رواية حب من اول رسمه الفصل الثالث والثلاثون 33 بقلم مني احمد
فجاه روح حضنته بخفه وفضلت تعيط وهي بتقول حقك عليا أنا عارفه أن كلامي دبش بس مش بكون قصدي اخر واول مره أنا بحبك يصقر ومش متخيله ايامي من غيرك خلاص بقي كول عشان خاطري مش قادره اشوفك تعبان كدا
صقر كان هيطبطب عليها وهو نفسه يقول مش عايز اشوف دموعك بس مظهرهش اي رد فعل ك عقاب ليها
قامت روح وهي بتمسح دموعها
وهو بدأ ياكل
ابتسمت روح وسابته وراحت ل المطبخ
عند بسمه ابوها رن وعزم خالد وأخواته وأبوه وامه
جه يوم العزومه
وكانت بسمه مفحوته مع امها في المطبخ
جه خالد هو وأهله
وكلهم كانو علي سفره واحده
خالد عايزك ف موضوع ي عمي
ابو بسمه اتفضل
خالد أنا كنت عايز اكتب كتب كتابي علي بسمه
ابو بسمه بس يبني هي لسا فاضلها مخلصتش جامعه
خالد أنا عايز اكتب كتاب بس
عشان لما ادخل واخرج واقعد معاها عادي ولو وصلتها وجبتها
بسمه حست بضيق شديد
ابو بسمه انتي رأيك اي ي بسمه
بسمه إلي تشوفوه ي بابا أنا شبعت هقوم اعمل الشاي
قامت بسمه دخلت وحسه بديق كل دا عشان قلتله ملكش حق تتحكم فيا أنا انهي الموضوع دا خالص أنا مش عايزة اتجوز
وبعدين قالت اهدي اهدي اعملي الشاي واطلعي
استنت لما كلوا خلص اكل وبعدين اخدت الشاي وطلعت وجابت حلويات وحاجه ساقعه
ابو بسمه معنديش مشكله ي خالد يبني انت شاب خلوق وانا واثق فيك وانك عمرك م هتأذي بنتي
خالد وانا هكون قد الثقه دي يعمي
نكتب الكتاب يوم الاتنين الجاي حلو
ابو بسمه علي بركه الله
ام خالد وأبوه كانو ف حاله صمت
بسمه اتفضلوا
ام خالد تعبناكي ي بنتي
بسمه بابتسامه مفيش تعب ولا حاجه
خالد ف سره إلي جاي حاجه تانيه
وبعد دقائق
نستاذن بقي قاموا استاذنو ودخلت بسمه اوضتها وهي مديقه بس هي مكنش ينفع تصغر ابوها وتتكلم وان كلمة ابوها هي إلي تمشي ولازم تكبره
قامت بسمه ع صوت امها وهي بتقولها يلا ادخلي اغسلي المواعين لاني تعبت النهارده وتنزلي تجيبي فستان كتب الكتاب ولو هنعزم بس هيكون دايره صغيره لانه مش فرح
بسمه بحزن حاضر ي ماما اعزمي صحبت عمري وابن عمتي دول لازم يكونو اول الحاضرين
ام بسمه بحزن بس رفضت أنها تظهره علي ملامحها
حاضر ي بنتي هعزمهم
قامت بسمه روقت المطبخ ورجع بيلمع
قعدت بتعب ومسكت فونها واول حد جه علي بالها روح
رنت مره بس روح مردتش
جربت التانيه
روح بتعب الو
بسمه عامله اي
روح الحمد لله وانتي
بسمه الحمد لله
كنت عايزه اعزمك ع كتب كتابي يوم الاتنين متنسيش
روح بصدمه بتقولي اي
بسمه كتب كتابي
روح بتتكلمي بجد
روح مفرحتش لانها كانت تحت صدمه
بسمه ايوا
روح مبارك ليكي بس انتي موافقه بدأ
بسمه مطول م بابا موافق أنا موافقه
لازم تيجي متتتاخريش
روح مش هقدر والله اعذريني
بسمه بحزن نفسي تبقي جنبي ف اللحظه دي
روح هو قاعد عليه قد اي
بسمه اسبوع
روح لما يجي وقتها يحلها الف حلال وهستاذن جوزي الاول
لانه عامل عمليه وتعبان
بسمه مقولتيش لي
روح مجتش فرصه
