رواية عشق من عائلة ممنوعة الفصل الخامس 5 والاخير بقلم جيجي

 رواية عشق من عائلة ممنوعة الفصل الخامس 5 والاخير بقلم جيجي

#الاخير

عند زينب كانت أدت كوبايه الشاي لطه 

وقالت..... الشاي طه مسكه الكوبايه حطها على بقه بس زينب حدفت  الكوبايه منه وكبتها على الأرض  

طه وقف وقال.... ايه ده هتسلقيني

 زينب قالت..... معلش حطيت فيها سكر كتير هروح اعملك واحده من غير سكر واجى بس سمعو صوت كامل وهو بيزعق وينادي على طه وجه داخل بس اتنهد بارتياح لما شف طه  واقف قدامه وشاف كوبايه الشاي مرميه على الارض

قال....طه  انت كويس 

طه قال.....اه كويس يا ابوي في ايه كامل حضنه

 وقال ....الحمد لله يا ولدي روح شوف اخوك عشان تنزلو سوا 

طه قال.....ماشى  بس في حاجه يعني 

كامل قال.....لا ما فيش بس انا عايز زينب في كلمتين  

طه قال....اه انت اما كنت  بتنادي كنت بتنادى على زينب وبص لزينب وقال......ابسطي هيسموكي على اسمي ولا يا طه اوعى تتاخرت وراح عند طاهر وكامل قفل الباب 

وقال..... كوبايه الشاى دي مرميه على الارض ليه اللي كان فيها السم  مش كده زينب قعدت على الارض بانهيار  وبقت تبكي 

وقالت....ايوه هي هي بس انا ما قدرتش اعمل كده انا انا مش هقدر اعمل كده انا مليش زمب في اللي حصل عمي قالى كتير ان انت اللي قتلت ابوي كمان طارق ابنك جيه وقتل حسان انتو اللي دمرتوالي حياتي انتم كلكم من وانا صغيره اتربيت على كره عيلتكم كلها كان المفروض اخد طار جوزي دلوقتي بس انا ما قدرتش اصلا هاخده من مين اللي قتل جوزي والمفروض اخد طارى منه مات طه ملهوش دعوه  ولا انا كمان والنبي يا عمي ما تقولوش ان انا كنت هعمل كده انا مش عايزاه يزعل منى انا هقوله 

كامل قال.....لا انتى تقوليله ولا انا هقوله مدام انتى مش هتعملي كده تانى تعرفي يا زينب كنت هزعل قوي لو عرفت انك حطيتيهولو يلا وقوامها من على الأرض 

وقال ....يلا روحي هاتي بناتك ضيعتى وقت  كتير في البلاوي دي يا زينب ما تضيعيش الا فاضلك 

زينه مسحت دموعها وراحت عند ريحانه

 وقالت .....طه هنا 

طه قال.....اه تعالي بناكل من الكحك تعالي كلي معانا 

طاهر قال.....لا يا اخويا اقعد كل  انت انا هاخد ريحانه وهنمشي يا دوبنا نلحق اليوم من أوله اساسا مش هيكفينا 

طه قال......طب بقولك ايه ما تيجي نحجز فى الفندق لو اليوم ما كفكش

طاهر قال......اه وابوك يقول سايبين البيت ورايحين تقعدوا في فندق وصرف فلوس ويهزقنا هو حلو  اليوم هنطلع نتفسح ونيجي

طه قال..... خلاص تمام يلا يا زينب ولا ايه 

زينه قالت. ....اه يلا هنروح نجيب البنات وراحو على بيت  صادق طاهر وطه استنوا في العربيه وزينب وريحانه نزلوا صادق اول ما شاف زينب لابسه الوان

 قال بفرحه ...... بنتي ريحانه راحت عنده 

وقالت....ابوى  وحشتني وحشتني قوى 

زينه قالت....ريحانه خدي الهدوم دي لبسيها للبنات على بال ما اكلم عمي صادق بصلها باستغراب وريحانه  دخلت جوه وزينب قفلت الباب عليها من بره 

