رواية غرام الادهم الفصل الحادي عشر 11 بقلم حبيبه الشاهد

 رواية غرام الادهم الفصل الحادي عشر 11 بقلم حبيبه الشاهد

الحادي عشر

أدهم خرج من الاوضه و دور عليها و هوا اشبه بالجنون إنها تكون هربت.. تاني  ، سمع صوت جاي من المطبخ.. دخل المطبخ بسرعه لاقها بتحضرله الفطار 

اتنفس براحه كبيره و بصلها  ، و اتكلم 

: غرام 

أتنفضت غرام بخضه  ، بصتله و هي مخضوضه و اتكلمت 

: ايه يا ادهم حد يخض حد كدا حرام عليك 

اتكلم ادهم و هوا بيقرب منها  ، وقف قدامها و اتكلم 

: أنتي قومتي ليه من جنبي 

غرام رجعت تكمل تحضير الفطار 

: أنا قومت علشان أعملك الفطار قبل ما تصحه

سند بجسده على المطبخ  ، و اتكلم بتنهيده

: متعمليش كدا تاني أنا فكرتك مشيتي و سبتيني تاني 

أستغربت لهفته عليها و خوفه انها تهرب  ، بصتله بجنب عينيها 

: عمري ما همشي و ابعد عنك تاني كفايه اللي حصلي و انا بعيده 

حاول يهرب في الكلام و غير الموضوع 

: عملتي ايه في الفطار 

غرام 

: خلصت البطاطس و البتنجان فاضل الفلفل و البيض و هخرج اللانشون و الجبنه من التلاجه 

التفت حوليه و اتكلم بهدوء 

: امال فين مرات عمي دخلت الاوضه متلقتهاش 

غرام لفت عشان تتحرك اتلاقيته مضيق المكان

: ماما نزلت تجيب عيش من الفرن و جايه ممكن تخرج تستناني برا لحد اما اخلص مش عارفه اتحرك منك 

سعدها أدهم في تحضير الفطار لحد اما جت فريال من برا  ، حطيت العيش على الترابيزه و دخلت المطبخ لاقيت أدهم بيساعد غرام أبتسمت بسعاده 

: صباح الخير 

ادهم اتكلم بابتسامة 

: صباح النور مصحتنيش ليه انزل اجبلك اللي محتاجه

فريال 

: الفرن قريب من هنا مش بعيد عامل ايه دلوقتي 

اتكلم ادهم بابتسامة و حرج

: الحمدلله 

غرام حطيت الطبق على الرخامه  ، و بصيت لـ والدتها

: يلا أنا خلصت الأكل طلع معايا الاطباق 

فريال برقتلها.. و اتكلمت بابتسامة 

: لا خليه و أنا هطلع معاكي الفطار 

خرج أدهم و قعد على الكنبة  ، خرجت فريال بالصانيه حطتها على الترابيزه و قعدت تناوله الطعام 

بعد فتره خرجت غرام من اوضتها و هي شيله شنطتها  ، حطتها على الارض و اتكلمت 

: أنا خلصت 

بصلها ادهم كانت لبسه فستان واسع و برباط من الوسط و فكه عشان متظهرش بطنها بوضوح

قرب عليها ادهم و مسك الحزام ربطهولها  ، و اتكلم 

: خليه مربوط أحسن و لا أنتي مش عايزه حد يعرف بحملك 

بصتله غرام  ، و اتكلمت بتلقائيه

: لا مش كده بس أنا متعوده البس واسع علشان بطني متبنش 

حس بغصه قويه في قلبه  ، اتكلم بصوت هادي حنون 

: أنا بقيت معاكي دلوقتي مافيش داعي تخبي بطنك أكتر من كدا

 

هزيت راسها و خرجت من الشقه من الشقه و وراها ادهم شايل الشنطه  ، قبلت فريال صاحبة المنزل ادتها المفتاح و ركبت مع أدهم العربيه و اتحرك

مر الوقت و هو سائق و مشغل قرآن و غرام مبسوطه جنبه و في الكنبه الخلفيه فريال قاعده سرحانه بيعدي نص الوقت عليهم من غير ما تحس

ادهم بصلها و هي مسكه التلفون و اتكلم 

: تحبي تنزلي نشرب حاجه

قفلت التلفون و بصتله  ، و اتكلمت بخجل 

: ياريت عايزه أدخل الحمام 

ادهم ركن عربيته و بص في المرايا لاقه فريان نامت  ، اتكلم بحنان

: مرات عمي نامت صحيها شوفيها لو عايزه حاجه 

بصتلها غرام و اتكلمت بصوت منخفض 

: سبها نايمه و تعاله ندخل احنا 

نزل أدهم هو و غرام دخله الأستراحه  ، سأل أدهم على مكان الحمام وصل غرام و وقف مستنيها خرجت بعد فترة قربت عليه 

