رواية ضالتي الفصل السادس 6 بقلم حبيبه محمود
-عمي هطلع اظبط ركنة العربية واجي
شوية وجه على التربيزة راجح وأمه وقال لمامته: هي ديه نرمين بنت عم سيد وده عم سيد راجل محترم جدا وديه مراته
-اللهم بارك زي البدر زي ماقلت لي وأهلها وشهم بشوش ومحترمين
احمر وش نرمين وكملت مامته الكلام في داخلة محمد:خير البر عاجله والفرحة تبقى اتنين أنا طالبة إيد القمر ديه لراجح ابني
رد محمد بصدمة:ايه يا أم راجح الكلام ده هو في حد بيخطب واحدة مخطوبة بردك
شهقت بصدمة:مخطوبة ايه بس هي مش لسا مطلقة من شهرين ده حتى احنا نربط كلام لحد العدة
-لا أنا طلبت اديها من عمي وهنكتب الكتاب بعد العدة بإذن الله
مشت أم راجح ناحية تربيزتهم وهي بتبرطم وبتقول لإبنها: مش قلت لك أخد لك لي بنت من عندنا من البلد وبنت بنوت كمان مش مطلقة زي الي عايزها ديه حرجت نفسك وحرجتني وخلاص
رد هو بزعل:يا ماما يعني أنا إلي كنت عازب مأنا مطلق وكمان هي شفتي منها ايه وحش عشان تتكلمي وكأن هي مجرمة
مشت قدامه وهي مش عاجبها كلامه لكن هو كان زعلان لانه كان متعشم يلاقي فيها نصه التاني
ــــــــــــــــــــــــــــــــــــ
في القاعة
قال محمد لعمه: ممكن اتكلم مع نرمين ثواني
قرب عليه عمه وقاله: كلمها وفهمها انك شاريها ومتتغباش ولا تعلي صوتك
مشى عمه ومحمد قالها: قربي عشان تسمعيني
قربت منه وهي متوترة من قربه منها وقلبها شوية وهيطلع من مكانه وقالت بحيرة: أنت ليه قلت إنه كتب الكتاب بعد العدة وكأنه أنا وفقت
قالها بحب وصدق: عشان أنا عايزك ومش هدي فرصة لحد يخدك مني تاني
-ولو أنا مش عايزاك هتجبرني
-لا مش هجبرك يا بنت عمي ولكني حاسس انك ميالة ليا وإنك مقدرة حبي ليكي ومش هتكسري قلبي الي ياما حلم بس بحلاله منك واتعذب ببعدك وانكوى بقربك من غيره وأنا قلت قدامها كدا عشان نقفل الموضوع لكن أنا عن وعدي خدي راحتك وفكري لكن متطوليش قلبي مش مستحمل بعد تاني
هزت دماغها ومشت بسرعة راحت ناحية مامتها وبين لحظة والتانية تبص عليه وتلاقيه بيبصلها هي وهي في الوقت ده كانت بتتطمن أحسن يكون بيبص لبنت تانية وافتكرت عمار في موقف مشابه
في فرح صاحبتها
-عمار ركز معايا
بصلها وقالها: ها بتقولي ايه
-بقولك ايه بس انت مش معايا خالص ايه واخد عقلك
رد وهو بيبص تاني: واخد عقلي الجمال كله
بصت ناحيه مابيبص لقت البنات بيرقصه على جمب في القاعة وبيصوروا فيديو وهو مركز معاهم
ردت عليه بنرفزة: احترمني حتى يا اخي أنا ماشية
وجاية تمشي مسك أيدها راحت زقت أيده وقالتله:سبني في حالي
-انتي فهمتي ايه أنا كنت ببص ناحية صحبي الي جاي في ايه
بصت تاني لقت فعلا زميلهم جاي فاعتذرت زي السازجة عن سوء ظنها
عودة
-نرمين يلا أنا سلمت على راضي ومحمد بيجيب العربية من الجراش وهتتمشوا شوية عشان تتكلموا مع بعض وتفهموا بعض اكتر انتوا في حكم المخطوبين وأنا ومامتك هناخد تاكسي
-بس يا بابا
-مبسش هتروحي معاه
