رواية غلطة في الحلال الفصل الثامن 8 بقلم مني ميشيل
الاسبوع خلص وايمن اعتذرلي ووضح انه نور اللي هددته يعمل كده اتصدمت شوية بس فكيت عشان كل مادى بقرب للحظة الحاسمة اللي هترجعلي ادهم بكل قسوة من بين ايديها..!!
اخدت شنطتي وخرجت للمطار و من المطار للطيارة للقاهرة
خرجت وانا بحط نضاراتي السود وبرفعها لفوق
_نورااااااااااا
لفيت الا وهو عمر وامير اولاد عمي
اتحركت في اتجاههم
_ازيكم
_وحشتينا يابت
_هو ايه اللي وحشتكم دي كلها اسبوع ياعم انت وهو
ركبنا العربية و وجهتنا بيت العيلة الكل كان بيجهز وفرحان بالخطوبة وانا بتكسر مليون مرة من الداخل جوزي بيتخطب وانا ساكتة دموعي الخاينة بدأت بالنزول جريت على جدي وحضنته
_حبيبت قلب جدو جت يا ناس
_حبيبي ياجدو
لفت بيا العيلة كلها وهما بيحضنوني
_جيتي يانورا
لفيت لأكثر صوت صرت بكرهه في الدنيا دي
_جيت ياقلب اختك ايه مش مفاجأة
_لا مش مفاجأة ادهومتي قالي انك جاية للخطوبة
حضنتني وقالت بهمس_ايه رأيك ياقلب اختك
شددت على حضنها _هي هتخرب على دماغك اتفرجي بس
خرجتها من حظني وانا بغمزلها تحت صدمتها ..
طلعت اوضتي وانا في طريقي خرج هو بطلته هو ناوي يوقف قلبي انا عارفة
_نورا
وللأسف خطتنا بدأت_ازيك يا ادهم عامل ايه
اتلفت يشوف بتكلمه هو ولا حد ثاني_ايه انتي بتكلميني انا
بدلع_ايوا يادوما انت
_بت انتي مريضة ايه اللي جابك
_خطوبتك ياقلبي
بصدمة_قلبي!!!!
_لا انت مش طبيعي انا متأكدة
مريت من قدامه بريحة عطري اللي بتجننه و مشيتي اللي باخد عليها مخالفات من سيادته
_هتجنني امي يابت
وكأنه غايب عن الدنيا دي تبعني اوضتي لسة بقفل الباب دخل هو وقفله
_هتعملي ايه أكثر من كده يانورا
ببرائة ورقة_وانا عملت ايه يادومتي
_جننتي امي .. انا بحبك يانورا
بكسرة_ونور ياادهم مش دي خطوبتك عليها
وهو مغيب_هفركشها عشانك
بكسوف مصطنع _انت بتقرب ليه
لسه ههرب مسكني من خصري وو
#غلطة_في_الحلال
Part8
