رواية النصيب الفصل الثالث والعشرون 23 بقلم نور محمد
#الباىت_الثالث_وعشرون(الـنـصـيـب)
:الحقيقه اللي مخبياها عنك المحروسه امك انها زمان حملت فيكي في الحرام وهي كانت لسه على زمتي يعني باعت شرفها وكمان خانتني بكل بجاحه وقتها ها عرفتي انا مستحيل اقبل بيكي ليه يابت الحرام
حور وسعت عنيها بصدمه وزهول كبير من كلام حازم لها ولقت كل نظرات الناس موجهه لها بقرف وشمئزار كبير وفجأه حست بدنيا بتسود قدامها ووقعت على الارض زي الموات
ويوسف اول ماشافها كده قدامه جرى عليها برعب حقيقي وهو بيقول:حوووور حبيبتي لا ابوس ايدك متعملش فيا كده؟!!
وبعد وقت في المستشفي
حور دخلت العمليات ويوسف كان بيعيط عليها وحازم واقف جنبه وهو بيبصله بضيق وبرود
لغايه ما بصله يوسف بلوم ودموع وهو بيقول: ارتحت كده يابابا بعد ماعملت اللي عاوز تعمله بس صدقني حور لو جرى لها حاجه بسببك انا مستحيل اسامحك ابدا لاني بحبها اوي
حازم بصله بضيق وقال بحده: انا بعمل ده كله لمصلحتك انت يايوسف والا عاوزني اقف ساكت وانا شايفك بتدمر مستقبلك مع بنت الحرام دي و
قاطعه صوت يارا اللي سبق صوت يوسف من بعد حضورها للمستشفي وهي بتقول بغضب: اخرس قطع لسانك انا بنتي مش كده ابدا ياحازم ولو زمان سكت عن حقي وظلمك ليا فدلوقتي مستحيل اسكت ابدا عن حق بنتي انت سامعني
حازم بصلها بغضب وحده ولسه هيرد عليها قاطعه صوت الدكتور وهو بيقول: لو سمحتم المريضه بدأت تستعيد وعيها فين عيلتها اللي هنا
يوسف بصله بلهفه بس سبقته يارا اللي قالت بقلق وخوف:انا امها يادكتور ممكن ادخل اشوفها
الدكتور سمح لها بادخول وهي جرت على غرفه بنتها حور ويوسف وقف علشان يلحقها بس حازم مسك ايده بقوه وقال:انت رايح فين ياله هي بقت كويسه وانت لازم تاجي معايا فورا و
قاطعه يوسف اللي سحب ايده منه بعنف وقال بدموع:انا مش همشي من هنا قبل مااشوفها واطمن عليها بنفسي يابابا عن ازنك
قال كده وسابه ودخل بلهفه وقلق على غرفه حور تحت نظرات الضيق والتوعد من حازم اللي ساب المستشفي كله ورجع البيت تاني
اما يارا فكانت قاعده جنب بنتها حور اللي لسه مفاقتش وهي بتعيط عليها وفجأه لقت يوسف دخل الغرفه وهو بيقول:طنط ممكن بس اقعد هنا معاكي لغايه ماتفوق حور واطمن عليها وبعدها همشي فورا والله
يارا بصتله بضيق وقالت بحده:لا واتفضل من هنا واقفل الباب خلفك كفايه اللي شافته بنتي بسببك انت وابوك
يوسف قرب منها بتفهم ودموع وقال:انا عارف اللي عمله بابا فيكي زمان مكنش هين ابدا بس انا مش زيه انا بحبك حور بجد ومستحيل في يوم اأزيها ابدا
يارا بصت في عنيه وشافت فعلا الصدق فيهم بس قلبها لسه مش مطمن له لانه ابن حازم اللي ظلمها اوي زمان فقال بأصرار:انا مستحيل اوثق فيك يابن حازم لاني غلط ووثقت في ابوك زمان ودفعت التمن غالي ودلوقتي مستحيل اقبل ان بنتي تنظلم زيي ابدا
يوسف بصلها بتفهم لانها مستحيل توثق فيه باسهوله دي وده متوقع منها طبعا فسكت وقعد جنب حور من الجهه الاخرى وهو بيبصلها بقلق وخوف محفور في عنيه عليها
