رواية موضوع عائلي الفصل الواحد والعشرون 21 الجزء الثالث بقلم رحاب القاضي
#موضوع_عائلي
"بيت الهنا"
_الحلقه الـ 21
ــــــــــــــــــــــــــــــــــــــ
ومضى كلُ منهما في طريق..والقلب يلتفت!
_ومسك يوسف رضوي من ايدها بقوه واخدها ووقفو في مكاان ما فيهوش حد، وقال بغضب..
يوسف
انتي ايه اللي بتعمليه ده؟..
رضوي بعصبيه
عملت ايه وانت مالك اصلا؟..
يوسف بحده
لا مالي ونص مبسوطه اووي وهو بيقولك جسمك حلو، بيعجبك الكلام ده؟..
حاولت كبت دموعها وقالت بقلق
انت مش عارف نفسك بتقول ايه ومالكش دعوه بيا...
_جات تمشي بس هو شدها من دراعها وقربها ليه جداً وقال بكل غضب وعصبيه...
يوسف
حلو عرفت الطريقه اللي تنفع معاكي...
وبصلها بنظره مش كويسه وقال
جربي ليله واحده معايا وهقولهالك بطريقه احلي من كده..
_كان ردها عليه انها ضربته بالقلم، وفي اللحظه دي هو فقد عقله وذقها جامد علي الحيطه وراها لدرجة ان راسها اتخبطت جامد وضغط بأيديه الاتنين علي اكتافها وقال بحده..
يوسف
انتي بتعملي فيا كده ليه، انا الوحيد الصادق معاكي وبحبك بجد، ولا انتو ما بتحبوش غير اللي بيلعب بمشاعركم وبس ليه مش عايزه تشوفي اني بعشقك. يا رضوي وبغير عليكي من نظرة اي حد ليكي..
_بصت رضوي للناحبه التانيه ودموعها نزلت بخوف وقالت بنبره غاضبه..
رضوي
ابعد عني بقولك بدل ما تبقي فضيحه بجد..
_اختفي غضبه اول ما شاف دموعها وبعد عنها فعلا وهو بيبصلها بندم وقلق، وقبل ما يتكلم سابته ومشيت...
ـــــــــــــــ
_في الوقت ده كانت ريناد قااعده في كافي بسيط بره الجيم وبتكلم مامتها في الموبيل وبتقولها..
ريناد
مااشي يا ماما طيب خلو بالكم منها انا مش هتأخر وراجعه البيت، وما تخليهاااش تاكل كتير عشان ما ترجعش..
ليلي
انتي يا بت انتي هتعلميني ازاي اتعامل مع بنتك ولا ايه ده، اقفلي واطمني تيا زي الفل اهي..
ابتسمت ريناد وقالت
ماشي يا ماما واحنا مش هنتأخر وجايين باي باي..
_قفلت معاها ريناد وفي الوقت ده وقف يزن قدامها وقال بأبتسامه بسيطه..
يزن
ريناد مش كده؟..
بصتله ريناد بهدوء وقالت
ايوه ازاي حضرتك عامل ايه؟..
_اتسعت ابتسامة يزن انها لسه فاكرااه او حتي ما اتصنعتش نسياانه وقال بهدوء وهو بيقعد قدامها..
يزن
انا الحمد لله كويس، انتي عامله ايه؟..
ريناد بتوتر
تمام الحمد لله..
يزن
لو هدايقك اقوم انا بس مش عارف حد. هنا اصل ما بجبش كتير ومستني يوسف جاي. من جوه ومش حابب اقعد لوحدي، بس لو عايزاني اقوم هقوم.؟..
ريناد بتوتر
لا عادي خلاص ما انت قعدت اصلا..
ضحك بهدوء وقالها
انتي بتشتغلي يا ريناد؟..
ريناد
لا للاسف بس بدور علي شغل وان شاء الله اشتغل..
يزن
انتي خريحة ايه اصلا ولا لسه بتدرسي؟..
ريناد بتلقائيه
ما انت عارف اني توأم رضوي اكيد يعني مخلصه درااسه..
يزن يجديه
فااهم بس عادي ممكن تكوني بتدرسي برضو، الدراسه متاحه في اي وقت، ما علينا انتي خريجة ايه طيب؟
ريناد
تجاره..
يزن
كويس انا متخرج من هندسه بس مش من مصر انا حبيت اخد الشهاده من بره مصر افضل..
ريناد
ااه فعلاً..
يزن بتوتر
طيب تشربي ايه؟..
ريناد بقلق
ممكن تقوم؟..
يزن بعدم فهم
انا دايقتك في حاجه؟
ريناد بتوتر
لا خالص بالعكس انت شخص لطيف بس انا مش بحب اقعد كده واتكلم مع حد غريب ما اعرفوش كويس..
يزن بهدوء
تمام ما فيش مشكله..
_قاام يزن وقعد علي ترابيزه تانيه قداامها وبعد لحظات حط العامل عصير قدامها وقال..
العامل
اتفضلي يا مدام ريناد..
ريناد
بس انا ما طلبتش حاجه؟..
العامل
ده يزن بيه طالبه لحضرتك، بعد اذنك..
_بصتله ريناد بضيق وهو قااعد ملهي في موبيله، وقالت لنفسها بصوت واطي..
ريناد
وبعدين بقي في الراجل ده هو انا ناااقصه..
جات رضوي في الوقت ده وقالت بأنفعال
يلا يا ريناد هنمشي...
ريناد بقلق
في ايه انتي كويسه؟..
رضوي بدموع
ااه كويسه يلا بينا نمشي من هنا اخلصي...
_قامت فعلا ريناد ومشيت معاها، ويزن استغرب عصبيتها وطلع يوسف هو كمان قعد قداام يزن وهو مدايق وقال..
يوسف
ما هو انا مش هسمع حد بيكلمها كده واسكت..
يزن
وحد الله كده وقولي هببت ايه يا يوسف عشاان انا مش فاهم حااجه...
_وفي عربية رضوي كانت سايقه العربيه بتاعتها وهي بتعيط وجنبيها ريناد اللي قالتلها...
ريناد
طيب ممكن تهدي شويه ما حصلش حااجه يعني..
رضوي بعصبيه
بني ادم حيوان وهمجي كل ما اجي اغير وجهة نظري عنه بيأكدلي اني غلطااانه..
ريناد
والله انتي كمان غلطانه..
بصتلها رضوي بحده فقالت ريناد بسرعه
بصي انا معاكي هو غلطااان من ساسه لرااسه والكلام اللي قالو عيب جدا وما كانش ينفع يقوله، بس انتي ليه تقبلي واحد يقولك جسمك حلو ويبصلك اصلا وتفضلي تتمايعي قداامه ما هو طبيعي هيتعصب يوسف ويغير عشان بيحبك، لو كان بابا او طارق مكانه ده انتي كان هيبقي يومك اسود وعشان كده انا بقولك انتي غلطاانه، وبتلومي علي تصرفاات روان وانتي بتعملي زيها..
رضوي بحزن
انا كنت بتدرب مع واحده في المرتين اللي جيتهم قبل كده ووالله كنت هخلع منه المدرب ده انا مش عايزه اصلا كنت اخليه يبقي جنبي وانا هناك، وهو يوسف يقولي كده ليه اصلا يبقي كلام ابن عمه صح، انا اللي غبيه ومش بختار غير رجاله ما تسواش وافتحلها قلبي...
ريناد
طيب اهدي خلاص وبعدين نتكلم..
ـ وعند يوسف ويزن قاله يوسف كل اللي عملو ورد عليه يزن وقال بسخريه..
يزن
والله حيوان وهمجي ومش بتفكر زي البهيم..
يوسف بغيظ
بقولك ما اقدرتش اتحكم في نفسي وانا سامعه بيكلمها كده، وهي حابه الموضوع وحابه كلامه..
يزن
الراجل قالها بنيه صافيه كبرت الموضوع ليه، كنت ممكن تتحكم في نفسك وتبينلها انك بتغير بس بطريقه احسن من كده، والله نفس تصرفاات بابا..
يوسف بضيق
لا لا مستحيل انا مش زي يونس الصاوي ولا عمري هكون زيه..
يزن بسخريه
طيب والله ده انت كلك علي بعضك كده يونس الصاوي، شبهه جدا في كل حاجه حتي شخصيته وتصرفااته، وبعدين انت تطول تبقي شبه بابا اصلا..
يوسف بضيق
مش موضوعنا دلوقتي المهم انا اصلح اللي عملته ده ازاي، ما انا مش هسيبها يا يزن انا بحبها اووي..
يزن ابتسم غصب عنه وقال
اللهم لا شماته بس انا شمتان وبرغم كده هساعدك انت عشان تثبتلها انك ما كنتش تقصد كلامك ده وانك قولته عشان غيران عليها يبقي تروح تخطبها..
يوسف
انت عبيط البنت مش طيقااني..
يزن
بس لما الموضوع يبقي جد. ورسمي وكلام مع اهلها هتصدق انك ماكنتش تقصد حاجه بالكلام اللي قولته غير انك غيران..
يوسف
انت شاايف كده؟
يزن
شايف كده جدا انا الكبير وعارف اكتر منك..
يوسف
مش هرجع واندم، انا خايف امشي وراااك..
يزن
خليك انت بس ورايا وانت عمرك ما هتندم وانا هقولك تعمل ايه..