وقالت... انت ليه قولتلى ان كامل قتل ابويا  ليه مقولتش الحقيقه ليه قولتلي ان حسان  مات وهو بيحاول ياخد طار ابويه وبيحاول يرجعلي حقي كنت عايزني اصدقك واروح اقتل واحد ما لوش اي ذنب في اي حاجه وانا كيف  الغبيه كنت هسمع كلامك وكنت هعمل كده تقدر تقولي ليه ما خليتش ريحانه تقتل طاهر عشان ما تعيشهاش اللي انا عشته صوح لانه ما همكش اللي انا عشته انا اولع بجاز عادي بس انت مثلت  كتير انك بتحبني بس انت طلعت مش بتحبني لو كنت بتحبني ما كنتش تعذبني كده ما كنتش بعد ما شوفتنى فى  العذاب اللي شفته بعد موت حسان وتخليني اعيشه تاني عايز ترجع تعيدو وتخليني اعيش اللي عيشته مره تانيه شوفي يا عمي انا علشان ربنا بس وابوى وحسان  الله يرحمه انت لسه عمي بس انا هاخد بناتي وهروح اعيش اعيش يا عمي كفايه قوي اللى ضاع من عمري انت عايز تقتل واحد ملوش زمب طه ما لوش اى دخل باللعبه دى 

صادق قال.....يعني انتى رجعتى في كلامك صدقتيهم

زينه قالت....انا ما صدقتهمش كان نفسي مصدقهمش نفسي اصدقك انت يا عمى  ما كنتش هتجرح قد ما تجرحت دلوك لما عرفت ان انت بتعمل فيا كده ولو ان كلمه عمي دى مش نافعه بس ماشي شوف يا عمي انا همشي  لان لسه في عمري قدامي عايزه اعيشه عايزه اعيش لبناتى 

انت  روحت قولت لكامل ان انا حطيت السم لابنه كان فى  الوقت ده يا اما كان هيقتلني يا اما كان هيحبسني بس انا ما فرقتش معاك كل اللي فرق معاك انك تشفى غلك  من كامل وتقوله ان انت خدت حقك وانا حجر لعبه الضمنه اللي بتلعبوا بيه وتحركه كيف ما انت عايز خلاص انا مش هعملك حاجه  تاني وملكش دعوه ب طه لانه بقى جوزى وانا مش هسكت على أذيته  سلام يا عمي كل سنه وانت طيب واخدت بناتها ومشيت ريحانه كمان طلعت وراها 

وقالت.... يا بنت مش هتقوليلى كنتى  عايزه ابويا في ايه وشه كان عليه غضب ربنا كله مالك قولتيلو ايه ما تنطقي زينب ركبت البنات فى  العربيه

 وقالت ....بقولك ايه اقعدي ساكته

ريحانه قالت...كيف يعني اقعد  ساكته انا بسالك 

زينه قالت....وانا رديت 

طاهر قال....استهدو بالله يا جماعه في ايه هتتخانقو فى الشارع ولا ايه 

ريحانه قالت......احنا ما بنتخانقش هنتخانق ليه هى زينب بس  مزاجيه كده سعات بتزعق  مع نفسها وركبت جمبه طاهر وزينب ركبت جنب طه 

وقالت ....قولو لعمكم  طه شكرا يا بنات هو اللي جابلكم الهدوم الحلوه دي دي ملك ودي ليلى يا طه 

طه قال....بسم الله ما شاء الله قمرات كل سنه وانتو طيبين يا حلوين ايه  بتبصولى كده ليه مش هتقولوا لي وانت طيب  

