رواية الظروف (كاملة جميع الفصول) بقلم نورهان اشرف
هو:يعنى اى الكلام دا يا سماح
سماح:والله زى ما سمعت انا حامل
هو:يعنى اى حامل انتى مش شايفة الظروف اللى احنا فيها
سماح بهدوء:,والله كل عيل بيجى برزقه ولو على الظروف فبطل انت بس القهوة اللى بتقعد عليها كل يوم والسجاير واهو نبقي وفرنا شوية من المصاريف يا محمد
محمد بسخرية:والله يعنى انتى شايفة أن القهوة والسجاير هما اللى مصعبين علينا علينا الحياة
سماح :مش القصد بس يعنى اهو على الأقل نكون نوفرنا ال حاجة
محمد بعصبية:بقولك اى يا سماح حلى عن سمايا احما متفقين مفيش حمل ولا خلفة لحد اما ربنا يكرمنا
سماح بدموع :يعنى ايه احنا بقالنا خمس سنين متجوزين وكل مرة نفتح فيها الموضوع دا تقول اما ربنا يكرمنا ياخى دانت بدل الشغلانة بتشتغل اتنين نفسي اعرف الفلوس دى كلها بتروح فين
محمد بتوتر:يع يعنى هتكون بتروح فين ما انتى شايفة الدنيا والغلا اللى احنا فيه واكمل بعصبية:متغيريش الحوار انا قولت مش عايز خلفة دلوقتى يبقي خلاص
سماح بجمود:يعنى افهم اى من كلامك دا
محمد ببرود:يعنى اللى فى بطنك دا ينزل
سماح بصدمة:نعم وبتسكت شوية وبعد كدا بتكمل بصراخ:انت مجنون عايز تقتل ابنك انت
بتسكت فجأة لما بتتلقى صفعة قوية على وشها
محمد:اياكى صوتك يعلى او تقلى ادبك مرة تانية وغورى من وشي بقي وبيسيب البيت ويمشى
وبتدخل سماح الأوضة تلم هدومها وتمشي بقلم نورهان اشرف
ــــــــــــــــــــــــــــــــــــــــــــــــــــــــــــــــــــــــــــــــ
عند محمد بيروح يقعد على القهوة مع صحابة
واحد من صحابة: ايه يا عم كان فى صوت عالى طالع من شقتك انت كنت بتتخانق انت والمدام ولا أى
محمد بضيق:متفكرنيش يعم أدم انا نازل عشان اروق بعد الغم اللى الواحد شافة فوق
أدم:لا بجد كنتوا بتتخانقوا ليه
محمد :الهانم حامل
أدم بفرحة:بجد مبروك يا صاحبي وأخيرا هبقي عمو اسمع منى الواد دا لازم يتسمى على اسمى
محمد بمقاطعة: انا عايزها تنزله
أدم بصدمة: أى انت عبيط حد ربنا يرزقه بنعمة زى دى ويرفضها
محمد بدموع:حاشا لله الموضوع انى خايف عليه
أدم بإستغراب:من ايه
محمد:.......
أدم بصدمة:اى
ـــــــــــــــــــــــــــــــــــــــــــــــــــــــــــــــــــــــــــــ
عند سماح بتروح بيت أمها (سماح والدها متوفى وأمها متجوزة)
بتخبط على الباب وبيفتحلها جوز أمها
عزيز:يا أهلا بالسنيورة خير
سماح:هو أنت فى وشك خير وزقته عدينى كدا ودخلت لأمها
عزيز:الله طب ليه كدا
أم سماح:ازيك يا سماح يا حبيبتي
سماح اول ما بتشوف امها بتجرى عليها وتحضنها وتبكى
أمها بخضه:بسم الله الرحمن الرحيم مالك يا بنتى فيه أى بس
سماح: أنا حامل ومحمد عايزنى انزل اللى فبطنى
ام سماح:لا حول ولا قوة الا بالله ليه كدا بس
سماح بإنهيار:بيقولى عشان الظروف
أم سماح بإستغراب:الظروف بس محمد.....
سماح بصدمة :اى
يتبع......
#الظروف
#البارت_الاول
#بقلم_نورهان_أشرف
