رواية بنت الشارع (كاملة جميع الفصول) بقلم محمد طه
الأول
#اسكريبت_بنت_الشارع
__(عند إشارة المرور)__
_أمل تقف في إشارة المرور وتبحث عن قوت يومها
_راضيني يراضيك ربنا..جعانه يا باشا..
إديني حاجه لله..من الصبح ما أكلتش..
والنبي يا باشا..إلاهي يسترك..
إديني جنيه..والنبي يا ست هانم..حاجه لله..
إديني أي حاجه..إلاهي يسترك..
وتروحي تزوري بيت ربنا
_لا أحد يعطيها شئ وتذهب أمل لترتاح قليلاً
_أمل تحدث نفسها
أووووف بقي ف أم الإشارة الكحيانه دي..
كل زباينها راكبين عربيات بالملايين..
ومفيش واحد فيهم عطاني جنيه..
أنا تعبت..وجوعت أوي..طب إيه..
أروح الإشارة التانيه
لأ..مش هروح الإشارة النجسه دي..
كل زباينها وسخين..مفيش واحد بيديني جنيه..
إلا لما يلمسني ويتحرش بيا..
يارب أرزقني بإشاره مرور..زباينها يقدروا تعبي..
ووقفتي طول النهار ف الشمس
_وهيا تحدث نفسها الإشارة تقف ويقف أمامها سائق
_السائق مبتسماً
إزيك يا شاطره خدي تعالي
_أمل تبادله الابتسامة وتسرع إليه
الله يسلمك يا باشا يارب يرزقك ويبعد عنك كل شر
_السائق معطياً
خدي الأكل ده..وخدي دي كمان
_أمل بسعادة
يا لهوي يا باشا..أكل و100 جنيه..أنا مش مصدقه
_السائق مبتسماً
لأ صدقي إنتي إسمك إيه يا شاطرة
_أمل
إسمي أمل..خدامتك أمل
_السائق متسائلاً
عندك كام سنة يا أمل
_أمل
والله يا باشا ما أعرف..قولي أنته حضرتك..
تديني كام سنه
_السائق يفكر وينظر إلي جسدها
يعني 13 أو 15 سنه.. مش أكتر من كده
_أمل
يبقي خير الأمور الوسط..يبقي عندي 14سنه..
هوا أنا ينفع أسأل حضرتك سؤال
_السائق مبتسماً
آه طبعا ينفع.. إتفضلي أسألي
_أمل تسأل
قولي عنوان أكتر إشارة حضرتك بتعدي منها
_إشارة المرور تفتح والسائق يتحرك بالسيارة..
وهوه مبتسماً..وأمل لم تحصل على إجابه سؤالها
_أمل تحدث نفسها
الحمدلله..ال100 جنيه دي تكفيني أسبوعين
_ويأتي لصاً على دراجه ناريه ويسرق من يدها النقود
_أمل بصدمه وهلع
حرامي..حرامي..حرامي..إلحقوني حرامي
_وتجلس أمل تبكي وتحدث نفسها
_أمل ببكاء
يا ابن الحرام..دا أنا ملحقتش أفرح بيها..
تلاقي اللي عطهاني مكنش مسامح فيها..
ولا جايبها من شغل مش حلال..
ولا يكونش أنا اللي فقريه..
لما آكل الأكل دا قبل ما يتخطف مني هوا كمان..
دا أنا هفضل حزينه على ال100 جنيه دي..
سنه كامله..دا أنا أول مره ف حياتي..
حد يديني 100 جنيه..
يارب يا اللي خطفتها ما تلحق تتهني بيها
_وتقفل إشارة المرور ويقف أمامها سائق
_السائق متسائلاً
إيه يا شاطرة..مالك بتعيطي ليه
_أمل تذهب إليه ببكاء
لأ مفيش حاجه يا باشا
بقلم...محمد طه عبد المجيد
_السائق وهوا ينظر إلى ما بيدها
آه فهمت..دي دموع الفرحه..طبعاً اللي ياكل أكل فخم
زي اللي ف إيدك ده..لازم يعيط من الفرحه
_أمل ببكاء
لأ والله يا باشا..دا أنا بعيط من حظي النحس
_السائق بإهتمام
خير يا شاطرة فيه إيه..إيه اللي حصل
_أمل
الباشا اللي عطاني كيس الأكل ده..عطاني 100 جنيه
ومفيش دقيقه وفيه واحد بموتوسيكل خطفها من إيدي..إلاهي ما يلحق يصرفها
_السائق يخرج من معه مائه جنيه
_السائق معطياً
طيب خدي 100 جنيه غيرها ومتعيطيش
_ويبدأ السائق بوضع يده على خدها ليجفف..
لها دموعها..ثم يقترب بأصابعه على شفاها..
_بينما أمل تفكر فى حادث السرقه ولا تنتبه..
لما يفعله السائق..ثم تفتح الإشارة..
والسيارات التي بالخلف تعطي إنذار للسائق..
الذي يقف مع أمل ولكنه لم ينتبه..
لكن أمل تنتبه لما يفعله السائق بشفاها..
لكنها تُبعد يده عنها
_أمل بخجل
الإشارة فتحت يا باشا
_يتحرك السائق ويذهب بسيارته..
ويأتي السائق الذي كان ف الخلف..
وينظر إلي النقود التي فى يد أمل
_السائق يستفز أمل
100 جنيه..من حقه ينسي نفسه..
ويعمل اللي هوا عايزه
_ثم يأتي السائق الثاني
_السائق
إنتي لسه صغيره على الكلام ده..
لما تكبري هتعملي فينا إيه
_أمل تتلقي هذه الكلمات وكأنها سيوف..
تقطع جسدها..ثم ينهمر من عينيها شلالً من الدموع
ووقفت تقطع النقود..ثم أوقعتها على الأرض..
ثم بدأت تدعثها بقدميها وبصقت عليها..
وتركت إشارة المرور وهي تبكي
_أمل بكل براءه تحدث نفسها
كل إشارة مرور هلاقي فيها اللي يضايقني..
واللي يبصلي بصه وحشه..واللي يحاول يلمسني..
واللي يلقح عليا بالكلام..
وكل ما هكبر..كل ما المشاكل هتكتر..
يارب والنبي أنا مش عايزه أكبر..
يارب متخلنيش أكبر..أنا عايزه أفضل صغيره..
وحتي لو فضلت صغيره..
هما اللي زي دول بيرحمو كبير ولا صغير
_وفجأه يأتي من خلفها أصوات عاليه..
تنظر ورائها تجد فى إشارة المرور حادثه..
إشتباك بالأيدي والفاظ بذيئه ومسيئه..
_تذهب أمل إلي إشارة المرور لتشاهد ما يحدث
وبعد أن انتهي الاشتباك وتحركت السيارات وذهبت
_تنظر أمل إلي مكان الحادثه لتجد شيأً ما..
تذهب إلى هذا الشئ إذ هوا خاتم جميل جداً..
وكبير إلي حد ما..أمسكته أمل بسعادة كبيره جداً..
أنتبهت أمل إلي أن فص هذا الخاتم بداخله شئ ما..
_بدأت تحاول إخراج هذا الشئ الذي بداخل..
هذا الفص لكنها فشلت لأنه محكم جيداً..
جلست تفكر ماذا تفعل لإخراج هذا الشئ..
حتي قررت أن تحطمه وتُكسره حتي تري..
ما الذي بداخله...........
_ويتبع............
_بقلم...محمد طه
تحياتي للجميع