قالو .....كل سنه وانت طيب 

طه طلع فلوس وقال.....دى العيديه بتاعتكم 

قالو....شكرا يا عمى بعد شويه كانو وصلو وجهتهم 

وطاهر ورايحانه كانو راكبين فى مركب في النيل

 وطاهر قال..... ركبتك مركب  في البحر اهه كيف ما ا قلتلك

ريحانه قالت.....ايوه يا طاهر انا مبسوطه قوي انا اول مره اركب البتاع ده

طاهر قال.....اول مره بس مش اخر مره انا عايز دايما اول مره لكل حاجه تبقى معايا عشان دايما اول مره بيبقالها طعم تاني 

ريحانه قالت....بقولك ايه ما تاجى تقف ورايا كده وانا افرد يدى واحطهم فى يدك ونتصور كيف تيتنك 

طاهر قال....طيب ليه بس الفال  الوحش ده ما السفينه غرقت  بيهم في الاخر وماتوا ايه اللي بيعجبكم بالتصويره دي 

ريحانه قالت.....ليه فويل بس يا طاهر دي رومانسيه اصلها الرومانسيه كده تقف معايا يدى فى يدك فى نص البحر وما ابقاش خايفه من حاجه وانت معايا  ونتصور ونركب ده ونمشى بيه فى البحر حلوه يعني يلا والنبي يا طاهر 

طاهر قال....طيب طيب خلاص هصورك على المركب زى ما انتى عايزه بس خلي بالك لو المركب غرقت بينا  عشان فولت عليا لأسيبك هنه فى نص البحر واطلع انا لحالى 

ريحانه قالت...لا رومانسيه دى اطلع  قدامي يا طاهر انت عايزه تبوظلي اللحظه بس انا مش هبوظها وهعيشها وانبسط  بيها كمان شوف  فرحانه برضك 

بقلم جيجى 

طاهر قال.....يا بت وهو انا قولتلك ما تفرحيش انا قولتلك على اللي هيحصل ده

ريحانه قالت....ما تقولش حاجه واقعد ساكت كده تفول  عليا يا طاهر تقوللي السفينه هتغرق بينا وما اعرفش ايه 

طاهر قال.....مش انا اللى بقول دول هما الناس اللى بيقولوا كده 

ريحانه قالت...ايوه بس في ناس تانيه بعديهم اتصورو على السفينه والسفينه ما غيرقتش ولا حاجه 

طاهر قال.....خلاص مدام  في ناس تانيه اتصورت والسفينه ما غرقيتش  هصورك يلا وقفوا على السفينه وتصوروا ريحانه بصت لطاهر

 وقالت.... تصدق ان ده احلى عيد يعدي عليا في حياتي 

طاهر قال.....اه اصدق عشان انا كمان حاسس كده برضك  تعرفي دلوقتي بس صدقت  الاستاذ كاظم الساهر لما قال انت معايا الليله العيد بعيدين  كنت دايما فاكرها كلام على ورق بس طلعت احساس 

ريحانه قالت....الكلام اللي بيتاخد على الورق ده يا طاهر بيبقى طالع من القلب مش بس كلام على الورق بس بيبقى احساس بيتعاش في ناس بتعيشه تعرف الحياه عامله كيف عامله كيف المركب ده تمشي كده في البحر محدش عارف ينزل منها متى ما حدش عارف هيقابل فيها مين فيه اللي بيقابل الناس وبيبقى مبسوط بمعرفتهم وفى اللي بيقابل ناس ويبقى ندمان على الدقيقه اللي ضيعها معاهم واهي ماشيه تركب ناس بتنزل ناس بتيجي ناس بتروح انا بقى مركبي قابلت فيها احلى حاجه في حياتي يوم ما قابلتك كان احلى يوم في الحياه ويوم ما اتجوزتك كان احلى يوم في التاريخ تعرف ان احنا لو كنا في العصر القديم انا كنت نحت اسمك على حيطان  المعابد عشان الاجيال اللي بعدينا يعرفوا  ان كان في اتنين عشاق عشقو واعلمهم من العشق اللى  احنا عشقنا

