رواية انتقام من غدر الزمن الفصل التاسع 9 بقلم يارا محمد
9
طوفان
انتي رجعتي للقرف تاني كل مرة بترجعي بصبر عليكي بس أنا خلاص صبري نفد منك أنا اكتفيت و تعبت مش قادر بحاول اخلي صورتنا كويسه واني اخليكم واجهه مشرفه وخصوصا انتي بس لا الجربوع هيفضل جربوع يا نورا و لا اقولك سميه الخدامه اللي مش كانت لاقيه تاكل وانا اللي نضفتها وخليتها حاجه كويسه بس انتي مش تستاهلي .
بعدت عنه بعصبيه وهي مش قادرة تقف وبصتله بعصبيه وزعيق .
نورا
ما تفكك بقي من الاسطوانه المشروخه دي بقي خلاص مش بقت نافعه كل خناقه بتعايرني باللي فات يعني انت اللي ملاك اوي ما انت كنت سواق الباشا الكبير ونسبت اسمك ليه بعد ما خلصت عليهم بسبب الطمع و جريك ورا الفلوس زي الكلاب يا عادل امين محمود مش ده كان اسمك لما كنت بتشتغل سواق كان لازم ترضي بقليلك من زمان بس لا ازاي تطمع وايدك تعض اسيادك وتمضي فؤاد العسكري ع بيع كل أملاكه ليك وهو مش حاسس بدنيته لا و كمان تفك فرامل عربيه مراته و ابنه الوحيد علشان تكون خلصت منهم كلهم فاكر ليه طردت بحر و تاليا من مصر اصلا وهددتهم بالقتل مش علشان شاديه والوساخه اللي عملتها معاها لا علشان كانوا عارفين انك مش طوفان الحقيقي و انك واحد تاني و لسه مهددهم لغايه دلوقتي .
طوفان
ياه ده احنا فينا العبر واحنا مش عارفين احنا الاتنين ازبل من بعض ف الأولي بقي تحترمي نفسك يا مدمنه وتكوني مبسوطه اني عيشتك ف نعيم بدل شاديه مش شاديه دي اللي أنا و انتي روحيه اتفقنا عليها عجبتني ف قضيت معاها ليله .
نورا
و بلاتنا بعيل بسببك ولما هددتك أنها تبوظ سمعتك عملت المستحيل علشان تطردها من هنا ومش اعترفت ببنتك لغايه دلوقتي يا تري بنتك لو عرفت أن ابوها عايش و جاتلك هتعاملها كويس .
طوفان
لا و قلت لشاديه كده مش هتعرف بيها كفايه رايا و مؤمن و بس مش عايزها حتي لو جاتلي مش هديها اهتمام اصلا .
كل ده سمعته زمن وسجلته ولأنه صوتهم مش كان عالي اوي ف هي بس اللي سمعت كلامهم وكلام ابوها اللي دبحها اكتر وقررت انها هتكمل اللي بدأته المهم بس توصل المعلومات دي للي يستحقها رجعت غرفتها وبعتت رساله ل بحر انها عايزة تشوفه ضروري .
استئذنت من طوفان أنها هتزور مامتها ساعتين وترجع بحر بعت ليها لوكيشن وراحت هناك وقابلت بحر و تاليا.
بحر
خير يا زمن طلبتي مقابلتي ف حاجه و لا ايه قلقتيني.
زمن
عندي حاجه تخصكم بس نتفق الاول أن اللي هتسمعوه تمنه غالي أو هتسمعه شرطي قبل ما تسمعه اللي معايا .
بحر
ايه هو شرطك و ايه اللي هنسمعه تخلينا نيجي ونتكلم بعيد عن دادة شاديه .
زمن
كويس انك جبت سيرة والدتي و ده شرطي تبعده عن امي نهائي علشان بصراحه بقي مش حابه وجودكم ف حياتنا ولا عايزة يكون ف ارتباط بينا فاهمين الحاجه التانيه ستين مليون و اسمعكم حاجه هتعجبكم اوي .
