رواية احكام الفصل الخامس 5 بقلم زهرة الربيع
بارت هديه
هتقول قدام الكل انك افتريت عليا و طلقتني من اخوك لان عينك مني وطمعان فيا.. يا كده يا انسى موضوع جوازنا ده خالص
جوده بصلها بزهول شديد وقال بصدمه...انتي..انتي اكيد بتهزري صح
احكام قالت بسخريه..فهمت جوابك معندكش الجرئه يعني مش قد كلامك...ويعني طلبك مرفوض يلا وريني عرض اكتافك
بس جوده قال بسرعه..لا لا مش كده...بس اللي بتطلبيه مستحيل ..عايزاني اطلع نفسي ندل وضلالي قدام الناس وافتريت عليكي وطلقتك من اخويا شقي علشان اتجوزك ازاي عيزاني اقول قدام الناس كده
احكام ضحكت بسخريه وقالت...لا مش عيزاك تطلع نفسك ندل...دي حققتك يا جوده ...انت بس هتقول الحقيقه..يعني تخيل الناس اللي في صفك وانت كداب نفسهم اللي هيحتقروك لما تبقى صادق ..وبعدين انت مش لسه بتقول ميهمكش كلام الناس..بس انا يهمني لان عندي بنت ولازم احفظلها سيرتها وكرامتها وسط الناس
جوده اتنهد وقال..انتي قاصده تصغريني وبس مش علشان بنتك
احكام قالت..يعني رفضت كنت عارفه
جوده قال بحزم...لا وافقت يا احكام
احكام اتسعت عنيها بدهشه وهو قرب وبص لعيونها وقال..جوده عند كلامه ...انا جاهز احارب الدنيا كلها علشانك .واصلا محدش يقدر يقولي تلت التلاته كام ...انا مش التافه اللي كنتي متجوزاه
احكام بصتلو بخنقه وحاولت تهدى وقالت...ماشي ...الكلام مفيش اسهل منو ..هستنى الفعل
جوده قرب منها وقال بتحذير ..انا كمان مستني الفعل يا احكام...لان لو كنتي بتلعبي بيا هتشوفي مني وش مشفتهوش قبل كده.. وكل اللي فات ولا حاجه بالنسبه للي هعمله
قال كده ومشي وهو محتار جدا مش عارف هيقول ازاي لخالد على جوازه من احكام والاسوء ازاي هيقول الكلام ده قدام اهل البلد
احكام قعدت على الكرسي بزهول من نفسها ازاي وافقته كده نزلت دموعها وهيه حاسه بقرف شديد لمجرد التفكير انها ممكن تبقى مراته
بس الوجع الاصعب حست بيه لما افتكرت بنتها ودموعها وقد ايه اترجتها تفضل معاها وخصوصا لما خالد خدها من حضنها حطت ايديها على وشها وبقت تبكي جامد
في الوقت ده دخل ابراهيم بسرعه وقال...احكام ..بتبكي ليه اهدي اهدي ارجوكي ..قلك ايه السافل ده ما انا قولتلك اجي معاكي يا احكام
احكام قالت بدموع وانهيار...حنان ...حنان يا ابراهيم كانت رايحه الحضانه كانت زي القمر ولابسه شنطه و..لبس..لبس حلو...كنت بحلم على طول امشطلها شعرها وهيه رايحه المدرسه اول مره واعملها سندوتشاتها بايدي..بس حتى ملحقتش اكلمها اخدها ...اخدها من حضني وكانت بتعيط وبتترجاني اخدها معايا يا قلبي ... هموت يا ابراهيم همووووت
ابراهيم نزلت دمعه من عيونه وهو بيبصلها بحزن شديد وقال...اهدي ارجوكي وحدي الله...ربنا قادر يربط على قلبك زي ما ربط على قلب ام موسى..قادر على كل شيئ يا احكام
احكام مسحت دموعها وهحاولت تهدى وقالت...ربنا...ربنا ميرضاش باللي حصل ده ابدا يا ابراهيم..ميرضاش بالظلم..ولا يرضى اننا نسكت عليه وانا مستحيل اسكت تاني
ابراهيم بصلها باستغراب وقال..قصدك ايه يا احكام
احكام بصت بعيد عنه وقالت بجمود..جوده طلبني للجواز
مرت اكتر من دقيقه وهو بيبصلها ومعقود لسانه مش قادر يستوعب اللي قالته واخيرا نطق وقال...ايه...يت ايه...يتجوزك...هههه....ههه اكيد ده هزار اكيد مطلبش كده
وزعق وقال بغضب....ده يبقى اتجنن لو طلب كده الحيوان الوسخ و
بس قاطعتو لما قالت بنفس الجمود...طلب.... وانا وافقت يا ابراهيم
ابراهيم كان هيقع من طوله وقال ...انا..انا مش قادر افهم بتقولي ايه..وافقتي على مين على جوده..جوده يا احكام