وان عشقنا اتحدى  كل اللي احنا عديناه وانك وقفت جمبى  رغم ظروفنا رغم الالم اللي كان جوانا عشان  الحب ما يعرفش يفرق بين حبيبو وبين ناسو  كل اللي بيبقى في بالك انك ما تفارقش اللي بتعشقه تفضل ماسك بيه لاخر نفس انا هفضل ماسكه فيك لاخر نفس فيا. ولأخر دقه فى  قلبي 

طاهر قال....ما هما بردك  كانوا بيقولوا كلام رومانسي زيك كده قبل ما السفينه تغرق بيهم 

ريحانه قالت.....انت فكرتيني بالموضوع ده تانى 

طاهر قال....اه خلينا ننزل من السفينه دي ونكمل الكلام واي شجره من اللي في الجنينه دول

ريحانه قالت....يا لهوي اعمل فيك ايه اعمل فيك ايه يا عديم  الرومانسيه قاعده وبقولك كلام حلو وانت تقولى ورى الشجره 

طاهر قال.....ومالها الشجره يا بنت مش احسن من الفرهده  دي

ريحانه قالت...ليه مش ان احنا نأجر مركب  وتركبني فيها دى كانت فكرتك 

طاهر قال....اه بس انتى فكرتيني بالغرق وانا لسه عايز اعيش معاكى وبعدين انتى فاكره انها وحشه طب ده يا ما ناس اتقفشو ورى  الشجره دى الكلام وراها ليه منحدرات  كتيره 

ريحانه قالت.....اسمع مش هنزل معاك عند الشجره و اسكت انزل من.  السفينه او كنت عايز ننزل بس مش هروح عند الشجره انا بقولك ايه طب تيجي نركب المرجيحه اللي هناك ديه 

طاهر قال...ايه مرجيحة ايه يا بنت اللي عايزه نركبها انتى اتجننتي

ريحانه قالت...ليه يا طاهر ما فيها اتنين سوا اهم راجل ومراته من جواها وقعدين جنب بعض وحلوه 

طاهر قال...وانتى باصه عليهم ليه اساسا وبعدين انتى اى اتنين عاملين حاجه نروح نعمل زيهم طب ما في اتنين ورا الشجره هناك منروحش زيهم ليه 

 ريحانه قالت....يلا بقى والنبي يا طاهر هو مره في السنه 

طاهر قال....لا مرتين لسه في عيد  الضحيه

ريحانه قالت.....ما تهزرش عاد اهى كلها الناس ركباها خلينا نركبها 

طاهر قال....لا مش هينفع والله مش هينفع لو حد شافنى هيبقى منظرى زباله 

ريحانه قالت....طب خلاص خلي بالك من منظرك قدام الناس وطنش مراتك حبيبتك اللى كانت هتموت عشان  عايزه تبقى معاك طب حتى عشان الكلمتين الحلوين 

اللى مش هعرف اعيدهم تانى 

 طاهر قال.....ليه بقى ان شاء الله مش هو طالع من قلبك 

ريحانه قالت....ايوه ما هو عشان طالع من قلبي مش هيطلع تاني خلاص طلع مره خلاص يلا بقى  والنبي عشان خاطري يا طاهر يلا بينا 

طاهر قال....طيب طيب خلاص بطلي هتركبي بس اوعى تصرخي كيف النساوين اللى فوق دول 

ريحانه قالت....طب دول بيصرخو عشان خايفين انا بقى كيف اخاف وانت جنبي ده انت الامان كله 

طاهر قال....ماشي يا اختي ثبتيني بالكلمتين وتسحليني معاكي في الحاجات اللي انتى عايزاها 