طلعوا ومحمد كان جاب العربية نزل فتح لها الباب وقعدت هي جمب كرسيه ووقف لعمه ومراته تاكسي ورجع لها تاني وطلع بالعربية على محطة الرمل واول ما وصلوا فتح الباب وقالها: يلا وصلنا
نزلت وراحة جهة البحر وطلعوا قعدوا على الصخر وعطوا ضهرهم للطريق وبدأ هو في الكلام وقالها: اتكلمي قولي الي حاسه بيه
بصلته بقلة حيلة وقالت: محتارة مش عايزة ارمي نفسي في النار تاني مكنش عندي استعداد اتجوز تاني بعد الي حصل كنت واعدة نفسي مش هدخل راجل حياتي بس أنت جيت فجأتني بمشاعرك عمري ماشفت منك حاجة وحشة وبتهتم بيا من صغرنا وحنين بس بردك في حتة جوايا خايفة
رد عليها بحنية: اديني فرصة انتي العدة فاضل عليها حوالي شهر هنلبس الدبل وكتب كتاب بعدها ومن انهارده هكلم عمي ونعتبر مخطوبين عشان تفهميني ثقي بس فيا
-واثقة فيك بس في حتة جوايا خايفة
رد بحنية:سبيلي أنا خوفك وظيفتي امحيه ومسبرك تعرفي إنه عمر ما حد حبك غيري
سابها وراح يجيب لهم آيس كريم وأول ما رجع لقاها مش موجوده بص الناحية التانية لقى راجل شكله مجرم بيحاول يشدها جرى وشدها منها وفضل يضرب الراجل راح الراجل مطلع مطوة من جيبه وغزها في جمبه وجرى جت نرمين عليه بسرعة وهي بتعيط: محمد بالله عليك خليك واعي بص ..
بتعب قالها: أنا بخير اهدي متعود على كدا بصي سنديني بس للعربية وانتي سوقي نروح أي مستشفى
عملت زي ما قال و سندته لحد العربية وساقت لحد مأخدته على المستشفى والحمد لله أنه فضل واعي وراهم الكارنيه بتاعه لانه محدش كان هيرضى يدخلها في العادي فضلت هي قدام الاوضى الي دخلوه فيها الدكاترة تعيط وخائفة عليه وقتها حست انها فعلا بدأت تتعلق بيه حبيب مش أخ شافت فيه حمايتها وسندها أول ما الدكتور طلع جريت عليه وقالت بلهفة: أي يا دكتور محمد عمل ايه
-متخافيش يا مدام الجرح سطحي وخيطناه هو بس السلاح الي تم بيه الجرح كان ملوث فهو حاليا لسا مفقش لما يفوق هيبقى فيه سخونية وهلوثه وأنا بعت الممرض يجيب له الأدوية عشان يديهاله لما يفوق
مشى الدكتور وهي دخلت تشوفه بتتأمل ملامحه التعبانه والعرق الي على جبينه لقته بيهمس: نرمين متسبنيش بالله عليكي مش انتي كمان هتروحي مني كفايا أبويا وأمي نرمين محدش هيحبك قدي
قال كدا بنهجان ورجع تاني سكت وهي شافت حرارته لقته سخت راحت اشوف الممرض كان جاي هو في نفس الوقت بسرعة بالدواء دخل يديله الدوا وقالها: متخافيش هيفوق
بعد شوية لقت باباها بيتصل بيها فتحت قالها بعصبيه: انتوا مش بتردوا ليه انا بتصل على محمد من الصبح محدش بيرد وانتي كمان خفت عليكم مش تردوا
قاطعته بعياط وهي بتحكي الي حصل قالها بفزع : جاي حاليا متخافيش
بعد نص ساعة جه ابوها وحضنها وراح يطمن على محمد وعرف من الدكتور أنه شويه وهيفوق وهو حالته كويسة
ــــــــــــــــــــــــــــــــــــفي الصباح
كلهم انتبهوا على وجع محمد وهو بيتعدل، جرت عليه نرمين تعدله بلهفه هو بصلها وقالها : هو الي شايفه ده حقيقي خايفة عليا بجد
