت هي وبطه وركبو العربيه اللي كان باعتها يونس من غير ما هي تعرف، وبعد شويه قالت شهد وهي بتبص من الشبااك... 

شهد 

بت يا بطه ده مش طريق العياده بتاعت الدكتور ده؟.. 

بطه بتوتر

ها لا هو بس هو معدينا من ناحيه تانيه.. 

_ وبعد شويه وقفت العربيه قدام فيلا شكلها حلو اووي، وبعدين الباب اتفتح ودخلت العربيه وشهد مسكت بطه من دراعها وقالت.. 

شهد 

انتي جيباني فين يا بت انتي؟.. 

بطه بخوف 

والله العظيم انا ماليا دعوه ده يونس هو اللي خطط لكل حاجه.. 

_ وبعدين العربيه وقفت والباب اللي من ناحيتها اتفتح وميل يونس عليها شويه وقال بخبث... 

يونس 

سبق وقولت ان ما اتخلقش اللي يمنع يونس الصاوي عن مراته ولا ايه؟.. 

_خلص كلامه وغمزلها بطريقته اللي ديماً بتوترها وحصل....

             

                     الفصل الثلاثون من هنا

لمتابعة باقي الرواية زوروا قناتنا على التليجرام من هنا

تعديل المقال