رواية الشيخ مرجان الفصل الواحد والثلاثون 31 بقلم محمد يوسف
#البارت31 🖊️ Mohamed Youssef Sultan
كانت حزينة ومنكسرة وموجوعة اووي فقدان ابنها وهتموت وتعرف مكانه أو ايه اللي حصله
كلعادة نفس نظرة التحقير من شأني ومن قدراتي بسبب
سني الصغير اللي كنت خلاص اتعودت عليها ..بقي عندي
قناعة داخلية اني اقوي واشطر من اي ساحر ع وجه
الارض واللي كان مخليني عندي الثقة دي الدساسه
واتعلمت منها كتير وعندي شغف وفضول رهيب اني
اتعلم اكتر واكتر علشان لو رحت وملقتهاش زي ما
بتقولي افضل مكمل في نفس الطريق ومخسرش البير
الغويط اووووووي اللي الفلوس فيه مبتخلصش
زي ما كان النسوان عندي متعة اتحول حبي لكسب المال
وتجميعها متعة وكانت بنسبالي متعة اكبر
كان نفسي اجمع مبلغ اكبر من اللي جمعته علشان ابعد
عن القرية والبلاد اللي حوالينا دي خالص ..اروح القاهرة
أو اسكندرية اعيش وأشوف الدنيا واخلق لنفسي حياة
ومستقبل جميل بعيد عن القرف اللي انا فيه هنا صبحي
وام سامح وسامية وأهل القرية اللي عارفين تاريخي كله
والعار والسمعة الزفت اللي ورثتها من صبحي وبتعاير بيها من صغري
المهم الست قالتلي عارف لو عرفت مكان ابني زين ليك
عليا احليلك بوقك
قولتلها بمنتهي التكبر والغرور ..يعني ايه تحلي بوقي
وانتي حد قالك اني بوقي ممرر..وبصيت ل ام سامح
وقولتلها هو في اي ياأم سامح
قالت للست كده تزعلي الاسياد منك ..مش تخدي بالك من كلامك
قالتلها وانا قولت اي غلط بس ياأم سامح ..حقك عليا
يااخويا ..اعرفلي طريق ابني بس انت وليك الحلاوة
قولتلها أنا مبفهمش الكلام دا ..تحلي بوقي وحلاوة وشغل الموالد دا مش بفهمه
قالتلي طب انت عايز اي يابني
بصيت ل ام سامح فهمت وقامت طلعت برا ...قربت منها
وقولتلها هعرفلك مكانه بس هاخد منك 10000جنية
5 قبل و5 بعد ما اوصلك ليه
قالتلي لا 20 الف بس بعد ما تعرف المكان وأشوف ابني بعيني
قولتلها زي ما قولتلك 5 قبل و5 لما اعرفلك مكانه انتي
بقي بعد ما تشوفي ابنك وتطمني عليه حابه تدفي بدال
الخمسة الباقين خمستاشر الف انتي حره مش حابه اخد
الخمسة باقي حقي زي ما اتفقنا
قعدت تفكر شوية وتحسبها وقالتلي موفقة بس الكلام
والاتفاق لازم يكون مع الرجالة علشان تلتزم قدامهم بكلامك
قولتلها مين الرجالة
قالتلي اخواتي وعيالي
قولتلها موفق شوفي هتيجوا امتي
قالتلي طب ما تيجي انت يابني اسهل
من غير تفكير وفقت علشان عايز اخد العربون واحطهم
ع ال14 الف اخواتهم علشان يبقوا 19 الف ..اللي كانو
وقتها مبلغ كبيييييير وكبير اوووي كمان وخصوصا لشب
في سني وفي القرية اللي تحت خط الفقر اللي انا فيها
رحت وكنت قاعد وسط حوالي ١٠ رجالة يسدو عين
الشمس من ضمنهم4 شباب اكبر مني اخوات زين
المختفي والباقي اخوات امه
كلهم بلا استثناء بيبص ليا نفس النظرات اللي متعود
