رواية عمارة حنان الفصل الحادي عشر 11 بقلم ميادة يوسف
الفصل الحادى عشر من رواية
عمارة حنان
بقلم ميادةيوسف
أكرم : الو ياشروق ازيك عاملة اية ياقمر اخبارك ،فين مش شفتك من امبارح؟
شروق : انا اهو تحت النظر ، موجودة، بس انت اللى فين ، عايزك ضرورى النهاردة.
أكرم : عينى تحت امرك ياجميل تأمر انت بس ، بعد العشا فوق فى الروف تمام ياقمر سلام.
____ عند مجدى وحنان وسهام.
مجدى : دخل تجاهل تواجد سهام وكأنه مايعرفهاش، وبص( لحنان) ايه ياحنه عندك ضيوف ولا ايه؟
سهام : حطت وشها فى الأرض وعيونها اتملى دموع، وتمنت الأرض تبلعها!؟
حنان : زعلت من رد فعل ( مجدى) ونظرت له نظرة بمعنى ليه كدة !
مجدى : ايه ياحنه ياقلبى عشمتنى بالأكل والروايح جايبه اخر الشارع يالا واقع من الجوع.
حنان : حاضر اجيب الاكل من جوة يالا ياولاد ساعدونى.
سهام : كانت قايمه تمشى ،
حنان : ابدا لازم تقعدى تاكلي معنا لقمه والله ، ماتقول حاجه يامجدى
مجدى : اتفضلى شاركينا الاكل، ويالا انا جعت وواقع من الجوع.
بعد وقت ___
خلص الاكل وحنان جابت فاكهة وعصير.
مجدى : بعت رساله على فون سهام ، انزلى تحت استنينى فى العربيه؟!
حنان : مجدى، انت ناوى تعمل ايه ، لازم نقعد نتكلم مع بعض ،اوعى تعمل اللى فى بالك ؟
مجدى : اكتر حد فاهمني والله حرام البعد دة ، بس كله بالاتفاق ، وانا موتى وسمى اللى يتصرف من دماغه وهو مسؤول عنه، وملزم منى ، وهى عدت المانش ، وانا لى نظام، اللى فيه الخير يقدموا ربنا، سلام ياحب.
مجدى : نزل عند سهام ،وركب العربيه، قاعد ساكت مابيتكلمش ، سهام فى حاله صعبه ، وخوف من ردة فعل مجدى ؟!
سهام : مجدى حبيبى ، والله انااا روحت اتعرف على( حنان ) من كتر كلامك عنها، حبيت أقرب منها وو.
مجدى : سايق العربيه ومش باصص لها اصلا، وفرى كلامك ، انا مش عيل برياله، وصغير ، فوووووقى يابت ، انا اوديكى البحر واجيبك عطشانه، خلص الكلام.
وصلوا لمكان انزلى، طلعوا مكتب محامى!!!
سهام : احنا جين هنا ليه، فيه ايه ،مجدى والنبى وهى بتبكى، والله ماهتتكرر تانى خلاص ، اسفه حق عليا ، سامحنى .
مجدى : بطلى دموع وبكى ،خلص الكلام، وكل واحد مننا فى طريق، اوعى تكونى فاكرة الرسايل اللى راحت لحنان قبل كدة ،موضوعها انتهى ، انا غفلتوا بمزاجى، وقلت معلش غيرة حريم، اصبر ياود ، طنش ياود ، بس انتى بقى قولتى اركب ودلدل صح، ولا نفس ، وحقك هتاخديه وفوقيه بوسه، والشركه هتشتغلى فى شركه تانيه، وانا هوصى عليكى ، شهامه منى ، وتنسى اللى كان، وماشفش وشك تانى.
بعد وقت كان انتهى المحامى من الإجراءات وكل واحد راح فى حاله بقلم ميادةيوسف
__ عند شروق وأكرم ___
أكرم : ست الستات خير ياجميل؟
شروق : حلو الدخله يااكرم ياخويا، تعالى اقعد هنا، الجو حلو وجميل، والقهوة هنا طعمها مختلف، امسك فنجان قهوتك.
أكرم :🤔🤔 اخويا ليه بقى الدخله دى وجعتى قلبى تسلم ايدك، احلى فنجان قهوة من ايدك بيعلى المزاج ويظبط المود والنعمه، تسلم الأيادي.
شروق : اسمع ، ساعات الواحد مننا بيضيع الحاجه الحلوة اللى قدامه وبيبقى مش واخد بالوا من الصورة صح ، وانا بعتبره اخويا بجد، مش كلام، ستاذة(حنان) كلمتنى ووو
أكرم: شروق انا مش غبى ، مش هنعرف انى فكرت فيكى، وكان نفسى نكمل مع بعض!!!
شروق : وانا لوكنت فى ظروف غير دى، كنت اول واحد اتمنى ارتبط بيه، انت تستحق واحدة تكون أول بختها وهى اول بختك، وعروستك عندى، وايه دايبه فيك، بس عايزة اقوم من هنا واحنا صافى يالبى!
