اسكريبت اقتلوا الرجالة (كامل) بقلم عزيز السيسي
القصة مختصرة ، وكوميدية جدا لا تفوتك .
...
اقتلوا الرجالة
الله يرحمها مراتي كانت الخير والبركة ، لما كانت عايشة سبحان الله الخير كان كتير أووي والبركة كانت أكبر ، لكن بعد أما ماتت الخير قل ، دا أنا حتى أنفصلت من شغلي وما بقتش لاقي أكل بمعنى الكلمة .
وف يوم من الأيام صحيت من نومي لقيت سيف جنبي على السرير ، وماكنتش أعرف إن شبح مراتي هي ال بعتاه علشان تحللي مشاكلي ، السيف كان مكتوب عليه عبارة
بتقول : لو عايز أي طلب أضرب السيف على الأرض 4 مرات وأطلب إل أنت عايزه
ومسكت السيف فعلا، وضربت على الأرض 4 مرات ، وقولت عايز ألف جنيه ، وفعلا ظهر ألف جنيه ، وضربت تاني وقولت عايز دهب ، وظهر دهب ، ووقفت شوية ولقيت حد بيوسوس في ودني
وبيقول : هات أي رقاصة بقى خلينا نفرفش شوية ..
وضربت بالسيف على الأرض 4 مرات
وقولت : عايز الرقاصة إيناس
وهوب لقيت شبح مراتي ظهرت ، وشدت السيف من أيدي
وقالت : أسفة جدا.. إيناس عندها فرح في الساحل الشمالي .
وفضل شبح مراتي تجري ورايا بالسيف
وهي بتقول : مفيش فايدة فيكوا أبدا ... نداء هام لكل الستات ، اقتلوا الرجالة ، بقى بتخوني مع إيناس . دا انت ولا دم ولا إحساس ، وحياة مامي هاعبي جسمك في أكياس ..
تمت