ــــــــــ #بقلم_الكاتبه_رحاب_القاضي ــــــــ
_وفي الصعيد في بيت القاضي كان قااعد عبدالله مع امه وهو مدايق وهي قالتله بحده..
علياء
يعني انت زعلان ان اخوك هيتجوز بنت عمك؟...
عبدالله
لا مش زعلان يا امي انا خايف علي بنت عمي وانا وانتي عارفين كمال كويس، وبصراحه كنت متوقع ان أسرار مش هتوافق..
علياء
ليه بس كده يا عبدالله ده اخوك وربنا يهديه ولما هيتجوز جنبنا هنا وبنت عمه هيتلم بقي ويعقل..
عبدالله بسخريه
ده اذا كان لما خلف وبقي اب ما عقلش، انا فاهم انك عايزاااه يبقي مستقر في حياته وعنده عيله بس مش بالعافيه، كمال طمااع شويه ومش بيبص غير لمصلحته وده اللي خاربه...
عليااء
هو قالي هيجي ويتكلم معاها الاول ونشووف بقي هيتفقو علي ايه..
عبدالله
اللي فيه الخير يقدمه ربنا يا ست الكل، هروح انا بقي اشوف مصالحي..
علياااء
طيب كمل. فطارك الاول انت ما اكلتش حاجه؟
عبدالله
تقدري تقولي كده ما بقااش ليا نفس اكل غير اكل روان البايظ..
ضحكت علياااء وقالت
ههههههه ربنا يفرحكم يا ابني واهي شويه شويه وهتتعلم..
عبدالله بابتسامه
ان شاء الله، ولو كلمتي يا امي كمال قوليلو يجي بسرعه لانه كان عايز يعمل مشرووع هنا في البلد يبقي تابع لشغله اللي هيعمله في القاهره وانا بدأتله في الموضوع ده..
ابتسمت علياء وقالت
حاضر يا قلب امك هقوله يجي، وربنا يخليك لينا وما يحرمناااش منك ابداً..
باس عبدالله راسها وقال
ولا يحرمنا منك يا ست الكل..
_ومشي عبدالله وراااح المصنع بتاعه واول ما وصل لقي خلف وابنه قااعدين مستنيته في مكتبه وقدامهم صنية القهوه...
خلف
بقالنا ياما مستنينك يا كبير البلد..
_قرب منهم عبدالله ومسك صنية القهوه اللي قدامهم ورماها علي الارض وقال بحده وصوت عالي..
عبدالله
حمدي... حمدي..
دخل حمدي بسرعه وقال
تحت امرك. با عبدالله بيه..
عبدالله بغصب
اول واخر مره النااس دي تيجي هنا ويضايفو بأي حاجه، اكلنا وشربنا متحرم عليهم، وابعت حد. ينضف الارض...
حمدي بقلق
حاضر يا عبدالله بيه..
_بص خلف وابنه لعبدالله بحقد، وهو بكل هيبه وشموخ قعد علي مكتبه وقال بجمود..
عبدالله
عايزين ايه؟
خلف بغضب مكتوم
مالكش صالح بأرضي يا ولد القاضي، انا مش عايز ادخل معاك في سكه عفشه..
عبدالله
السكه دي انا فيها من بدري ومستنيك توصل عشان نتحاسب..
شعباان
من الاخر اكده انا عايز اتجوز بت عمتي، وارضنا ترجعلنا ونقفلوه عاد الموضوع ده، ولو علي حق عمر اللي انت بتحدت عليه فهو من دمنا كيف ما يقرباك برضك..
عبدالله ببرود
قريب اووي هتعرف يا ولد خلف عمر يقربلي ايه وازاي فراقه علم فيا، انما لو علي موضوع بنت عمتك فأبقي بلغ امك تيجي تباركلها اصلها هتتجوز كمال القاضي قريب..
خلف بحده
لعبتها صوح عرفتو تاخدو البت تحت جناحكم..
عبدالله وقف قداامه وقال بحده
صوتك ما يعلاااش عليا واعرف كويس انت بتكلم مين، وخد ابنك وامشو من هنا وبعد كده لو شوفت واحد منكم قريب من اي حاااجه تخصني ما يلومش غير نفسه علي اللي هعمله فيه....
قام خلف وابنه وقال بغضب
انا جيت علي نفسي وياااك للاخر، بس انت اللي جيبته لنفسك ولا عاش ولا كان اللي يحط رجله في ارضي، وانت خابر زين ان ارض الصعيدي كيف شرفه..
ابتسم عبدالله بسخريه وقال
لا وانت الشرف مقطع بعضه عندك، ده لولا وجودي في البلد دي انت كنت نهبتها زي ما عملت زمان انت ورجالتك ودوست علي شرف الغلابه فاكر وقتها يا خلف ابويا عمل فيك ايه، خلي اللي ما يشتري يتفرج عليك لما خلي الغلابه اللي ظلمتهم خدو حقهم منك بأيديهم...
خلف بغضب
ماااشي يا عبدالله افتكر حديتك. ده زين الايااام الجايه..
_قال كلامه ومشي وعبدالله قعد مكاانه ودخل حمدي وقال بقلق..
حمدي
انقولك يا عبدالله بيه، انا من رأيي نخف شويه علي خلف اليومين دول، ده راجل كل شغله شمااال وممكن يعملنا مصيبه..
عبدالله
ولا هيقدر يعمل حااجه يا حمدي، انت خليك ماااشي في اللي قولتلك عليه انا مش هرتاح غير لما ارض خلف كلها تبقي تحت ايدي وما يبقاش حيلته. حاااجه...
_تفتكرو بقي عبدالله هينفذ كلامه ولا مكيدة خلف هتكون اذكي من تخطيط عبدالله؟
ــــــــــ #بقلم_الكاتبه_رحاب_القاضي ــــــــ
_وفي شركة سيف كان قااعد في مكتبه ودخلت عنده شرين وقالت بابتسامه واسعه..
شرين
ايه رئيك في المفاجأه دي؟
ابتسم سيف وقال
مفاجأه حلوه طبعاً، انتي كنتي فين بقي ولا جيالي مخصوص..
شرين
جيالك مخصوص، قولي هو انت مش ناوي تاخد الشركه دي كلها لنفسك امتي؟
سيف
ما هي تعتبر بتاعتي اصلا؟
شرين
بس المدير الحقيقي هنا ابن خالتك عبدالله القاضي..
سيف
لان هو اللي عملها يا شرين، وانتي مالك اصلا بالموضوع ده عبدالله وكمال وطارق دول اخواتي..
شرين بضيق
طارق ده اخو ريناد؟..
سيف
ايوه بصي هو برغم الخلاف اللي بينا بس مع الوقت كل حاجه هترجع لطبيعتها، انا مش عايز اخسر قرايبي اصلا وخصوصا ان بنتي هتتربي وسطيهم..
شرين بهدوء
فاهمه يا حبيبي وانا اتمني حااجه زي دي، وكمان انت وعدتني انك هتجيب بنتك يومين في الاسبوع تباات معانا..
سيف
ما انتي مش هتقدري عليها..
شرين.
لا لا انا هقدر يا عم، وبعدين مامتها ما بقيتش فاضيه دلوقتي..
سيف بعدم فهم
مش فاضيه ازاي يعني هي معاها حااجه غير بنتها اصلا؟
شرين بخبث
مش. عارفه بصراااحه اصل النهارده وانا مع صحاابي في الناادي شوفتها قاعده مع يزن الصاوي ابن يونس الصاوي رجل الاعمال المعروف...
سيف بضيق
وايه علاقة ريناد بالرااجل ده، يمكن واحده. شبها..
شرين
ما انا عشان كده صورتهم عشان اتأكد منك هي ولا لا؟..
_وفتحت موبيلها وورته الصوره بتاعت ريناد وهي قاعده مع يزن في النادي، وقالت بخبث..
شرين
هي ولا مش هي بقي؟
قفل سيف الفون وقال
ايوه هي بس هي تعرفه منين؟
شرين
مش عارفه وو..
سيف
لا لا انا افتكرت رضوي اختها شغاله في شركة الصاوي ويمكن عشان كده يعرفو بعض..
شرين بخبث
بس مش للدرجادي يعني انهم يقعدو القعده دي في النااادي، ولا اقولك احنا مالناااش دعوه المهم انك تجيبلي تيا تقعد معايا وتباات معانا..
سيف
اوكي هروح النهارده عندهم يا حبيبتي واجيبها، وكمان نعزم ماما تتعشي معانا..
شرين
لا لا خلي مامتك مره تانيه هبقي اروحلها الاول ونتعرف انا وهي كويس، لانها زعلانه وفاكره اني خطفتك من مرااتك والجو ده..
سيف بهدوء
اللي يريحك يا حبيبتي..
ــــــــــ #بقلم_الكاتبه_رحاب_القاضي ــــــــ
_وفي الجامعه عند طارق كانت هنا قاعده في الكافيتريا بتذااااكر، وقعد طارق جنبيها وقال..
طارق
بصي هشرب قهوه وهوصلك علي طول..
هنا
لو انت مش فاضي انا هاخد. تاكسي عادي واروح السنتر..
طارق
لا لا هي كانت حاجه بسيطه خلصتها وهنمشي علي طول، ولسه فاضل اصلا ساعه علي معادك، وكويس واتأجل معاد الدرس بتاعك عشان تيجي تشوفي الجامعه اللي هتدرسي فيها..
هنا بحماس
ايوه صح هي فين بقي كلية الهندسه؟..