اما يارا فكانت بتبصله بستغراب وجواها احساس كبير ان يوسف فعلا بيحب بنتها من الحب اللي بيشع من عنيه ليها بس الماضي لسه مخوفها منه
وعلى الناحيه الاخرى
حازم اول ماوصل بيته نادي على نور في مكتبه واول ماوصلت قال لها:انتي مش بتحبي ابني يوسف ونفسك تتجوزيه يانور
نور بصتله بلهفه وفرحه وقالت:ايوه ياعمو بحبه اوي اوي ونفسي اجوزه
حازم ابتسم لها بتخطيط وقال:تمام وانا موافق على جوازك منه وكتب الكتاب والفرح الخميس اللي جاي كمان ايه رأيك موافقه
نور اول ماسمعته حست انها طايره من الفرحه حرفيا فقربت منه بسعاده كبيره وحضنه بشكر وهي بتقول:بجد ياعمو اكيد انا موافقه واوعدك اني هشيله جوه عنيا كمان
حازم ابتسم بخبث وطبطب عليها بمتمان وقال:وده كل المطلوب منك بس يابنتي
وبعد وقت يوسف رجع البيت بعد ماطمن على صحه حور وكان تعبان وهلكان اوي فتوجه لغرفه علشان يرتاح بس وقفه صوت حازم اللي قال بحزم:يوسف استني انا عاوز اتكلم معاك
يوسف بتعب وضيق:خير يابابا عاوز ايه انا تعبان وعاوز ارتاح ارجوك
حازم بصله ببرود وقال:كتب كتابك وفرحك على نور بنت خالك الخميس الجاي علشان يبقى عندك علم
يوسف سمعه وعنيه برقت بصدمه وزهول وهو بيقول:اييه انت بتقول ايه جواز مين انا مستحيل اجوز نور بنت خالي يابابا وانت عارف ليه؟!
حازم قرب منه بأصرار وثقه وقال:انا مش بطلب رأيك انا بقولك بس علشان تجهز نفسك وقراري ده نهائي يايوسف
يوسف بغضب وحده:بس انا مش موافق وانا مش بنت علشان تجبرني على حاجه انا مش عاوزها دي حياتي وانا حر فيها
حازم تغيرت ملامح وشه كله بعد ماسمعه وضربه كف قوي وقال بحده:صوتك ميعلاش تاني قدامي وتحترم نفسك وانت بتكلمني يايوسف ولو مجوزتش نور زي ماطلبت منك انا هتبرى منك ومش هتشوف وشي او وش امك تاني وانت حر بقى
يوسف بصله بدموع محبوسه لان حازم اول مره يمد ايده عليه وسكت بحزن وكسرت نفس وحازم بصله بتجبر وسابه مكانه ودخل غرفته
ويوسف وقف مكانه وهو محتار ومش عارف يعمل ايه بس فجأه خطر في باله فكره فتوجه بسرعه على غرفه نور بنت خاله وخبط الباب وبعد دقايق فتحت له نور بنعاس وهي بتقول:مساء الخير يايوسف خير عاوز حاجه
يوسف بصلها بجمود وقال:انتي موافقه على جوازك مني يانور
نور بصتله بحب وقالت:اكيد موافقه اجوزك يايوسف لاني بحبك اوي اوي
صرخ يوسف فيها بحده وضيق: بس انا مش بحبك انا بحب حور بس ومش عاوز غيرها وكل العيله عرفت ده فارجوكي روحي انتي لبابا وارفضي الجواز ده لاني مش عاوز اظلمك واظلم نفسي معاكي يانور
نور بصتله بغيره وحقد وقالت:انا مش هعمل كده يايوسف لاني بحبك ومتأكده بعد جوازنا انت كمان هتحبني وبكره تشوف ده بعينك
يوسف بصدمه وغضب:تمام انتي اللي مصره تدمري حياتك معايا بس افتكري انتي صارحتك بكل حاجه من الاول اهو عن ازنك
قال كده وسابها وهي الغيره والحقد بياكل فيها ودخلت غرفتها تاني بضيق وغيره وهي بتقول:وشمعنا حبتها هي وانا لا ليه انا مش ناقصه حاجه ابدا ليه هي تلاقي الحب ده كله وانا لا يعني يايوسف