قالت بدموع..مقداميش حل تاني
زعق جامد وقال بغضب ميتوصفش ...لا قدامك..قدامك يا احكام.....قدامك ترفضي وتمسحي بكرامته الارض ولا نسيتي اللي عملو فيكي
احكام قالت ببكا وانفعال ..منستش..منستش حاجه يا ابراهيم...وعمري ما هنسى انسى ايه ولا ايه ..انسى ضنايا اللي كل ما تشوفني تترجاني اسيبها في حضني وانا مقدرش...انسى حياتي اللي باظت في غمضة عين والفضيحه اللي اتفضحتها قدام الخلق ..انسى...انسى ابني او بنتي اللي ملحقتش اعرف بوجوده حتى...انسى ايه ولا ايه ولا ايه يا ابراهيم
ابراهيم قرب منها بحزن لما قالت كده وقال ...طب..طب ليه..ليه توافقي مش مضطره
احكام قالت بألم... لا مضطره..علشان كل الي قولتو ده مضطره ..وبعدين اصلا انا كده كده خلاص حياتي باظت مش مستنيه اني ممكن اعيش مع حد احسن منه...خلاص...بعد االي حصل مستحيل اتجوز تاني مين ممكن يقبل بيا اصلا و
بس قاطعها لما قال بسرعه..انا..انا يا احكام
احكام اتسعت عنيها بزهول وهيه بتبصلو بصدمه خصوصا لما كمل وقال....انا اقبل بيكي يا احكام واتمناكي كمان
أحكام بقلم...زهرة الربيع
عند جوده كان قاعد بيشرب شيشه بتوتر وهو مش عارف هيفاتح نوال وخالد ازاي
نول بصتلو باستغراب وقالت...فيه ايه حساك مش على بعضك
جوده التفت لها وقال..احم هو..هو فيه انا...
بس قطع كلامو لما سمع جرس الباب اتنهد وقال..افتحي ده خالد زمانو وصل بنته وجيه
اول ما فتحت خالد قال بغضب...جوزك جيه هنا ولا لسه بيتسرمح تحت
نوال بصتلو باستغراب وجوده وقف واتنهد وقال ...انا هنا يا خالد تعالى عايزك
خالد دخل زي الاعصار ومسكو من هدومه وقال بغضب وزعيق ..مالك بيها تاني ..ايه اللي خلاك تقابلها في دكانك عايز ايه تاني طلاق واتطلقنا فيه ايه تاني
جوده اتنهد وقال.... اهدى علشان نتكلم
نوال قالت ...هو فيه ايه...هيه مين اللي بيقابلها
خالد قال بغضب...البيه جوزك لقيتو مع طليقتي في دكانو الله اهلم بيعملو ايه
نوال اتفاجأت وجوده قال بضيق..حافظ على كلامك انت عارف ان احكام مفيش انضف منها بلاش التلقيح البايخ ده
خالد بصلو بزهول وقال..والله..انا بلقح عليها..طب واللي انت عملتو اسمو ايه..ده انت زفيتها قدام الخلق ولا نسيت
جوده مشي خطوات وقال بتردد..فاكر....احم وهصلح كل شيئ..انا...انا هتجوز احكام يا خالد
نوال لطمت على خدودها بقوه وزهول وقعدت على الكنبه ورجليها مش شيلاها
وخالد كمان اتصدم بشده وقال....ايه...تت ايه ..انت...انت طلقتها مني علشان تتجوزها
تتجوزها يعني ايه تتجوز مين اصلا ... طليقة اخوك بعد ما طلقتها مني مستحل تتجوزها عادي كده
جوده اتنهد وقال...متتحسبش كده يا ابن ابويا
خالد قال بزهول...ههه...ابن ابوك...هو انت فاكر اني ابن ابوك...فاكر ابوك اصلا ...بلاش الكلمه دي لانك مبقاش يهمك غير نفسك وبس يا جوده
جوده اتنهد وقال...انت لو هديت هتفهم وجهة نظري
خالد زعق فيه وقال بغضب وانفعال ...افهم ايه.....مش دي احكام اللي من شهور طلعتها زا*نيه وطلقتها مني وشهدت عليها كل الخلق..هتتجوزها ازاي دلوقت وبأي وش يا سيد الرجاله ...هتقول ايه ...هيه عديمه شرف متنفعش لاخويا علشان كده طلقتها منو بس تنفعلي انا علشان انا كمان عديم شرف اكتر منها
جوده قال بغضب..خالد...لم لسانك وخد بالك لكلامك متنساش اني اخوك الكبير اللي مربيك
خالد ضحك بزهول وسخريه وقال..اللي مش متربي اصلا عمره ما يعرف يربي
جوده رفع ايده هيضربو بس وقف في اخر لحظه وخالد قال بدموع اضرب..اضرب يا ابن ابويا مفضلش غير الضرب اللي معملتوش