طارق
هو انتي ناويه تدخلي هندسه ان شاء الله يعني؟
هنا
الحمد لله استقريت علي هندسه او صيدله المهم تبقي كليه قمه..
طارق
طيب ومالها تجاره تاخديلك. اربع سنين تروحي في الامتحانات وبس كده..
هنا بغيظ
تجاره ايه هو انا بيطلع عيني في المذاكره عشان في الاخر ادخل تجاره..
طارق
ومالها تجاره ان. شاء الله بتوع تجاره دول ماسكين البلد، ومش عجباكي تجاره خلاص حلو اداب لغه عربيه وتبقي قداامي هنا وانا ابقي الدكتور بتاعك كمان..
هنا
هو انا اصلا خدت رئك ادخل ايه وما ادخلش ايه، انا عارفه نفسي كويس انا عايزه ايه؟..
طارق بسخريه
هو انتي لسه طلعتي من البيضه عشان تقرري اصلا، انا اكبر منك وافهم في الموضوع ده..
هنا
متشكره لنصايحك انا برضو عارفه انا هدخل ايه..
طارق بغيظ وصوت واطي
يارب تسقطي وتقعدي في البيت غصب عنك..
هنا
بتقول ايه انت؟...
طارق
انا ما قولتش حاجه، انا بقول القهوه اتأخرت..
_في الوقت ده وقفو بنتين قدامها جنب طارق، وواضح عليهم من الطلاب اللي بيدرسلهم وبدأو يستفسرو منه علي حاجات في المنهج بتاعهم، وكان واضح انهم بيتلككو عشان يتكلمو ويهزرو معاه..
فقاامت هنا وقالت بحده
انا اتأخرت علي السنتر يا طارق، وشكلك مش فاضي فانا هروح لوحدي..
طارق
استني يا هنا انا جاي معاكي اهو خلاص...
بصت البنت لهنا بغيظ وقالت
خلاص يا دكتور مش عايزين نعطلك عن اختك..
اتنهدت هنا بغيظ وطارق قال بجديه
تمام.. ودي خطيبتي مش اختي علي فكره..
_ومسك ايد هنا ومشي وهي بصت للبنتين وطلعت لسانها بشكل طفولي من غير ما طارق ياخد باله منها، واول ما طلعو من الجامعه سحبت ايدها منه وقالت بعصبيه..
هنا
انت ازاي تمسك ايدي كده؟
طارق بسخريه
لا والنبي هو انتي لسه واخده بالك اني ماسكها..
هنا بتوتر
اااه وما تمسكهااش تاني وايه خطيبتك دي كمان احنا اخوات..
طارق بحده
جاتك خوت في دماغك اتنيلي اركبي خليني اوصلك يلااا..
هنا كتمت ضحكتها وقالت
طيب بالراحه ما تزقش كده..
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانت قاعده ريناد بتعمل الاكل مع مامتها اللي قالتلها..
ليلي
ما تدخلي تقعدي مع بنتك يا بنتي وسبيني انا اكمل الغدا..
ريناد
بنتي نامت يا ماما واديني بساعدك بدل ما انا قاعده..
ليلي
قوليلي طيب مالها اختك كانت جايه كده مش مظبووطه؟
ريناد بتوتر
دي اا طلعت عندها مشكله في الشغل فأدايقت..
ليلي بغيظ
شغل ومرمطه علي الفاضي..
ربناد
يا ماما ده بدل تدعميها..
ليلي
انا نفسي ادعمها وهي في بيت جوزها وفرحانه بيها وبولادها، ده انا بتعاير بأختك اللي دخلت في التلاتين ده حتي العرسان بطلت تتقدملها..
ريناد بسخريه
يعني هما اللي اتجوزو عملو ايه، ما طلعوش القمر يعني..
ليلي
اتعقدتي انتي كمان ياربي انا حظي عامل كده ليه بس في عيالي..
_ضحكت ريناد بهدوء والباب خبط فطلعت فتحت واتفاجئت لما شاافت روان واقفه قدامها وقالت بأبتسامه هادئه..
روان
وحشتوني ما قدرتش ما اجيش اشوفكم..
ابتسمت ريناد واخدتها في حضنها جامد وقالت
وانتي كمان يا جزمه وحشتينا اوووي، وايه الحلاوه دي بركاتك يا عبدالله بيه..
روان بخجل
بس بقي انا عادي يعني زي ما انا، ماما وبابا فين؟..
ريناد
بابا نايم جوه وماما في المطبخ..
روان بقلق
وطارق؟
ريناد
مع هنا بيوصلها الدرس...
روان
هنا مين؟
ريناد
اااه انتي فاتك كتير تعالي بس سلمي علي ماما زنروح نصحي البت رضوي ونحكيلك الحاجات اللي فاتتك من لما اتجوزتي..
دخلت روان المطبخ واول ما شافتها ليلي عيونها اتملت دموع وبصتلها باشتيااق ولهفه وروان راحت حضنتها بسرعه وقالت..
روان
عارفه انك زعلانه بس انا ما اقدرش اسيبك زعلانه كده واسكت يا ماما..
بعدتها ليلي عنها وقالت بدموع
انتي كويسه يا حبيبتي..
روان
زي الفل والله وكل حاجه تمام..
ليلي ببكاء حضنتها وقالت
وحشتيني اووي يا جزمه والله كان قلبي بيتقطع وانا زعلانه منك وكنت هموت واكلمك واطمن عليكي..
روان
والله يا ماما مش هتتكرر تاني..
ليلي بعدت عنها وقالت
طيب ادخلي صالحي ابوكي يلاا..
روان بقلق
انا خايفه بصراحه هو اا..
ليلي بهدوء
ما تخافيش ده انتي وحشاااه اووي اسأليني انا..
روان
حاضر هروحله علي طول..
طلعت روان وليلي فضلت تعيط وقالت لريناد
شوفتي بقيت عاقله ازاي؟..
ريناد بسعاده
شوفت يا ماما لا واحلوت ونضفت كمان..
ليلي بحده
انا بنتي حلوه وزي القمر طول عمرها..
ريناد
كنتي بتعطي من ثانيه واحده بتتحولي ازاي بالسرعه دي مش عارفه..
ليلي
طيب بنتك صحيت روحي شوفيها وما تخليهاش تنام تاني دلوقتي عشان تتغدي معانا..
ريناد وهي طالعه من المطبخ بسرعه
حاضر يا ماما مش هنيمها تاني...
_وعند اوضة حسن وقفت روان عند. الباب وخبطت عليه بهدوء كذا مره فرد حسن بصوت نايم وقال...
حسن
مين اللي بيخبط؟..
روان بتوتر
انا يا بابا...
سكت حسن شويه وقال بحده
امشي من هنا انا مش عايز اشوفك..
_اتملت عيونها دموع وكانت فعلا هتمشي بس حسن فجأه فتح الباب وبصلها بحزن وقال..
حسن
عارفه انا مش فارق معايا اني كنت بموت وما جيتيش تشوفيني قد ما هو فارق معايا ان جوزك مد ايده عليكي وما كانش ليا عين اداافع عنك يا روان..
روان ببكاء
انا اسفه والله فكرت غلط واتصرفت غلط بس انت ابويا وهتسامحني وهتفضل تعلمني الصح من الغلط ومش هتسيبني خالص صح؟..
حسن
لحد امتي المفروض نكبر بقي ونعقل، اخواتك دول احسن منك في ايه عشان ابقي ديما فخور بيهم وبتربيتهم وابقي مكسوف منك قدام كل قرايبنا، ليه يا روان انا استاهل منك تكسريني كده..
روان بدموع
والله مش هتتكرر تاني انا بس صحابي يوم الفرح فضلو يلقحو عليا بالكلام عشان هتجوز في الصعيد وهتدفن بالحيا والكلام ده، وانا وقتها حبيت اثبتلهم العكس فخرجت معاهم كام مره بس ندمت والله وعرفت انه غلط والوقت اللي عملت فيه كان غلط..
حسن بهدوء
اخر مره يا روان؟
روان ابتسمت وسط دموعها وقالت
والله العظيم وغلاوة بابا عندي اخر مره..
ابتسم حسن وقال
تعالي طيب في حضن بابا عشان وحشاااني اووي..
_حضنته روان وهي مبسووطه وفضلت قاااعده معاهم لحد ما اتغدو كلهم معادا رضوي اللي اتحججت انها نايمه، وحسن قال لروان بجديه...
حسن
انتي قاعده هنا لوحدك؟
روان
لا معايا رباب الشغاله باعتها معايا عبدالله، وكمان كمال هنا بيجي كل يوم يطمن عليا ويقعد معايا شويه ويمشي..
ليلي
كويس معاكي كمال علي كده مش زعلان علي موضوع رضوي؟
روان
لا لا كمال بيبص لمصلحته يعني قفل موضوع رضوي وبقي يفكر يتجوز واحده. تاخد بالها من بنته فأختار اسرار..
ليلي
ربنا يسعده بعيد عننا، بس ما تقوليش قداام. اختك عشان ما تزعلش..
حسن
وهي ايه اللي يزعلها تقولها عادي ده في الاول والاخر ابن عمتها وبقي بينا نسب كمان اهو يعني كده كده مسيرها تعرف..
دخلت في الوقت ده هنا لوحدها وقالت
مساااء الخير..
ردو كلهم عليها وحسن قال
اومال فين طارق يا هنا؟
هنا
مش عارفه هو وصلني ومشي تاني..
