رواية طلبني في بيت الطاعة الفصل الثاني 2 بقلم عادل عبدالله
طلبني في ببت الطاعة
٢
حسنية
لا ياحبيبتي خليكي متفائله كده وبلاش التشاؤم ده
وعدت الايام وجه يوم الفرح ودخلنا شقتنا انا وعاصم واللي هي فوق حماتي بالظبط وحماتي ندهت على عاصم وقالت له
الحما
تعالي ياعاصم عايزاك في كلمتين
ونزل عاصم مع أمه واقعد وسط اخته وامه قالت له
اسمع ياواد ياعاصم البت دي شكلها مش سهلة ااه انت لازم تدبح لها القطة من النهاردة انت فاهم ولا لا
عاصم
حاضر ياما ده انا هطلع عنيها سبيني اطلع لها بقا
حنان
انت مستعجل على ايه ياخويا هي هطير يعني اسمع انت تخوفها وتخلي تعملك الف حساب وكمان تخليها تعمل لأمك حسابك وتخليها كمان تسمع كلام امك في كل حاجة
عاصم
وهي تقدر تقول لأمي لا على اي حاجة ياحنان ده انا هخليها تبوس رجلين امي
عفاف
حبيب امك انت ياعاصم طول عمرك راجل ياحبيبي دي ياسعدها ياهناها البت دي بيك ياضنايا
عاصم باس ايد امه وقالها
ربنا يخليكي ليا ياما سبيني بقا اطلع لمراتي ولا في حاجه تانيه عايزاني اعملها
عفاف
لا خلاص كده ياضنايا اطلع انت يلا تصبح على خير
وطلع عاصم عندي وحنان قال لأمها
حنان
بقولك ايه ياما انا خاېفه من البت دي مش مطمنه حاسة كده انها هتاخد ابنك تحت جناحها
عفاف
وهي تقدر تعمل كده طب ده انا اۏلع فيها هي وامها سبيها بس تدلع لها يومين عشان عروسة جديدة وبعدين نبقا نشوف حكايتها ايه بنت حسنية دي
وعاصم طلع عندي وقالي
مبروك ياعروسة نورتي بيتك تعرفي يابت ياناهد طول عمري كنت بتمناكي واتمنى اتجوزك بس لقيتك كنتي رافعه مناخيرك فوق اوي ومش راضية تبصيلي معرفش أن النصيب مخبيكي ليا
ناهد
يعني انت مبسوط عشان اتجوزتني ياعاصم بصراحه انا طول عمري بتمنى اللي هتجوزة يكون حنين عليا ويعوضني عن حنان ابويا الله يرحمة
عاصم
وانا من هنا ورايح ياقلبي اعتبريني ابوكي واخوكي وجوزك وكل حاجة ليكي يلا بقا خلينا نشوف ليلتنا الحلوه دي
وعدي عليا اسبوع في بيت عاصم وانا لسه منزلتش عند حماتي وبعد اسبوع حماتي قالت لعاصم لما نزل عندها تحت
الحما
ايه ياعاصم هي مراتك مش ناوية تنزل تشوف طلباتي هنا ولا ايه ولا هي خدت على الراحة والنوم في السرير هو ده اللي اتفقت معاك عليه
حنان
مش قولت لك ياما البت دي مش سهلة وهتدلع على ابنك وتاخد تحت جناحها اهو كلامي حصل ولا لا
عاصم
جرا ايه ياحنان في ايه وبطلي الكلام اللي بتملي بيه دماغ امك ده هو بس ياما كل الموضوع انها لسه عروسة وبقالها اسبوع يعني بقول نسيبها اسبوع كمان تعيشه عروسة وبعد كده تنزل
حنان شهقت وقالت
يلهوي انت عايز تسيبها اسبوع كمان قعده فوق في الشقة غندورة ياعيني عليا اللي جوزي خلاني انزل لامه واخدمها من تاني يوم في الصباحية مش حكيت لك ياما
عفاف
اسمع ياعاصم مراتك تنزل دلوقتي حالا تشوف طلباتي هنا والا اكون غضبانه عليك ومش هتشوف مني غير وشي التاني اللي انت عارفة
عاصم
حاضر ياما هخليها تنزلك دلوقتي وبلاش الوش التاني ده
وبص لحنان وقالها سخنتيها ياحنان اعوزو بالله منك حقنة
وطلع عاصم عندي وقالي
بقولك ايه يا ناهد مش كفاية كده بقا اقعده هنا انا عايزك تنزلي عند امي دلوقتي عشان تشوفي طلباتها
ناهد
هو احنا مش متفقين اني هنزل بعد اسبوعين من الفرح ياعاصم فات اسبوع وفاضل اسبوع مش كده برضو انا لسه عروسه ومن حقي ادلع
ولا انت شايف اي
عاصم زعق وقالي
بلا اسبوع يلا اسبوعين انتي هتنزلي لأمي دلوقتي حالا ومش عايز كتر كلام يلا على تحت
ناهد
حاضر ياعاصم هنزلها انت بتزعق ليه كده
وعرفت ساعتها ان امه سخنته عليا عشان يخليني انزل عندها
ونزلت حنان قالت لي
حنان
اهلا ياغندورة ايه ياعروسة انتي مش عايزة تشوفينا ولا ايه
ناهد
ازاى يعني مش هبقا عايزة اشوفك يا ابلة حنان انتي وحماتي لا طبعا عايزة اشوفكم
عفاف