عليها واتكلم كبيرهم وقالي بقي انت يابني اللي هتعرف طريق زين
حاولت أتمالك نفسي ومظهرش اني مخضوض ومحرج
منهم ..كلهم بيبصوا عليا وملهوفين يسمعوا ردي
قولتلها بكل ثقة أيوة هعرف
قالي وايه اللي يضمن بعد ما تاخد العربون تهرب أو متوفيش بكلامك
قولتله وانا ايه اللي يضمن أن بعد ما اعرفلك مكانه
واقولك عليه تصدق معايا وتدفعلي ال20 الف
بص ل أخته وقالها انتي مش قولتي لينا 10 بقوا 20 امتي
قولتله أنا اتفقت ع 10 بس هي اللي قالت 20 حتي اسالها
شفتها وهي بتغمزله وعملت نفسي مش واخد بالي وقالت
ل اخوها اشوف ابني وياخد مالي كله
اخوها قالي خلاص يابني واحنا ع اتفقنا وقال ل اخوه
هات الفلوس وخدها منه ومسكها وقالي عربونك اهو
ياولدي بس هتمضي ع الكمبيالة دي علشان نضمن حقنا
الحق ميزعلش
قولتله عادي امضيلك خد بطاقتي وكتب كل البيانات في الكميالة ومضيت
واخدت صورته واسمه واسم امه ورحت لدساسه وقالتلي
هسالك ولو موجود هعرفلك مكانه وان الموضوع سهل
وكانت ظهره ع صورة خالتي وقعدت تغريني وتثير فيا
بس رفضت ومنعتني اقرب منها وامارس معها الجنس
زي كل مره ..رغم اني كنت هموت واعمل كده
ورحتلها تاني يوم وقالتلي اول مره تيجي يومين ورا
بعض لدرجادي الموضوع دا مهم اوي ليك
كنت جاي الصراحة امارس معها واسالها هي ليه امبارح
منعتني منها ..وفهمت اللي بيدور في عقلي وقالتلي
انا حره وبمزاجي يامرجان ..انت مش اكتر من مره تيجي
ومتعملش كده ومش بسالك عن السبب وبسيبك برحتك
كنت عايز اقولها طب ما تظهري بصورة خالتي علشان
مش لايق خالص كلامك دا ع الست العجوزة المقرفة دي
ضحكت وقالتلي كده تشتم ام تغريد
قولتلها مين ام تغريد
قالتلي زين اللي كنت بتسال عنه من نفس القرية اللي
فيها ام تغريد اللي بتشتمها دي ..لما تروح اسال بس اي
حد عنها واول لما تشوفها هتفهم ..وضحكت بصوت عالي
جدا بصوت مختلف خالص عن صوت ضحكة العجوزة
ولا ضحكت خالتي
قولتلها أنا مش فاهم حاجه
قالتلي اسال بس عنها وانت هتعرف ..بس اوعي تفتكر
انها أنا يامرجان ورجعت ضحكت نفس الضحكة
وقالتلي بعدها زين ملوش اي اثر
قولتلها ملوش اثر ازاي
قالتلي حاجه من اتنين ملهمش تالت..يااما هو صالح ومتحصن ياما مات
معرفش اي اللي فكرني ب رابحة وقولتلها يعني انا امي ماتت
سكتت وبعدها قالتلي واحنا في امك دلوقتي ولا في زين
بعدين نبقي نشوفها
قولتلها طب لو مات متقدريش تعرفي مدفون فين
قالتلي مش انا اللي هعرف حد تاني بس طلباته هتبقي كبيرة عليك يامرجان
قولتلها هيطلب ايه مثلا قالتلي معرفش أنا هحضره
وهبقي اقولك لو نفذت طلباته بيجي ليك في الحلم
يعرفك مكانه ومين اللي موته بتشوف الوقعة كاملة اكنها حقيقة قدامك
قولتلها أنا هعرض عليهم الموضوع وأشوف وارد عليكي برضو
قالتلي استني مني الرد بعد يومين وشاورتلي ب العصاية
اللي في أيدها اللي هو يلا امشي دلوقتي
قولتلها طب مش ها......
