رواية دمر حياتي الفصل الثاني عشر 12 بقلم خيال كاتب
الجزء الثاني عشر
.................
صحيت الصبح جسمي كله وجعني ولا كأني كنت شغالة في الفاعل
قومت بالعافية دخلت الحمام اخدت دش وانا بستحمي تليفوني كان شغال بيرن ومش
بيفصل رن لغايه ما استحميت بسرعه ولفيت فوطه علي جسمي وخرجت روحت الأوضه اخدت تليفوني من الشاحن ولقيت
10 رنات من ايمان ومن عاطف
لسة هتصل بحد فيهم لقيت عاطف بيرن عليا
فتحت عليه ايوه يا عاطف
عاطف انتي لسه نايمه .. البسي هدومك وتعالي المحل بسرعه
انا :: ليه في ايه
عاطف :: المحل كلة اتسرق بالبضاعه اللي في المحل والفلوس حتي المخزن اتسرق
انا :: يانهار اسود
عاطف :: البسي وتعالي بسرعه علشان انا بلغت الشرطه وهما في المحل بيعاينوا وعايزين ياخدو منك ومن ايمان كلمتين
قفلت مع عاطف وحسيت بمغص في بطني من الخوف ودخلت الحمام تاني جري
وبقيت عماله افكر ازاي رجب سرق المحل وهو طول الليل نايم معايا
لغايه مافهمت هو ليه اصلا طلب ينام معايا في شقتنا ويفضل طول الليل معايا
علشان يشيل من دماغي فكره انه هو اللي سرق المحل .. وبكده مطلبش منه حاجه
وانا مكنش فارق معايا في الوقت ده غير حاجه واحده بس .. ان اسمي ميجيش في حاجه
اتصلت برجب وسألته وطبعا انكر لكني قولت مفيش غيرك اللي عملها بالأتفاق مع صحابك وانا مش عايزه حاجة المهم عندي
انت متتصلش بيا تاني ولا انا هتصل بيك
وتحذف رقمي وتحذف سجل المكالمات اللي بينا... وانا هعمل كدة قبل ما اروح المحل
قفلت مع رجب .. وايمان اتصلت بيا وقالتلي اخلصي تعالي بسرعه
لبست هدومي وكنت بحضر لماما الفطار وعرفتها ان المحل اتسرق وانا رايحه علشان الشرطة هناك وعايزين ياخدو اقوالي
ماما كانت خايفه عليا وقالت ابقي تعالي طمنيني يابنتي
روحت المحل ورجليا مش شايلاني من الخوف وقولت ربنا يستر واروح من المحل علي البيت مش علي القسم
اول ما وصلت المحل كان عاطف جايب كراسي من القهوه ورجال الشرطه قاعدين بره المحل والناس ملمومه وايمان قاعدة بتدي اقوالها
دخلت المحل لقيته فاضي خالص وكل الهدوم اللي فيه مسروقه
انا :: امتي ده حصل ياعاطف ... معرفش انا جالي تليفون الساعة 8 من الجيران هنا ان المحل مفتوح وفاضي
جريت زي ماانتي شايفه بالترنج لقيت المحل زي ما انتي شايفه حتي البضاعه اللي في المخزن اتسرقت
انا :: يا نهار اسود ... كل ده ومحدش حس من الجيران
عاطف :: ما ده اللي هيجنني ان البضاعه كلها اتحملت علي عربية نقل ومحدش خد باله
انا :: محدش حس كمان بتكسير الأقفال
عاطف :: المحل مش متكسر .. ده مفتوح بالمفاتيح ومحدش معاه المفاتيح دي غيري انا وانتي وايمان
انا :: قصدك ايه اننا ممكن نكون ورا سرقة المحل
عاطف :: انا مقولتش كده لان كمان المخزن مفتوح بالمفتاح والنسخه بتاعة المخزن مش مع حد فيكم غير معايا انا بس وانا اللي بديكم المفتاح لما بطلب منكم شغل في المخزن
شوية وايمان خلص التحقيق معاها وجه دوري
الأمين فضل يسألني شغاله هنا من امتي وبتفتحي المحل امتي والمفاتيح بتشليها فين وفيه حد معاكي في البيت