فضلت الليل كله وهي بتفكر ازاي هتقدر تحصل عليه وبعدها هتعمل المستحيل علشان تخليه يحبها لانها محبتش حد قده
وبعد يومين في كافيه
يوسف بحزن:انا كلمتكم علشان تلاقوا حل معايا مش باقي على يوم الخميس غير يومين بس وانا مش لاقي حل مع بابا اللي مصر على جوازي منها وكمان نور عنيده وفاكره اعجابها بيا ده اسمه حب وانا مش عاوز اظلمها معايا ياخالي
رد عليه عماد بتفهم وقال:عندك حق يابني انا متأكد ان بنتي مش بتحبك هي بس معجبه ومتعلقه بوجودك معاها وفاكره انها كده بتحبك وانا مش قادر ارفض كمان علشان نور كده هتتعلق بيك اكتر فلازم نلاقي حل غيره
حور كانت قاعده معاهم وهي بتسمعهم بتفهم فقالت:طيب والعمل يايوسف انت ناوي تعمل ايه؟!
يوسف بصلها بحيره وقال:مش عارف اعمل ايه ياحور وانت ايه رأيك ياعمو سليم في الكلام ده
رد سليم بتفكير:بص انا شايف انك مترحش الفرح احسن علشان حازم يعرف انه مش هيقدر يلوي دراعك بتهديده ابدا و
قاطعه عماد اللي قال بحده:طب وبنتي ياستاذ سليم اللي هتتفضحك في الفرح زنبها ايه هي لسه صغيره ومش فاهمه الحب كويس وانا مستحيل اسمح يحصل فيها كده
يوسف هز رأسه بدعم وقال:خالي عنده حق ده مش الحل الصحيح
قال كده وكل بصوا لبعضهم بحيره وفجأه قال ادهم ابن سليم وبخبث وتخطيط:انا لقيت الحل ياجماعه بس عاوز اشوف صوره نور دي الاول وهقولكم هنعمل ايه
الكل بصوله بصدمه وابوه ضربه في كتفه بضيق وقال:مش وقت سفالتك دي هنا ياادهم لم نفسك
ادهم بغيط:انت علطول كده ظالمني يابابا والله انا قصدي خير
يوسف بصله بغيظ وضيق بس فتح فونه ومده له وقال:اهو صورتها يااعم العبقري شوفها وقولي ايه الحل
ادهم مسك فون يوسف وركز فيه كويس وبعدها قال بخبث واعجاب كبير:صلاه النبي احسن فرسه امريكي ياجدعان جامده جامده
سليم ضرب وشه بقله حيله من ابنه الوحيد وسفالته وعماد اتعضب وضرب ادهم في وشه بعضب وقال:ماتلم نفسك بقى ياض دي بنتي ازاي تتكلم عليها كده قدامي
ادهم بتسمله بوجع وقال:حقك ياعمي والله اصلها بصراحه تستاهل بس انا خلاص لقيت الحل اسمعوا بقى الكلام المفيد
الكل بصله بضيق من كلامه الخبيث قدامهم بس ركزوا معاه علشان يلاقوا حل كويس للمشكله دي
وبعدها مرت كمان يومين واجه اليوم المنتظر في اكبر قاعده في البلد كلها تم عمل فرح نور ويوسف على اكمل وجه وحازم كان فرحان اوي علشان اخير هيقدر يخلص من حور بنت يارا
ونوركمان كانت سعيده جدا لانها اخير هتبقى زوجه يوسف ابو الوفي اللي بتحبه من الطفوله ومر الوقت والمعازيم ملت الفرح وكله بقى تمام ماعدا وجود يوسف اللي تأخر اوي عليهم
وحازم قلق اوي من تأخره ده وفضل يرن عليه كتير بس يوسف مكنش بيرد عليه ابدا وده اللي زاد القلق وخوف جوه قلبه اكتر بس فجأه لقى عماد داخل القاعه ومعاه يوسف بس الغريب ان يوسف كان حاطط كمامه على وشه وقتها
فجرى عليه حازم بقلق وهو بيقول:انتو كنتوا فين ويوسف ماله هو تعبان والا ايه؟!
