رواية خيانة بالاتفاق الفصل الرابع 4 بقلم عادل الصعيدي
خيانه بالاتفاق .
الجزء الرابع
اثاره وتشويق
__________________عادل الصعيدي ________المولف________________
انت عملت معاها ايه زعلها ، شدها ليك بالكلام الحلوا بس
_ حرفيا اتصدمت لما سمعت فوزي جوزي كان بيقول لنادر في التليفون الكلام دي عني .
انا بلحظه فقدت النطق فقدت كل حاجه حواليا وبقيت تايه مش عارف اعمل ايه
اتوترت وجسمي كله بقي يترعش من الا سمعته
معقول فوزي دي يبقي جوزي
انا حاسه اني عايشه مع حد غريب او عدو
مستحيل يكون دي جوزي
معقول وصلت لدرجة دي . عايز صاحبه يقرب مني
ازاي يحصل دي!! الدنيا حصل فيها ايه ؟
حقيقي بجد مش مستوعبه جوايا كمية زهول مش طبيعيه !!!
قعدت علي الكرسي في الصاله
وبحاول اخد نفسي واهدي اعصابي شويه
ولما اتمالكت اعصابي
ناديت عليه عشان ياكل
قعدنا علي السفره
انا وهو
وعمال ياكل ولا همه حاجه
وانا حطيت اللقمه في بوقي .
وماليش نفس امدغها حتي
وعيني منزلتش من عليه
ولما لاحظ كدا
بصلي وقال .
_ اي يا حبيبتي مالك مش بتاكلي ليه !!!
رديت وانا باصه ناحيته
_ بصراحه ماليش نفس انا قاعده عشاني
ضحك ببرود وكمل الاكل بتاعته
شويه وبص ناحيتي وقال .
انتي مش ناسيه حاجه !
فكرت وحاولت افتكر حاجه مفيش لان بصراحه دماغي تايهه من الا سمعته .
رديت وقلت !
بصراحه مش فاكره بجد
بصلي وقال وهو مبتسم !
علي فكره عيد جوازنا بكره وبالمناسبه دي
احنا هنعمل حفله ع الدايق
وهعزم كمان موظف بالشركه مع زوجاتهم
انتي بكره متنزليش الشغل وانا هجبلك لوازم الحفله الليله .
هزيت راسي وانا اصلا ماليش نفس احتفل معاه باي حاجه
وكمان ليه نفس يحتفل بزواجنا...
خلص الاكل وفعلا نزل وطلعت بره الشقه ..
غاب ساعتين ورجع معاه
لوازم الحفله
وكمان جابلي فستان اسود سواريه
بصراحه يجنن
بنفس الوقت مكنش ليا نفس اللبس والا اعمل ايه حاجه !!!
تاني يوم
نزل الشغل وعلي الضهر
رجل من الشغل ومعاه باقي لوازم الحفله
شويه وكان الاوردر بتاع التورته وصل
وانا كنت مجهزه الشقه ومزبطه الدنيا ..
علي المغربيه بدأت الموظفين زمايلنا يجوا الشقه ومعاهم زوجاتهم
وكمان نادر صاحب فوزي ومدير الشغل وصل .
الوحيد الا مجاتش مراته معاه
انا وفوزي وافقين وبنسلم علي الناس ونضايفهم
شويه وفوزي سابني ووقف مع واحد صاحبه موظف
لقيت نادر بيقرب ناحيتي
حاولت اتحرك من مكاني بس حسيت باحراج ليا
وقفت مكاني
وقدملي بوكيه ورد
ابتسمت في وشه ابتسامه بتصنع واخدت الورد منه ..
قرب جمب مني واتصدمت من الكلمه الا قالهالي
وجريت علي اوضتي ....
تتبع...
الكاتب عادل الصعيدي