وممكن تشكي في مين .. طب لاحظتي حد بيحوم حولين المحل .. حركات غريبه من ناس معينه وكدة وبعدين قفل المحضر ومشي وحمدت ربنا اني مش متهمه
بعد ما الأمين مشي عاطف قفل المحل وراح القسم وانا وايمان كل واحده فينا روحت علي بيتها
روحت طمنت ماما وحكيت ليها كل اللي حصل بالظبط
فات شهر وانا من غير شغل والمحل مقفول
وروحت القسم مرتين علشان ياخدو اقوالي
والبوليس مقدرش يتوصل للسارق
نزلت مره تانيه الف علي رجليا وادور علي شغل
وفعلا اشتغلت في اكتر من مكان مره في عيادة دكتور ومره في محل ملابس اطفال
وفي كل مره كنت بسيب الشغل بسبب ان المرتب مش قد التعب اللي كنت بتعبه
لغاية ما في ليله افتكرت صاحبتي شيماء
وقولت فيها ايه لو اشتغلت في كباريه فتاحه
علي الأقل هعرف اصرف علي البيت واصرف علي علاج امي العيانه وغير كده
انسب ميعاد ليا .. بالنهار هكون خدامه تحت رجلين امي وبالليل وهي نايمه ومش محتجالي هكون في شغلي
اتصلت بشيماء وطلبت منها تجيلي البيت لما تبقي فاضيه علشان عايزاها في موضوع
رجب بعد ما عمل عملته ساب المنطقه خالص ومبقتش بشوفه وبصراحه كنت مرتاحه منه ومن طلباته اللي مكنتش بتخلص
الساعة 9 بالليل لقيت شيماء بتتصل بيا وبتقولي انها هتعدي عليا قبل ما تروح لشغلها وهتقعد معايا شويه وتمشي
مفيش نص ساعه وكانت شيماء معايا في الأوضه
شيماء :: خير يابت يا سهام موضوع ايه اللي عيزاني فيه
انا :: عايزه انزل الشغل معاكي
شيماء :: هههه اشمعني دلوقت .. مش كنتي بتقولي مش انا اللي اشتغل فتاحه
انا :: اعمل ايه ياختي ما المحل اللي كنت شغاله فيه اتسرق والراجل اتخرب بيته
وبعدها اشتغلت وكان بيطلع ميتيني وباخد في الاخر ملاليم
شيماء :: خلاص هكلملك طارق النهارده وسيبي الموضوع ده عليا
انا :: تسلميلي يا شيماء
شيماء :: بس خدي بالك .. فيه تنازلات هتقدميها
انا :: عارفة ياختي وغصب عني موافقه
شيماء :: طيب بالأذن انا بقي وهكلمك لما طارق يقولي هاتيها
انا :: ايه ده يعني ممكن طارق ميوفقش
طارق :: بصي هو لازم لازم هيشوفك وهيقعد معاكي.. وهيقرر بناء علي مقابلته معاكي
تشتغلي او لا
انا :: ايوة كدة فهمت نوع المقابله
شيماء :: هههههههههههه ايوة كده عيزاكي تبقي ناصحه ومتطيريش الفرصة من ايدك
انا :: ماشي
شيماء :: يلا بقي اسيبك انا ياحبيبتي
شيماء مشيت وانا قعدت افكر في اللي جاي
وفي الايام اللي داخله عليها وانا مجبرة اني
اتحول من انسانه شريفه ل انسانه هتنام مع كل راجل شويه علشان الفلوس وعلشان ممدش ايدي لحد
مع ان احمد اكتر من مره يعرض عليا فلوس مساعده لكني كنت برفض لاني عارفه ان ظروفه هو كمان علي قده ويوم بيشتغل وايام لا
بعد يومين لقيت شيماء بتتصل بيا علي العصر كده وكان باين من صوتها انها لسة صاحيه من النوم
انا :: الو .. ايوة ياشيماء
شيماء :: خلاص ياستي انا كلمت طارق وهو معندوش مشكله يشغلك بس زي ما قولتلك هيقابلك ويقعد معاكي شويه وبعدين هيقرر
تشتغلي معاه ولا لا