ليلي
طيب ادخلي غيري هدومك وانا سيبالك الغدا بتاعك في المطبخ عشان تتغدي..
هنا
حاضر يا ماما.
روان
ماما... هي بتقولك ازاي يا ماما البنت دي؟!..
اتوترت هنا وحسن قال بهدوء
ااه وانا كمان بتقولي يا بابا، انتي ما سلمتيش عليها ليه يا روان؟..
روان بصت لروان بابتسامه صفرااء
اهلا يا هنا منورانا..
هنا
ده نورك يا روان بعد اذنكم...
سابتهم ودخلت اوضتها وروان قالت بضيق
هي كمان قاعده في اوضتي مع رضوي...
حسن
ما بقتش اوضتك نظام البيت اتغير شويه عشان ريناد وهنا اللي قعدو معانا..
ريناد
انا اخدت اوضة طارق انا وتيا وهو بقي قاعد عند زيزو ورضوي وهنا قاعدين مع بعض..
روان بغيظ
وافرض انا حبيت اباات عندكم هناام فين؟
حسن
وتبااتي ليه عندنا دلوقتي اومال هتسيبي شقتك فاضيه، وبعدين لو حبيتي تبااتي تبقي رضوي تباات عند روفان وروز وانتي نامي مكانها..
روان
بس انا ما اعرفش انااام وفي حد غريب معايا في الاوضه..
حسن بحده
وهنا مش غريبها دي زيها زي اخواتك، و لما تيجي وتبااتي يبقي نشوفلها حل، مش موضوع ده نعمل عليه مشكله يا روان..
روان
لا مش مشكله خلاص عادي...
_وبعد شويه مشيت روان من عندهم، وركبت الاوبر اللي طلبته وكلمت عبدالله اللي رد عليها وقال..
عبدالله
ايه يا روان عملتي ايه؟..
روان بابتسامه واسعه
لسه ماشيه من عندهم والحمد لله صالحت بابا وماما بس ما عرفتش اشووف طاارق..
عبدالله
بسيطه هبقي انا اكلمه، انتي راجعه البيت؟
روان
ايوه هنام شويه واصحي اذااكر...
عبدالله
تمام وانا يومين كده وهجيلك..
روان
لا ما تجيش.. قصدي يعني لو مش فااضي خليك عندك وانا هخلص امتحانات وهرجع..
عبدالله
لا هاجي يا روان وهبقي فاضيلك عشان نشوف موضوع شهر العسل اللي اتأجل كتير ده...
روان بتوتر
ان شاء الله مع السلامه..
_قفلت معاه علي طول من غير ما تسمع رده واتنهدت بضيق وما كانتش قابله خالص وجود عبدالله معاها...
ــــــــــ #بقلم_الكاتبه_رحاب_القاضي ــــــــ
_وبعد شويه قدام. شركة يونس الصاول نزل عز من عربيته وهو بيكلم طارق وبيقوله...
عز
امم غريبه وابن يونس الصاوي جاي يتقدم لوحده ليه؟
طارق
مش. عارف هو ممكن عايز يتفق مع بابا الاول وبعدين يجيب اهله، فانا هروح اقول لبابا عشان يعمل حساابه
عز
تمام هو الواد كويس يعني مش وحش بس اختك تعرف انه جاي!..
طارق.
مش عارف وانا مش. هقولها اما اشوف رد. فعلها ايه، انت فين يا زيزو انا مش لاقيك في البيت..
عز
وانت مالك انت وبعدين ما تدخلش اوضتي بطلو حشريه بقي..
طارق
دخلت. اخدت الشاحن وطالع اهو رايح انااام..
عز
ما تنامش في اوضتي يا حيوان انت...
طارق
يالهوي طالع من حلاوتها اووي اوضتك وايه الخصوصيه يعني اللي في اوضتك خايف ادخلها، مخبي اين يا لئيم..
عز
اقولك مخبي ايه وما تزعلش..
طارق
هو انت عشان عمي هتغلط براحتك يعني..
عز
ايوه براحتي واقفل مش فاضيلك ومش هحذرك تاني يا طارق تقعد في الشقه ما تخربش حاجه..
طارق
عيب عليك يا زيزو دي كأنها شقتي..
عز
لا يا خفيف مش شقتك وانت ضيف وضيف تقيل كمان...
طارق
قول لاخوك الكلام ده..الو زيزو ايه قلة القيمه دي يا عيله قليلة الذوق انتو..
_وعند عز راااح ليونس مكتبه واول ما دخل قام. يونس ومدله ايده وقال..
يونس
يا اهلا وسهلا يا عزالدين نورتني..
عز بغيظ
هو انت بعد اللي عملته في ابني يا راجل يا واطي فاكرني هسلم عليك...
يونس
لا لو هنتكلم علي اساس بنتك وابني يبقي تتلم وتقعد وتتكلم بأدب..
عز بغيظ
انا مؤدب غصب عنك وهقعد وهتكلم اومال انا جاي ليه ما انا جااي عشان اتكلم..
_قعد عز علي الكنبه اللي في المكتب ويونس رااح قعد قدااامه وقال وهو بيحط رجل علي رجل...
يونس
والله يا عز انا بنتي مش قليله عشان ارميها لابنك كده وخلاص لااا دي بنت يونس الصاوي..
عز بخبث
وانا ابني ما يتعايبش يا يونس وبنت يونس الصاوي دايبه كده في ابني مش عايزه غير ابني انااا..
يونس
بنتي مش هتتجوز غير اللي انا عايزه يا عز، وابنك لو متربي ما كانش يكلمها من ورايا..
عز بحده
انا ابني لو مش متربي ما كانش سمع كلامك وبعد عن يارا وهو روحه فيها عشان يحترم كلامك وقرارك...
يونس
انت. جاي عايز ايه يا عز؟
عز
جاي اطلب ايد بنتك. لابني علي الاقل نقرا فاتحه..
يونس
طيب مش لسه بدري علي الكلام ده. يا عز؟..
عز
لا مش بدري..
يونس بحده
لا بدري انا بنتي مش هخليها ترتبط باي حد وهي في السن ده، وانا اديت ابنك اختبااار لو نجح فيه والله انا هديهاله وعلي فكره عيني هتبقي عليه بعد كده عشان لو كان طالعلك والله ورحمة ابويا ما هيطول منها شعره واحده..
عز بسخريه
لا حوش الراجل اللي كان بيصلي بينا الجمعه زمان، ده انت كنت صايع وبلطجي، وانا لو متمسك ببنتك. فهو لسببين الاول ان البنت حلوه وزي القمر ومش شبهك والتاني عشان شهد اللي انا متأكد انها مربيه بنتها زيها...
يونس ببرود
ما هو انا لو هقبل بابنك. برضو مش. عشانك عشان الواد مش طالعلك بصراحه عجباني تربيته واخلاقه...
عز ضحك بسخريه وقال
وده ان دل علي شئ يدل ان تربية النسوان احسن من تربيتي انا وانت..
ضحكو هما الاتنين وعز قال
ما تحبكهااش بقي وخلينا نبقي صحااب ونسايب..
يونس بجديه
يا عزالدين ده جواز مش لعب عيال، لما ابنك ربنا يشفيه ويتخرج من الكليه بتاعته وتكون بنتي هي كمان. كبرت وبقيت ناضجه وتعرف تختار وتاخد قرار وقتها هوافق..
عز
اعتبر ابني متخرج وبعد ما يتخرج علي طول هعمله اكبر مستشفي تبقي تحت امره، بس علي الاقل دلوقتي وده طلب من. صاحبي بلاش تحسسه انه بسبب مرضه ممكن يخسر البنت اللي بيحبها..
يونس
حاضر يا عز بس انا برضو عايز احافظ علي بنتي، وبرضو ابنك زي ابني وانا هعرف اتعامل مع الاتنين..
عز
اقسم بالله انت برنس، قولي الواد يوسف جاي امتي ولا قعدت الخوجات عجبته..
يونس
ده. مسافر مع مراته وبنته هو صايع زيك، ويلا قوم امشي عشان مش فاضيلك..
عز
انت بتطردني من شركتك الله يرحم. لولا وقفتي معاك زمان ما كنتش وصلت لـ اللي انت فيه دلوقتي ده..
يونس بثقه
وانا لولا وقفتي معاك زمان كان زمانك مدفون بالحيا في المقابر جنب بناتك ومراتك اللي ربنا رحمهم منك...
عز
الله يرحمهم وبطل تفكرني بالموضوع ده، اما انت راجل سئيل بشكل..
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي رجعت شهد من شغلها واول ما دخلت اوضتها الباب خبط فقالت..
شهد
ايوه..
يارا
انا ويزن عايزين نتكلم معاكي يا مامي ممكن نتدخل؟...
شهد وهي بتقلع حجابها
ايوه يا حبيايبي تعالو طبعا..
_دخل يزن هو ويارا وكانو مكشرين ومدايقين جدا، وشهد بصتلهم بقلق وقالت..
شهد
في ايه مالكم؟..
يزن
هو بابا هيرجع امتي؟
اتنهدت شهد بضيق وقالت
مش عارفه براحته..
يارا بحزن
لا ما فيش. حاجه اسمها براحته، لو سمحتي يا ماما زي ما زعلتيه صالحيه وخليه يرجع بيته تاني
يزن بجمود
ده. اللي لازم. يحصل اصلا، بابا ما قصرش معاكي في حاجه يا ماما عشان يهون زعله عليكي اووي كده
يارا
ومن. الاخر كده انتي لو ما صالحتيش بابا كلنا هنزعل منك وهنروح نقعد معاه..