سلام لأن ايدي مشغوله
قفلت روح
وصقر مدهاش اي رد فعل ولا سألها دي مين وتروحي فين ولا اظهر اي اهتمام ودا دايق روح جدا وكأنها حاجه غريبه عليها
بدأت تليفونات صقر تشتغل المعرض والشركه والموظفين وكلو قلقان اختفي مسك فونه ونزل بوست أنه عنده ظروف مرضيه وهيرجع قريب
عدي الوقت وحل الليل وروح قاعده بتقراء الكومنتات من فونها
روح ف سرها اي دا مش بيخلصوا لي أنا اقوم اجهز العشا احسن
قامت روح وحطت الاكل عنده
روح بحزن مش هتتكلم تقول حاجه
صقر بصلها ومتكلمش
روح بخبث حضنته وباسته من خده وهو كاتم ابتسامته وهي بتقول ببرائه حقك عليا معتش هعمل اي حاجه تدايقك تاني اهم حاجه رضي الزوج
صقر مش هخليكي تروحي عشان تبقي عارفه بس
روح مش عايزة اروح
بس اهم حاجه ترضي
صقر هتموتيني هاتيلي العلاج
روح قامت بسرعه وهي بتضحك لأنها عرفت كدا أنه خلاص اتصالح
جابت كبايه الميه ودته العلاج
تاني يوم صحيت روح بدري جدا حضرت الفطار وحطته جنبه وكتبت ف ورقه صباح الحب والبهجة والسرور صباحك حلو ي امور وحطتها جنب الاكل وجهزت ل الجامعه صقر صقر
صقر نعم
أنا ريحه الجامعه ولما تصحي الفطار اهو
مشيت روح ووصلت ف وقتها وكان متراكم عليها بس كل دا بالنسبالها ساهل
صحي صقر وفطر ولما شاف الورقه ضحك علي طفولتها
وبعدين سكت وهو بيقول احنا متفقناش علي كدا أنا لازم اادبها شويه
رجعت روح من الجامعه وكانت جايبه الغداء من برا
دخلت عند صقر علي طول
وبتقوله خمس دقائق والأكل يجهز
بس كان صقر تعبان وبيشتكي من معدته
عدي الاسبوع وصقر بدأ يتحسن
وجا يوم كتب كتاب بسمه
روح صحيت بدري
وهي بتخطط ازاي تقنعه
دخلت المطبخ عملت فطار ودخلت تصحيه بصوت رقيق
صقر صقر حبيبي اصحي
صقر واستغراب وفسره امممم دي اكيد حيله من حيلتها خلينا معاها علي الخط 😂
صقر نعم
روح اصحي يقلبي الفطار
صقر همممم
روح هممم اي اصحي
صقر انتى بتزعقي طب مش قايم
روح لا يحبيبي بس قوم عشان تفطر
صقر كان كاتم ضحكته
لا زعلت
روح بضيق خلق وبتقول ف سرها الطم
روح لا يحبي تزعل اي بس دانت الحته الشمال
صقر ومش شايف دا لي
لا لا كلو كلام
روح ميلت عليه فجاه وباسته
صقر من غير نفس
روح من جواها ااااه الطم يحرق بسمه علي كتب الكتاااب
صقر وهو مركز ع عيونها
روح بانتباه احم قوم أفطر بقي
صقر رفع حاجبه
قام فطر ونام تاني
روح ف عقلها اعمل اي دلوقتي بقي
قعدت جنبه ع السرير وميلت عليه
وببراءه صقر عشان خاطري نفسي اروح كتب كتاب بسمه صحبتي عانت اوي كتير ف حياتها وكمان النهارده كتب كتابها ف حبه اكون جنبها لأن صحبتها القريبه خانتها بعد عشرت العمر دي واهي قدرتني وليا مكانه عندها ف سيبني اروح
صقر بتفكير اممم وبعدين
روح عشان خاطري
صقر يعني شويه الحبشتكنات إلي عملتيهم عشان تروحي
روح لا لا لا
صقر لا خلاص اخدت موقف
قال حبيبي قال
روح طبعاً حبيبي امال حبيب مين يعني
صقر امم وبعدين
روح بضحك يعم سيبني اروح
صقر يعم
روح لا لا ممكن اروح طيب
صقر واي المقابل
