رواية المجنون الذي احببته الفصل الخامس 5 بقلم اسيل محمد
#البارت_الخامس
#المجنون_الذى_أحببته
صرخت ، بس لقت ايد قويه بتلحقها قبل ماتقع بس رجليها اتجزعت
اسيل بخضه ومغمضه عنيها وبتمسك ف كتاف الشخص اللى لحقها قالت: الحمدلله الحمدلله
فتحت عنيها ورفعت راسها بس اتصدمت لما لقته موسي وباصصلها بعينه الحاده ومركز ف عيونها العسلي جدا
موسي اتكلم وقال وعينه بتجري ع كل ملامحها: مش تحاسبي
اسيل لما استوعبت وقفتهم بعدت ع طول لقت الخدامه جايه عليها وبتقولها: انتى كويسه
اسيل هزت راسها وقالت: الحمدلله
الخدامه كانت ليه هتمشي ، اسيل قالت: هوا فين جدو وطنط وعمو راحوا فين
الخدامه واسمها (شيماء): خرجوا بعد مافطرو وقالو رايحين مشوار مهم
اسيل بهدوء: تمام روحي انتي
موسي اتكلم وهوا واقف جمبها وقال بتمثيل الطفوله: طب ليه مخادونيش معاهم
اسيل بصتله ب شك وقالت: معرفش ياموسي والله انت تعرف هما راحوا فين؟
موسي هزلها راسه ب لا ،وسابها ونزل تحت
اسيل تابعته وهوا نازل ببصه مش مفهومه ودخلت اوضتها
________________________
نروح لمكان تانى ، وكان موجوده الشافعي وفاتن وممدوح و محمد (ابو اسيل)
قاعدين ف الصالون ، اتكلم الشافعي
الشافعي بهدوء: طب هنعمل اي يابشمهندس
محمد بحيره: والله مانا عارف ، انا بس عايز احميها
لسه ممدوح هيتكلم دخلت عليهم واحده باين عليها الطبيه ف سن ال٥٠ ،وكانت شايله صنيه عليها القهوه وحطتها ع الترابيزه وقعدت واتكلمت وقالت
منال (مرات محمد *ابو اسيل*): طب ماتقولولها الحقيقه
ممدوح اتكلم: هنقولها اي يعني ان هيا كانت احتمال تتاخد ف الرجلين من العصابه اللى بيتاجرو ف السلاح واللى كانو واخدين شقه ف العماره اللى فيها عيادتها وكانو هيفجرو العماره بعد ما العمليه تتم واننا خلينا سكان العماره يمشو وضحكنا عليها بموضوع موسي وانه عيل صغير ومكانش متجوز ولا اي حاجه من دي ، تتخيلي ممكن تعمل اي احنا اه بنحميها بس احنا كدابين وهنستفاد اي لما نجوزها لموسي؟ مش يمكن مش يحبو بعض؟
____________________________
اما عند موسي نزل تحت ف الجنينه وطلع موبايلو وعمل مكالمه
الخط فتح و رد
موسي: الو ازيك ياسياده اللواء عامل اي
حمدي: الحمدلله ياموسي انت اي اخبارك
موسي: بخير الحمدلله ، كنت عايز اقولك ان فاضل شويه بس ونقبض عليهم
حمدي بأبتسامه: جميل جدا كويس ياحضرت المقدم موسي ممدوح الشافعي
موسي بعدم استيعاب: تمام ياسياده اللواء أأأ.....
موسي سكت بثدمه ورجع اتكلم تانى بصدمه وقال بعدم تصديق: حضرتك قولت اي؟؟
حمدي بضحك: لا انسي مش هكررها ، المهم عايزه بكرا تجيلي المكتب محتاجكك ضروري
موسي بفرحه: تمام ، مع السلامه
قفل المكالمه ودخل جوا جري و ع وشه ابتسامه حلوه اوي
______________________
كان فيه واحده واقفه متبعاه وهوا بيتكلم ف الموبيل وبصاله بصه مش مفهومه.
______________________
ع الناحيه التانيه كانت اسيل قاعده ف اوضتها بتفكر ان ازاى وفيه ميت سؤال ف دماغها سمعت الباب بيتفتح فجأه ودخل موسي ف اتخضت
اسيل بخضه وقامت وقفت قدامه: فيه اي اي اللى دخلك كدا
موسي بفرحه بس منسيش يقلد الاطفال: انا مبسوط اوي يااسيل اوي
ومنغير مقدمات باسها من خدها
ف اتصدمت اكتر وبرقت عنيها لقته سابها وطلع من الاوضه وهيا لسه واقفه مكانها مصدومه
قعدت ع السرير وايديها ع خدها وقالت: قليل الادب...
يتبع.....