رواية وود الفصل الخامس 5 بقلم اسماعيل موسي
#وود
٥
فى المدرسه البعيده، اتت وود بدرجات مذهله جعلت المدرسين يفخرون بها، كان عقلها سابق عمرها بكتير
لكن كريس والدتها كانت ملاحظه حاجه غريبه فيها
وود الشقيه اختفت وحلت مكانها وود تانيه متزنه ومؤدبه تستأذن قبل ما تعمل اى حاجه
كما أن وود واصلت غلق غرفتها على نفسها من وقت الحادثه بتاعت الليله الممطره
فى مره سألت كريس وود هى الطفله الى كانت بتلعب معاكى ظهرت مره تانيه
وكان رد وود غريب، ان الطفله بتيجى تلعب معاها دايما لكن والدتها مش بتاخد بالها منها
استغربت كريس كانت حاسه ان فيه حاجه غلط لكن مكنتش قادره توصل ليها.
وكانت وود بتكبر بطريقه غريبه واقوى من عمرها، في مره كانت كريس بتقطع الحطب وود بتنقل الخشب إلى البيت
تفاجأت كريس بالكميه إلى وود نقلتها، كميه كبيره جدا يكاد لا يحملها رجل بالغ
وكانت لا تشعر بالتعب وتساعد والدتها فى كل الأعمال إلى بتقوم بيها
وفى ليله بعد ما كريس نامت صحيت فى الليل بعد ما حست بقلق وخرجت تروح الحمام
وسمعت همس فى غرفة وود ولما قربت من باب الغرفه شافت النور مولع وفيه ظل طويل داخل الغرفه
فتحت كريس باب الاوضه بسرعه النور كان مطفى
وود نايمه على السرير لكن الشباك مفتاح ولما كريس قربت من الشباك خيل لها انها شافت ظل بيعدى السور
قفلت كريس الشباك وهى حاسه بالخوف
وود انتى صاحيه؟
لا يا ماما انا نايمه
انتى فتحت الشباك يا وود؟
لا ياماما مفتحتش الشباك
كريس بقلق امال ايه إلى حصل
بعد تلك الحادثه كريس اخدت ووود تنام فى معاها فى غرفتها
ومر اسبوع مفيش اى حاجه غريبه حصلت، لحد ما فى يوم صحيت كريس من النوم ملقتش وود جنبها
نهضت بفزع وخوف وهى بتنادى على وود
ولما خرجت إلى الرواق شافت اوضة وود مفتوحه وود نايمه على سريرها
دخلت كريس الاوضه، وود؟ انتى جيتى هنا ازاى؟
وود... مش عارفه يا ماما انا كنت نايمه جنبك ولسة فاتحه عنيه
شباك الغرفه كان مفتوح، كريس بصت على الحديقه ولمحت آثار أقدام على أرض الحديقه
آثار أقدام فكرتها بالليلة اياها
بزعر فكرت كريس معقول فيه حد بيدخل اوضة وود؟
وازاى وود قامت من جنبها ووصلت غرفتها لوحدها من غير ما تشعر؟
الليله دى كريس مقدرتش تنام وفضلت سهرانه تراقب البيت الحديقه لحد الصبح
لكن النوم غلبها قبل ما الشمس ما تطلع ولما صحيت مصدعه
قبل الضهر، وود مكنتش موجوده، باب البيت كان مفتوح
وفى الجنينه لما بصت لقيت وود بتلعب مع طفله شكلها غريب