يزن
ايوه يارا معاها حق...
شهد بدموع
وايه كمان هتقولو ايه تاني يا ولاد يونس؟
يارا
لا احنا ولادكم انتو الاتنين..
يزن
وكل اللي يهمنا ان البيت ده يبقي زي ما هو، احنا ما نقدرش نعيش من غير بابا يا ماما..
شهد
هو انتو تعرفو اصلا ابوكم مزعلني في ايه قبل ما تيجو تدافعو عنه؟
يزن
يونس الصاوي ما بيغلطش وكل حاجه بيعملها محسوبه، وبعدين انتو جايين دلوقتي تتخانقو يعني..
شهد بحزن
والمطلوب دلوقتي؟
يارا
تروحي تصالحيه وتخليه يرجع البيت تاني..
يزن
يا ماما والله هو بيحبك وبيعشقك كمان، واحد غيره كان عمل كل حاجه وحشه وما سابش بيته انما هو ديما بيقول قدامنا ده بيتك انتي وديما بيقول ان لولا وجودك جنبه ما كانش هيوصل لاي حاجه من اللي وصلها، وكمان حققلك حلمك وكان ديما بيدعمك وبيسااعدك، ليه بقي ترديله كل ده بأنك تزعليه وتوجعيه كده..
يارا بحزن
ده ظلم علي فكره يا ماما وانا عشان كده هروح اقعد معاه ومش هسيبه لوحده...
شهد بحزن
مااشي اعملو اللي انتو عايزينه...
يزن
يعني ايه؟..
شهد
يعني اطلعو بره ومش عايزه حد. منكم يكلمني تاني يلاا بره..
يارا بدموع
يا ماما اا..
شهد بحده
قولت بره انتي وهو يلاا..
_طلع يزن وهو متعصب وطلعت وراااه يارا اللي قالتله بحزن وصوت واطي..
يارا
هو ايه اللي حصل خلاهم يقلبو كده علي بعض..
يزن بضيق
بابا ما عملش حاجه علي فكره ماما هي اللي مزعلااه ومش بتسمع كلامه...
يارا
طيب وبعدين دلوقتي هنعمل ايه؟
يزن
هنسمع كلام بابا وهنروح نقعد معاه يومين تلاته كده لحد ما ماما تصالحه..
يارا
بس كده ماما هتصالحه عشان خاطرنا احنا مش عشاانه هو..
يزن
المهم يتصالحو، يلا ادخلي كملي مذاااكره وعارفه لو ما طلعتيش الاولي السنه دي هنفخك..
يارا بغيظ
كفايه ضغط بقي مش هتبقو انتو والمذاااكره عليا..
_قالت كلامها وسابته ودخلت اوضتها، وفي الوقت ده كلم هو يوسف ودخل اوضته وقال..
يزن
هاا عملت ايه؟
_وقف يوسف في الوقت ده بعربيته قدام بيت الاستاذ حسن وقال وهو بيتكلم في الفون مع يزن..
يوسف
اديني اهو اتنيلت جيبت ورد وشوكلاته وجيبت بدله كامله وجرافيته انا ما بحبش البسها ولبستها اهو، وواقف قداام البيت والله خايف انزل من العربيه يا يزن ما كنت جيت معايا.
يزن
وانا ايه اللي هيجيبني معاك ده انت مش واخد ابووك معاك هتاخدني انا، انزل بس وخليك جامد كده وواثق في نفسك انت داخل البيت من بابه في الحلال..
يوسف
ربنا يستر انا فاضل علي معادي تلات دقايق لحد ما اطلع فوووق يكونو خلصو..
يزن
ايه يا ولا النظاام ده، قولي هي تعرف انك رايح عندهم النهارده؟..
يوسف
ما اعرفش انا قولت لاخوها ياخدلي معاد من باباه بس ما قولتلوش ليه كنت مكسوف..
يزن
كنت ايه يا سكر؟..
يوسف
بقولك ايه ما توترنيش اقفل انا هنزل اهوو..
_وقفل مع يزن ونزل من العربيه وكان متوتر اووي بجد، وطلع فوق لشقة الاستاذ حسن واخد نفس عميق ورن الجرس بتاااع البيت، وبعد كام ثانيه فتحت روفان وهي بتقول..
روفاان
ما هو ما فيش غير روفااان اللي تفتح الباب في البيت..
ليلي بصوت عالي من جوه المطبخ
اهو بستفاد منك بأي حاااجه يا قدري المهبب..
بصت روفان ليوسف وقالت
اتأخرت ليه؟..
يوسف
هو انتي مستنياني ولا ايه؟..
روفان بصوت واطي
ايوه مستنياااك من زمااان من لما كنت بتيجي لرضوي المستشفي وهي تعبااانه، وانا بقول امتي هيجي يخطبها ويتجوزها عشان انا مستنيه اي مناسبه البس فيها فستاني الجديد اللي جبهولي زيزو..
يوسف
هو زيزو بتاع الزمااالك ساب الكوره وبقي يجيب فساتين..
روفان
مش حلوه ما ضحكتش ما تخفش دمك معايا تاني..
طلعت ليلي من المطبخ وقالت
واقفه بترغي مع مين يا مقصوفة الرقبه انتي..
يوسف ابتسم وقال
ده انا يا طنط حضرتك عامله ايه؟..
ليلي بابتسامه واسعه
اهلا وسهلا يا ابني اتفضل ايه النور ده كله..
دخل يوسف وقال
ده نور حضرتك يا طنط والله.. اتفضلي..
ليلي اخدت منه الورد والشوكلاته وقالت
شكراً تعبت نفسك ليه؟..
يوسف بتلقائيه
يزن قالي هما بيجيبو كده في المواقف دي..
ليلي بعدم فهم
نعم؟!..
يوسف
قصدي لا تعب ولا حااجه.. دي حااجه بسيطه يعني..
ليلي
طيب دقيقه واحده..
وقالت بصوت عالي
وااااد يا طااااارق.. طااااااااااااارق..
طلع طارق من شقة عز وقال
نعم يا ماما.. يوسف معلش والله نسيت انك جاااي عامل ايه يا اسطا..
يوسف سلم عليه وقال
لا ولا يهمك انا كويس، هو اونكل حسن هنا؟..
طارق
اااه هنا تعالي اتفضل معايا، ماما صحي بابا..
ودخلت ليلي وقال هو بصوت عالي
زييين سُك علي الشاااي..
روفاان
لاااا اعمله يا زين هاااجي اشربه انا معاااااك..
_وجريت روفااان علي شقة عز ويوسف بصلهم بتفاجئ من تصرفاتهم العفويه قدااامه وقال بفضول..
يوسف
هو انتو عايشين في شقتين قدام بعض؟..
طارق
لا ده بيت عمي.. ما تشغلش في بالك ده انت لسه ياما هتشوف وافتكر انك انت اللي دخلت بنفسك اهوو..
يوسف ابتسم وقال
يا عم انا علي قلبي زي العسل بس ننول الرضا..
طارق
ان شاء الله يا اخويا اتفضل معايا..
ودخلو وقعدو في الصاله وطارق قالو بهدوء
علي فكره رضوي ما تعرفش انك جااي..
يوسف بقلق
احسن برضو ما كنتش هتوافق اني هاجي، بصراحه كده حصل موقف بيني وبينها في الجيم النهارده وانا رخمت عليها شويه..
طارق
رخمت عليها ازاي يعني؟..
اتنهد يوسف بضيق وقال
اقسم بالله انا بحبها بجد. والنهارده لقيت حد بيحاول يستظرف معاها وهي ما اخدتش بالها بس انا غصب عني غيرت عليها وقولتلها كلام سخيف وهي زعلت..
وحط ايده علي وشه وقال
زعلت اوووي وما فيش اي حاجه ممكن تثبتلها ان اللي قولته ليها غلط واني بحبها غير اني اجي اتقدملها..
طلع حسن في الوقت ده من اوضته وقال
اهلا وسهلا يا ابني..
قام يوسف وسلم عليه وقال
ازاي حضرتك يا اونكل..
حسن
الحمد لله يا ابني اتفضل اقعد..
قعد يوسف وحسن قعد جنبيه وقال بابتسامه واسعه
تشرب ايه بقي ولا اقولك احنا لسه ماحدش اتعشي ايه رئيك تتعشي معانا النهارده؟..
يوسف
لا والله شكرا مره تانيه ان شاء الله، انا كنت جااي بس لحضرتك في موضوع تاني..
حسن
خير يا ابني ان شاء الله موضوع ايه؟..
يوسف بجديه
اكيد حضرتك عارف ان انا وانسه رضوي بنشتغل مع بعض..
حسن
امم اكيد طبعا عارف..
يوسف
وانا بصراحه من اول لحظه شوفتها فيها وانا اعجبت بيها جداً ومع الوقت انا حبيتها واتعلقت بوجودها في حياتي جدا وجاي دلوقتي اطلب منك اتجوزها وتبقي مش حبيبتي وبس تبقي شريكة حياتي وعمري كله، ده بعد اذن حضرتك طبعاً وبعتذر جداً لو كانت صراحتي معاك دايقتك..