جوده اتنهد وحاول يهدى وقال..خالد انا مش عايز اخسرك...متركبش دماغك وتضطرني اعاديك
خالد قال بغضب شديد.... ما انت عادتني خلاص يا جوده هتعمل ايه اكتر من انك خربت بيتي واخدت مراتي مني مراتي ونصيبي من الدنيا وبكل بساطه عايز تتجوزها كمان وتبقى قدامي ليل نهار عايز تاخد مني كل حقي فاضل ايه كمان
هنا بصلو بغضب ميتوصفش وقال..انا وانت عارفين كويس مين سارق حق مين...انت اكتر واحد عارف ان احكام حقي انا من الاول وانت اللي سرقتها مني
خالد بلع ريقه وغمض عنيه وهو بيفتكر غلطة عمره معاه وهو كمل وقال بغضب..ولا نسيت يا خالد..لو ناسي افكرك مين سرق التاني من الاول
احكام حب حياتي من اول ما كانت بتجري في الحاره بضفاير ..كانت كل حاجه حلوه بتمناها..كل ذنبي اني كنت اكبر منها شويه... ولاول مره اقصدك في حاجه قولتلك انت بتدرس معاها ومتعوده عليك كلمهالي حاول توصلها اني بحبها بدل ما بتعاملني اكني اخوها....فاكر يومها عملت ايه يا ابن ابويا
خالد نزل راسو في الارض بحرج وجوده قال بوجع ....حضنتني وطمنتني او بمعنى اصح نيمتني في العسل قولتلي اعتبرها مراتك...وفضلت طالع داخل معاها وكل ما اسألك تقولي كنا في سرتك كلمتها عنك...هانت ...شكلها بتفكر فيك ....وانا زي الحمار مصدقك وافرح واحلم انها بقت ليا....سافرت اجيب بضاعه شهر ارجع الاقيك خطبتها وحددت الفرح كمان
نوال كانت قاعده على الكنبه بتسمعهم بزهول وحسره كانت اول مره تسمع الكلام ده ونار جواها من مشاعر جوزها لواحده غيرها
خالد قال بحزن..متكلمتش ليه وقتها يا جوده..انا يومها اعتذرتلك وقولتلك اني حبيتها غصب عني وهيه كمان حبتني من غير ما تعرف حاجه عن اتفاقنا.. وقولتلك سامحني ولو مش قابل انا ممكن اسبها متكلمتش وقتها ليه..انت ساعتها قولتلي خلاص من انهارده هتعتبرها مرات اخوك وبس.. ليه كدبت عليا ورطتنا سوا ليييه
بص بعيد عنه وقال بالم وغضب....مكدبتش مكدبتش ابدا
ده اللي نويتو وحاولت كتير وفضلت احاول وكل ما اشوفكم سوا نار تقيد جوايا واستحمل لحد يوم فرحكم ...معرفتش اقف وسط الناس واشوفك بتاخدها ليك ...غيرت منك اوي مش بس غيرت وكرهتك كمان يا خالد..ايوه..ايوه كرهتك اخدتها مني انا اللي المفروض كنت ابقى بدالك كان المفروض تبات في حضني انا ..وهيه..هيه غلطت اكتر منك لاني قابلتها قبل كتب الكتاب وقولتلها تهرب معايا بس رفضت رفضت علشانك انتو الاتنين اخترتو تتهنو وانا اولع...وانا كمان دلوقت بختار نفسي بختار سعادتي حتى لو هتولعو كلكم انا مش هعيشلكم شمعه تتحرق علشانكم عمري كلو كفايه بقى
انا هتجوز احكام وععملها فرح وانتو الاتنين هتحضروه غصب عنكم والا انتو اكتر اتنين عارفين انا ممكن اعمل ايه
خالد قال بدموع ....انا بنسبالي مش عارف ومبقاش عندي حاجه اخاف عليها مش هحضر فرح حد
جوده قال بغضب... لا عندك اللي تخاف عليه يا خالد....عندك بنتك ولا مش عايزها هيه كمان
خالد بصلو بزهول وقال ...ايه..انت بتهددني ببنتي يا جوده
جوده حول ميبصلوش وقال ...احم اناا مش بهدد انا بنفذ وبس ...هتحضر الفرح انت وهيه مش بمزاجكم
نوال رفعت وشها ليه وابتسمت بسخريه وسط دموعها وهو اتنهد وقال..ده طلب احكام ولازم تحضرو
خالد بصلو بدهشه وقال..احكام...احكام عيزاني احضر فرحها
جوده قال.... اه...وتقدر تسألها
خالد ابتسم بسخريه وقال..وطلبت ايه تاني الست احكام يا ترى واضح من شكلك ان ده مش طلبها الاخير
جوده افتكر كلام احكام وطلبها ووووو
ياترى جوده ناوي على ايه وفعلا هيتكلم قدام كل الناس زي ما قال لاحكام..وتفتكرو احكام خلاص كده رضيت بمصيرها معاه مستنيه رأيكم في الاحداث