اتكلم ادهم بقلق و خوف من شكلها المتعب

: مالك أنتي تعبانه

غرام بصتله و ابتسمت برقه و هي بتحاول تطمنه عليها

: انا كويسه بس حاسه بوجع في بطني بسيط 

ادهم بخوف اشد

: اقعدي ارتاحي و هطلبلك حاجه دافيه تشربيها

مشيت معاه قعده على الترابيزه  ، بصتله و اتكلمت 

: واحد شاورمه 

اتصدم من طلبها و اتكلم 

: شاورما أنا بقولك تشربي ايه عشان بطنك وجعاكي مش تكلي أنتي بقيتي تكلي كتير أنتي مكنتيش كده الأول 

ذمت شفايفها بضيق طفولي  ، و اتكلمت بزعل

: خلاص مش عايزه يلا علشان نمشي 

منعها قبل ما تقوم و اتكلم بضحكه و وسامه

: خلاص اقعدي كنت بهزر معاكي 

رجعت قهدت تاني على الكورسي و هي بصه برا الاستراحة بزعل  ، طلب أدهم الطعام و في خلال عشر دقايق كان موجود 

اتكلم ادهم بحنان 

: هتحتاجه حاجه تانيه قبل ما الويتر يمشي 

غرام بخجل مفرط

: اه اتنين شاورما و وحدت بيتزا حجم كبير بس دول هنخدهم و احنا ماشين عشان الطريق لسه طويل

الويتر

: نص ساعه و الطلبيه هتكون جاهزه يا فندم 

أدهم استنى الويتر يمشي و بصلها و اتكلم بستغراب

: ليه ده كله محدش هياكل تاني 

غرام بصتله و هي بتاكل بخجل

: علشان لو حد جاع في الطريق و بعدين انا تعبانه و حامل المفروض اكل كل شويه 

هز راسه و هوا مصدوم  ، اتكلم بحنيه

: كلي يا حبيبي الف هنا على قلبك

 

مسك فنجان القهوة و شرب منه و هوا بصص على عربيته من الازاز  ، خلصيت غرام و أخذت الاكل من المطعم و اشترت بعض الحلويات و رجعه العربيه

فتح أدهم باب العربيه حط الاكل جنب فريال و قفل الباب بهدوء من غير ما يزعجها و ركب العربيه 

فتحت غرام الأكياس و هي بتدور على شئ ما  ، لاقيت الايس كريم طلعت العلبه فتحته و بداءة في تناوله بشهيه تبعها أدهم من الحين للأخر بإبتسامة 

في الصباح وصله الصعيد وقف أدهم قدام السرايا و بصلها  ، كانت غرام نايمه بعمق أفقها صحها بحنيه و حب هي و فريال و نزله من العربيه

دخلت غرام وراه و هي متوتره جداً  ، قبلتهم عزه بـ زغاريد قربت على فريال و حضنتها بحب  ، و اتكلمت بعتاب

: بقي تعملي فيا كدا يا فريال و تغيبي عني الوقت دا كله أنتي و غرام من غير ما حدا يعرف مكانكم

ادهم 

: خلاص يا أمي بلاش نفتح في القديم 

قربت عزه على غرام حضنتها بشتياق و رحب بيها  ، سحبها أدهم و قرب على حمدان القاعد على الكنبة 

ادهم بصله و اتكلم بسعاده متتوصفش 

: خلاص يا حاج اللي أنت عايزه جاي في الطريق 

خدودها اتوردت من فرط خجلها  ، كمل أدهم بنظره عاشقه 

: فاضل كام شهر و يشرف حفيدك الدنيا و يشيل اسمك

حمدان بصلهم بفرحه متتوصفش  ، و اتكلم بسعاده 

: ألف مبروك يابني يتربا في عزك 

ادهم بابتسامة 

: الله يبارك فيك يا حاج 

قربت عزه على غرام  ، و حضنتها بسعاده

: مبروك يا حبيبتي ألف مليون مبروك متعرفيش فرحتي قلبي ازاي بالخبر الجميل دا 

غرام برقه 

: الله يبارك فيكي يا ماما 

بصيت لـ مروه و اتكلمت بحب

: عقبال ما تفرك بحملك يا مروه إن شاءلله 

مرره كانت بصلها بحقد ظاهر في نظرت عينيها  ، اتكلمت بابتسامة حاولت ترسمها بصعوبه

: إن شاءلله هن اذنكم أنا طالعه 

قالت كلامها و طلعت على طول  ، استأذن أدهم و طلع هو و غرام و وراهم فريال 

في غرفة ادهم دخلت غرام و وقفت بصدمه كبيره شكل الاوضه  ، كانت الغرفه مكركبه ازايز المايه على الأرض في كل مكان  ، و السرير متبهدل و السجاير في كل ركن في الغرفه  ، الستاير مقفوله 