طب يلا ياختي ادخلي على المطبخ اغسلي المواعين اللي في الحوض وبعدها تخشي على الشقه تروقيها كويس وتنضفي انا بحب النضافه اوي واحب مرات ابني تكون نضيفه انا بقولك اهو
وفضلت حماتي تطلب مني طلبات طول النهار وكل يوم بقا على كده هي تبقا قاعده هي وبنتها وانا اشتغل في الشقه
وعند امي بعد جوازي بشهر جمال راح اتقدم لها وكتب كتبها وحماتي لما عرفت قالت لي انا وعاصم
الحما
الحق ياعاصم حماتك المصونة قالت اتجوزت قال هو انتي يابت كنتي عارفة ان امك هتتجوز
ساعتها معرفتش ارد عليها بس قولت لها
ناهد
انا وانا هعرف منين يعنى ياحماتي وبعدين يعنى امي حره تتجوز ماتتجوزش هي حره
حنان
ااه حره يبقا الكلام اللي كنت بسمعة عنها صحيح بقا
ناهد
كلام كلام ايه ده يا ابلة حنان اللي سمعتيه
حنان
انها كانت معجبة بالاسطي جمال وكانت بتشاغله لحد لما وقعته في حبها وخلاته يتجوزها
ناهد
ايه الكلام اللي انتي بتقوليه ده قطع لسان اللي يجيب سيرت امي بكلمة واحده
حنان
الله وانا مالي ياختي ماتروحي تتشطري على امك اللي كانت دايرة على حل شعرها
ناهد
انت عجبك الكلام ده يا عاصم يرضيك انها تتكلم عن امي كده
عاصم
اهدي ياناهد وانتي ياحنان عيب كده متتكلميش عنها بالطريقه دي خلاص بقا خلصنا الست اتجوزت وخلاص ملناش دعوة
حنان
ملناش دعوة دي حماتك ياموكوس اللي اتجوزت هاهاها ياعيني على الرجاله
عاصم بيزعق
انتي عايزة ايه دلوقتي ياحنااان
عفاف زعقت له وقالت
عاااصم انت بتزعق لاختك قدامي اتلم لحسن اخلي نهارك مش فايت
ناهد
اظن موضوع الجواز ده مش يخص
حد الا امي حتي أنا شخصيا مليش ان اتكلم
فيه وخليكي في حالك يا حنان
وفي الوقت ده حنان جابت الشبشب من علي
الارض
عاصم
اي ده انتي اټجننتي انتي ناويه
تعملي اي
حنان
ما تخافش قوي كده يا سيدي الرجاله ده انا هدي شبشب لمراتك علشان تضربني بيه ما هي ليها حق تعمل اكتر من كده لما اشوفك بيكلمني بالطريقه دي
عاصم
بقول لك يا ناهد اطلعي فوق لو سمحت دلوقتي
الام
والله ما يحصل ولا هتطلع فوق الا لما
تبوس علي ايد اختك
ناهد
انتي بتقولي اي والله ما يحصل ابدا
الكلام ده
الام
كلامي ليك ي عاصم مراتك لازم تبوس
علي ايد اختك وتعتزر ليها ي اما تاخدها
وتمشي من هنا ونشوف مكان تاني
عاصم
بوسي ايد حنان يا ناهد لو سمحت
ناهد
وربنا ما يحصل هو انت مش عارف
تعمل راجل علي اخواتك جاي تعمل
راجل عليا انا وفي الوقت ده لقيت
حماتي ضړبتني بالقلم
الحما
طلما امك مش عارفه تربيكي يبقي نربيكي
احنا امشي يا بت اطلعي فوق مش عايزه
اسمع صوتك
ناهد
هو انت موافق على اللي انك عملته
ده اخس عليك يا عاصم وفي الوقت ده
عاصم بص في الارض وسكت
ومش اتكلم وبعدها روحت عند امي
جمال
ياتري مين اللي جاي لينا دلوقتي
واحنا لسه عرايس
الام
استني عندك انت انا هروح افتح
بس لو طلعت مراتك متعرفش أنا هعمل
فيها أي
وفي الوقت ده فتحت ماما ولبستها حطط
أيدها علي الباب
الام
رايحه فين يا ناهد هو انتي يا بنتي
مش عارفه ان عروسه جديده ولا اي
ناهد
داخله بيت ابويا مانتي متعرفيش
حصلي اي بسببك وبسبب جوزاتك
الام
حصلك اي ي حبيبتي هو انا عملت
حاجه تغضب ربنا لا سمح الله ولا اي
اهدي كده يا حبيبتي وكل واحد حر في نفسه
وبعدين بقي مش هينفع تدخلي
ناهد
بقولك حماتي ضړبتني بالقلم وانا مش عايزه
اكمل حياتي مع راجل زي عاصم ده
الام
كل بيت ي حبيبتي وفيه المشاكل بتاعته
ولو كل واحده عملت زيك كده وسابت
بيتها مكنش حد سلك
ناهد
انا مش مصدقه والله اللي انتي بتقولي
ده وفي الوقت ده اغم عليا وبعدها
جه جمال شالني وحطني علي السرير
الام
مالك يا جمال شكلك عامل ليه كده يااخويا
دي اكيد سهوكه بنات علشان تفضل هنا
جمال
هو انتي مش شايفه شكلها عامل ازاي بقولك
اي أنا نازل اجيب دكتور وبعدها نزل
وشويه وجه هو والدكتور وكشف عليا
الدكتور
مبروك المدام حامل