ابتسم حسن بهدوء وقال
طارق ادخل انده اختك.. وانت بقي يا سي يوسف كلمني عن نفسك شويه بتشتغل ايه وايه خطتك للمستقبل وبتشجع الاهلي ولا الزمالك وده اهم سؤال في الموضوع..
_ضحكو هما التلاته بهدوء وقام طارق دخل عند رضوي اللي كانت قاعده عندها ليلي وهنا وشكلها متدايق جدا، وقال طارق بأبتسامه واسعه..
طارق
ايه يا بت انتي عامله ايه في الواد ده قال شوية كلام عنك بره حاجه كده هاله فاخر من الاخر..
ليلي بغيظ
وهي دي بتحس ولا بتشوف اصلا، بدل ما تفرح ان ولد زي ده اتقدملها لا قاعده تاكل في ضوافرها وتهز في رجلها لحد ما هتخليني اقوم اديها باللي في رجلي..
طارق
اهدي يا ماما هي تلاقيها متوتره بس من الموقف، يلا يا رضوي غيري هدومك وتعالي معايا عشان تسلمي عليه وتشوفي بابا عايزك في ايه؟..
رضوي بحده
وانتو صدقتوه ولا فاكرين ان انا هرضي اتجوز العيل ده..
قامت هنا قفلت الباب وطارق قالها بضيق
وطي صوتك يا بت انتي صوتك عالي والراجل لسه قااعد بره..
رضوي بعصبيه
هو ده بيحس ولا بيفهم، بس انا بقي هخليه يعرف اني مش عايزااه بطريقه هو يعرفها كويس..
_وسابتهم وطلعت بسرعه ورااح وراها طارق وليلي وهنا، ووقفت هي قدام يوسف اللي كان بيتكلم مع حسن وقالت بحده..
رضوي
انت ايه اللي جابك هنا؟..
بصلها يوسف بصدمه وحسن قالها بضيق
في ايه يا رضوي اهدي يا بنتي وادخلي جوه دلوقتي..
رضوي بغضب
لا مش هدخل وهقولك راي قداامه يا بابا عشان انا بجد. زهقت.، البني ادم ده انا مش بطيقه ولا عايزااه في حياتي لا في شغل ولا في اي حاجه تانيه، ومن اول يوم شوفته فيه وانا مش طيقاااه ولولا ان باباك هو اللي عرض عليا الشغل بمرتب كويس مقابل انك تتغير وتبقي شخص ملتزم انا ما كانتش في حاجه هتجمعني بيك..
_اتملت عيون يوسف دموع ووقف قدامها وقبل ما يتكلم حسن قالها بعصبيه...
حسن
خلصتي كلامك اتفضلي بقي ادخلي اوضتك..
بصت رضوي ليوسف بغضب وقالت بكل قسوه
انا قولت اللي عندي انا مش عايزااك قولتهالك قبل كده بالذوق وما فهمتش واهو قولتهالك بمنتهي قلة الذووق ياااريت تفهم اني مش عايزااااك..
_حاول اخفاء دموعه بصعوبه وبص لحسن وقال بهدوء عكس الحرب اللي قامت جوه قلبه من كلام رضوي..
يوسف
اسف جدا علي.. اني عطلتكم واتشرفت جدا بيكم، بعد اذن حضرتك..
_قال كلامه وسابهم ومشي وطارق مسك رضوي من دراعها وقال بحده..
طارق
ايه اللي انتي عملتيه، مش في رجاله واقفه وبتتكلم معاه...
حسن بحده
سيب اختك يا طارق واول واخر مره تمد. ايدك عليها او علي اي واحده في اخواتك فاهم ولا لا...
طارق بعصبيه
ما هو ما فيش حاجه خربتهم غير كلامك ده اصلا..
_وسابهم وطلع بره الشقه كلها، وطلعت ريناد من اوضتها وقالت بقلق...
ريناد
في ايه يا جماعه صحيت علي صوتكم العالي في ايه؟
ليلي بعصبيه
البجحه اللي فاكره نفسها عايشه في عالم تاني، جالها ابن مديرها في السغل يوسف الصاوي عشان يتقدملها رفضته وهزأته، خليها كده لحد. ما خلاص بارت وهتقعد في أربيزنا....
بصتلها رضوي بدموع وحزن وقالت
شكرا يا ماما...
ودخلت اوضتها وهي بتعيط وريناد قالت بحزن
ليه يا ماما بس تقوليلها كده، علي فكره يعني يوسف الصاوي ده مش العريس اللقطه اووي اللي يستاهل كل الزعل ده عليه..
هنا
انا هدخل اقعد معاها مش هسيبها لوحدها...
حسن بجمود
استني يا هنا انا هدخل اتكلم معاها..
وبص لـ ليلي وقال بحده
ما بنقولش كده علي فكره، البني ادم جيشه وقوته في اهله وانا وانتي ما اتعودناااش نقطم ولادنا بالكلام الوحش ده يا ليلي..
ليلي بدموع
يعني انت عاجبك اللي بتعمله في نفسها. ده، وعشاان مين عشاان كمال اللي هي ولا فارقه معاه اصلا..
حسن.
اهدي وانا هتكلم معاها بس اوعي تقوليلها كده تاني الجواز ده نصيب وهي لسه نصيبها ما جاااش...
_وسابهم حسن ودخل اوضة رضوي اللي كانت قاعده وقافله نور الاوضه وبتعيط، فتح حسن النور وهي مسحت دموعها بسرعه وقعد جنبيها ومسك ايدها وقال بهدوء..
حسن
انا مش زعلان منك علي فكره..
بصتله بدموع وهو قال
ايوه والله بكلمك بجد يعني ده قرارك وانتي حره فيه، انا ادايقت شويه صغيرين من الطريقه لان دي مش اخلاقنا اننا نكلم. حد. في بيتنا بالطريقه دي وما نعملش حساب لمشاعر اللي قدامنا...
رضوي ببكاء
يا بابا انت ما تعرفش حاااجه انا اليوم كله في موود وحش بسبب البني ده واللي قاله ليا واللي خلاني احس بيه وفي الاخر بكل برود جاي يتقدملي بعد ايه..
حسن
مش احنا صحاب ما قولتليش ليه ان في حاجه بينك وبين الولد ده مع اني كنت شاكك من يوم ما شوفته بيتخانق مع كمال في فرح روان وعبدالله..
رضوي
انا هقولك يا بابا هقولك كل حاجه لان فعلا ما فيش حد في الدنيا كلها بيفهمني قدك يا ابو علي..
_وفضلت رضوي تحكيله من اول يوم شافت فيه يوسف واللي حصل بينهم للنهارده، وهو رد عليها وقال..
حسن
معاكي حق بعد اللي قاله ليكي النهارده ما يستاهلش غير اللي انتي عملتيه..
رضوي
قولهم بقي كده ماما وطارق...
حسن
بس ده ما يخلينااش ننسي انك غلطتي وانك ما ينفعش تخلي راجل يقولك جسمك حلو حتي لو كان ايه السبب..
رضوي بأحرااج
والله ما اخدت بالي يا بابا ومش هتكرر تاني وده اكيد..
حسن بهدوء
متأكد وواثق فيكي، وبرضو خلينا متفقين انه بيحبك..
رضوي
برضو هتقولي بيحبني..
حسن بخبث
طيب خلاص اهدي اهو رااح لحاله وهو بعد الكلمتين اللي قولتيهم مش هيرجع تاني حتي لو كان بيحبك..
بصت رضوي لباباها بحزن وقالت
احسن برضو انا اصلا مش عايزاااه..
حسن
معني كده لو جه عريس مناااسب هترضي بيه وتدي نفسك فرصه..
رضوي بدموع
ايوه هرضي بأي حد يتقدم وهبدا من جديد بجد..
حسن
ياريت تبقي بدايه بجد يا رضوي، العمر قصير ما فيهوش فرص كتير فيا نلحق يا هنندم...
رضوي حضنته وقالت
انا بحبك اووي يا بابا من غيرك مين كان هيفهمني ويهون عليا زيك كده، ربنا يخليك ليا طول العمر...
حسن ابتسم بهدوء وطبطب عليها وقاا
ويخليكم كلكم ليا يا حبيبتي..
ــــــــــ #بقلم_الكاتبه_رحاب_القاضي ــــــــ
_وعلي قُرب الفجر في بيت يونس الصااوي، دخل يوسف البيت بعد ما قضي الليل كله في الاماكن اللي كان بيسهر فيها الاول، وقبل ما يدخل اوضته طلعت شهد من اوضتها وقالتله بحده..
شهد
تاني يا يوسف رجعت تاني للقرف ده؟..
يوسف بضيق
انا عايز انام يا ماما بعدين نتكلم..
شهد
بعدين امتي انتو ليه بتعملو فيا كده، مش المفروض انك بتتنيل تذااكر عشان تتخرج، ده احنا كنا خلاص اهو قربنا نبدأ صح.، بترجع تاني للصفر ليه..
يوسف بعصبيه
والله ما قادر اتكلم. ولا عايز حاجه منكم انا كده ومش هتغير يا ماما وما حدش. اصلا يستاهل اني اتغير عشااانه...
شهد
اتغير عشان. نفسك. مش عشانا احنا...
يوسف بدموع
مش عايز انا كده صح وانا كده. مرتاااح....
_ودخل اوضته وقفل الباب وراااه جامد، وطلع يزن من اوضته في الوقت ده وقال بضيق...
يزن
لو بابا كان موجود كان هيعرف يتصرف معاه يا ماما...