اتكلمت بصدمه ممذوجه بغضب

: يا نهار اسود إيه ده أنت عملت إيه في الأوضه 

ادهم حك في دقنه باحراج من شكل الاوضه  ، بصلها و اتكلم ببرود كانه معملش اي حاجه 

: مكنتش عارف أعيش من غيرك 

غرام بعصبيه

: تقوم تبهدلها كده اوف الأوضة مكتومه من ريحة السجاير اوعى كده من قدامي 

بعدته عن طرقها و قربت على الستاره فتحتها و فتحت باب البلكونه  ، استنشقت نسيم الهواء براحه 

ادهم راح وقف جنبها و بصلها بعشق  ، و اتكلم 

: نورتي بيتك يا أم الغالي 

بصتله و هي لسه متعصبه منه  ، و اتكلمت برقه

: بنورك يلا بقي نظف الأوضة دي عقبال ما أخد شاور و اخرج 

اتصدم منها اتكلم بعدم تصديق

: انضف و ليه أنتي متنظفهاش مش أنتي الست و ملزمه 

مررت ايديها على بطنها بحنيه

: أنا حامل و البيبي تعبني و لسه جايه من سافر و حتاجه اخد شاور و أنت اللي مبهدل الأوضة و انا مستحيل اقدر اقعد فيها و هي بالشكل دا 

غرز ايديه في شعره  ، و اتكلم بتفكير

: تصدقي اقنعتيني 

غرام بابتسامة 

: أبدأ فيها عقبال ما أخرج و هكمل معاك مش هسيبك 

ادهم تاه في ضحكتها  ، اتكلم بابتسامة جميله 

: ماشي ياستي من عنيا الاتنين 

بعدت عنه برقه قربت على الدولاب  ، أخدت هدومها  و دخلت الحمام... وقف أدهم في نص الاوضه و هرش في دقنه بحيره 

بعد فترة خرجت غرام لاقيت الاوضه اتنضفت  ، قربت على التسريحة وقفت تسرح شعرها 

أدهم فتح الباب و دخل راح على الدولاب أخد هدومه و دخل الحمام 

أبتسمت غرام عليه خلصت تسريح شعرها و قربت على السرير و نامت... خرج أدهم لاقها نايمه بعمق قفل ستاير الجناح و نام من التعب 

في المساء نزل أدهم و معاه غرام لاقه فريال و عزه بيحضره السفره

قرب أدهم سحب كرسي قعدت عليه غرام و هو قعد على الكرسي اللي جنبها.. بصتلهم مروه بصمت و بصيت على زوجها و حطيت الاكل في فمها بهدوء 

بصيت لـ حمدان  ، و اتكلمت برقه و هدوء

: إي رأيك يا عمي لو رحنا الأرض بكره و نقضي اليوم كله هناك حتي مرات عمي تخرج من البيت 

حمدان 

: مافيش مانع ابقي خديها و روحه مع فارس بكره و هو رايح الأرض 

مروه ابتسمت بنتصار  ، و بصيت على ادهم و اتكلمت 

: ما تيجي معانا يا أدهم أنت و مراتك 

أدهم بهدوء 

: معنديش مانع انا واخد اجازه من الشغل هبقي اروح معاكه انا و مرات عمي 

مروه 

: خلاص ماشي هنمشي الصبح بدري 

خلصت غرام اكلها و قامت طلعت على طول  ، فضل أدهم قاعد معاهم فترة طويلة لحد أما قام وقف

: انا هطلع تصبحه على خير 

حمدان 

: و أنت من أهل الخير 

طلع الجناح استغرب انه هادي  ، قفل الباب و قعد و راح على السرير رما التلفون على السرير باهمال و قعد 

خرجت غرام من الحمام و هي لبسه فستان ستان ظاهر حجم بطنها بوضوح  ، تركه شعرها و حطه أحمر ناري و رسمه عينيها

كان بصصلها بصدمه من فرط جمالها قام وقف و قرب عليها و هو مسحور بجملها و.. 

يتبع..... 

#الكاتبة_حبيبه_الشاهد

#غرام_الادهم

              الفصل الثاني عشر من هنا 

لمتابعة باقي الرواية زوروا قناتنا على التليجرام من هنا 

تعديل المقال