رواية الامانة الفصل السادس عشر 16 بقلم نرمين قدري

رواية الامانة الفصل السادس عشر 16 بقلم نرمين قدري

 

السادس عشر 

اجاب اسر بنفس نبرة العصبية :

بلا اهدي بلا زفت محدش شايف شغله المشروع اكبر من قدرتنا افهموا واتم عمالين تتخانقوا زي الاطفال بجد انا زهقت 

بدأت حياة تهدي من روعة فاهي الوحيده لديها المقدرة في هدوئه  الغريب أنه بيستجاب لها ولا يدري ماذا يفعل وكأنه منوم مغناطيسي و كأنها تبعث له الامان 

انتهي اليوم و ذهبوا بسلام الي الفيلا جرت حياة علي غرفتها من كثرة التعب و شده الأعصاب ولكنها  ووجدت ما لم يتوقع 

وجدت ياسين نايم علي الارض بجوار السرير وكان أحد يخفي هناك 

استعجبت حياة و حملته ووضعته علي السرير بجوارها و عقلها مازل متحيرا من امره 

فتح الباب ودخلت جنة تبحث بعينيها عن ابنها 

رفعت حياة عينها وقالت: 

خير يا جنة حد ينيم ابنه علي الارض كده و مخبياه ليه 

ادمعت عيون جنة بطريقة لا إرادية وقالت : 

بصراحة خايفة قوي يا حياة خايفة علي ابني وعلي حياته انا هنا عايشة مهدده 

نزلت حياة من علي السرير و احتضنت اختها وقالت وهي تربت على ضهرها : 

اهدي بس يا قلب اختك وقوليلي ايه الممكن يكون مخوفك قوي كده في ايه 

جلست جنة علي أول السرير وقالت:

مش عارفه مش عارفه يا حياة جوايا احساس مميت بالخوف علي ابني نظرات ماجده ليه مش مطمناني حاسة أن في حاجة حتحصل

حاولت حياة تبعث الامان لأختها ولكنها بداخله قلقه جدا بشأن اختها فعلا ماجده و ماجي الشر واضح في أعينهم 

جاء موعد العشاء المقدس للعائلة 

اجتمع الجميع حول طاولة العشاء وكالعادة الجميع يلتزم الصمت التام و عيون ماجده مثل الصقر تحوم حوالين الكل 

زفرت حياة أنفسها بصوت مسموع وقالت : 

وحدوو في ايه يا يا جماعة ايه الصمت الممل ده بجد في ايه انتم حياتكم مافيهاش حياه بجد بارده قوي 

اجاب اكرم بضحك: 

والله صدقتي يا حياة فعلا حياتنا فاضية من حياه 

ردت ماجي بعجرفه: 

يعني احنا بناكل المفروض نقوم نرقص علي الاكل ولا ايه علشان ماتكنش حياتنا بارده

رفعت حياة حاجبيها لاعلي وقالت:

انا وجهتلك كلام انا نطقت وقلت يا ماجي اتكلمي لا اله الا الله غريبة قوي

نطق اسر اخيرا وقال:

بقولكم ايه سبكم بقا من لعب العيال ده ثم التفت إلى حياة وقال لها :

حضري نفسك للسفر علشان بكرة اخر النهار حنروح نعاين الموقع سوا و علشان نجهز كل حاجة قبل العمال ما يرحوا عاوز كل حاجة زي الكتاب ماقال 

اومأت حياة رأسها وقالت:

تمام أن شاء الله حكون جاهزة ثم أكملت و ايه رايك ناخد جنة و احمد معانا اهو يغيروا جو بقالهم كتير مخرجوش اهو منه شغل و منها فسحة 

احمد تحمس وقال والله فكرة أنا عن نفسي موافق جدا ثم التفت إلى جنة وقال: 

ها يا جنتي ايه رايك نروح معاهم نغير جو 

ابتسمت جنة وقالت: 

طبعا يا حبيبي موافقة فرصة اغير جو انا كمان 

لاحظ احمد انطفاء جنة وان الابتسامة تكاد مرسومة علي وجهها 

حتي أنه نظر لأسر نظره ذات معني فكانت عيون جنة زائغة و غير مستقر  و عياط ياسين مستمر لم يتوقف

و بالفعل كانت حالة جنة ملحوظة للكل معاد ماجده اللتي كانت تبتسم في داخلها 

انتهي الجميع من العشا وأشار الإخوة لبعض واجتموع فعلا في مكتب اسر

دخل احمد وقال متسرعا: 

حد فيكم لاحظ حاجة علي جنة ولا انا بس يمكن اكون انا مزودها 

اجاب اكرم : .

