رواية اخرجتني من الظلام الفصل الرابع والعشرون 24 بقلم ريتاج محمد


 رواية اخرجتني من الظلام الفصل الرابع والعشرون 24 بقلم ريتاج محمد


:بس حلوة النومه فحضني صح؟

 

مليكه فوقت و بصتله بقرف وهي بتقول:

حضن مين يابو حضن انا كنت نايمه على كتفك 

مش في حضنك

 

ابتسم عليها وقال بهمس : نلاحظ اننا مش في بيتنا ها

 

مليكه بصت حواليها

ورجعت بصتله وقالت:هو احنا لسة موصلناش

 

غيث :تؤ 

هنركب مواصلاية كمان وخلاص 


مليكه بزهق:اوووووف

طب اوعى طيب خليني انزل في اليوم الي مش باين دة


وسعلها ونزلوا هما الاتنين

فقالت :هو احنا مينفعش نكملها بتاكسي ولا ايه  لازم اوتوبيس يعني  

انا ضهري اتقطم من الوقفه 


غيث اماء ليها بماشي انهم يركبوا تاكسي

ووقفوا استنوا اي تاكسي يعدي 

وركبوا ومشيوا


بعد وقت 


في البيت 

رجاء كانت قاعدة عالكنبه وفأيدها مج قهوة 

بصتلهم بأستغراب وبعدين بصت لمليكه من فوق لتحت وهي بتقول :ايه الي انتي لابساة دا يمليكه يابنتي ؟


مليكه كانت هتتكلم فغيث قاطعها وقال :مفيش

يا أمي هي بس  بردت فجبتلها الدريس دا


رجاء ببسمه: ماشي ياحبابي 

يلا اطلعوا على اوضتكوا بقى ريحولكوا شوية 

انتوا من امبارح مش هنا 


غيث اماء ليها واخد مليكه وطلعوا على اوضتهم

 

مليكه بصت للسرير بشوق وهي بتنط علية بفرحه زي العيال وبتقول بفرحه وصوت عالي:اااة ياسريري وحشتني والله ؛ربنا لا يحرمني منك تاني يااااااارب 

غيث ضحك عليها وقال فسرة:طفله 

وراح عند الدولاب اخد هدوم لية ودخل الحمام ياخد شاور 


خرج بعد فترة وهو بينشف شعرة بالفوطه 

بيبص عليها لقاها نايمه عالسرير 

فقال بنوع من المشاكسه: انت ناوية تعششي هنا ولا اية؟ 


مليكه بصتله ورفعت حاجبها وهي بتقول:في مانع ؟

انا نايمه على سريري 

ولا يكون مش عاجبك 

وبصتله وهي بتكمل بأنفعال مضحك وهي بتتعدل:لا لا استني لايكون مش عاجبك بجد. دنا اتعدلك بقى ؛ ها في حاجه يبابا ، 


راح قدامها وهو بيحدف الفوطه على وشها وبيقول:اعووذ بالله بلااعه 

اتفتحت ،وبعدين اتاخري كدة 

اوعي خليني انام 


مليكه بدهشة:تنام فين ياحبيبي ؟


غيث :علي سريري.

هنام على سريري ايه في ايه 


مليكه بضحك:في محشي اغرفلك؟

وبعدين اتكلمت بجدية وقالت:مفيش نوم هنا يلا هش وونامت فنص السرير بحيث ميعرفش ينام


غيث وهو بيقلدها: هششش 

ايه ياماما متقوليلي جر بالمرة 

اتاخري يامليكه الله يخليكي  والله خلاص كفاية هزار الواحد عاوز يريح 


مليكه بجدية:والله انا بتكلم جد

مفيش نوم هنا 

روح نام عالكنبه 


غيث بجدية وهو عاوز ينام:مليكه انا مش بهزر دلوقتي انا عايز اتخمد 

اتاخري 


مليكه:والله ولا انا بهزر 

مفيش نوم هنا 






غيث بصلها لحظه بعدين راح زقها من عالسرير وقعت عالارض ونام هو واتغطى باللحاف 

وهو بيقول: صلي عالنبي كدة 

انا هنام هنا عايوة تنامي السرير واسع 

مش عايزة الكنبه عندك هناك اهي متوجعليش راسي 


مليكه قامت وهي ماسكه ضهرها وبتقول بعند:وانت فاكرني هسيبلك السرير كدة وربنا لأنا نايمه انا كمان فية 

ونامت على طرف السرير على جنبها واغطت نفسها باللحاف وبصت بخبث وهي بتفكر تزعجة ازاي راخت شدة اللحاف عليها 


فشدو غيث علية وهو بيتغطي وبيقول بنعاس: مليكه متعصبنيش سيبيني اتخمد 

 مش وقتك خالص


مليكه بعند:مش عاجبك روح نام عالكنبه


غيث بصلها وجاتله فكرة وقالها :ازاي مش عاجبني 

وقرب عليها وحضنها من ضهرها 


مليكه جات تبعد ثبتها وهو بيقول بشماته:حسك عينك تتحركي او تعملي صوت 

مش انتي بقى عماله تشدي في البطانية عشان تضايقيني 

انا هرازيكي يامليكه 

ولو اتحركتي انتي حرة 


مليكه بهزار :خلاص يباشا والله اديك البطانيه كلها اتاخر انت بس 


غيث بتناحه:لا انا عاجبني النوم كدة 

ولا يكون مش عاجبك يامليكه 

قالها بتهديد هزار 


مليكه بغيظ :لا ازاي وانا اقدر عاجبني طبعا


طبطب على راسها بتناحه وهو بيقول:كويس كويس تصبحي 

على خير


وناموا 


تاني يوم الصبح 

مليكه صحيت لقت غيث لابس قميص اسود ومشمر كمه 

على بنطلون رصاصي وكوتش ابيض

وواقف قدام المراية بيسرح شعرة 


بصتله بأعجاب وبعدين بقرف وهي بتقول:مش عالصبح كدة اصطبح بخلقتك 


غيث ضحك عليها من المراية 

بعدين لفلها وهو بيقول:لية بس دنا حتى قمر 


مليكة بقرف:قمر ايه بس دنت محصلتش قمر الدين حتى 


غيث حط ايدة على دقنه وهو بيقول بضحك:طب والله ظلماني دنا البنات بتجري ورايا يابنتي 

ولف اخد فونه من عالكومود 

وحطة في جيبه وهو بيقول:يلا عايزة حاجه انا خارج 


مليكه : سلامتك 


خرج غيث من الاوضة وهو مبتسم ونزل عشان يمشي 


عند مليكه افتكرت انها محتاجه فلوس 

فقامت جري وهي بتجري عشان تلحقه 

قبل مايمشي ووهي نازله عالسلم اتكعبلت و....يتبع


#اخرجتني_من_الظلام 

#ريتاج_محمد 

#البارت_ال_٢٤


           الفصل الخامس والعشرون من هنا 

لمتابعة باقي الرواية زوروا قناتنا على التليجرام من هنا  

تعليقات
تطبيق روايات
حمل تطبيق روايات من هنا



×