قالتله برقه: مش ابن عمي ازاي مخفش عليك يعني
- ابن عمك بس يا نرمين
ردت عليه بخجل: ابن عمي وكمان شهر هتبقى جوزي
-يعني بجد خلاص وفقتي
ردت عليه امها: اسكت بقي يا واد متحرجهاش بص وشها عمل ازاي ضحك عليها بحب وقال:كنت فاكر اني هموت قبل ما اشوفها كدا
ردت عليه بلهفة: بعد الشر
راح كلهم ضحكوا عليها وهي طلعت تجري
ـــــــــــــــــــــــــــــــــــ
بعد اسبوعين
اتعافى محمد نسبيا وهما فضلوا حبسينه في البيت لحد ما اتعافى مكنش بيخرج والي بيزوروا بيجي له في بيت عمه واول ما خرج راح للقسم
-صباح الخير يا باشا
-صباح الخير يا علي جبتلي تسجيلات الكاميرات بتاعت المكان الي انصبت فيه
-ايوه يا فندم وجبنا كمان المتهم الي اتهجم على حضرتك لانه سوابق وليه سجل عندنا مليان بلاوي قضايا سر.قة وإعتدا.ء وتجارة مخد.رات
-جه في ملعبي أنا هخليه ملبد فيها، هاته حالا
جابه علي من قفاه ورماه على الأرض، وراح مهبد محمد على المكتب وهو بيبص في الملف وقاله: وإلي رماك عليا معرفكش بتلعب مع مين يا نصر
-يابيه هو مكنتش تعرف إنه إنت يعني الي ميعرفك يجهلك
-هتقول مين وزك عليا ولا المؤبد يلزق في جتتك
رد نصر برهبة: لا يا بيه هقولك هي واحدة ست جاتلي وقالت اني اخطف مرات ابنها لأنها ماشية على حل شعرها
رد محمد بهمجية: حل شعرها يا ولاد ...... بقى بتقول كدا ده انت وهي مش هتطلعوا منها يا .....
-ليه يا بيه هو انت موعدتنيش بكدا
- ده لسا هتشوفوا يا .....
- على دخله على الحجز الانفرادي و خد البوكس و روح جبلي الست ديه من بيتها
- حاضر يا فندم
راح علي جابها وهي كأنها الدم راح من وشها ركبها البوكس ولما وصلوا للقسم رمها على الأرض فراسها خرت دم وقالها: ولسا ياما هتشوفي هيبقى انتي وابنك معششين فيها يا ....
وراح علي دخلها الحجز والستات اتلموا عليها بأمر من علي وقالولها: مش كبيرة يا حجة على الحبسة، وراحوا هج.موا عليها وهروها ضرب
ـــــــــــــــــــــــــــــــــــ
في صباحية نهاية عدة نرمين
كان محمد الفرحة مش سيعاه وبيطنطط ويرقص ويعزم ده ويهزر مع ده واتصل أكد المعاد على المؤذون وبعدها اتصل بنرمين وهو في الي ردت على طول فقالها: عاملة ايه يامراتي يا قرة عيني إنتي
ضحكت وقالت: الحمد لله صوتك فرحان
-امل مفرحش ده أنا الفرحة مش سيعاني ده حلم سنين ايش دراكي انتي، بصي شوية وهبعتلك الفستان زي ما قلتلك ومتحطيش نقطة مكياج ها على الساعة ٣ هاجي اخدك
- حاضر من عيوني
قفلت المكالمة وحضنت الفون وهي مبسوطة وشوية ولقت الباب بيخبط لبست الاسدال وفتحت لقت بوكس كبير وعليه مرسال اخدتهم ودخلت جري على اوضتها تشوفهم واول ما دخلت قعدت على السرير وفتحت المرسال وبدأت تقرأه: حبيت أجبهولك بنفسي مش مع حد وفي نفس الوقت مقدرتش اشوفك لأني لو شفتك مش هقدر ابعد عيوني عنك وأنا مش عايز اغضب ربنا فيكي فمتتأخريش عليا وتلاتة بالظبط خلصى وأنا عارف أنه فضولك خلاص بس شوية وتعرفي مكان كتب الكتاب ومتقلقيش هتحبيه خالص