طبعا يا احمد كلنا ملاحظين عينها الزايغه و احتضنها لابنها كان حد حايخده منها في حاجة غلط بتحصل لمراتك 

قال اسر: 

بص يا احمد كويس أننا حناخدها تغير جو بس لازم تعمل تخليل دم كامل 

التفت احمد اليه وقال :.

خير يا اسر انت شاكك في ايه 

اجاب اسر:

مش حقول غير لما التحليل تظهر و حيبان لما تسافر أنها حتتحسن

اكرم: لا انت كده شاكك في حاجة رسمي و زي عادتك مش حا تتكلم الا لما التحاليل تظهر المهم بقا انا عاوز استأذنكم في حاجة بس الاول عاوزة اعرفكم حاجة مهم

اسر بمكر وكأنه يعلم ما يود أن يقوله أخاه لهم:

ها يا أكرم اخلص ورانا شغل كتير عاوز تقول اية 

رفع اكرم اكتافه و قال : 

اصل انا اصل بصراحة أنا متجوز علي ماجده و من زمان 

ضحك احمد وأسر سويا 

استغرب اكرم و قال : 

اده بقا اده بقا شكلكم كنتم عارفين ولا ايه 

ضحك أسر وقال:.

يابني انت اخونا من زمان اكيد عارفين طبعا عيب عليك لما تقول الكلام ده لعيال الفضالي اللي عارفين الدبان الازرق بيخبي عياله فين ها أنجز عاوز ايه

ضحك اكرم و قال :

المفروض كنت اتوقع حاجة زي كده وطبعا عارفين اني عندي نور ومحمد 

احمد :

اه طبعا وحتجنن واشوفهم 

اكرم :

تمام حلو كده انا كمان حطلع معاكم رحلة الشغل دي مش هي في الساحل بردو ولا ايه 

قال أحمد مسرعا: 

يا كيمو يا جااااااااامد حلاوتك هو ده 

قام اسر من مكانه وقال

: باااااس وطوا صوتكم انتم مش عارفين احنا عايشين مع عقربتين هنا ولا اية وفجاءة سمعوا صوت جرس الباب

اسر باستعجاب هو حد فيكم مستني حاجة أو حد قال إنه جاي 

اكرم بلا مبلاه:

تلاقي ماجي كالعاده طلبه حاجات توصيل للبيت كالعادة و احنا اللي بتدفع بس حنقول ايه حكم القوي 

قال اسر وهو يجلس :

معلش يا اكرم اعمل نفسك مش واخد بالك من حاجة كلها حاجات بسيطة وتعدي 

احمد:

بس دي طماعة قوي يا اسر ومافيش حاجة بتملي عينها بجد 

وفجاءة خبط الباب و دخلت عبير 

انتبه اسر ليها وقال: 

خير يا عبير في ايه 

أجابت عبير : في ناس تحت وعاوزبن الانسة حياة و مدام جنة 

قام احمد واقفا : 

عاوزنهم ازاي يعني ومين الناس دول اصلا 

عبير: 

بصراحة معرفش وشكلهم يخوف لبسين صعيدي و كلامهم كده بس شكلهم يخوف قوي 

اسر: 

طايب روحي انتي بلغي البنات وانا وأحمد حتنزل نشوفهم عاوزين اية

نزل اسر واكرم و احمد لا ستقبال الضيوف 

دخلت عبير تبلغ حياة وجنة

جنة : 

خير يا عبير كنتي عاوزة حاجة 

هزت عبير رأسها وقالت:ا

ه يا ست جنة في ناس تحت عاوزينك انتي و الست حياة 

استغربت حياة و التفت لها وقالت مين دول و شكلهم ايه

بلغت عبير ريقها وقالت: 

بصراحه شكلهم يخوف تلات رجاله لبسين جلاليب و عمم واتنين ستات مش باين منهم حاجة لبسين اسود 

رفعت حياة اكتافها دليل علي عدم معرفتها هوية الضيوف 

التفت إلي جنة وقالت لها: 

تعالي نشوف مين دول 

نزلت جنة و حياة و دخلت غرفة الصالون المخصصة لاستقبال الضيوف 

وعند دخولهم وقام الرجال وقفوا 

استخبت جنة في ضهر حياة و كأنها وجدت ما يخيفنا 

نطق كبيرهم بالصعيد ويدعي وهاب: 

اهلا اهلا ببنتت الغالي  اول ما داربنا انه مات چلنا لازما نعزي ده كان الغالي ولد الغالي

حياة بقوة  : 

بس بردو متعرفناش انت مين 

ابتسم وهاب وقال: 

انا ابن عم ابوكم الله يرحمه

أجابت حياة :

الله يرحمه سعيكم مشكور 

نطقت واحدة من متشحات السواد : 