عماد رد عليه وقال:لا هو بقى كويس بس من شويه تعب مني وانا اخدته لدكتور وقال ده دور برد عادي بس لازم يحط الكمامه دي علشان العدوى وكده متخفش عليه
حازم بصله بشك بس هز رأسه وقال بستعجال:تمام ياله نكتب الكتاب بقى علشان المأزون هنا من بدري
عماد بصله بتفهم واخد يوسف معاه وقعدوا المأزون اللي بدأ اجرائات الجواز فورا وبدأ بنور وسئلها:انتي موافقه على جواز ده يابنتي
ردت نور بكسوف وقالت:ايوه موافقه طبعا يامولانا
وبعد سئل العريس وقال:وانت يابني موافق على الجواز ده كمان
رد عليه وقال:موافق يامولانا
حازم سمع صوته واستغرب فقرب من عماد وقال:هو صوته ماله اتغير كده ليه ياعماد؟!
رد عليه عماد بتوتر:احم عادي ده من دور البرد بس ياحازم يعني انت فاهم
حازم حس ان فيه حاجه غلط في الموضوع بس هز راسه ورجع مكانه تاني وهنا المأزون اخير خلص كتب الكتاب بمقولته المشهوره وهو بيقول:بارك الله لكما وبارك عليكما وجمع بيها في خير
نور كانت الفرحه من شيلاها حرفيا في الوقت ده بس ملامحها كلها تحولت لصدمه كبير لما لقت العريس وقف وشال الكمامه من على وشه بزهق وخنقه وهو بيقول:يااه اخير خلصنا انا اتخنقت من الكمامه دي اوي
قال كده والكل بصوله بصدمه كبيره وزهول واولهم كانت نور اللي قالت بصدمه وحده:ايه ده انت مين وفين يوسف جوزي؟!
ادهم ابتسم لها بخبث وقرب منها وقال:انا ابقى العريس ياعروسه الف مبروك عليكي ادهم العطار
نور الصدمه لجمتها بس حازم قرب من ادهم بغضب وقال بصدمه وحده:انت مين وفين يوسف ابني انت عملت له ايه انطق ياض
ادهم بصله بضيق بس ابتسم ببرود وستفزاز وقال:مانا لسه قايل انا العريس ايه ياجدعان مشبهش انا والا ايه ماتقول حاجه ياحمايا بقى
قال كده وهو موجه نظره لعماد اللي كان مبتسم ليه وهنا حازم فاض بيه الحوار كله وقال بحده وصوت عالي: انتو بتضحوا عليا انا دي خطه منكم مش كده عملتها برضو ياعماد وكسرت كلامي انت وابني يوسف
عماد بصله ببرود وقال:ايوه عملتها ياحازم علشان سعاده ومستقبل بنتي اهم من عندك وكرهك القديم وانا مستحيل ادمر حيات بنتي علشانك
حازم بصله بغضب وضيق كبير وسابهم وخرج من القاعه كلها وهنا ادهم قرب اكتر من نور وقال بخبث:ياله ياعروسه كفايه كده النهاردا ليله دخلتنا ولازم نمشي بدرى بقى
نور بصتله بخوف من نظراته لها وجرت على ابوها وهي بتقول:بابا ارجوك الحقني انا مش عاوزاه طلقني منه ارجوك وانا هسمع كلامك كله اوعدك
عماد بصله بحنيه وضمها بقوه وقال:اهدي ياقلبي انا عملت كده علشانك والله وبكره هتعرفي ان كان معايا حق وبعدين مينفعش اطلقك دلوقتي منه الناس هتقول عليكي ايه ياله ياحبيبتي روحي معاه ومتخافيش ادهم ابن حلال وهياخد باله منك
نور بعد عنه برفض وقالت بعند:لا انا مش همشي من هنا ومش موافقه على الجواز ده كمان يابابا واللي عنده يعمله بقى؟!