عند طه كان ركب البنات المرجيحه وكان قاعد هو وزينب على الترابيزه 

وقال....مش هتقوليلى ليه كبيتى كوباية الشاى في الصبح 

زينه قالت....انا قولتلك حطيت سكر كتير  كنت عايزه اغيرهولك 

طه قال....طب ورجعتى في كلامك بعد ما حطيتى السكر صعبت عليكى لقيتينى صغير على الموت ولا ما قدرتيش تبقي قاتله يا زينب ده حاجه صاعبه قوى ومش اى حد يقدر يعملها  مش انتى حطتيلى فيه من الكيس اللي كان فيه السم اللي جبتيه من عند صادق 

زينه بصتله بصدمه وقالت....انت مين قالك انو كان معايا 

طه قال.....شوفته في الدولاب كان وسط خلقك بس انا بقى كنت عايز اشوفك صح هتقدرى تحطيلي منه ولا لا 

زينه قالت......انت مسكت الشاي وكنت هشرب وانت عارف ان فيه 

طه قال....ايوه كنت هشربه  وانا عارف ان في السم لاني متاكد انك مش هتعمليها وانك لو اديتيني الشاي يبقى محطتيهوش فيه وظنى فيكى ما خيبش يا زينب انتى مش زيه انتى قلبك طيب انتى اتظلمتى كتير يا زينب واكيد مش هتظلمي كيف ما اتظلمتي لان جرح الناس مش هيشفى  جرحك 

زينه قالت....انا مش قادره احبك مش عارفه مش قادره انسى مش هينفع تقرب منى

طه قال......انا معاكي هنعدي كل حاجه ومسك ايدها وقال....يدى فى يدك ومش هسيبك   هفضل معاكي لحد ما اموت مش هسيبك واصل واحنا سوانا اي حاجه هتعدى وانا جنبك مش عايزك تحبيني النهارده ولا تحبيني بكره انا كنت بنكشك بس لما قولتلك اني بعد العيد  هتجوز رضوى لو متقبلتينيش انا مش هتجوز غيرك انا هفضل معاكي لحد ما تحبيني  براحتك خالص  انا مش مستعجل ولو ان  انا شايف انك بدتي يعني 

زينه قالت....بديت ايه 

طه قال....بديتى تحبني 

زينه قالت.....احبك مره واحده كده 

طه قال...يعني انتى اتقبلتيني وبدل اتقبلتني يبقى في امل انك تحبيني 

زينه قالت....طب ما تحطش امل في الموضوع عشان امل بتزعل 

طه قال....لا واحنا ما نقدرش على زعل امل بقولك ايه ما تاجى معايا عشان نركب المرجيحه اللي هناك دي 

زينه قالت....مرجيحة ايه بس هو انا عيله انا عيالي راكبين مرجيه

 طه قال.....وفيها ايه يعني هو انتى كبرتي قاعده قمر والله 

زينه قالت....شكرا

طه قال..... لا شكرا ايه هو انا بجامل  انا بتكلم جد تعالي والله جد هركبك  المرجيحه دي 

زينه قالت....مش هينفع اركب والله 

طه قال.... ليه مش هينفع تعالي بس تعالي

زينه قالت... يا طه انا بخاف من المرتفعات والله الله يخليك انا ممكن ارقع بالصوت فوق والله

طه قال...عادى عادى كل البنات بترقع هي جات عليكى يعني تعالي

زينه قالت.... انا بخاف انا عمري ما ركبت البتاعه دي والله طه ربطلها  الحزام 

وقال ....ما ركبتهاش ويا حسان 

زينه قالت....لا ما ركبتهاش لا معا حسان ولا حتى مع حد تاني ما انا انا بخاف والنبي والنبي ما تلفها 

طه قال....يا بت  اهدي بقى بس اول ما اتحركت مسكت فيه بخوف 

وقالت.... ايه ده نزلني نزلني نزلني والله هرقع بالصوت 

طه قال...اهدى بقى واستمتعى شوفى حلوه ازاي شوفي افردى اديكى كده وخدي الهوا شوفي ازاي حلو

