رواية صديقه عمري الشيطانه الفصل الثالث 3 بقلم عادل الصعيدي
الجزء الثالث
ولما سمعت باب اوضتي بيفتح قومت النوم
مفزوعه
وجريت علي الباب وبسرعه
فتحت الباب لقيت
عصام بيه قدامي
بصلي من فوق لتحت
وقالي
عصام
انتي نمتي بسرعه كدا ليه
مش المفروض معاكي شغل هتعمليه
بصتله وانا مستغربه
_ شغل اي يا عصام بيه
الدنيا ليل
ضحك بسخريه وقالي
عصام
ليل هههههههه
الا هو ازاي انتي مش عارفه هتشتغلي ايه
تنحت كدا وبصيت ناحيته
_ هو المفروض اني هشتغل خدامه هنا والا اي هشتغل يا بيه
بردو فضل يضحك بصوت عالي
عصام
هههههههه معقوله الكلام دي . هيا اللي بعتتك هنا مقلتش ليكي اي شغلك هنا
رديت بصوت هادي
بصراحه محدش قالي حاجه خالص
بص ناحيتي وابتسم
عصام
_ طب ادخلي واقفلي الباب وراكي
ودخل عند السرير وقعد وانا فضلت واقفه مكاني
وبكلم نفسي
هو ازاي اقفل الباب واجي دي هو مفكر نفسه جوزي مثلا
بصلي وكرر الكلمه تأني
عصام
اي انتي مسمعتيش
قولتلك اقفلي الباب وتعالي
وقفت مسمره مكاني بردو ولا كأني سامعه حاجه
قام من علي السرير
وشدني بقوه لجوه وقفل الباب وقالي
عصام
اسمعي شغل الهبل دي مش عايزه انتي
هنا عشان تسمعي كلامي وبس وتنفذي الا بقولك عليه
وبعدها فتح الباب وطلع
وقفلت الباب وراه بقوه
شويه والباب خبط
قومت افتح لقيت واحده ست في الخمسين من عمرها
بصتلي وقالت
_ انتي بسمه
رديت بنعم
بصتلي بابتسامه
وقالت .
انا عايده مديرة الشغالين هنا وكنت في اجازه عشان كدا مقبلتكيش في الأول
عموما مش هتفرق
بس انتي مزعله الباشا الكبير منك ليه
بصتلها وانا مكشره
ازاي زعلته انا معملتش حاجه
بصتلي بضحكه
كل دي ومعملتيش
يعني انتي متعرفيش كمان الشغل هنا وبتطرديه من بيته معقول كدا
فهمتها تقصد ايه
وفهمت ان الباشا زعل لما مردتش اقفل الباب علينا انا وهو ومفهمتش كان عايز اي
قربت مني وقعدت جمب مني علي السرير
وقالت
_ بصي بقي اسمعيني كويس
انا هقولك الشغل هنا ازاي وياريت تفهمي بسرعه وتستوعبي كلامي
رديت عليها
وقلت
حاضر هحاول افهم بسرعه
بصتلي
واول كلمه قالتها انا اتصدمت من اللي بتقوله
لقيتها بتقولي ....
تتبع
الكاتب عادل الصعيدي