رواية الشيخ مرجان الفصل الخامس والثلاثون 35 بقلم محمد يوسف
#البارت35 🖊️ Mohamed Youssef Sultan
ام سامح انهارت وقالتلي انت ايه ياأخي ..معندكش
قلب ..كل دا علشان طلبت حقي وفلوسي ..مش عايزة
حاجه ياسيدي بس بلاش منه الكلام اللي بيوجع ويسد النفس دا
راعي اني بحبك ..قدر اللي بعمله علشانك ..دا انا لو كلبة
عندك مش هتزلها وتوجعها كده يااخي ..أنا حتي لساني
مش قادر يدعي عليك 🥹من كتر ما انا خايفة أن ربنا
يتقبلها هتوجعني أنا قبل منك 🥹ربنا يهديك يامرجان
ممكن امشي
قولتلها ممكن
كانت عايزاني امسك فيها وارضيها بكلمتين واطيب
خاطرها بس مكنتش هقدر اقولهم ولا اعمل كده لاني
وصلت لمرحلة صعبة وقرفان منهم كلهم ومن القرية
واللي فيها وعايزهم يولعوا كلهم بجاز وسخ
عايز اخلع من الناس دي وانفد بجلدي من مستنقع الزبالة
دا بس مش عارف هروح فين وهعمل اي وهشتغل اي
وحتي لو هفتح مشروع ..هو اي المشروع دا اصلا
ومشروع اي اللي يكسب المكاسب دي ال35 الف اللي
معاك دول هنا في المزبلة دي ثروة إنما في القاهرة
والإسكندرية ولا حاجه وحتي لو حبيت تشتغل زي ما
انت مين هيجبلك شغل هناك وهتجيب منين الدساسه
هناك ..اقعد يامرجان واهدا انت لسه في بداية الطريق
حتي لو هتبطل بطل وانت معاك ثروة حقيقية مش ٣٥
الف ..ام سامح سهل تضحك ع عقلها بكلمتين حلوين
وصبحي ارجعله علشان يبطل يقرفك ويروح لخالتك
وعمر ممكن رجله من توديه للقرية اللي كان فيها زين أو
التاجر وتيجي سيرتك ومن الوصف يعرف وانا مش عايزه
يعرف حاجه دلوقتي مش خوف بس حابب الموضوع
يبقي في المداري كده .مش عايز القرية كلها تعرف
والقري المجاوره وسيطي يسمع علشان مغلطش نفس
غلطة صبحي معايا وعيالي فيما بعد يتعايروا بيا ولا حد يتنمر ولا يتريق عليهم
انا قدرت اعمل اللي صبحي مقدرش يعمله في ٢٠ سنة
ولو فضلت شغال ٢٠ سنة بنظامي دا انا مش هشتري
القرية أنا هشتري المحافظة كلها وبرضو من غير ما حد
يعرف عني حاجه ولا هشرد نفسي زي صبحي
مصبرتش أتاني يوم وبعد ساعتين يوم روحت ل ام
سامح بيتها علشان كنت متأكد أن ابو سامح هيفتح معايا
كلام أن ارجع وابوك بيحبك وملكش غيره والشغل دا
وقولتله قوله اني مش عيل صغير واني راجل مش بنت
علشان يحبسها ويقولها ترجع امتي وتنزل امتي ..مدام
مش بعمل حاجه غلط ولا بجيب ليه مشاكل يبقي خلاص
اعمل اللي انا عايزه
قالي حاضر هقوله بس هو انت فعلا شايل مع خالتك فلوس كبيرة
انا اتصدمت وبرقتله وشايف ام سامح زي اللي شمتانة أو
فرحانه وأنها مجتش منها وجتلي من برا
قولتله فلوس كبيرة ازاي
قالي ابن خالتك فتن عليك وقال ل ابوك انك كنت عند
خالتك بليل وشلت معها شنطة مليانه فلوس
قولتله شنطة مليانه فلوس ..يسمع منك ربنا ..طب فين
الشنطة دي علشان كنت اخدتها وطفشت ..وابويا صدق الكلام دا
قالي راح لخالتك وقالت إنه محصلش بس الواد ابنها
حلف ل ابوك ع المصحف أنه شاف الشنطة والفلوس بعينه
قولتله أنا عايز منك 10 جنية سلف لحد ما الاسطي عطا
يقبضني علشان جعان ومكلتش من امبارح
ام سامح برقتلي وقعدت تمصمص في شفايفها اللي هو
انت هتستهبل يلا ..دا انا لسه عملالك اكل
وطافح. .و10جنية ايه اللي عايزها
ابو سامح شخط فيها وقالها روحي حضري عشا لمرجان
وطلع من محفظته ٥ جنية وقالي خد خد
متتكسفش .ابوك خيره علينا بس تاكل وتيجي معايا
ارجعك ل ابوك انت مش هترتاح غير معاه وفي بيتك
صحابك مش هينفعوك
دخل المطبخ وسمعته وهو بيقول ل ام سامح بقي واحد
معاه شنطة مليانه فلوس هيفعد من امبارح ميكلش
وميبقاش في جيبه قرش صاغ
يتبع
