رواية ملاك الصقر الفصل الثاني 2 بقلم رنا احمد
ملاك الصقر ❤️❤️❤️❤️
رنا احمد عماد ❤️❤️
بارت 2..
في قصر الغرباوي...
كانت واقفه ملاك وهي ماسكه ابنها وخايفه من اي رد فعل فجاه وقف قصادها صقر بكل غضب .
/نعمين يا روح امك مرات مين چرا ايه عاد يا بنت ده انتي علي كده قلبك ميتة ملاجتيش الا عرفان اخوي الله يرحمه انتي خابره زين انتي چاي تلعبي مع مين روحي ارمي فضيحتك دي علي حد تاني ربنا يستر على ولايانا .
وقفت ملاك قصاده بكل قوه وهي بتمسح دموعها /اسمع بقا انا هعمل احترام انك عم ابني وأخو جوزي ومش هرد عليك بس أنا مش جايه اشحت منكم ده ابنكم كل الي عايزاه بس أنه يبقا ليه أهل وعائله يكونو جمبه من غدر الزمن .
سعد بحده /وانتي كنت فين كل ده وليه عرفان مقلناش عليكي.
صقر بحده /چرا ايه يا ابوي انت مصدقها عرفان اخويا يتچوز العيله دي انا مستحيل اصدق واصل اكيد عرفان اخوي بقلبه الطيب كان بيعطف عليهم وقالت لما مات اعمل الفيلم ده واكسب قرشين مع باين عليها انها رخيصه .
ادهم بغضب /كفياك عاد يا صقر فيه ايه وليه ميكونش الي بتقوله صح .
صباح بغيظ شديد/چرا ايه يا ادهم انت هتصدق كوهن البنات ده وعرفان لو صوح عمل كده ليه يخبئ .
ادهم بحده /كان لازما يخبئ يا مرات ابوي لانه خابر زين أن ابويا مستحيل يوافق علي چوازه زي دي .
سعد بحيره وعينه علي علي /طب وهنعملوا ايه دلوقتي .
ادهم بتنهيده /مفيش غير سليم واد خالي انتوا خابرين زين أنه كان هو وعرفان الله يرحمه توأم اكيد هو عارف حاجه زي دي .
ملاك بتذكر /ايوه سليم هو الي شهد علي جوازنا .
سعد بجديه /أكده تبقا اتحلت .
❤️❤️❤️❤️
في بيت بسيط جمب الاراضي الزراعيه ..
كان طالع سليم بغيظ شديد وهو لابس الكالسون ومتغاظ .
/يا اما يا ام سليم انتي فين .
فوزيه وهي بتسمع للتلفزيون /تعال يا واد يا سليم انا هنه جدام التليفون .
سليم بغيظ شديد/يا اما ارحمينا بجا عملالي فيها للشيفه نونه الدلوعه وليل ونهار بتوكلينا فول .
فوزيه طسته بالشبشب /احمد ربنا يا روح امك .
سليم بغيظ شديد/الحمد لله فين بقا الجلابيه السوداء .
فوزيه وهي مندمجه مع المسلسل /في الغسيل كل هدومك في الغسيل..
سليم بغيظ شديد/طب انا هلبس ليه دلوجتي چوز عمتي اتصل مخبرش فيه ايه.
فوزيه بغيظ شديد/روح يا اخويا تلاقيهم هيشغلوك مهم بتاع مصلحتهم مكنش فيهم الا عرفان الله يرحمه كان بلسم .
سليم بحزن شديد/الله يرحمك يا اخوي .
❤️❤️❤️❤️
في قصر الغرباوي..
في جناح عرفان ..
دخلت ملاك وهي ماسكه ابنها وبتبص علي مكان وهي حاسه بريحته كلها فيه همست بوجع .
/ربنا يرحمك يارب .
صقر بغيظ شديد/ايوه اعملي فيها بقا خضره الشريفه الله اعلم لفيتي عليه كيف .
ملاك بحده /قولتلك قبل كده اني عمري مفكرت في فلوس ولا عمري كنت طمعانه في حاجه انا اتجوزت عرفان الله يرحمه لانه كان راجل بجد حماني انا وامي من الممرمطه اطمن انا مش هطالب باي حاجه غير حق اليتيم ده .
❤️❤️❤️
في المندره كانو قاعدين كلهم مع سليم .
سليم وهو بيحط الشاي قدامه /ايوه يا عمي الكلام ده صحيح ملاك مرات عرفان وعلي يبقا ابنه .
سعد بصدمه /وليه عاد خبا علينا طول الوقت ده كده يا عرفان .
سليم بأسف /متزعلش مني بس انت السبب انت الي دائما تقول لازم واحده غنيه ومن عائله وملاك مش كده بس بصراحه هي بنت مفيش في ادبها وبرغم فقرها إلا أن عينها مليانه ولا جادعه ..
صقر بغيظ شديد/معناته ايه الحديد ده يا ابوي البت دي هتفضل هنه .
سعد بقوه وثبات /ايوه يا صقر وارضا بالامر الواقع دي مرات اخوك يا عني لحمه وعرضه ومتنساش علي ولي العهد الغرباوي .
❤️❤️❤️❤️
في غرفه فر حه ..
كانت رايحه جايه هي وامها وهما متغاظين جدا ..
فرحه بغيظ/شوفتي يا اما المصيبه الي اتحدفت علينا شوفتي .