أكرم : بيهز راسه حليب ياقشطه.
عند حنان_^^^^^^^__
مريم : ماما حنان هو عمو مجدى يقرب لينا ايه بالظبط انا بحبه قوى ،وبحس فيه بابا، هو بابا مش هينزل اجازة؟!
حنان : والله ابوكى واحشنى قوى ونفسى ينزل ، هخلص المطبخ واغير هدومى ونتصل عليه، امسكى حطى البطيخ فى التلاجه.
___ مجدى بقى ياسيتى يبقى ابن اخو عم اسماعيل صاحب جدك ،وشريكنا فى العمارة، عم اسماعيل اتجوز مامته بعد ابوه لما مات، ودخل بورثه شريك فى العمارة ، ومن يوم لما شفته واناااا
مريم : وانتى ايه ياجميل !😉😉
حنان : يالا بت اخرجى ،روحى وضبى الليفنج روحى، شوفى مين بيرن الجرس؟
سماح : فين ابله حنان؟
مريم : فى المطبخ جو.
سماح : ببكى ابله حنان ، انا عايزة اطلق؟؟!😭😭😭
حنان : ياخرابى تطلقى؟ هو جوزك هنا؟ الراجل مسافر وفى حاله، الله يسهلو ويهون عليه غربته، كان عمل ايه؟ تلاقى انتى اللى منكدة عليه خير فيه ايه؟
سماح : انا غلبانه والله، ماعملت حاجه ، ايه ده 😃😃😃 بطيخ الله .
حنان: عوض عليا عوض الصابرين يارب، جوزك مالوا يااخرة صبرى؟
سماح : الافندى عايزززز والله معارفه اقول ايه؟!
حنان : قولى واخلص وقعت قلبى!
سماح : عايز حاجات على النت وعايز ارقص له ، انا قولت سفر لاء كلكوا هزءتونى ، كان عندى حق.
حنان : بصى هو انا سامعه الشيخ بيقول فى التلفزيون عادى، وحلال ، بس سمعت برضوا حد من بتوع شركات النت بيقول كل دة متراقب ، انتى بقى اعقليها كدة وخليكي واعيه ، وحافظى على جوزك بحدود ،واتكلمى معه بكل صراحه واتفاهموا، بقلم ميادةيوسف ماشى ،الموضوع، دة ماينفعش فيه تلاته، انتى وجوزك بس، فاهمه.
سماح🤔🤔🤔 هتكلم معه حاضر، هاتى بقى طبق البطيخ، فين الود لؤى؟
############## عند شروق فى شقتها
شروق : بتفتح باب الشقه.
شروق : عادل ايه جابك خير ، نيفين جرا لها حاجه؟
عادل : طب ادخل طب هنتكلم على الباب كدة؟
شروق : دخلت وسابت الباب مفتوح.
عادل : ايه هو انا غريب ياام على؟
شروق : معلش ، الأصول ماتزعلش حد.!
عادل : طول عمرك بنت أصول وتفهمى فيها ، ياام على، اقعدى هنا عندى كلمتين، انا عارف انك بتروحي كل يوم لنيفين، كتر خيرك وهى حالتها صعبه ،ربنا يلطف بيها.
__ على الدوغرى كدة انا جاى اردك وطالب ايدك ياام على ، قولتى ايه؟ وانتى عارفه كل حاجه، وانا اشتريت الشقه اللى فوق من (نيفين) وهجهزها وافرشها من جديد، وكل اللى تأمرى بيه ينفذ.
شروق : وانا موافقه لسببين!!!
__الأول : نيفين اه ماتستغربش ، مالهاش حد غيرى وهى اختى مش بنت خالتى، وفرحه اخت على دم واحد، وانا أولى بيهم .
___التانى : على بقى مشتت وعايز اب وام من الاخر كدة ، ربنا يخليك له.
عادل : طب وعادل نفسه ،ايه مالوش مكان ولازمه عندك؟ اللى بينا ، دا اول لمسه، واول همسه، لينا كانت مع بعض، وعارف انك ماسمحتيش لايهاب يتعدى حدوده.
شروق : ايهاب ايه وبتاع ايه ، انا اعرف أوقف كل واحد عند حده ، اسمع ماتقولش لنيفين على حاجه دلوقت ، علشان حالتها الصحيه والنفسيه.
عادل : انا قولت لها وعرفتها ، مافيش داعى نخبى، نجيب المأذون بقى؟ انا بصراحه عايز يتقفل علينا باب واحد، واحشنى يافرس.
شروق : اتلم واحترم نفسك ، وهيبقى على الضيق خالص.
____ عند حنان ومجدي
حنان : امسك البطيخ تحفه ،تسلم ايدك.
مجدى : احنا لازم نتجوز بقى !
حنان : مجدى اناااااا......يتبع بقلم ميادةيوسف