تاليا
بس ده كتير اوي انتي هتعملي ايه بالفلوس دي كلها ممكن نعرف.
زمن
مش يخصك ابدا بأمن مستقبلي عادي ما انتوا أغنيا و بتلعبوا بالفلوس من حقي العب أنا كمان و لا ايه الفلوس تتحول و بسرعه وده حسابي .
بحر عمل مكالماته وقدر يحول ليها الفلوس ع حسابها السري وبصلها
كده كله تم عايزة حاجه تاني.
زمن
لا مش عايزة دلوقتي اسمعكم اللي جيت هنا علشانه .
زمن سمعتهم التسجيل و التخطيط اللي عمله واتصدمه من اللي سمعوه صحيح رجائي و قيس كانوا شاكين أن ف حاجه مش مظبوطه بعد موت فؤاد بس مش توصل للدرجه دي ازاي السواق يعيش باسم ابن اخوهم بعد خناقه فؤاد مع اخواته وانتهت بطردهم من مصر ولما رجعوا تاني عرفوا أن ابنهم بس اللي عاش رغم معرفتهم أن الحادثه صعبه وتفاصيل كتير حصلت .
بحر
انتي جبتي التسجيل ده ازاي وعرفتي تقريرهم .
زمن
تؤ مش قررت حد هو وقع ف حضني وحده من غير ما اعمل حاجه ابدا سلام هزور والدتي و اه زي ما قولت مالكمش دعوة ب امي و الا هتزعلوا و اوي كمان.
زمن راحت ل امها ومش حكت ليها حاجه واطمنت عليها و أداها فلوس كتير ومشيت تاني رجعت الفيلا شافت مؤمن بيشتغل و مركز اوي ف اللاب و قربت منه .
زمن
مش بتتعب من قعدتك دي و الشغل الكتير كده مش كويس صحتك.
مؤمن
اتعودت من ساعه ما مسكنا الشركه أنا ورايا مش بتاخد بريك بنشتغل ع الصفقات لغايه ما نكسبها و هكذا .
زمن
و آخرة ده ايه هنشوف حياتك امتي بقي لما تبقي ف الاربعين ايه مش بتحب و لا ايه .
مؤمن
لا لاني معنديش وقت وقتنا للشغل ونعرف ازاي نكبر الشركه علشان نكون معروفين اكتر ونفتح فروع لشركتنا برة مصر كمان .
زمن
أنا اه بشتغل عندكم و بدخل ف حاجه مش تخصني ابدا بس اسمحلي اقولك انك غلطان و اوي لازم تشوف حياتك الشركه و الصفقات مش هتطير بس عمرك هو اللي هيطير منك لما تلاقي نفسك لوحدك تماما وتندم فكر و أعقلها حب و انبسط عن اذنك.
مؤمن ساب اللاب وخرج قرر يشوف نفسه الاول وبسبب الشغل لبعدين زمن ابتسمت ليه بمكر وقامت تروح غرفتها سمعت صوته .
رواد
زمن اخبارك ايه لسه بتشتغلي ع الصفقه الحاليه
زمن
انت مش متابع و لا ايه ف حد تاني أخدها بسعر طوفان بيه معرفش يدفع رقمه اساسا .
رواد
معقول مش حد قالي أساسا كان فيه شغل متعطل ف شركتي وكنت مشغول فيه وبعدين مين اخدها .
زمن
واحدة اسمها جيلاء الحجار اعتقد.
رواد
اعرفها عز المعرفه ومين فينا ميعرفش جيلاء كيلاني الحجار المهم فين رايا شوفتيها.
زمن
نائمه لسه عن اذنك ورايا شغل كتير .
رواد قال ل روحيه تصحي رايا وهي راحت تصحبها شافتها بلبس الخروج صحتها وبلغتها أن رواد تحت وهي فوقت وظبطت نفسها ونزلت ليه .
رايا
اخبارك ايه معلش بقالي يومين مش كلمتك كان معايا شغل ومش كنت فاضيه .