زينه قالت...لا وحشه  انا بخاف بالله عليك نزلني 

طه قال....يا بت ما تبوظيش اللحظه عاد استنى وشويه نزلوا ا وفضلو طول النهار بره واخر الليل  روحوا على البيت

 طاهر قال.... العيال نامو انزل  يا طه انت شيل واحده وانا هشيل التانيه 

طه قال ...ماشى  يلا عشان البنات لياخدو برد  وطلعو بيهم  اوضتهم وزينه كانت  طالعه وراهم بس عليا 

نادت عليها 

وقالت.... طالعه حلوه قوي في الالوان يا زينب 

زينه  راحت عندها وقالت..... انا اسفه يا حماتي لو كنت زعلتك ولا ضايقتك

عليا قالت... لا يا حبيبتي ما ضايقتنيش ولا حاجه عادي

زينه قالت....انا كنت متضايقه بس شويه 

عليا قالت....عادي يا حبيبتي معذوره انتى كيف بنتى برضك بس ما تطوليش فى العزر ده  كتير احسن ما  يطفش منك ولا حاجه زينب هزت دماغها بأيوه وطلعت  على اوضتها و ريحانه كمان طلعت مع طاهر زينب دخلت الاوضه 

وطه قال.... نيمتهم في الاوضه اللي جنبينا هنا علشان لو صحيو في الليل مش هما بينامو لحالهم ولا معاكى 

زينه قالت...اه بيناموا لحالهم هما كبروا ما شاء الله 

طه قال.....ربنا يخليهملك يا رب 

زينه قالت....ويخليك انت كمان يا طه 

طه بص فى الاوضه وقال...طه ده  انا 

زينه قالت...ايوه انت هو  في طه تاني غيرك هنا 

طه قال.... لا ما فيش بس اول مره يعني تقوليلي حاجه حلوه  من ساعه ما جيتي 

زينه قالت....طيب انا بس طه قرب منها 

وقال...هو انتى لسه على موقفك ولا انتى كمان بترجعى فى كلامك عادى 

زينه قالت....لا انا ممكن ارجع فى كلامى عادي يعني على حسب

طه قال..... العب طيب عايز اعمل استئناف في كلامك في موضوع انك مش عايزاني ده عايزك  تديني فرصه مش يمكن اظبط معاكي 

زينه قالت....طب وأنى ما ظبطتش معايا 

طه قال...وانتى هتخسرى ايه ادينا بنحاول يعني نقعد ليه مش ممكن تظبط يمكن صح

 زينه قالت.....طب استنى بقى اما تظبط 

طه قال....ليه متبته في كلامك انتى هزيها  بس وهي هتظبط والله اسمعي مني

زينه قالت.... انت عايز ايه انت 

طه قال...لا هو انتى ما عارفاش انا عايز ايه 

زينه قالت....تؤ تؤ

طه قال..... النهارده العيد كل سنه وانت طيب

زينه قالت...وانت طيب 

طه قال.... فكيها كده

زينه قالت... هي ايه دي اللي افكها 

طه قال...العبايه دي هي كاتمه  على  نفسك انا عارف فكيها انتى  بس  وهى  هتبقي فلها ولا افكها انا 

زينه بصتله بطرف عينها 

وطه قال.... والله انا عايزه اكمل عمري كله معاكي ومش عايز اسيبك واصل

زينه قالت...و انا كمان هديلك فرصه كيف ما انت قولت حدى  لنفسي  كمان فرصه مش يمكن تكون انت العوض اللي طلبته من ربنا

طه قال.... انا ممكن ابقى عوض وفتحي وعزت وكل اللي انتى عايزاه انا معاكي في اي حاجه 

زينه قالت....ربنا يخليك ليا وتبقى دايما معايا لان انا بجد من وقت ما عرفتك عرفت يعني ايه سند يعنى ايه ان يكون في حد في ضهرك وساندك مهما يحصل واللى يخليك تعمل كده مع واحده ماشوفتهاش شوف بقى هتعمل ايه مع اللى بتحبه 