انا :: يعني هقابله امتي
شيماء :: الليله لو تحبي
انا :: ايوة يعني اقول لماما ايه ... مينفعش المقابله تكون بالنهار
شيماء :: نعم ياختي .. من اولها كده
انا :: يابت افهمي ما انا هقول لماما اني رايحة اقابل مدير المستشفي وانك انتي اللي جبتيلي الشغل ده .. ولما يوافق عليا هفهمها اني هشتغل في وردية بالليل .. لكن المقابله كده من اولها بالليل متنفعش
شيماء :: اتصرفي يا سهام انا كدة عملت اللي عليا معاكي
انا :: خلاص ماشي
اه نسيت صحيح العنوان ايه
شيماء :: كازينو النسمه في اول شارع الهرم
انا خلاص ماشي هشوف هقول لماما ايه وبالليل هكلمك قبل ما اجي
شيماء :: ماشي وانا هبلغ الأمن يدخلوكي علي مدير الملهي
قفلت مع شيماء وعملت اكل لماما.. وبعد ما اكلتها. قعدت معاها شويه ومش عارفه افتح معاها الموضوع ازاي .. وقبل ما اتكلم كنت خايفه يبان عليا
انا :: ماما شيماء صاحبتي جابتلي شغل معاها في المستشفي اللي شغاله فيها
ماما :: والنبي صحيح .. طيب الحمد لله يابنتي ربنا عالم بحالنا
انا :: انا المفروض النهارده هروح اقابل المدير بالليل وهاخد معاهم يوم تدريب وبناء عليه
هيقرر ان كنت انفع اشتغل معاهم ولا لا
ماما :: خلاص يابنتي بس خدي بالك من نفسك احنا يابنتي من غير راجل يحمينا وكلام الناس يابنتي مبيرحمش
انا :: عارفة يا ماما علي يدك مفيش حاجه في ايدي .. والشغلانه دي في مستشفي خاص وقرشها هيكون حلو .. هيعيشنا مستورين
ماما :: يابنتي الفلوس مش كل حاجه .. وانا سمعتك عندي اهم من الفلوس لو قدرتي تخلي الشغل ده بالنهار ياريت .. علشان كلام الناس
انا :: انا بالنسبه ليا بالليل احسن علشان ارعيكي انتي بالنهار واخد بالي منك وبالليل اشوف شغلي .. وبعدين دي قرشها حلو وهيعيشنا مستورين
ماما :: ربنا يباركلك يابنتي ويبعد عنك ولاد الحرام ويسترها معاكي ويبعد عنك عيون والسنة الناس اللي مبترحمش
بالليل الساعة 10 لبست هدومي واتصلت وقولت ليها اني هروح دلوقت
شيماء :: طب انا لسه هروح استنيني علي اول الشارع نمشي مع بعض
مشيت وقابلت شيماء علي اول الشارع واتمشينا لغاية ما طلعنا من المنطقه خالص واخدنا تاكس وروحنا الكباريه
دخلنا انا وشيماء من الباب الخلفي وشيماء اخدتني وطلعت بيا لتاني دور وخبطت علي باب المدير... وفتح لوحده ... باب بالكهرباء
الأوضة بتاعته كانت كبيره جدا وفيها مكتب كبير جدا وفخم جدا جدا وقدامه اربع شاشات عرض كبار جايبين كل ركن في الكازينو
طارق ده شخص ضخم اصلع مع شعر خفيف في اجناب راسه لابس شيك جدا ... شيماء دخلت سلمت عليه وقلعت العبايه اللي لابساها وكانت لابسه من تحت طقم جامد جدا جدا وتلات تربع جسمها باين...
سلمت عليه وراحت قعدت علي كرسي جلد قدام المكتب وحطت رجل علي رجل
شيماء :: صاحبتي سهام ياطارق اللي قولتلك عليها
طارق قام من المكتب بتاعه واتمشي لغاية ما بقي قدامي وبقي بيفصل جسمي بعيونه
وقالي لفي كدة يا سهام
لفيت وانا مكسوفة جدا
طارق :: لا صاروخ يا شيماء عندك حق ..
