رواية الجاني مجهول (كاملة جميع الفصول) بقلم عادل الصعيدي
الفصل الأول
الجاني مجهول
_____________
الاثاره والتشويق
________
انا مليكه بكاريوس تجاره 27 سنه
عايشه انا واخويا بسيوني في فيلا صلاح مرشد رجال الأعمال
توفي بابا من عشر سنوات لقيوه غرقان في حمام السباحه بتاع الفيلا
وكمان ماما اتوفت بعد بابا بسنتين بعد ما جالها انهيار عصبي ووقتها اتصابت بالعمي وفضل فتره مريضه وبعدها اتوفت ..
قبل وفاة بابا بأيام حصلت مصيبه في الفيلا
ومحدش عارف مين الا عمل كدا
روفيدا بنت صلاح بيه لقيوها مقتوله اوضتها وكمان كانت حامل
وهيا والجنين اتوفوا
ومن يومها وصلاح بيه لسه بيدور علي القاتل
الا قتل بنته
وبعد وفاة بابا
صلاح بيه اختار بسيوني اخويا يشغله بدال بابا في الفيلا ويبقي هو الغفير
عشان بسيوني اخويا مكنش بيتعلم وكمان كان عاطل مش بيشتغل
صلاح بيه بعد وفاة بابا
قرر يشغله غفير عشان
يقعدنا في الفيلا بعد ما انا طلبت منه اننا نمشي ونروح نسكن بره الفيلا
لكنه رفض
وقال بالحرف؛؛
محدش فيكم هيخرج من الفيلا ابدا الا لما اعرف مين الا قتل روفيدا بنتي واعرف مين الا عمل فيها كدا ..
انا يوم وفاة بابا كنت في آخر سنه كليه ووقت وفاة بابا رجعت من الكليه لقيت
الا حصل قدامي وماما بردو كانت في المستشفي بنفس اليوم جالها الانهيار العصبي بعد ما شافت بابا هو وميت في حمام السباحه
حاولت كتير مع صلاح بيه
اننا نمشي من الفيلا
خصوصا ان بسيوني اخويا
مش بيطيق صلاح دي ابدا
بس محدش فينا قادر يتكلم
ولو حد اتكلم مش هيسلم من شر صلاح دي ايده طايله ونفوذه كتير في البلد
وخصوصا انه اخوه الأصغر معاذ دايما ما بيهين بسيوني اخويا ودايما يعامله كأنه خدام عنده وبشكل مبالغ فيه .
والوحيد الا كان بيعاملنا معاملة
كويسه الدكتور ماهر الأبن الا صغر لصلاح مرشد وكان دايما بعد كل خناقه بين بسيوني اخويا ومعاذ هو يجي عندنا في اوضتنا الا بالفيلا يواسينا...
وفي يوم كنت بره بقدم علي اي شغل اشتغله بدل مانا قاعده كدا !!
رجعت الفيلا ودخلت اوضتنا
سمعت صوت صراخ شديد جوه الاوضه وكان صوت بسيوني اخويا
وكان في حد جوه معاه وبيتعارك معاه
بسرعه فتحت باب الاوضه
وكانت المفاجاه...
تتبع....
الكاتب عادل الصعيدي
