رواية غلطة في الحلال الفصل الثاني 2 بقلم مني ميشيل
تكلم بابا وهو بيبص على ادهم_ادهم تقدم ل نور
في لحظة الكل بدأ يزقف بفرحة وانا معاهم أصل الكل شاهد على قصة حبهم .. مش عارفة امتى ولا ازاي بس بيقولو انها قصة اسطورية !! بصيت لأدهم .. فرحان و ده ظاهر من عينيه اللي طالما عشقتهم !!
بصيت لنور اختي لاقيتها بتبص عليا بٱنتصار وسخرية .. فهمت الموضوع كويس غمزتها وانا بقول بمزاح ظاهري
_واخيرا هنفرح بيكم يانور
الظاهر انها اتصدمت من رد فعلي ماهو انا مش سنين وانا ببني شخصيتي هتيجي اختي في لحظة تكسرها انا نورا ومش اي حد !
ووسط فرحة العيلة تلفوني رن الكل انتبه بس طنشوا الموضوع
خرجت من المجمع و رديت
_الو مين معايا
_حضرتك نورا إسلام
_ ممكن اعرف مين اللي بيكلمني
_حضرتك احنا من الشركة و بنبلغك انه هيتم نقلك لفرع لندن
_ تمام
_ حضرتك هتيجي للشركة عشان الإجراءات
_تمام نص ساعة هكون فالشركة
قفلت وانا فرحانة جدا فرصة ذهبية اضغط على نفسي عشان انسى .. دخلت الصالة بسرعة الكل انتبه ليا وعلامات الاستفهام ظاهرة في ملامحهم
_وبالمناسبة السعيدة دي انا هنتقل لفرع لندن
الكل فرح بس مش زي خبر خطوبة أدهم و نور جدو حضني والكل باركلي
_بس انتي مش هتمشي
بصيتله بقوة_لا انا همشي فرصة مابتتعوضش مش هقعد هنا
_وخطوبتي انا ونور اللي بعد شهر
_انت قلت اهو شهر بينما اروح وارجع
_بس
قاطعتنا نور بعصبية حاولت تخفيها_مبسش يا ادهم تعمل اللي هي عايزاه نورا محدش بيوقفها عن اللي عايزاه
بصيتلها بآلم_بس في ناس قدرت للأسف ..
#غلطة_في_الحلال
Part2