طه قال...... وانا من ساعه ما شفتك عرفت اني ما شفتش بنات قبلك 

زينه قالت....يعنى ما فيش رضوى

طه قال... ولا سعديه دول مش بنات عشان ابصلهم اصلا يعنى بقى يبقى القمر كله معايا واروح ابص هناك وهنا 

زينه قالت....لا لا بقولك ايه انا مش متعوده على الكلام ده خف شويه الله يخليك 

طه قال ....لا اخف ايه انا هعودك عليه  انتى تستاهلي الحب اللي في الدنيا كله يا زينب 

زينه قالت....و انت كمان يا طه 

طه قال....طب يعني انسى الكلام اللي قلتيه قبل سابق واعتبرك عيله ورجعتى في كلامك

زينه قالت.....انا مش فاكره كلامي اصلا هو كان ايه

طه قال.... افكرك انا  وقرب منها وغابه سواء فى عالمهم الخاص  فى يوم جديد كانت حفلة جواز بسمه 

وطه كان واقف مع زينب ومبسوطين وريحانه واقفه  مع طاهر وبيتكلمو عليا مالت على كامل 

وقالت بصوت واطى  ....شايف اللي انا شايفاه 

كامل قال......اه شايف ما شاء الله اخيرا هنرتاح 

عليا قالت.... مش عارفه ليه يا كامل في حاجه غريبه قوي في عيلتكم عندكم سحر كده الواحده تدخل مش طايق الراجل تطلع مش طايقه بعده عنها 

كامل قال...ده سحر على فكره من زمان قوي واحنا كده فينا سحر اللي يشوفنا مره ويعاشرنا مستحيل يقدر على بعدنا دقيقه 

عليا قالت....ومغرورين قوي كمان 

كامل قال..... لا ده مش غرور ده ثقه بس ليه بتسألى على  زينه وريحانه صح 

عليا قالت...اه يا ما قالولهم يا بنات العيله دي ممنوعه 

ممنوع تقربه منها ممنوع تكلموهم ممنوع تشوفوهم حتى بس  هما بقى عشقوهم عشان الممنوع مرغوب دايما العشق بيطب فى القلب من غير احم ولا دستور ما يعرفش لا 

كامل قال....وهو حلاوته لما يتمنع ده لانك كل ما بتتمنع كل ما بتعشق اكتر وكل ما بتبعد بتقرب اكتر  وبتتمسك بيه زياده كانك سايب قلبك معاه 

عليا قالت....اه والتانى كمان لما بيحس ان حبيبو  مش هيسيبو ابدا لما بيلاقي اهتمامو وتمسكوا بيه  بيبقى ممكن انه يفرط في روحه وما يفرطش فيه  بيحبه اكتر  لانه لما يتحدى العالم كله علشان يوصلو يبقى مش هيسيبو فى نص الطريق يبقى  ما فيش اى حاجه في الدنيا هتقدر توقف  في وشه او تبعده  واحلى عشق في الدنيا لما تعشق من الممنوع لانه عشق الممنوع ساكن فى الضلوع 

كامل قال....فى القلب يابت الحب باين مش فى الضلوع 

عليا ابتسمت بيأس وقالت....مفيش فايده بس لو اعرف اللى عجبنى فيك 

كامل قال... ولا انا عارف بس ده سحر الحب لسه محدش لقاه الحبيب بيشوف اللى بيحبه بقلبه لا بعينه ولا بعقله 

عشان كده دول حبو ولادك مفيش حاجه تتعقل غير كده يلا نقف مع الناس يا اغلى الناس  

كنتم مع عشق من عائله من ممنوعه بقلمي جيجى  🥰🥰🥰

تمت             

لمتابعة باقي الرواية زوروا قناتنا على التليجرام من هنا 

تعديل المقال