رواية بنتين من امريكا (كاملة جميع الفصول) بقلم ايمان شلبي

رواية بنتين من امريكا (كاملة جميع الفصول) بقلم ايمان شلبي

 رواية بنتين من امريكا (كاملة جميع الفصول) بقلم ايمان شلبي


بـ.ـنت عمك جايه من امريكا بكره يافارس يابني عايزك تروح تجيبها من المطار هي واختها

رد باستغراب :

-بـ.ـنت عمي !

جايين يزورونا يعني

عصام وهو بيتنهد بحـ.ـز.ن:

-لا هيعيشوا معانا هنا

رفع حاجبه بتساؤل:

-يعيشوا معانا ليه مش فاهم

هو مش امهم عايشه

ضحك عصام بسخريه:

-اه بس اتجوزت بعد مـ.ـو.ت عمك ب اربع شهور

رد بذهول :

-معقوله؟!

عصام وهو بيهز رأسه بتأكييد:

-اتجوزت حته عيل صـ.ـا.يع قد عيالها مفكره نفسها لسه شابه!

فارس بصدmه :






-مـ.ـجـ.ـنو.نه ديه ولا ايه ازاي تعمل كده افرض طلع مش كويس هي مش خايفه علي بناتها

-بـ.ـنتها الكبيره كلمتني من كام يوم وهي منهاره قالتلي انها هترجع علي مصر هي واختها بسببه

فارس وهو بيقفل نص عينه بشك:

-بسبب جوز امها؟

-للاسف طلع شخص مش كويس زي ما بتقول والبنات قالولها بس هي مصدقتهمش عشان كده هما عايزين يرجعوا علي مصر يعيشوا هنا ،قولتلهم بيتي مفتوح لحد ما نقدر ندبرلهم مكان قريب مننا يعيشوا فيه

فارس وهو بيتنهد بضيق :

-تمام يابابا ينوروا بس انا مش فاضي بكره عندي شغل كتير اوي معلش خلي آسر يروح يجبهم هو

آسر ببرود وهو بياكل :

-مش فاضي عندي تمرين

فارس بغـــضــــب وهو بيهبد علي الصُفره :

-يأخي ايه البرود اللي فيك ده!!

آسر وهو بيشاورله بغـ.ـيظ:

-احترم نفسك يافارس متنساش اني اخوك الكبير

-الكبير مش بالسن يا استاذ الكبير بمقامه وتصرفاته

لو انت الكبير زي ما بتقول كان زمانك واقف جنبي وشايل عني الحمل في الشغل شويه بدل مانا واقف بطولي كده!

بس ازاي هو حضرتك فاضي كفايه عليك البنات ال*زب*اله اللي تعرفها والأماكن الح*رام اللي بتروحها كل ليله

آسر بغـ.ـيظ وغـــضــــب وهو بيقوم يقف وبيهبد علي الصُفره:

-قولتلك احترم نفسك ومتتكلمش معايا بالاسلوب ده بدل واقسم بالله اض*ربك

قام وقف هو كمان وهو بيميل بنص جـ.ـسمه وبيبص في عيونه بتحدي :

-طب وريني كده هتعملها ازاي

جز علي أسنانه وهو بيكور أيده :

-يابني متستفزنيش متخلنيش ازعلك

رفع حاجبه بتحدي اكبر :

-انا عايزك تزعلني وريني هتعملها ازاي و….

عصام وهو بيقف وبيهبد علي الصُفره :

-بس اخررس منك ليه والله عال اوي اللي بيحصل ده

علي آخر الزمن هتضـ.ـر.بوا بعض وانا قاعد في وسطكم اومال لما امـ.ـو.ت هتعملوا ايه هتخصلوا علي بعض؟!!

فارس بغـ.ـيظ :

-يعني حضرتك مش شايف يابابا اللي هو بيعمله يعني مش كفايه أنه عاطل لا شغله ولا مشغله وصـ.ـا.يع وبتاع بنات وكل يوم مع واحده شكل بيغيرهم زي الهدوم اللي عليه!

مش حـ.ـر.ام اللي هو بيعمله ده ،حضرتك مدلع آسر زياده عن اللزوم وده مش صح و….

آسر بنبره غليظه:

-ملكش دعوه انا حر في حياتي مش انت اللي هتتحاسب مكاني خليك في حالك ياسيدي ايه اللي مزعلك انت دلوقتي

فارس وهو بيبصله بحـ.ـز.ن ونبره مكـ.ـسوره:

-اللي مزعلني أن انت اخويا

اللي مزعلني اني بحبك وعايز مصلحتك

اللي مزعلني اني مش عايزك تفضل مكمل في الذنب اللي بتعمله

اللي مزعلني انك مش قريب مني زي زمان يا آسر

اللي مزعلني أن آسر اخويا بتاع زمان بقي واحد تاني كل تصرفاته غلط في غلط

حتي النصيحه مش قادر يتقبلها مني!