مخلتنيش اكمل الكلمة وقالتلي بعدين بعدين روح دلوقتي
كنت هفرقع من كتر الغيظ
ورحت لناس تاني يوم وقولتلهم أن زين مات ..ومحدش
صدقني والكل شاف اني نصاب معاده واحد بس اسمه
خليل وكان ببحاول يهديهم لانهم كلهم بييقولوا رجع
الفلوس واني نصاب ويضحك عليهم ولو فعلا كلامي
حقيقي اعرفهم مكان جثتة أو مدفون فين
واحاول اقنعهم اني علشان اعرف مكان جثته دا اتفاق
تاني خالص غير الاولاني وبرضو مش محدش مقتنع
وكلهم شايفين اني نصاب ودجال ..ولولا وجود خليل دا
كان قطعوني حتت أو ربطوني لحد ما ارجعلهم العربون
خليل خلصني منهم وخدني علي جنب بعيد عنهم ومسك
الكنبيالة اللي انا ماضي عليها وقطعها وقالي علشان
تصدق بس اني مش شايفك نصاب وبتقول اي كلام
وعلشان تعرف يابني اني مصدقك ومصدق انك هتعرف
مدفون فين عارف ايه السبب
قولتله ب استغراب اي السبب
قالي لاني أنا كنت حاسس أنه اتقتل وانا احساسي
مبيكدبش ..أنا عايزك تنسي الاتفاق اللي بينك وبينهم دا
خالص واعتبر ال5 دول عربون محبة مني ليك ..وليك
مني بعد ما تعرفلي مكان جثته 20 الف جنية
قولتله حاضر بس تقول الكلام دا قدمهم ويشهدوا علي الاتفاق
راح وقال الكلام وشهدهم ولما قالوا ليه انت ازاي تعمل
كده ولسه هيبدوا يغلطوا ويشتموا تاني فيا زعق وسكتهم
وقالهم أنا هدفعله من مالي كل يحط لسانه جوه بوقه
مشيت ورحت للدساسه يومها وقالتلي علي طريقة
التحضير والصرف والطلبات اللي كان من ضمن الطلبات
أن ٦ معيز عشر سود وارميهم في مكان مهجور
وصفتهولي واني مقولش تعويذة الصرف غير بعد ما يجي في الحلم
رحت قعدت مع خليل وقولتله انت ايه اللي مخليك شاكك أنه اتقتل
قالي اصلي عمره ما غاب برا البيت يوم واحد ..اتعرض
عليه فرص كتير شغل برا ورفض علشان ميبعدش عننا
ولا عن امه وأخواته أنا من ساعة ما عرفت خبر اختفائه
وانا احساسي بيقولي دا يااما اتخطف يااما اتقتل وقعد
يبكي عليه وسألني انت موصلتش لحاجه يابني
قولتله لسه بس هوصل واتكسفت اطلب منه فلوس
وقولت هصرف من ال5 العربون ولو احتجت فلوس تاني
هيبقي اخد من ال14 الف اللي شايلهم
عملت الطلبات كلها اللي قالتلي عليها وقولت تعويذة
التحضير وقعدت استني يظهرلي زي هامان وساروس
بس مظهرش واول ما نمت حلمت ب ابشع حلم ممكن حد
يحلمه ..أنا حسيت اني بشوف فيلم رعب بجد
انا شفت زين وراجل كبير بيخبطوا ع دماغه بسطور كبير
من بتوع الجزارين ونفوخه طالع من دماغه وبيصرخ
والراجل وست شكلها مراته و٣ شباب بيكملوا عليه لحد
ما لفظ انفاسه الأخيرة. دم كتير في الحفرة الكبيرة اللي
كانوا كلهم فيها وبعد ما مات قسموا جثته ل اربع تربع
بعد ما فصلوا راسوا عن جسمه ودفنوا الربع اللي فيه
الرجل الشمال والربع اللي فيه دراعه اليمين والراس
وحطو الباقي في شوال وطلعوا بيه رموه في ترعة بعيدة
عن القرية اللي هما فيها
#يتبع