_اتملت عيون شهد دموع ودخلت اوضتها، وهو دخل عند. يوسف اللي كان قااعد علي سريره وعيونه كلها حزن..
يزن
بكلمك من بدري ومش بترد عليا، وفهمت اللي حصل بس عادي يعني مدام بتحبها حاول تاني..
يوسف بجمود
انا ما بحبش حد..
يزن
ليه هو حصل ايه يغيرك كده بسرعه؟
يوسف بدموع
قالتلي مش عايزاني قالتلي كلام كتير قدام اهلها وابقي فعلا ما عنديش كرامه لو بصيتلها تاني، واقسم بالله لاخليها تندم علي كل كلمه وجعتني بيها وهخليها هي اللي تترجاني عشان اتجوزها ومش هوافق..
يزن
يا سااتر يارب ليه كل ده، وبعدين الجواز قسمه ونصيب لو ما كانتش رضوي ربنا يرزقك بالاحسن منها...
يوسف
اطلع بره انا هنااام..
يزن
ما تدمرش نفسك يا يوسف انت بقيت كويس والكل بدأ يحبك ويفتخر بيك، لو عايزها تندم عليك يبقي لازم تنجح في كل حيااتك وتبقي راااجل بجد...
_ما ردش عليه يوسف وغنض عينيه وعمل نفسه ناام، وطلع يزن من عنده وهو زعلان ومدايق علي حالة اخوه..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح كان يزن قااعد في شركة باباه ومدايق جداً وقال..
يزن
انا بجد مش عارف اعمل ايه، ومش هلاقي مهندس اشطر من رضوي يكمل المشروع معايا؟
يونس
طيب هو اخوك دايقها في حاجه؟
يزن بتوتر
لا يوسف مالوش دخل..
يونس
خلاص انا هكلمها واشوف ايه سبب استقالتها في الوقت ده
يزن
لا لا انا هحاول اشوف مهندس مكانها ولو ما عرفتش هتصرف وارجعها..
يونس
يزن المشروع ده هيتقيم من مروان المنشاوي انت عارف بقي مين ده؟
يزن بلامبالاه
ابن عمار المنشاوي صاحبك..
يونس
بس ما يعرفش ابوه في الشغل، يعني لو غلطه بسيطه هيوقعلك الدنيا، وانت واخوك شركتكم دي محتاجه تعلي وما فيش حاجه هتخليها تعلي غير انها تاخد تقيم من حد معروف زي مروان المنشاوي..
يزن
ان شاء الله خير يا بابا..
يونس
سدره هتتخطب فاضلها حاجه بسيطه في شهور العده وهتتخطب..
يزن بصدمه
هتتخطب لمين؟..
يونس
الدكتور النفساني اللي بدات علاج معاه هناك، عمتك بطه هي اللي قالتلي يعني الموضوع لسه في البدايه..
يزن بضيق
طيب ربنا يسعدها..
_قال كلامن وسابه وطلع ووقف مستني الاسانسير وطلت موبيله وفتح الاكونت بتاعها وبص لصورتها بنظره اخيره قبل ما يعملها بلوك من كل الاكونتات بتاعتها علي السوشيال ميديا...
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانت قااعده ريناد ببنتها اللي عماله تعيط وليلي طلعت من المطبخ وهي ماسكه كوباية يانسون وقالت..
ليلي
امسكي شربيها دي..
ريناد بقلق
هترجع تاني يا ماما، استني بس تنام شويه ولما تصحي هشربها..
ليلي
اديكي روحتي بيها للدكتور واخدت جرعتين من العلاج ما خفتش ليه، شوية برد دكتور بياخد اد كده في الكشف مش عارف يكتبلها حاجه تخففها..
ريناد بدموع
ان شاء الله هتخف دلوقتي..
ليلي
انتي هتلفي بيها كمان نيميها وانتي قااعده علي حيلك
ريناد
مش راضيه تنام..
ليلي
لا هتنام بدل ما تتعود تنام وانتي شيلاها علي قلبك كده اقعدي وهزيها برجلك وهتنام..
_سمعت ريناد كلام ليلي وحاولت تنيم بنتها بس ما عرفتش، فأخدتها منها ليلي وقالت بحده..
ليلي
هاتي يا خيبة امك انا هنيمها، قومي افتحي شوفي مين بيخبط..
ابتسمت ريناد وقالت
تتحسدي يا ماما ما قولتيش يعني اللي عملك ام ظلمك..
ليلي
هقولها صبرك عليا بس..
_ضحكت ورااحت ريناد فتحت الباب واتحولت ملامحها للغضب والضيق اول ما شاافت سيف واقف قدامها..
ريناد
خير؟
سيف
جاي اخد بنتي المفروض اننا متفقين علي الموضوع ده..
ريناد
تاخدها عن طريق زيزو..
سيف
وانا مش محتاج وسطه من حد عشان اخد بنتي تقعد معايا كام يوم..
ريناد
هو ايه اللي تقعد معاك كام يوم دي، بنتي مش هتسيبني هتعرف انت تهتم بيها دلوقتي؟
سيف بخبث
شيرين هتعرف تهتم بيها ما تقلقيش..
ريناد
تيا عندها برد مش هينفع اسيبهالك النهارده، بس موضوع انها تقعد معاك كام يوم ده نبقي نشوفه بعدين...
سيف
وهي ازاي جالها برد وانتي كنتي فين، اااه نسيت انتي كنتي مشغوله بمقابلتك مع ابن يونس الصاوي..
ريناد بعصبيه
وانت مالك وياريت برضو ما تنسااش ان تيا في حضانتي وانت مالكش حق تاخدها مني..
_قالت كلامها وقفلت الباب في وسه ودخلت وهي متعصبه وكان حسن قاعد مع ليلي وقالها.
حسن
انا ما رضيتش اتدخل انتو بعد كده حاولو يكون التعامل بينكم كويس عشان تيا..
ريناد بدموع
يا بابا هو ما ينفعش ياخد تيا معاه تقعد يومين ولا حتي تباات ليله واحده..
حسن
طبعا البنت صغيره وما ينفعش تسيبك، وانا قولتله ياخدها الصبح تقضي معاه اليوم ويرجعها تاني ما فيش حاجه اسمها تباات...
ريناد
ايوه قوله كده مالوش دعوه ببنتي لا هو ولا مراااته..
ــــــــــ #بقلم_الكاتبه_رحاب_القاضي ــــــــ
_وعدت فترة الامتحامات وخلصت هنا ويارا وروان امتحاناتهم ويوسف كان هو الوحيد اللي اهمل دراسته وما حضرش غير امتحان واحد وساب الباقي زي كل سنه،وزين بدأ في مرحلة العلاج اللي قبل عمليته واتحجز في المستشفي ، وكمال رجع لبلدهم وكان قاااعد مع مامته ورضوي بنته قااعده جنبيه وبتبصله بخوف....
عليااء
بنتك بتخااف منك علي فكره..
بص كمال لبنته وقال
هتخاف. مني علي ايه هو انا عملتلها حاجه..
عليااء
لا من ناحية عملت فانت ما اتوصيتش، بس بدأت تاخد علينا هنا وبتحبنا صح يا رضوي؟
رضوي
ايوه صح بحبك يا تيته وبحب اسرار وعمو عبدالله وزيزو..
ضحك كمال وقال
دي وصلت لزيزو كمان..
علياء بغيظ
ده اللي لفت نظرك ما لفتش نظرك انها ما جابتش سيرتك معانا..
كمال
قولي وبابا يا رضوي لازم تحبي بابا عشان ما يزعلش منك..
رضوي بخوف
حااضر...
كمال بهدوء
هي فين أسرار؟
رضوي
قاعده علي التراس فووق انا هروح. اقعد معاها..
كمال
لا خليكي مع تيته وانا هروح. اتكلم معاها شويه بعد اذنك يا ماما..
علياء بقلق
هتتكلم معاها في ايه يا كمال...
كمال
الله.. مش هتجوزها ولازم اتفق معاها علي شوية حاجات كده خاصين، ما تقلقيش مش هاكلها يعني.
_وسابها عبدالله وطلع فووق وكانت أسرار قااعده علي الكنبه اللي هناك وماسكه روايه ورقيه وبتقرا فيها وهي مندمجه وما كانتش لابسه حجابها ولاول مره يشوف شعرها في حياته،وابتسم بأعجاب لانها كـ زوجه ليه عجبته وقعد جنبيها وقال بهدوء وهو بيبص لاسم الكتااب.
كمال
احببت وغداً ليه كده، ده اسم روايه ده؟..
_قامت بسرعه من جنبيه ورفعت حجابها علي شعرها وقالت بتوتر..
أسرار
انت جيت ميتا اهنا ومش تتنحنح اكده وانت جاي...
كمال
حاضر هبقي اتنحنح بعد كده، ممكن بقي تقعدي عشان نتكلم...
أسرار بهدوء
حاضر..
وقعدت قدامه وقال بجديه
انتي عارفه انا ليه عايز اتجوزك يا أسرار؟
أسرار
عارفه وانا وافقت وراضيه ابقالك زوجه تاخد بالها من بنتك وبس..
كمال
طيب حلو بس انتي وافقتي ليه، معجبه بيا و بتحبيني من زمان ومخبيه مثلاً..
بصتله من فوق لتحت بسخريه وقالت
انت اخر واحد ممكن تعجبني..
كمال
نعممم؟!..
أسرار بثبات
زي ما سمعت..