اتفضلي انتي علي الحسابات تحت وسبيني انا وسهام نتعرف علي بعض شويه
شيماء قامت وهي بتغمزلي
طارق :: اتفضلي ياسهام
ولف راح قعد مكانه علي المكتب بتاعه ورجع بضهره لورا ورفع رجليه وحطها علي المكتب في وشي وهو عمال يبصلي وبصوابعه بيمسح اجناب بوقه
وبعدين نزل رجليه من علي المكتب
وقام لف حوليني شويه ومن غير ما ينطق ولا بكلمه زي ما يكون بيفصلني تفصيل
وبعدين مسك ريموت صغير في ايده ووجه للحيطه اللي ورا المكتب وضغط علي الريموت.. لقيت الحيطه اللي وراه بتفتح نصين وبدأ يظهرلي جوا سرير فخم جدا جدا وبار فيه كل انواع الخمور وقدام البار فيه طرابيزه بأربع كراسي
بصلي وعيونه بتبص لكل حتة في جسمي
طارق :: انا موافق اشغلك معايا .. وبمرتب عمرك ما كنتي تحلمي بيه .. بس اهم شئ عندي زي ما هتاخدي تدي ... وتعتبري المكان ده زي ما يكون مكانك يعني تخافي علي زباينه وتريحيهم
انا :: اكيد وانا فاهمه طبيعة شغلي هنا
طارق بقي عمال يتمشى حوليني وعيونه بتفصصني
طارق :: بتشربي ؟
انا :: بصراحة عمري ما جربت اشرب
طارق :: كدة مش هينفع تنزلي الشغل علي طول .. لازمك تتدربي علي الشرب وتتعودي عليه ... يومين بالظبط معايا هخليكي ميه ميه
دخل الاوضه اللي فيها بار وشد كاسين وفتح زجاجة شامبانيا واخد تلج من تلاجه صغيره جنب البار وصب كاسين وقعد علي الكرسي وشاور ليا بصباعه علشان اقعد جنبه
روحت قعدت وانا محرجه ومكسوفه وحطلي الكاس قدامي وحط رجليه الأتنين علي الطرابيزه جنب الشمابانيا ومسك الكاس بتاعه وبقي بيشرب واحده واحده
انا رفعت الكاس واول ما شربت حسيت بحرقان وشحره في زوري وهو مش بينطق
بيراقبني بس
خلصت الكاس بالعافيه ... قام جاب طبق مليان فول سوداني ولوز وفسدق وحطه قدامنا ورجع حط رجليه علي الطرابيزه
وبقي بياكل في الفسدق وصب كاسين تانين لينا واداني وقالي .. ارفعي الكاس مره واحده
رفعت الكاس علي مره واحده وبردو حاسه بحرقان ونار في زوري لكن مش زي لما بشرب واحده واحده
قام وقف ورايا ولذق بجسمه في الكرسي ونزل علي وداني وقالي بصوت واطي شايفه السرير ده
انا :: اه
عايزك تقلعي وتطلعي عالسرير ..
قومت وروحت ناحية السرير وهو قعد علي الكرسي اللي قدام السرير وحط رجليه علي الطربيزه وبيتسلي في الفسدق
انا محرجه ومكسوفه لكن مفيش في ايدي غير اني اعمل كل اللي يطلبة مني
بدأت في قلع هدومي قطعه قطعه وكنت كل ما ابصله يشاوري اكمل قلع هدومي لغاية ما بقيت قدامه عريانه......
بصيت له شاورلي ألف بجسمي
ولع سيجار وراح قام وقف قدامى
كل ما يقولي علي حاجه اعملها وكأني كنت مسحوره .. بسبب قوة شخصيته وبسبب اني انا اللي محتاجه للشغل
لغاية مقالي بعد ماخلص العلاقه معايا ...... مبروك نجحتي بأمتياز في الأختبار...
#يتبع......