مسكت الورقة وبستها وبدأت تفتح البوكس لقت فستان فضفاض جميل عليه تطريز رقيق وطرحة هاند ميد طويله بتطريز يخبل جميهم هيلز بكعب وشراب بيج تقيل وهيربيس تجنن افتكرت أنها كانت قبل كدا اخدة بوست للوك شبه ده شير على الاكونت بتعها وانبسطت جدا على تحقيق حلمها وأنه مهتم بتفاصيلها وقد إيه حنين
دخلت تلبس وهي بتدندن وخلصت وقعدت تلف بالفستان وامها واقفة قدامها مبسوطة لفرحتها وراحت حضناها وقعدتها على الكرسي وحطت وبدأت تظبطلها الطرحة وتعدل لها الهيربيس وباست جبهتها وقالت في دخول سيد: بنت قلبي وحبيبة روحي وبنت سندى وقوتي حبيبة أيامي وفرحتي الوحيدة عارفة أنا دلوقتي مطمنة ومبسوطة إنك لقيتي إلي يقدرك بجد وراح سيد حضن صباح ونرمين وكملت صباح وهيشيلك في حبابي عنيه زي مأبوكي طول عمره شايلني في عينه
قامت هي وراحت حاضنة باباها جامد رد عليها بحب: يلا عشان اسلمك لإبني لأول مرة هبقى مطمن عليكي بجد يا نور عيني هو سندك أنا واثق بس مهما يحصل أنا موجود وسندك وهفضل في ضهرك ويلا بقى عشان أنا مش متحمل دموع امك العيوطة ديه ولا زن محمد الي قرفني ده يلا
قبل ما ينزلوا لمحمد باباها نزل لها الطرحة وقالها: مترفعيهاش قداموا غير بعد كتب الكتاب
نزلوا وكان محمد مستنيهم حمد ربنا أنه هي مغطية وشها ده وهي كدا خاطفة قلبه فتح لهم باب العربية من ورا واستنى لما دخلوا راح ساق وقلبه عمال يدق جامد لحد ما وصلوا لكازينوا الشاطبي كان هو مأجروا اليوم ده وجهزوا للفرح طربيزة كتب الكتاب وكرسي للعروسين من فوقيه طارة كبيرة مكتوب عليها بخط عربي ﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾
دخلت وقعدت على كرسي كتب الكتاب جنب باباها وفي النص المؤذون وفي الوش محمد وبيردووا ورا المؤذون بكل حب وعظمة الموقف والرباط الغليظ وهي قلبها بيدق جامد وفرحانة جدا فرحة عمرها ما فرحتها لحد ما قال: المؤذون بارك الله لكما وبارك عليكما وجمع بينكما في خير
أول ما خلص المؤذون الجملة ديه قال محمد بفرحة: معلش يا جماعة استأذن أنا عشان أسلم على مراتي
أخدها بعيد عنهم ورفع الطرح فضل باصص لها بحب وشوق وراح ضمها لقلبه وفضل ضامها وبيطبطب على ضهرها وبيزيد من ضمته ليها وراح لف بيها وقعد يضحك وهي تضحك معاه ونزلها باس جبينها وسند جبينه على جبينها: حبيبة عيني عارفة قعدت قد إيه عشان بس نظرة لعينك في الحلال وحصن يطيب خاطري قعدت سنين وليالي وبكيت ليالي وسهرت كتير ادعي بس تكوني حلالي وابص لعيونك براحتي إنتي سعادة أيامي وقلبي وفرحة عمري أنا بعشقك يا حبيبة عيني
ضمته ليها جامد وقالتله: أنت فرحة عمري وسندي وعوضي الجميلة عن أي ضلال عشته وسعادة سنيني بعد خيبة أيامي أنا بحبك يا محمد
أخدها ولف بيها وبيتمايل معاها بيعد عن عيون الناس على نغمات الهوى
"وبين هواك والهواء أضيع وفي الحالتين وقعت"
#ضالتي
#حَبُّوْب