صباح وهي بتعض ايديها من الغيظ /اه شوفت يا اختي كل ده يطلع منك يا عرفان الله يجحمك مطرح مروحت بقولك ايه البت دي لازما تغور من هنه لازما نطفشوها ومش كده وبس بفضيحه علشان مترجعش هنه واصل ..
❤️❤️❤️
في المطبخ ...
كانت قاعده ملاك بتاكل ابنها وسرحانه دخل ادهم بابتسامه ..
/الف هنا يا علي .
علي بطفوله /وانت كمان .
ملاك بارتياح ليه /شكرا جدا ل حضرتك وشكرا لوقفوك معايا كتر خيرك .
ادهم بابتسامه /علي ايه ده حقك وحق ابنك متزعليش من الي حصل الصدمه كانت كبيره علينا واحنا مش مستحملين بس متتصوريش فرحتنا اوي ب علي كان عرفان اخويا لساته عايش .
صقر بغيظ شديد/يالا يا علي هتروح مع چدك الغيط .
ملاك حضنته بخوف /لا طبعا ابني مش هروح لي مكان غير رجلي علي رجله.
صقر بغضب /والله عال ده الي ناقص كمان اسمعي يا بت انتي انا غير عرفان واصل الله يرحمه اخويا كان حنين وشويه سهوكه نسوان كانت تاثر فيه ام اني فخاف مني احسالك .
ملاك بقوه وثبات/انا مبخفش غير من ربنا سبحانه وتعالى وانت الي عندك اعمله وانا مش هروح مكان غير ورجلي علي رجل ابني .
ادهم بجديه/خلاص يا صقر خلاص انا هاخدهم ونقعدوا شويه في الغيط وبعدين نيچوا سلام .
صقر وهو باصص للطيفهم بغيظ /طيب يا حلوه مبقاش انا صقر الغرباوي لو مقطعت لسانك علي طوله ده .
❤️❤️❤️❤️
بليل ....
كانوا قاعدين علي العشاء .
علي كان بيبصلهم وهو خايف بس بص ل صقر ...
/ايه يا عمي صقر انت مبناكلش غير سلطه بس .
صقر بابتسامه/اصلي مش بحب الاكل ده يا علي .
علي بطفوله /بس ماما دائما تقول إننا ناكل كل الاكل ومنقولش علي حاجه لا كله نعمه .
سعد بابتسامه /عفارم عليك يا قلب جدك .
فرحه بدلع علي صقر /طب خود دي من ايدي يا صقر علشان خاطري .
صباح بابتسامه /واه عاد يا صقر متكسفهاش بجا.
صقر بغيظ شديد/والله هي الي معندناش دم ولا كرامه نسوان عايزه الحرق .
سعد بجديه /علي فكره يا ملاك يا بتي والدتك هتبقا هنه بعد ساعه بأمر الله اما علي هينام في حضن جده صح يا حبيبي .
علي بابتسامه /صح يا جدو .
صباح بغيظ شديد غيره من العيل ده بس ادلعت علي سعد /وانا هنام فين يا سيد الرجاله.
صقر بابتسامه خبيثه /انتي تنامي مع البهايم يا مرات ابوي اكيد اتوحشوكي جوي .
كلهم ضحكوا غلي كلامه وكل واحد راح جناحه ..
❤️❤️❤️
في جناح ملاك ...
كانت رايحه جايه وهي قلقانه بصتلها عبير والدتها .
/يا بنتي مش كده ده جده هو هياكله دول باين عليهم ناس طيبين وده حفيده ده الواد علي ده مرزق ده هياخد دلع ....
خبطت هنيه الخدامه بابتسامه /اتفضلوا يا هوانم العشاء شرفتوا ونورتوا .
ملاك جريت عليها بلهفه /انتي دخلتي القهوه ل عمي سعد صح طمنيني علي كويس .
هنيه بابتسامه /يووه يا ست هانم ده الباشا الكبير جابله لعب كتير جوي جوي والبيه الصغير هيموت من الضحك واللعب اطمني يا ست ده علي بيه خلاص بجا هو الي علي الحجر بالاذن .
عبير بابتسامه /طب اهدي بقا اديكي عرفتي كل حاجه.
❤️❤️❤️❤️❤️
في الصباح ...
كانت نازله ملاك وقفها صقر بحده ..
/رايحه فين علي الصبح كده يا مرات اخويا .
ملاك بضيق /رايحه اشوف شغل انا مش هقعد انا وامي عائلا عليكم .
صقر بحده /بت انتي انا ماسك نفسي عنك بالعافيه متخلنيش اوريكي الوش التاني ..
ملاك لاستفزاز /ايه ده عندك وشين ابيض واسود ولا ايه.
جه سعد وهو شايل علي وبيبصلهم بابتسامه .
/فيه ايه عاد مالكم هتفضلوا كده ولا ايه.
صقر بغضب /شوف مرات ابنك الي عايز تتطلع ال ايه تشتغل جاعده مع حريم اياك .
سعد بابتسامه /وتشتغل بره ليه ومالها موجود .
صقر باستغراب /قصدك ايه يا ابوي .
سعد بابتسامه /قصدي اني كتبت نص الشركه باسم علي يا عني ملاك هتكون صاحبه الشركه زيك زيها بالظبط .
صقر بغيظ شديد/نعممم ......يتبببع .
ملاك الصقر ❤️ ❤️ 💔
رنا احمد عماد ❤️ 💔 💔