عماد بصلها بخيبه امل وادهم قرب منها بغضب وهو بيجز على سنانه وقال:قدامي يابت على العربيه بره انا كلمتي وحده ومش بكره في حياتي قد ماتجي بنت وتتحداني ماشي يافرسه ياله اطلعي قدامي يالاااا
نور انتفضت مكانها من الخوف بس عملت نفسها قويه ومش خايفه منه وقالت بعند واصرار:وانا مش هتحرك من هنا واللي عندك اعمله؟!
ادهم بصلها بتحدي بس وجه نظره لعماد الاول وقال:ممكن اتصرف بطريقتي معاها ياحمايا لو سمحت
عماد ابتسم له وقال بحب وثقه:دي بقت مراتك وانت حر فيها يابني
ادهم بس سمع منه كده قرب من نور بخبث وهو بيرفع اكمامه وقال:استعنى على الشقا بالله
وهووب رفع نور على ايده وقال بصوت عالي وجرأه:معلش بقى ياجماعه بس انا حابب اقول كلام خاص بيني وبين مراتي لوحدنا في بيتي فهخدها وامشي والفرح كده خلص
المعازيم بقوا يضحكوا على كلامه ونور بقى وشها احمر من كسوف وضربته في صدره بقوه واحراج وهي بتقول:اوعى نزلني ياحيوان انت انا مش هاجي معاك لمكان اوعي
ادهم ابتسم لها بخبث وقرب وشه منها وهمس لها وقال:انا رغم اني مش بستحمل بنت تشتمني بأي لفظ منها بس هسامحك المره دي يافرسه امريكاني علشان بصراحه تستاهلي وفي البيت ابقى نشوف حوار الحيوان ده هتعمل فيه ايه
نور بصتله بكسوف وخوف في نفس الوقت وادهم اخدها وطلع من القاعه تحت نظرات الفرحه والراحه من عماد لهم
وعلى الجهه الاخرى في منزل حازم
حبيبه بقلق:كفايه بقى ياحازم انت امتي هتنسي الماضي ده وتعيش في الحاضر خلاص الماضي مات واندفن زمان ودلوقتي حاول تنسى علشان خاطر ابنك الوحيد حتي
حازم بصلها بغضب وقال:انا مستحيل انسى اللي حصل زمان وابنك النهاردا صغرني قدام الناس كلها بعملته دي بس انا برضو مستحيل اوفق على جوازه منها و
قاطعه صوت جرت الباب فجرت حبيبه وفتحت الباب وهنا انصدمت لما لقت يوسف قدامه ومعاه حور كمان وهو ماسك ايدها بتملك ودخل البيت بثبات وتوجه لابوه وقال:بابا انا عاوز اقولك موضوع مهم
حازم بصله بسخريه وقال:اخيرا شرفت ياستاذ بعد ماقليت بأبوك قدام الناس كلها وكمان جايبها معاك هنا ليه؟!
يوسف بصله بتوتر وبلع ريقه بقلق وقال:بابا انا وحور اجوزنا على سنه الله ورسوله و
قاطعه كف قوي من حازم اللي صرخ فيه بقوه وغضب:عملتها يايوسف برضو ومن ورايا طيب روح ياله غور من هنا انت والا ابني والا اعرف غور ومش عاوز اشوف وشك هنا تاني وخليها تنفعك بقى بعيد عننا
يوسف عنيه وسعت بصدمه وزهول كبير من كلام ابوه حازم وووو
يتبع...بقلم نور محمد
#النصيب
رأيكم اللي عمله يوسف كان صح او هو تسرع في الخطوه دي وياترى نور هتقدر تتأقلم مع ادهم او لا وممكن تعمل معاه ايه ده كله هنعرفه في القادم بأذن الله