اباي عاد هو احنا طاخين المشوار ده كلاته علشان تقولننا سعيكم مشكور يبنت نرجس صحيح اكفي القدرة على فمها تطلع البنت لامها

ردت الست التانية اللي معاها: 

خلاص يا سكينة بزياده عاد احنا في دوار ناس غرب الحساب يكون معاهم لما نعاود بلدنا نبقي نحاسبهم هناك علي كيفنا انما اهنه عاد لع احنا جاين نقضي ماهمة ونخلص منها 

ضحكت حياة وقالت بسخريه :

لا والله حلو قوي العرض المسرحي ده ثم اقتربت من الست الاولي و شدتها علي غفلت وقالت : 

وانتي تطلعي ايه علشان تجيبي سيرة امي اقسم بالله لو عدتيها لاكون موريكي شغلك علي أصوله امي خط احمر مافهوم 

اتكهرب الجو وقام اسر واقفا وقال بحده وعصبية مبالغ فيها: 

حياة اتفضلي اقعدي مكانك لحد ما نشوف الضيوف عاوزين ايه وقبل كل شيء ياخدو واجبهم اتفضلي روحي لعبير وقولها تجيب حاجة تتشرب ولا ايه اخلصي

استعجبت حياة من طرقته معاها و لكن هو استشف الموضوع منهم وأنهم ناوين ياخدوهم البلد و بحكم أن جنة متجوزة فا اليله حتكون علي حياة 

خرجت حياة وهي خارجة خبطت في ماجي 

ماجي بقرف : 

ايه تور ماشي مش باصص في ايه يا بتاعة انتي ابقي بصي قدامك وانتي ماشية

شوحت لها حياة بايدها وقالت:

بقولك يا ماجي وسعي كده خليني امشي علشان اليوم ده مش يومي اصلا  وانا خايفه عليكم مني فالله يكرمك ابعدي عن و شي الساعة دي مش نافصاكي عندي الأهم منك 

ماجي بسخرية: 

وان مابعدتش يا حياة حتعملي ايه فرجيني كده اصلي بخاف ونبي خوفيني 

حياة: 

شكلك بنت حلال و تستاهلي انتي اللي جبتية لنفسك و سعي بقا كده وجابتها من شعرها و زقتها ومشت 

ماسكت ماجي شعرها وقالت: 

انتي واحده مش حترمة تربية حواري 

طلع اسر علي صوتها وقال بغضب:

في ايه يا ماجي انتي مش عارفه أن في ضيوف قاعدين جوا ولا ايه ايه صوتك ده 

أجابت ماجي: 

اصلك ما شوفتش حياة عملت معايا ايه شدتني من شعري وماشت 

اسر بغضب: 

ايه شغل الحضانه ده انتي بتستهبلي اتفضلي اطلعي علي فوق لحد الضيوف ما تمشي 

في دخلة حياة نظرت لهم وكأنها لم تعرفهم وتركتهم وماشت علي الصالون

تقدم اسر منها وماسكها من يدها أوقفها وقال : 

في ايه يا حياة عملتي ايه لماجي 

حياة بتأفف: 

اسر الله يكرمك بلاش شغل العيال ده بتعاها انا بحاول اركز في القاعدين جوا في كلام بين السطور بحاول اترجمة مش عارفه دماغهم واصلة لفين 

اجاب اسر:

نفس اللي واصلني خالي بالك نيتهم مش خير و انا شامم ريحة مش حلوة جيتهم دي مش  للعزا خالص حرصي وانتي بتتكلمي بلاش التسرع واوزني كل كلمة بتتقال اسمعي منهم للآخر و بعدين ردي مش عاوز عصبية عاوزك تتحكمي في أعصابك علي قد ما تقدري حايحولوا يعصبوكي خدي بالك كمان جنة وضعها احسن منك انتي اللي في وش المدفع 

استعجبت حياة وقالت:

معلش مش فاهمة نقطة دي يعني ايه جنة و ضعها اقوي ليه هما ممكن يكونوا عاوزين ايه 

اجاب اسر:

بصي بلاش نسبق الأحداث وتعالي نخش نشوف غرضهم ايه 

دخلوا اتفجائو بوجود ماجده و ماجي جالسين مع الضيوف بيتكلموا وجنة بتغلي من الغيظ

ماجده بخبث: 

يعني انتم بتكنوا ولاد عم بباهم لازم يعني من اهلهم غريبة امال سايبين حياة قاعده في بيت الغرب ليه بعد وفاه والدها دا انا قلت انها مقطوعة من شجرة علشان كده اسر قاعدها معانا يا حرام 

تملك اسر الغيظ وقال وهو يجز علي اسنانه ويرمق ماجده بنظرات توعد وايضا اكرم ينظر لها نفس النظرات