اللي مزعلني انك محسسني اني عدوك

بالرغم اني معملتش حاجه تستحق كل الكره ده

كل اللي عملته كان لمصلحتك

نفخ آسر بضيق وهو بيقعد علي الكرسي وبيبصله بملل:

-اسطوانه كل يوم المشروخه بقولك ايه بلاش نفتح في اللي فات أفضل ليك لأن صدقني لو اللي فات اتفتح هتزعل مني أضعاف مضاعفه






بصله فارس بحـ.ـز.ن وعيونه بتلمع بالدmـ.ـو.ع والنـ.ـد.م

اتنهد تنهيده طويله واخد الفون والمفاتيح بتاعته ولف جـ.ـسمه وخرج من البيت من غير ما ينطق ولا حرف زياده

آسر بغل وحقد :

-في داهيه

عصام بحزم وهو بيبصله بقرف :

-اعمل حسابك انت اللي هتروح بكره تجيب بنات عمك من المطار

قال جملته ومشي من قدامه من غير ما يسمع رده

نفخ بضيق وهو بيهمس بغـ.ـيظ:

-كانت ناقصه بنات عمي دول كمان

ــــــــــــــــــــــــــــــــــــــــــــــــــــــــــــــــــــــــــــــــــــــــــ

العاشره والنصف صباحاً في مطار القاهره الدولي

بص علي الساعه بضيق وهو بيجز علي أسنانه

-مش فاهم انا ايه كل التأخير ده مش ام الطياره المفروض توصل الساعه ١٠!

الفون بتاعه اتهز برقم عصام فرد بنبره متعصبه

-الو

-انت فين يابني؟

رد باستغراب :

-هو ايه اللي فين مانا متنيل واقف في المطار بقالي تلت ساعه والهوانم لسه مشرفوش

-لسه مشرفوش ازاي بـ.ـنت عمك لسه مكلماني وقالتلي انها وصلت من بدري وانت مش موجود

رد بعصبيه وهو بيشـ.ـد علي شعره :

-مش موجود ازاي يعني أومال خيالي هو اللي واقف في المطار!

-يابني دور كويس

سكت لحظه وهو بيبص حواليه بعدها رد ببلاهه:

-بابا

-ايه

-بابا احنا اصلا منعرفش شكلهم

عصام وهو بيفتح بوقه بذهول :

-ايه ده صحيح احنا بقالنا كتير مشوفنهمش!

-طب والحل ؟

-استني يا آسر هكلمهم اسألهم لابسين ايه

رد بسخريه :

-طيب

قفل معاه وفضل يبص حواليه

كان في ناس كتير جدا وبنات كتير جدا

لمح بـ.ـنتين واقفين في رُكن بيدورا بعيونهم علي حد

كانوا بـ.ـنتين قمه في الجمال والرقه

بـ.ـنت طويله وجـ.ـسمها رشيق ،شعرها اصفر وطويل وعيونها زرقا ورموشها طويله وفي نمش في وشها

لابسه بنطلون جينز وجاكيت جلد اسود وبوط طويل ولابسه بورنيته علي شعرها ومعاها شنطه سفر كبيره وبتتكلم في الفون مع حد

والبـ.ـنت التانيه مكانتش بنفس جمال الأولي إلا أنه اول ما بصلها اتخـ.ـطـ.ـف!

قصيره شويه عنها ،رشيقه ،عيونها عسلي ،شعرها بني ،قمحيه ،جمالها جمال مصري

كانت لابسه بنطلون اسود وبالطو اسود طويل وسيفتي اسود وعامله شعرها علي هيئه كحكه عشوائيه

عماله تبص يمين وشمال وهي بتنفخ بضيق

فجأه بصتله بلهفه وقربت منه هي واختها

-انت آسر؟

بلع ريقه ورمش بعيونه اكتر من مره :

-ا أ وعي تقولي أن انتوا؟

البـ.ـنت الكبيره وهي بتمدله ايديها بلطف:

-ازيك يا آسر انا دنيا وديه اختي جميله

سلم عليها وهو بيبص في عيون جميله بهيام :

-فعلا جميله






رفعت حاجب ونزلت التاني وهي بتبصله من فوق لتحت بقرف

-مالك ياعسل ما تظبط كده بدل ما ارزعك كف خماسي الابعاد يعميك!

فتح بوقه بذهول وهو بيبص لدنيا:

-ايه ده ياغاليه!

-ايه مالك ؟

-انتوا متأكديين ان انتوا كنتوا عايشين في امريكا!

دنيا وهى بتضحك وبترد بصوت رقيق :

-والله اه

يعني مكنتوش عايشين في بولاق!

-توء توء امريكا

بصلها وهو بيضـ.ـر.ب كف فوق التاني بذهول :

-سبحان الله ويخلق ما لا تعلمون

جميله وهي بتهزه من أكتافه :

-بقولك ايه ياكابتشن الله يخليك وقفلنا تاكسي ولا ميكروباص ولا اي حاجه عشان نروح الواحد من كتر الوقفه رجله ورمت والله

-ميكروباص!!!!

بصت لاختها وهي بتسألها باستغراب :

-هو ماله تعبان في دmاغه ولا حاجه!

دنيا وهي بتهز رأسها بنفي :

-لا مستغرب حضرتك والمصطلحات الغريبه اللي لا تليق ببـ.ـنت كانت عايشه في امريكا!

هزت راسها بفهم:

-ااااااه قولتيلي اومال لو عرف انى بعرف اعمل محشي ورق عنب هيعمل ايه

دنيا بيأس:

-هيغمي عليه

آسر وهو بيشاورلهم بأيده:

-اتفضلوا يلا عربيتي برا

جميله بفرحه وهي بتجري علي برا :

-ويلكم ياوطني الحبيب

آسر وهو ماشي جنب دنيا وبيبص لآثرها بذهول :

-هي ديه اختك متأكده ولا هما بدلوها في المطار ولا ايه !

هزت راسها بيأس :

-للاسف هي

يتبع…


              الفصل الثاني من هنا 

تعليقات
تطبيق روايات
حمل تطبيق روايات من هنا



×