رواد
مش كنتي فاضيه وياتري مش كنتي فاضيه علشان الشغل و لا عشان كنتي سهرانه ف بار امبارح .
رايا
ايه الهبل بتاعك ده ازاي بتكلمني كده وبعدين أنا مش بروح الاماكن دي وكنت فعلا معايا شغل وبعدين معانا مناقصه هنكسبها اكيد وهتشوف ومش هنخسرها.
طوفان ادخل ف كلامهم بعد ما سمع اخر جمله قالتها بنته.
طوفان
الظاهر انك مش متابعه حاجه احنا خسرنا تاني والمرة دي مش مع اي حد دي جيلاء الحجار واخدتها ف ثانيه انتي كنتي فين امبارح .
رايا
حبيت افصل شويه ف خرجت مع صحابي و اتغديت برة مفيش حاجه يعني لكل ده .
رواد
انتي مش كنتي مع صحابك انتي كنتي ف بار واحد معرفه قالي لتكوني فاكرة اننا مخطوبين علشان سهرك ورجوعك نص الليل لا احنا مخطوبين بسبب الشغل اللي بينا و اذا كان كده ف أنا بفض خطوبتي منك عن اذنك .
رايا
استني هنا انت بتعمل ايه أنا مش كان قصدي بعملتي تبعد عني أنا بس احتاجت افصل شويه ضغط شغل عليا وكنت عايزة ابقي فاصله من الشغل بس مش كنت اعرف انك هتسيبني كده وبعدين أنا بحبك مينفعش تسيبني ومينفعش تفض شراكتنا كده بسهوله.
رواد
الشراكه مش هتتفض أنا فسخت خطوبتي منك علشان مش عايز اشوف منظر زي اللي شوفته الفيديو امبارح هنفضل شركاء شغل وخلاص وبعدين يا رايا كنت عايز اعترف ليكي اني مش بحبك ابدا احنا مخطوبين بسبب البزنيس وخلاص .
رايا
استني أنا عارفه انك مش بتحبني وهتعمل كده بعد جوازنا بس اديني فرصه واحدة ارجوك.
رواد
أنا مش بعطي فرص يا رايا عن اذنك.
بعد أيدها بقوة وهي بصتله بدموع وفضلت تبكي بقهر ووجع ومش عارفه تعمل ايه .
كل ده و زمن بتتفرج و مبسوطه أن خطتها بتنجح و بجدارة كمان .
الخطوة التانيه نواسيها شويه بس مش دلوقتي نزلت و خرجت من باب الخدامات وراحت مكان مهجور وفضلت واقفه شويه لغايه ما وصل الشخص اللي هي منتظراه .
خير بعتيلي وقولتي انك عايزاني ضروري ايه الحاجه اللي مش تستني لغايه وقت تاني يا زمن
.
زمن
أنا ساعدتك تاخدي المناقصه دي زي ما ساعدت بحر المغربي قبل كده وبصراحه عايزة طلبين وتعمليهم ليا يا مدام جيلاء .
جيلاء
و ايه طلباتك يا زمن خير .
زمن
شوفي أنا عارفه انك بتهربي الماظ و أنا مش هسلمك البوليس ولا بهددك أنا عايزة اكسب ودك وبس بس ف المقابل عايزة حبوب Bcb و بطريقه سحريه تحطي سلاح ف مخازن طوفان العسكري ها قولتي ايه .
جيلاء
من غير ما تحتاجي تهدديني علشان أنا مش وش تهديد مش تخافي تاني حاجه موافقه بس ف المقابل بقي تعملي انتي خدمه صغيرة الاول .
زمن
و اللي هي ايه خدمتك دي
جيلاء
تمضي طوفان ع ورق يثبت أنه شخص مختلف وبيغسل أموال و ب يتلاعب بسوق الأسهم يعني تطلعيه شخص فاسد وبس ده اللي عايزاه .
ووو يتبع
انتقام من غدر الزمن .