كمال بغيظ.
اممم اومال وافقتي بيا ليه؟
أسرار بهدوء
هو انا وافقت مبدئاً وكنت مستنيااك ترجع من مصر عشان اسألك سؤال واحد وعلي حسب ما ترد هشوف هوافق ولا هرفضك..
كمال ضحك بعدم تصديق وقال
وانا اللي كنت فاكرك غلبااانه، قولي ايه سؤالك؟
أسرار
هتقدر تحميني من خلف وولده؟
كمال بعدم. فهم
ازاي يعني؟
أسرار
يعني هتقدر تحميني منهم وما تخليش حد يقربلي منهم لا بزين ولا بوحش، وما تقوليش عبدالله عشان اا..
قاطع كمال كلامها وقال
اولا كده انتي هتبقي مراتي انا مش مرات عبدالله، واكيد. طبعاً هقدر احميكي منهم انتي مش واخده بالك انتي بتكلمي مين؟..
أسرار
لا واخده بالي، بتكلم مع كمال اللي ما يعرفش يمسك سلاااح اصلا..
كمال
وماله اتعلم. مانا هتجوز واحده عليها تار وبتقرا احببت وغداً، وبما ان ليكي في الروايات احب اقولك ان لو لزم الامر سأحتل بلدنا دي كلها عشان أسرار تمام كده..
_قالها علي سبيل الهزار وهي ابتسمت بهدوء وقامت بسرعه وقالت وهي بتهرب من قدااامه..
أسرار
انا هشوف مرت عمي تحت بعد اذنك..
_نزلت اسرار بسرعه من عنده وهو ابتسم. بهدوء ورااح اوضته...
ــــــــــ #بقلم_الكاتبه_رحاب_القاضي ــــــــ
_وقبل الوقت ده كان الوقت الصبح في القاهره وفي شقة روان وعبدالله كانت راجعه من بيت اهلها بعد ما كانت بايته عندهم وهي بتحاول تكلم عبدالله وهو مش بيرد عليها واول ما دخلت لقيت الدنيا ضلمه جداً، قفلت الباب وفتحت النور وكانت لسه هتنادي علي الشغاله بس اتفاجئت لما لقيت الشقه متزينه ببلونات علي شكل قلوب والسفره عليها اكل وشموع وعبدالله واقف قدامها. وقال بابتسامه هادئه..
عبدالله
ايه رئيك في المفاجأه دي بقي؟
روان بتوتر
اااه انا عارفه الغرض منها كويس المفاجأه. دي..
ضحك بهدوء وقرب منها وقال
كويس. برضو هتوفري عليا كتير...
_وطلع. من. جيبه علبه. صغيره فيها خاتم. المااظ شكله. غالي جداً ولبسه ليها. وباس ايدها. بهدوء. وقال...
عبدالله
اخدت. اجازه من. شغلي وهنسافر اسبوع اي بلد انتي عايزاها. ونعمل. شهر العسل اللي نفسك فيها...
ابتسمت روان وقالت.
بجد. يعني مش هترجع. في. كلامك. المره دي؟..
عبدالله
لا مش. هرجع. في كلامي مدام. سمعتي كلامي. وكنتي بترضيني وما عملتيش حاحه تزعلني انا كمان عينيا ليكي...
روان بصت. لاخاتم. بانبهار وقالت
ده غالي اووي يا عبدالله بكام ده؟..
عبدالله
ما يغلاااش عليكي ولسه هجيبلك احلي من كده بكتير كمان..
روان ابتسمت وقالت
لا انا بسألك بس عشاان لو فكرت ابيعه ما يضحكش عليا..
ضحك عبدالله بهدوء وقال
لا الهدايا بتاعتي تحتفظي بيها ما تتباعش..
وقرب منها اكتر وقال بهدوء
جاهزه بقي لاول ليله بينا..
بعدت عنه روان بسرعه وقالت
قولتلك يا عبدالله لما هبقي جاهزه هقولك..
عبدالله بهدوء
اللي هو امتي ده قولتي الاول طريقتك بتخوفني ومش عارف ايه، اهو ما فيش رومانسيه اكتر من كده واستنيت لحد ما تخلصي امتحاناتك وده حقي يا روان وانا مش عايز اغصب عليكي حاجه، بس ليه بتبعدي عني كده؟..
روان بتوتر
خلاص بس خليها لما نسافر معلش..
عبدالله بغيظ
هتفرق يعني..
روان
يعني هكون اخدت عليك..
عبدالله بحده
انتي عبيطه يا بت انتي هو انا لسه عارفك امبارح، انا جوزك بقالي اكتر من شهرين...
روان بقلق
ما تزعقش يا عبدالله وبعدين ما جاتش من يوم يعني..
رن موبيله في الوقت ده وقال
اقعدي عشان ناكل سوا انا من امبارح ما اكلتش حاجه، وانا ثانيه واحده اشوف سيف عايز ايه..واغسل ايدي وجاي..
_ودخل الحمام وهو بيتكلم في الفون، والباب خبط في اللحظه دي وقامت هي فتحت واتصدمت اول ما شافت امير قدامها وقال بخبث..
امير
صحابك قالولي انك قاعده هنا لوحدك ويا حراام جوزك مش معاكي، قولت اجيلك عشان نعرف نتكلم ما انا مش هسيبك بسهوله يا روان..
روان بصت وراها بخوف وقالتله
انت اتجننت ازاي تيجي هنا، وايه مش هتسيبني دي ما تحل عني بقي وامشي من هنا بسرعه..
امير
همشي بس بشرط تيجي ورايا هستناكي بعربيتي عشان نتكلم..
روان بخوف
ما فيش بينا حاجه نتكلم فيها اصلا..
امير
لا في لو ابوكي ما كانش جه وشافك وانتي عندي وكبر الموضوع كان زماني انا وانتي مع بعض دلوقتي يا روان..
_وقف في الوقت ده عبدالله ورا روان بعد ما سمع كلام امير واتحولت ملامحه للغضب والعصبيه وقال..
عبدالله
وكانت عندك بتعمل ايه بقي؟
بصله امير بخوف وروان بخوف اكبر وقالت
انا هقولك حاجه بس خليه يمشي ده كداااب اصلا...
_تفتكرو هيحصل ايه، وعبدالله رد فعله المره دي هيبقي ازاي؟
ــــــــــ #بقلم_الكاتبه_رحاب_القاضي ــــــــ
_وفي حارة الصاوي وفي شقة يونس الباب كان بيخبط وهو كان قااعد بيفطر، فقاام فتح الباب وابتسم بهدوء اول ما لقي شهد اللي بتخبط..
يونس
ده ايه المفاجأه الحلوه دي؟
شهد بجمود
اديني نفذتلك رغبتك وجيت لحد عندك ومستعده اترجاك عشان ترجع معايا..
سابها ودخل وقال
ادخلي يا شهد واقفلي الباب وراااكي خلينا نعرف نتكلم..
_سمعت كلامه ودخلت وقفلت الباب وقالتله بدموع وحزن..
شهد
انا فعلا من غيرك مش هقدر اخد. بالي من ولادي، يزن ويارا مش بيتكلمو معايا عشان فاكرين اني انا اللي مزعلاااك ويوسف حالته بقيت وحشه اووي ده ما بيقاااش يبات في البيت ومش عارفه اسيطر عليهم زيك..
حضنها يونس بهدوء وقال
اهدي يا حبيبتي وانا هحل كل حاجه ما تخافيش، المهم بس انك تبقي معايا..
_نزلت دموعها بحزن وكسره حقيقيه، ورجعت للاول تاني انها تجبر نفسها تتحمل وجوده معاها عشان تحافظ. علي بيتها وولادها...
_تفتكرو بقي هيحصل ايه؟
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت الاستاذ حسن كانت ريناد قااعده بتعيط وهي بتسرح في شعر بنتها وحسن قالها..
حسن
ما جاتش من. يوم هتباات فيه مع ابوها يا ريناد وهي مع ابوها مش حد غريب..
ريناد ببكاء
هو انتو مش عملتو اللي في دماغكم وهتخلوه يااخد مني بنتي..
ليلي
سيبك منها يا حسن وقوم يا حبيبي اجهز عشان تروح مشوارك اللي تبع الشغل ده، وانتي هاتي البت عماله تقطعي في شعرها ولا عارفه تسرحي ولا تنيلي..
_واخدت منها ليلي تيا وفضلت تسرحلها شعرها بهدوء، وقااام حسن يغير هدومه والباب خبط في الوقت ده وقامت فتحت ولقيت يزن واقف قدامها..
ابتسم بهدوء وقال
ده يا مساء الفل اوووي..
ريناد
مساء النور انت بتعمل ايه هنا؟
يزن
طيب قولي اتفضل الاول بدل ما انا واقف كده علي الباب، هو انتي كنتي بتعيطي اصل عيونك حمرا وكلها دموع..
ريناد بحزن
ااه كنت بعيط وما تسألنيش ليه لانك مش ام زيي فمش هتفهم..
يزن ابتسم وقال
ولا عمري هفهم عشان عمري ما هبقي ام ممكن ابقي اب..
_ضحكت ريناد بهدوء وفي الوقت ده جه سيف عشان ياخد بنته وشافها واقفه مع يزن وهي بتضحك واتعصب جدا وقال؟؟؟
_تفتكرو هيحصل ايه؟
"نلتقي البارت القادم👋👋👋👋👋👋👋👋"