روم إلي انت عايزه
خلاص هتروحي بس معاكي ساعه زمن وتكوني فالبيت
روح نعممم
صقر خلاص مفيش مرواح
روح خلاص خلاص ساعه زمن
صقر خلي بالك من نفسك
مسكت فونها روح ب سعاده وكلمت بسمه انها هتجيلها
بسمه بفرح بجد ي روح
روح ايوا
هجهز واجي
دخلت روح تجهز الغذاء.ل الصقر والعلاج وكل حاجه حطتها جنبه
وفتحت الدولاب وهي وقفه ب حيره تلبس اي
صقر الفستان الكحلي دا حلو
روح الكح وبعدين مكملتش كلامها خافت تعترض يغير كلامه
اه حلو هلبسه جميل اوي
لبسته وكسرت اللون ل طرحه فاتحه وشنطه وجزمه فاتحين
صقر كان كاتم ضحكته
روح كدا حلو
صقر بإعجاب اممم
بسمه رنت عليها انتي مطلعتيش من عندك تعالي قبل م يجو
روح أنا ريحه
صقر السواق بالعربيه تحت هيوديكي ويجيبك
روح بابتسامه محتاج حاجه
صقر لا خدي بالك من نفسك ومتتكلميش مع حد ومتتاخريش اديني قولتلك ساعه زمن ستين دقيقة
روح حاضر
خرجت روح من البيت وهي مش مصدقه نفسها
عند بسمه لبست دريس بيبي بلو وكعت ابيض وكانت حاطه مكياج خفيف
وصلت روح بيتهم وفتحتلها امها
ام بسمه اتفضلي يبنتي
روح اهلا ي خالتي فين بسمه
ام بسمه اتفضلي يبنتي جوا
انتي يبت ي بسمه كلمي
خرجت بسمه واول م شافت روح حضنتها وبتقولها ادخلي تعالي
دخلت اوضتها
وفجاه بسمه عيونها دمعت
روح اهدي انتي قمر هتبوظي الدنيا كدا.
صدقيني دا الشخص المناسب وهيحبك وهتحبيه
ابدئي حياه جديده من النهارده
وابتسمي كدا مش عايزة اشوف اي زعل
ام بسمه اتفضلوا دخل خالد وكان لابسه بدله ومعاه أمه وابوه واخوانه
ام بسمه دخلت يلا اطلعي جم
طلعت بسمه وروح جنب منها
وف نفس الوقت دخل صحبتها وابن عمتها
صحبتها ف سرها يخربيت جماله والله خساره فيها
وقعت عليه فين دا
ابن عمها حس بغيظ مكتوم
وبسمه كانت متعمده أنها تظهر انها مبسوطه وبتضحك
وصل المؤذون وانكتب الكتاب
واخيرا خالد ل اول مره يسلم عليها ويمسك ايدها
وقال تحت ابتسامه الف مبروك
اتكسفت بسمه
وبصت ل ابن عمتها وصحبت عمرها
بابتسامه وكانها دلوقتي اخدت حقها
ابن عمتها يلا نمشي
صحتبها اي حنيت دلوقتي حلت ف عينك دلوقتي
يلا واسكتي مش عايز اسمع صوتك
مشيوا
وبسمه دلوقتي حست براحه وتقدر تبدأ حياه جديده وهي مرتاحه
روح بدأت تصورهم مع بعض واتصورت هي وبسمه
اخو خالد ل أمه مين البنت إلي مع بسمه دي
قمر اوي وشكلها محترمه وبنت ناس
ام خالد احنا ف اي ولا ف اي دلوقتي
بصت روح ف الساعه وقالت ل بسمه أنا مطره امشي دلوقتي
بسمه خليكي شويه
انتي لحقتي
روح مش هقدر
خرجت روح وهي مستعجله
وركبت ف العربيه
وبتقول ل السواق بسرعه
وصلت روح البيت
ودخلت وهي بتقول
اديني وصلت
صقر وهو بيبص ف الساعه اتاخرتي دقيقتين
روح ودقيقتين دي وقت
صقر طبعاً ١٢٠ ثانيه
روح أستغفر الله
صقر بتقولي اي
روح ولا حاجه
صقر احسب يلا سماح المرادي
يلا بقي انا عايز المقابل
روح وهي بتقلع الطرح وبتفرد شعرها اي
صقر المقابل
روح مقابل اي
صقر نسيتي ولا اي
روح أه
صقر هنستعبط ولا اي لو نسيتي افكرك
صقر
يتبع