قال اسر: 

حياة هنا قاعده صاحبة بيت مش ضيفة انا اللي رحت لحد عندها وطلبت تيجي تساعد جنة علشان جنة لسة والده مش قادرة تساعد نفسها  

رد عمهم الكبير وهاب: 

بس بردك ما يصحش يكون بيت عمها موجود و تقعد عند الغرب انا كده ولا أكده انا جاي أخدها تعيش حدانا في البلد 

ابتسمت ماجي ابتسامة شامته وقالت : 

عداك العيب يا حاج هي دي الاصول و معروف عن الصعايده أنهم اكتر ناس بيفهموا في الواجب و الاصول و محدش يقدر يعترض علي كلامك ولا ايه يا حياة 

رمت حياة كلامها عرض الحائط وكأنها لم تتكلم من أصله والتفت لعمها وقالت : 

وتطلع فين بقا بلدكم علي الخريطة

وهاب: 

في قنا الصعيد الجواني بلد ابوكي اياك 

رفعت حياة حاجبيها لاعلي وقالت باندهاش:

وانا حروح اعيش هناك بقا باي صفة علشان معلش مش واخده بالي انت حايله ابن عم ابويا يعني مش عمي اخوي ابوبا يعني قرابه من الدرجة التالته 

رد شاب يجلس بجوار عمها و عينة ما تزلتش اصلا من عليها قال:

ماهو اللي ما تعرفهوش حدانه أن كلنا هناك ولاد عم يعني مافيش حاجة اسمها ده عمي ولا ده خالي كلنا هناك ادكده ولاد بعض عاد 

حياة : هههههههههههه وانا مالي باليله دي بردو وكنتم فين لما ابويا كان محتاج العلاج و محتاج بخش مستشفي 

ثم التفتت لعمها و قالت : 

مش انت بردو  اللي بابا اتصل بيك  من مده و قالك  أنه عاوز بيع الأرض بتاعته علشان محتاج يتعالج ردتيت وقلت له 

معندناش ارض بتتباع راح قالك خلاص اشتروها انتم قلتلوا  معناش نشتري صح ولا انا غلطانه وسبته  ومسالتش عمل ايه ولا سالت اتعالج ولاء 

قام وهاب وقف وقال بغضب :

اباي عاد وبعدهالك يا بنت البندر مش ناوية تحبيها لبر عاد ولا ايه 

حياة بتحدي: 

لاء يا عمي مش ناوية وحق ابويا في ارضه يلزمني انا واختي وحاخده منك وحتشوف

قربت منها سكينة و رفعت أيدها لكي تضربها وقالت بنت قليلة الرباية صوح بكرة نعلمك كيف تتحدتي مع الاكبر منك 

ولكن حياة كانت اسرع منها وماسكت ايدها وقالت : عيب قوي لما تكوني ست كبيرة كده وناقصة رباية عيب بجد 

قام الشاب وكان بدعي محمد يهداء الوضع وقال:

اقعدي بقا يامرت خالي أكده واستهدي بالله لما نفهم جناب البرنسيسة عوايدنا الاول مليح وبعدين نقولها هي حتعمل ايه 

اشار اسر لحياة أن تهداء وتسكت وتسمع 

اكمل محمد قائلا :

بصي بقي يا بت الناس خير في سلامة و سلامة في خير احنا صاعيده يعني اهم شيء عندينا الارض و العرض بالنسبة للأرض فاهي حدانه ومحنبعهاش واصل ولو ايه حوصل علشان الأرض عندنا عرض ما فيهاش كلام 

نرجع بقا مرجوعنا العرض انتي واختك بتكونوا عرضنا و مدام اختك اتجوزت وده طبعا كان غلط وكنا لازم نصلحة علشان بنتنا ميطلعوش برا بس خلاص نفذ السهم منا وعمي غلط وعطها الغريب مافيش بقا غير ك انتي نعوض اللي اختك عملته 

رفعت حياة حاجبيها وقالت : 

اه اللي هو ايه بقا اللي جاين من اخر الدنيا علشان  تعوضوه

محمد بغرور وكأنه ليعرض عليها فرصة حياتها  :

اني اتجوزك  ومتطلعيش الغريب واصل انا اولي بالحمي ولا ايه 

لسة حياة حتتكلم بغضب كان اسر اسرع منها وقال :

وهي الاصول بتاعة الصاعيده أنهم يجوا يخطبوا واحده مخطوبه اصلا وهنا حبيست كل الانفاس

           

           الفصل السابع عشر من هنا 

لمتابعة باقي الرواية زوروا قناتنا على التليجرام من هنا   

تعديل المقال